天仁茗茶 (淘大商場1期)

营业中

休息中

前幾日經過九龍灣淘大，見到果度間天仁茗茶居然唔多人排隊，於是就試下佢地既梳乎厘 班戟。我地兩個人share左一份，另外再叫多兩杯野飲。班戟都是即叫即做的，所以大約也要等15分鐘。pancake是厚厚的，配上一些奶茶醬加幾粒珍珠在面，吃下去味道幾特別。下次有機會會再嘗試另一口味。

下午到左淘大的天仁茗茶，本身想喝黑糖珍珠鮮奶茶，之前係分店飲過，覺得味道幾好！！！但始終做完運動，唔想又浪費努力，所以都係叫左913茶王這一間天仁有別於其他分店，因為佢有提供梳乎里pancake！！今次冇叫，下次食再分享本身見到牌有三文治賣，但店員說停售了叫了無糖 +$4珍珠，個人覺得一黎可以喝到茶的味道，二黎本身珍珠也有甜度，其實剛剛好！本身$18,加珍珠$4，共($18+$4=$22)，價錢不貴。

平時都好少買珍珠奶茶黎飲，因為覺得呢d飲品唔健康。今日嚟咗淘大商場行街，比我見到呢間天仁茗茶。呢間天仁非常大間，佢可以話分為左3邊。一邊擺放及售賣茶葉等的產品，另一邊售賣台式飲品和雪糕，仲有到邊就是給顧客坐的座位。無諗過而家連天仁茗茶都有埋座位俾人享用，咁岩一個人休息想chill 下，所以買咗杯珍珠鮮奶綠。珍珠鮮奶綠（無糖、少冰）$23叫左無糖之後，飲既時候淡淡既綠茶味同鮮奶味都好香，只係珍珠相對地較硬。雖然叫了少冰，但冰塊既數量都好多

這兩天忽然又熱起來，又有吃甜品的藉口👅之前買過天仁茗茶的鐵觀音曲奇餅（$12/2pcs)，結果實在太驚喜了，茶味超級香濃甘澀，大推😍（還有抺茶味 但個人覺得鐵觀音味較出色）所以一直也想試試其他茶味甜品，話說他們前陣子出了便利店版杯裝雪糕，小小一杯居然索價$30 omg太過分了吧相對之下天仁分店現造的soft-served就抵食100倍！圖中👇🏻👇🏻👇🏻鐵觀音霜淇淋（$23）擠滿整個cone的別說不大杯😏上面插着那條是麵包脆條，鹹鹹硬硬的，配霜淇淋有點九唔搭八，但挺好吃我喜歡😂好回到主角霜淇淋啦，入口冰感很重，不是很奶很creamy那種，清爽得來不失順滑，亦沒有M記軟雪糕那麼易溶。味道方面鐵觀音味濃郁，還有明顯回甘！茶味夠清香自然，更重要是不甜，不過甘澀指數就不及曲奇那麼神級😂絕對沒有坊間茶味甜品嗆人的甜膩感，果然天仁出品就是不會令人失望～絕對是茶味甜品的方便親民又高質之選🍵我真的挺喜歡，會encore，不知道阿薩姆味值不值得試呢？😝

天仁茗茶係我最鐘意既奶茶品牌，今日行過九龍灣，見到呢間天仁茗茶不單有舒適的沙發椅，還有新出的，很受女孩歡迎的，打卡必備的梳乎厘班戟，決定試一試。天仁茗茶淘大店備有開放式座位和幾張小圓枱，吸引不少學生在温習做功課(又是土地問題？)，我們來到時剛好有座位，只是桌上全是擦膠碎，有點污穢，除了這點，其他都可以。913茶王梳乎厘班戟等了大概20分鐘左右，等到頸也長，好彩多點了一杯913奶茶，一邊談天一邊等待，否則會悶死。終於，經過苦苦等待，主角登場，第一次食梳乎厘班戟，感覺十分空氣感，蛋味十分香濃！大愛！熱辣辣的班戟，配上冰凍的913奶茶cream，意外地十分配合，味道有點似伯爵茶味，但配珍珠就有點奇怪，不過整體覺得還不錯，可以一試。

食完個913茶王梳乎厘pancake唔可以話唔好食, 因為味道係唔錯又唔太甜好岩我胃口! 係唔明點解中間會濕濕地似未熟透咁! 問過店員話佢地既梳乎厘pancakes係咁, 不過店員都好好禮貌話換過比我, 不過我差不多食左一半只係想了解下, 所以就唔要了! 同埋店員話下次可要求焗熟d唔知係咪會好d呢

天仁茗茶啲珍珠奶茶就飲得多，pancake你又試過未？ 本身都幾係fans既我(因為得佢先有既913茶王) 終於都試到個由913茶王整既Pancake!!😍講真個pancake係有少少surprise到我。熱辣辣整出黎係幾鬆軟(自己本身鐘意食冧野😋)配埋啲有陣913茶王味類似奶蓋既東東，第一啖真係會有一種小幸福既感覺😭❤️(我知我有少少誇張) 珍珠方面，本身我係好有要求!!只係鐘意食煲得啱啱好，唔會過硬過軟，好「煙韌」先得😎今次就食到，所以幸福既感覺又再次來襲😭❤️(不過食唔食到咁「煙韌」應該要睇彩數) 士多啤梨就不過不失，我覺得不是重點😂如果你同我一樣係913既super fans，真係要去試下。 溫馨提示: 因為係即整，所以都等左15分鐘+

