天仁茗茶 (港鐵香港站)

营业中

休息中

🦄🦄🍴💄IFC 其實唔係美食沙漠其實都好多選擇嘅價錢親民嘅可以嚟到機鐵站呢一層🍵 都有好多選擇嘅我都鍾意食完飯過嚟買杯嘢飲啦 冇得去台灣都要感受下台灣奶茶文化 想買嘢飲啦就係揀咗我最愛就係 茉莉奶綠 清香可口嘅 茉莉茶配上 鮮奶 ☕☕ 好容易接受到同埋好好飲 不過美中不足嘅佢只係一間外賣點好少 同你解釋嘅茶呀或者係介紹下咁樣都係要自己揀呢要有陣時當唔敢試新嘢囉我都唔知佢新出咗啲乜嘢 所以呢其實係會冇乜新鮮感呢到係扣分點 其實間舖好大之前一直都要排隊所以我近放工時間來 唔需要等 好耐

呢間天仁茗茶位置喺香港站，旁邊係好出名嘅點心店。我叫咗杯香芋鮮奶綠$25，價錢合理味道都唔錯，香芋味夠突出，食得出一粒粒嘅香芋粒，鮮奶配搭綠茶夠順滑，位置咁方便下次可以再嚟飲。

平時都鍾意飲天仁茗茶，平日行過見到附近有都會行去買。但係呢間舖頭，雖然門面睇落清靜，但係原來做好多外賣生意。等起上嚟就算冇人都要大約30-45分鐘。雖然店員一早已經同我講要等，但係真係估唔到係要等佢整完包括喺我之後落單嘅外賣飲品，跟住仲要休息10分鐘，先會開始整我杯嘢飲。搞到我懷疑人生，唔知應該走定係繼續等。真係未試過咁後悔叫咗杯嘢飲！😅事後回想，其實可能佢同我講要等係暗示叫我唔好買，都係怪我入世未深，唔識人情世故。🥲

食完午飯，無所事事又來了天仁轉一圈，和其他同事一起點了四杯飲品。我們3人點珍珠奶茶，1人點檸檬紅茶。我喜歡這家因為它的玲珠夠多，也夠咬口。一整杯飲到尾都吃到珍珠，很合我這種珍珠愛好者。很喜歡星期五的優惠，如果下單飲品減少糖分的話，就可減兩蚊！雖然不多，但有這些小優惠的確討人歡心！而且他家的飲料也一向保持質素，價錢也10分公道，難怪我常常光顧！加上疫情期間，人龍少了，很快就拎到飲品，著實十分不錯！要多多支持。

Happy Friday 飲返杯天仁慰勞下辛苦咗一個星期既自己啦🥰 如果lunch hr去買，建議早少少去，如果唔係就等好耐，因為都幾多人😵🕐四季烏龍鮮奶茶💛☕️💲23今次叫左3分甜，平$2，不過就無得同會員卡優惠同時使用。鮮奶同烏龍茶好夾😜👍🏻👍🏻3分甜，甜度啱啱好🥰 烏龍茶冇比鮮奶味蓋過，反而茶味馥郁芳香，奶同茶嘅比例剛剛好值得一試！

每次去天仁茗茶都一定係要珍珠鮮奶綠，以前會飲珍珠鮮奶紅茶，但發覺有時會太甜，轉左飲鮮奶加綠茶之後就發覺呢個甜度先係最啱我，味道都相對清香啲，飲落精神啲。天仁茗茶嘅珍珠真係好彈牙好好味啊😚，好鍾意！而且間間鋪既服務態度都好好！

10月尾終於有d秋天嘅感覺啦！連飲珍珠奶茶覺得太凍...就試下飲熱奶茶啦！中環有間天仁茗茶，一間喺機鐵站，一間係扶手電梯底。天仁茗茶最出名就係913奶茶，熱嘅珍珠奶茶好似好奇怪，所以今次要左淨奶茶。不過熱奶茶嘅溫度唔係好夠熱，只可以叫微暖...但係味道一樣，奶味茶味濃郁！另外一點值得讚就係熱飲杯嘅設計，係相入邊見到熱飲杯野開口位係呈圓形，有別於一般熱飲杯嘅開口位，飲落完全唔刮口！一路行去碼頭搭天星小輪，一路吹住秋風，飲住奶茶望住香港嘅景色，都唔錯呀～

