天仁茗茶 (淘大商場1期)

营业中

休息中

今日行過淘大天仁，見到有新出沙冰食，天氣熱熱地，於是唸住試下。芒果芋圓沙冰＄38 - 賣相都幾吸引！有三色芋圓，可惜唔太Ｑ彈，口感略硬沙冰芒果汁太淡，無芒果甜味芒果果肉酸到開眼沙冰口感略粗硬，不太細綿唯獨珍珠好食，口感煙靭。不過下次不會再食，完。

最中意天仁既茶飲 作為賣茶老店 超有茶味本身913奶茶 鮮奶同茶既balance經已好正而家配合埋梳乎厘 唔會太甜但好香 價錢亦唔貴 梳乎厘亦唔太泡又唔太實合乎中庸之道 乃為口痕之選

第一次品嚐天仁茗茶的pancake，是下午茶時段，沒有人在排隊，也足足等了30分鐘，但也沒有位子可以坐，因為位子早已俾補習老師同學生霸佔了真的很不爽，他們3人佔5人位呢企了30分鐘的pancake，說真的有點失望，厚度是有的，但有點過熟，不太「空氣感」，幸好有招牌珍珠搭配，令口感好吃一些！如果路徑也可以一試的

平日天仁茗茶的珍珠奶茶喝得多，但吃珍珠梳乎厘班戟就是第一次有別於過往嘗過的梳乎厘，天仁茗茶的班戟吃完了也沒有一種有負擔的感覺剛取到班戟就聞到濃濃的蛋香，班戟表面鋪上軟滑的忌廉忌廉帶有913茶王的茶香，旁邊附上珍珠和草莓，讓食客配搭品嚐配搭水果和珍珠，而非一般的巧克力等醬料讓人吃完也不會有罪惡感

913 黑糖珍珠鮮奶 (微糖)天仁茗茶的913是我的飛佛珍珠像糯米滋 一點不Q彈奶比茶多 沒有了913的茶香基本跟喝奶沒兩樣微糖這個甜度一點不甜 挺好的還是跟本沒放糖了?

天仁茗茶既珍珠奶茶好飲就係人都知 今次試一試佢個pancake睇下係咪都係咁出色先鋪頭好易搵 鋪面又大又係當眼位 淘大商場上一層就見到坐位都幾多 唯獨係再多既枱都有人坐住 有d人食緊外面買既野食 有d人甚至係道溫緊書 令到嗌咗pancake既人都只可以企係附近食今次嗌咗最Classic既913茶王梳乎厘班戟 同凍頂烏龍冷泡茶 冷泡茶係鋪頭既最左手邊 同要自己拎去收銀架 少d眼力都可能會miss咗收銀姐姐話pancake要等30分鐘 咁假日要等都好make sense 去附近行下先都差唔多就話okay可以等不過唔洗30分鐘就有得食嚕 大概等咗20分鐘溫馨提示大家野食同野飲係分開出既(一左一右) 等我仲傻下傻下咁係出野飲嗰邊等添 同埋要落足耳力聽 因為係冇顯示牌話你知你單number既pancake出咗興奮咁接過份pancake 1份有2大件pancake pancake都幾厚身 食落茶味都幾香 面頭淋上厚身既cream 配有天仁茗茶招牌珍珠同士多啤梨粒粒 4樣野好夾 唔錯

淘大天仁分店有位置可以坐，食物選擇亦多，但長期多人排隊，所以座位通常好full。新出pancake當然要試。913茶王梳芙厘：$42，這個價錢抵吃，梳芙厘偏厚身，但不會是實實得感覺，有茶味，一盒有2件。水果配料亦多，最喜歡表面的cream，想再多d，cream味濃郁。鐵觀音梳芙厘：比913多了一層鐵觀音粉末，茶味明顯與913不同。若喜歡濃茶味，可以選擇這個。黑糖珍珠鮮奶：hit佐好耐，天仁都出la。整體不過不失，珍珠入口是溫熱的，份量很多，黑糖味濃，珍珠偏軟。913茶王:有回甘味道，有點點甜味，正，價錢超值。芋頭鮮奶茶：我是常客，有粒粒芋頭，但份量不多，芋頭控表示想多芋頭。熱飲會偏甜，建議凍飲。洛神花茶：應該比較少人叫，整杯都是紅色的，味道酸，個人不喜歡。

其實在被迫換手提電話之前，我曾經在牛頭角「淘大商場」分店的台灣飲品店「天仁茗茶」裡面，購買試食過牛頭角分店「天仁茗茶」專賣，其他分店「天仁茗茶」都難以找到的版本「梳乎厘班㦸」甜品。可惜還是因為上手電話不爭氣，令我明明已經購買試食過「天仁茗茶」的「913茶王梳乎厘班㦸」，也要被迫再次在晚上，從西貢坐專綫小巴到九龍灣「德福廣場」，再徒步到達牛頭角「淘大商場」，重新幫襯「天仁茗茶」。這亦正正就是，我上次在鑽石山分店「天仁茗茶」食評末段裡面，反覆強調自己終於試食到，「天仁茗茶」廚房版本自家製「梳乎厘班㦸」甜品的實際情況。早在食評之前，我曾經嘗光顧過牛頭角「淘大」「天仁茗茶」，購買試食過他們製作的「913茶王梳乎厘班㦸」，牛頭角「淘大」分店的「天仁茗茶」有自己的餐飲區域。所以牛頭角「淘大」分店的「天仁茗茶」店舖面積，比其他一般分店的「天仁茗茶」稍為大一點點，只比油麻地分店的「天仁茗茶」小一點點而已。「淘大」「天仁茗茶」還配備不少餐檯餐櫈，方便光顧購買「天仁茗茶」飲品跟食品的食客，在「淘大商場」裡面即場堂食享用「梳乎厘班㦸」甜品。牛頭角分店「天仁茗茶」廚房製作的「梳乎厘班㦸」甜品，一共有四款口味供