天仁茗茶喺淘大開新鋪出新茶，913茶王加埋時下大熱嘅黑糖珍珠，聽到個名都心動不已🤤🤤🤤☕️ 913茶王即係烏龍茶，茶味好甘醇，係天仁嘅王牌產品👑🍡珍珠一如既往煙韌彈牙，每一粒都裹住黑糖漿，滲出淡淡嘅黑糖香，而且冇想像中咁甜😛🥛 鮮奶方面雖然用明治鮮奶，但奶味唔算好重，可能係奶、茶同黑糖嘅比例拿捏得未夠好🤔整體嚟講係好飲嘅，但驚喜不大🙈🙈🙈價錢方面比起其他台式飲品店平，試下無妨😃

天仁茗茶聞名全香港，仲上埋巿真係無人唔識，係咪咁好飲見仁見智喇。最近食住個勢新推出埋梳夫厘🥞，係淘大分店開埋內食店，有得坐又有甜品食🍭，熊妹就緊係帶埋熊大黎chill 下🍽。淘大分店鋪位好大，點完餐或飲品🥤，對面就係屬於天仁的雅座，大家可自助出入有位就坐，食完飲完自己收拾垃圾，無人招呼的。梳夫厘有三款口味，一心黎試梳夫厘熊妹緊係揀天仁出名的913茶王🍵味道喇。即點即焗，廚房內雪糕🍦機，焗爐排爐雪櫃樣樣有齊，有板有眼👀喎。出爐喇，香噴噴的。913茶王梳夫厘班㦸，$42梳夫厘🥞有兩件，size唔算大，都算有點厚度，食落好軟綿，但都有口感的，唔似食緊風的，面頭淋上厚厚的913奶茶醬，仲有一堆天仁的珍珠，成件事真係好似食緊珍珠奶茶☕️，幾搞笑。至於伴碟有幾顆切粒的士多啤梨🍓，嘩，好酸好酸，完全同個班㦸好唔夾，熊妹認為完全可以唔加呢丁點的生果懶係加點裝飾顏色，珍珠根本唔夾水果。今次一趟九龍灣，食左🍔又食埋🥞，熊大滿足哂熊妹三個願望，熊妹唔洗再心掛掛嚕。

偶然發現到淘大既天仁茗茶推了梳乎厘馬上捉左男朋友陪我黎食🥞913茶王梳乎厘 $42可能會覺得好奇怪，天仁茗茶都出梳乎厘？但當你食完之後就會發覺一啲都唔奇怪，而且仲好好味！用上出名既913茶王做忌廉食落唔會好甜，而且口感綿綿，蛋香味頗重😍👍🏻空氣感同樣做得唔錯！好欣賞佢地既913茶王忌廉，融入梳乎厘有淡淡既茶香味。珍珠同草莓🍓我覺得都係多餘🙈 不過做點綴影相呃like都係個好既裝飾本身男朋友覺得$42好貴但食完之後.....竟然問我仲食唔食多個🤣因為係即叫即做，大概要等15-20分鐘啊❤️最後冇再encore好驚...介紹完之後會多左好多人去😂下次再去食其他味先！🙌🏻🙌🏻🙌🏻

朝早食咗個大早餐，都食晏唔係好肚餓，知道天仁開左間店有得坐又有pancake食，一點半去到，叫左913梳乎厘pancake 加冬瓜茶。pancake即叫即整等左20分鐘終於有得食，鍾意飲天仁嘅我，覺得pancake好濃有茶味，抵食！

在這個平日下午，經過看到不用排隊便站到收銀處準備購買喜歡的913茶王，看到店員剛在沖飲品便耐心等待，企左陣就發現兩名店員明明看到人了還故意說了幾句就去做其他工作，拿東西的拿東西，沖飲品的沖飲品，便忍不住問了是否有人可幫忙下單，結果被回覆了一句夾雜嫌惡眼神的「等等啦」，可能下單部份有指定的職員負責吧？但這樣的情況下很難叫我堅持要喝這一杯吧，就爬到樓下別的店去買了。天時暑熱，想買杯想喝的茶都這樣難。。。

行開九龍灣順路嚟試下913茶王梳乎厘班戟，等了15分鐘就有，入口第一啖香味就係珍珠奶茶香味，因為班戟上面有很多cream而這味道就是珍珠奶茶味，第二種香味就係蛋香味，而伴碟是士多啤梨和珍珠，珍珠很幼滑也好香珍珠奶茶味，班戟鬆軟度很軟滑好有空氣感，可惜切開後見到未完全凝固到梳乎厘感覺有點水狀態，如果再等多10秒8秒先上碟可能會做到完美，唯一問題就是這一點。總括嚟講似這個價錢算係唔錯，還有進步空間! ^ ^😃👍

天仁茗茶都係維持一般的standard ,913 茶王加珍珠係我最鍾意的。 熱飲係最好飲。雖然位置有d 偏僻，但人流唔算多， 服務員好快手，好飲過呢排常開嘅奇奇怪怪嘅細珍珠奶茶鋪。*

港女頭號甜品加港女頭號珍珠奶茶組合見到天仁茗茶出913茶玉Pancake，即刻要去試下！誰知換黎只有失望！入埋去滿心歡喜買完去counter擺低張單，睇住佢開始整，係雪櫃拎包打定左既pancake漿，心諗唔係幾妥，咁都等啦，15分鐘。一拮落去，流出黎，以為流心效果。一擺入口，粉黎既，大獲！拎返去反映，員工都好友善做多次比我。好！第二個15分鐘。點知再黎個樣漲過頭先，一食又係生既！無辦法之下都要去退錢，個員工竟然同我講梳乎厘pancake係咁。好啦，咁當我真係接受唔到，自問都食過好多唔同梳乎厘Pancake。