之前成日會飲因為佢啲珍珠係甜甜地好特別 所以每次都會揀少甜 連埋d珍珠一齊飲就岩岩好而且飲過幾間既水準都一樣唔會有太大既落差平時會飲珍珠鮮奶茶中意鮮奶既味多啲但就貴小小😆

有買一送一優惠就會全城都瘋狂。同時，亦都會有好好既同事用盡優惠，一齊享用天仁茗茶！！！原來，大家都一致認同香芋鮮奶綠係最正。小妹其實偏好加埋珍珠同布甸，不過過份邪惡喇，今日雖然做左gym，不過都係要節制啲啦。平時我其實會叫少甜甚至走甜，不過今日大家高興就無所謂啦。同埋佢個優惠要兩杯所有野一樣，都要其他人想走先得，會麻煩啲。一飲，哇，太耐無飲，唔記得係咁正。鮮奶好香啦，綠茶味就淡淡地既。重點係芋頭味好重，仲有啲芋粒，所以記得用粗飲管。不過真係太邪惡，飲左幾啖享受左就pass左俾其他同事！

天氣好又難得放假點都要出街行行，唔出中環唔知道原來係中環都開左間天仁茗茶👍🏻👍🏻 平時飲開都係公司附近，超正啊，原來中環都要一間，點都要叫杯飲野先走🤤飲開奶綠珍珠既我，今次又試新野啦，香芋珍珠奶茶，原本會以為好似其他香芋奶茶一樣係用粉沖既，點知原來真係一粒粒既芋頭肉，超正，連少冰少甜都可以自己選擇/

天仁茗茶新出左913黑糖珍珠奶茶、一直都手非常受歡迎！好幾次想買嘅時候、已經冇晒啦！最近咁啱匯豐信用卡做優惠，居然買一送一喎！本身已經好想試黑糖珍珠奶茶嘅我，當然要趁優惠嘅時候，去排隊買啦！今次終於喺香港站買到黑糖珍珠奶茶啦！不過正值中午時間、我都等左成40分鐘啊！因為我本身唔想飲太甜、所以我揀咗7分甜！呢杯黑糖珍珠奶茶，果然冇令人失望！加咗黑糖之後珍珠感覺更加香，亦唔會甜到漏！珍珠更加軟熟、不過我相信揀少冰/正常冰、味道會更加理想！

好難飲，完全冇茶味，勁多奶得少少茶仲要黑糖珍珠勁難食，一啲都唔彈唔Q，飲左3分1已經想dum 呢排真係覺得天仁茗茶質量越來越差，以前都覺得好好飲，而且經過見到都冇意欲飲

早上11:30 去到買嘢飲，order香芋珍珠鮮奶綠，冇珍珠，因為未煮好，冇鮮奶，因為冇貨，得脫脂奶，是但啦點杯芋頭脫脂奶綠飲下，三個人返工，搞咗一輪沖得好慢，睇下裡面兩位做緊咩，原來攞張枱燙衫，係平時沖嘢飲嘢張，唔該晒，btw 杯嘢淡如水，多謝26蚊一間賣珍珠奶茶嘅店鋪冇珍珠冇奶，員工態度差，次次都唔願做咁，其實每次去呢間鋪都係有啲嘢，有次去買珍珠鮮奶綠就變奶粉綠，係咪應該正視一下，話晒都上巿...

岩岩放lunch去買奶茶飲，禮拜六日因爲附近寫字樓放假所以都唔多人買，我去到落單時都冇人排緊隊，但因為成間鋪得2個staff所以我企左陣先有人理我。落完單之後後面仲有幾個客order,可能人手唔夠，沖野飲特別慢，等左好耐終於有野飲出，點知全部出晒俾排我後面果啲人先，幾杯都冇一杯係我！明明我嗌先，我果杯仲要冇加珍珠同其他野，理論上應該係最快搞掂，真係好嬲。我之後問佢點解仲未得佢先開始沖比我，但冇作任何回應。佢沖返比我之後就咁放係枱冇講野，唔好意思都冇句。大佬，平時呢間天仁已經唔好飲，有時仲好鬼難，係我呢度返工先冇其他選擇。仲要咁既飲服務質素，條氣好唔順！

I was a loyal customer of TenRen before I tried this shop. Waited for 20min at the queue to pay and another 30min for my drink. I always order the hot taro milk tea, the one they gave me was just slightly warmer than room temperature and the taro is basically non-existent. Basically put me off TenRen and I haven’t been ever since.