食完午飯行行下商場，嗯～～～匯豐卡買一送一，好野，可以俾理由我飲天仁茗茶。剛好排隊的人唔多，就乘著呢個機會飲下先。我點咗香芋奶綠，淡淡芋香配於綠茶的清香，好清新，奶好滑，奶香味很濃又唔會搶了綠茶。細粒芋頭，可以增加特飲的口感。整體來說，天仁茗茶也創了茶香冰淇淋的甜品，讓傳統帶甘味的茶飲料，變化萬千，也令我們的餐單中多了很多選擇。店內佈置也保留茶館的典雅，太幸福了，希望它們研發更多口味的茶制品。讓無聊的茶葉，變化。

在天仁茗茶沒有食pancake, 反而叫了鐵觀音和綠茶mix埋的雪糕，$25，鐵觀音本身有甘甘地的茶味，綠茶都是苦苦的，合併了之後，食到的苦味都好似來自鐵觀音，它完全蓋過了綠茶的味道，雪糕本身都滑的，下次再叫的話，會分開叫兩種不同的味道，同埋今次雪糕姐姐無zi得咁高。

食完薩莉亞之後，俾曱甴嚇到我哋立即賣單走人，我哋就轉陣到另一個地方繼續傾計。近近地去淘大，醒起有間天仁茗茶係有得坐，不過平日經過都好多人無哂位。今日好彩一上去俾我哋嘅撞正有人啱啱走，就即刻衝過去。我哋叫咗一份士多啤梨疏乎里pancake，比平日日本嗰啲疏乎里pancake平好多只不過$42。佢仲標明用日本鹿兒島雞蛋同明治4.3特濃牛奶。除咗有士多啤梨味仲有913茶王、鐵觀音茶揀。職員話要等15分鐘左右，因為pancake好受歡迎，我見幾多人叫pancake，佢都要不停整。佢上面嗰啲cream非常之輕，唔係嗰種好傑嘅cream，質地係偏流質水啲，而且係好淺好淡嘅粉紅色，好天然，唔會勁色素，令到佢變到超粉紅色。食落去pancake好fluffy，開頭望落有啲珍珠好似好奇怪咁但係食落又幾夾喎！幾香蛋味，仲有啲士多啤梨粒一齊食，酸酸甜甜真係好食！係呢度食都好過去日本嗰啲pancake鋪又貴又冇咩特色。

913茶王梳乎厘班戟 $42.終於都食到天仁既梳乎厘班戟 之前裝修緊摸過門釘 今次特登見近期有post出過先至去.梳乎厘班戟熱係香港都吹左好一排 黎買班戟既人睇落唔多 佢有另一個pancake counter 寫話廿分鐘 其實落單個哥哥幫我check左都係話五分鐘ok .味道方面我覺得又幾唔錯下 本來上網見評價都有好有唔好 試完覺得913茶王口味既醬唔係淨係得個甜 而係有一定茶味 甜度都無over 配上份量唔少又一向高質既天仁珍珠 都可以係班戟口味之中既signature.班戟有話似水狀又確實係真 外表其實凝固到 內裡就唔係好實在 不過食落又唔差 有啲似食炒滑蛋既口感 比起雖然凝得夠實但係又乾踭踭果種整法多左份juicy 係易入口左 當然想追求日式完美空氣感唔使旨意用呢個價搵到.大家要記住呢間分店 好少天仁店有賣班戟 幾經濟實惠下 係無得輸既茶飲以外提供多少少選擇 過下口癮一流

Happy Friday落堂之後就緊係要成群結隊去食下甜品啦👭👭👭今日就去左九龍灣淘大間天仁茗茶食 913茶王梳乎厘班戟($42)，山長水遠都要去因為係淘大店獨有架！🤣🤤😛呢個班戟聲稱係用左鹿兒島雞蛋。當然我食唔出啦，但無可否認，真係好鬆軟，好重蛋味😆😆 931茶王既味道係隱藏係忌廉入面，所以個cream好甘香又唔會太甜，好正。🤤睇圖片以為個班戟上面有藍莓，原來係珍珠黎架😂😂 珍珠仲係一如以往既好好咬口，好煙韌😍😍一啖連住cream既班戟，一啖珍珠，多重口感，好幸福😆💓仲有士多啤梨做配襯，可以話係錦上添花😛🤤酸酸甜甜，又係另一種享受😛

終於試咗呢個珍珠奶茶pancake🥞叫咗913茶王疏乎厘pancake不過食落點解完全冇茶味嘅🤷🏻‍♀️🤷🏻‍♀️白色嗰pat cream得甜味，冇茶味🤦🏼‍♀️得啲珍珠令我聯想到珍珠奶茶Pancake係有空氣感嘅😌，不過可惜食唔到茶味，有啲失望😞

阿魚本來就很愛Pancake同天仁茗茶！所以今次一定要去試下！🥞見到淘大有間「新開」咗好幾個月ge天仁，重有得坐！當然要飛奔去食！🥞 🐟💬：「913茶王梳乎里Pancake」（$42）🥞 因為珍珠重煮緊，所以阿魚得到了特別版，紅豆加913茶王梳乎里Pancake🥞紅豆甜到掉牙....🥞不過913茶王CREAM好好食，梳乎里Pancake夠晒梳乎，好鬆軟，近乎cream同mosses之間，幾正 ~~~~🥞下次都想試另一個口味!!!!🥞🐟📝：8.5/10💕