天仁茗茶 (港鐵大埔墟站)

营业中

休息中

本身苦瓜都預期有啲苦，揀左思苦檸檬。一入口微苦，之後又有啲澀，飲完覺得人生又再苦澀啲… 好彩冇少甜，如果想清下熱氣就買黎飲啦，都吾係話吾好飲嘅，只係個人喜好問題。可能我小朋友口味，呢個試一次就夠啦，下次都係買返奶茶或果汁類啱口味啲。

喺新達廣場食完午餐，想飲杯珍奶，發覺原來新達無咩選擇，要落去大埔墟火車站先有。揀咗天仁茗茶，因為品質有保證，落幾多料幾多糖幾多冰幾多奶幾多水，我相信佢有佢把尺。叫咗一杯凍嘅珍珠鮮奶茶，揀咗五分甜，盛惠$29。味道：珍珠唔太甜，鮮奶味香，夠冰凍。唯一係茶唔夠濃味。另外，我仲見到有613黑糖珍珠鮮奶茶，唔知同913茶王有咩關係，或者有咩分別，下一次可以試吓。題外話，佢嘅飲筒仲用緊膠，唔知之後佢會變成點⋯⋯

叫咗少糖，竟然比咗多糖。宜家會有邊個叫多糖呀。冇腦做嘢，痴線。最慘係飲咗先發現。3點3，已經唔係peak hour, 都咁hea住做。離晒譜。唔會再幫襯。。。。。。。

端午節成33度 一出火車站就有天仁茗茶 即刻買杯飲 等左大概5分鐘就有得飲香橙綠茶係最消暑解渴之選橙同綠茶比例岩岩好 有橙味同綠茶香味 係用左鮮榨橙汁去整 味道好fresh

夏日炎炎，每個人手頭上都總有一杯飲品，大埔墟火車站呢間天仁都排滿左人買野飲！由於今日氣溫有成三十度，今次都想揀返杯fresh既飲品飲！於是我同朋友就決定share一杯香橙綠茶。叫之前其實好懷疑佢match唔match，不過太熱真係唔想飲奶，所以就試下佢啦。一拎到杯飲品，發現天仁轉左個杯，換上左膠杯，同橙汁個形象都幾夾。飲落去，整體都算好新鮮，感覺似係用左鮮橙，因為有種澀澀地既橙味，唔係好糖水個種假橙味。茶底夾左綠茶又係好fresh既，清清地，絕對係我既夏日之選。

今日搭完火車經過見到天仁茗茶，心血來潮好想飲珍珠奶茶，正當排隊嘅時候，見到買一送一嘅牌，就即刻問店員，是需要完全一模一樣，可惜我老公想飲凍野，但我又想飲熱飲。咁樣就用唔到買一送一嘅優惠。如果想用買一送一都唔係就咁出示信用卡就得，要喺Facebook Messager搜尋恒生信用卡要即時溝通，獲取優惠訊息，才可以使用，一聽到就覺得麻煩，所以唔想試。 飲品：凍香芋奶綠-我叫咗少甜，甜度啱啱好，個底好多香芋粒，最好攪混先至飲。熱珍珠鮮奶茶-叫咗微甜，好似冇咁好飲，唔通呢家冇咁好飲？服務：咁啱見到有個外籍人士，職員都會用英文介紹飲品，後尾顧客覺得比較甜，職員都會問想加多啲茶還是加多啲冰。服務態度良好，唔會覺得客人麻煩。

見係火車站咁方便，天氣又凍左，叫左個熱的抺茶拿鐵。 飲左一啖，同之前飲開天仁既同款完全唔同味，呢杯好水，冇抹茶味，感覺溝左好多水，甜度都一般，已經冇叫半糖，大感失望。

全香港各大連鎖台式飲品店的黑糖珍珠鮮奶，我都幾乎試過，唯獨天仁茗茶未有機會試，今日坐東鐵去大埔站，一落車就見到有一間天仁茗茶，而等候的人數又不多，便買杯野飲一飲。黑糖珍珠鮮奶似乎是新產品，枱面有一個牌仔宣傳，宣傳牌仔裡的黑糖珍珠鮮奶做得很靚，以天仁茗茶的品質，心諗應該出品不會差得去邊，便買了一杯試，但結果是失望的。首先，整杯野的黑糖味嚴重不足，如果盲測的話，可能以為係一杯普通的鮮奶珍珠奶茶，而鮮奶又不香，兩個重要的元素都做得不好，好在還買了一杯鮮果茶，水準還是依舊的。

第一篇食評就以我每次經過就會忍唔住想飲番杯嘅天仁茗茶開始。為咗健康著想，我最近都會盡量少飲珍珠奶茶，雖然每次都係叫微糖或者半糖，但係之前瘋狂再一個星期飲兩、三次真係太可怕點解咁忍唔到口，就係因為覺得(特別係呢天仁茗茶嘅) 珍珠奶茶好好味，茶味同奶味比例剛剛好，珍珠好有咬口。另外，服務又快，配套(膠袋、紙巾、飲管)自己serve 自己之餘，都十分充足。不過我真係太耐冇買，連佢加咗價都唔知 除咗珍珠奶茶之外，鍾意茶味更重一點的話，可以揀珍珠奶綠

天仁茗茶好受歡迎，間間分店都大排長龍， 大埔地鐵站呢一間分店，都唔例外。就算成日門口人山人海， 但落單比錢後，基本上等5至10分鐘內都ready。我同朋友比較鐘意飲「珍珠奶綠」（$19），少冰同埋微糖（三分糖），茶味特別香濃，加埋好有咬口嘅珍珠，完美！同埋店員除左好有效率之外，都幾貼心，雖然膠袋同飲管都放哂係側邊個主助corner，但係如果買得多（三杯飲料或以上），會主動問你要唔要袋，洗唔洗幫你pack，非常敬業，服務好好！

台式飲品喺香港可以話興左10幾年，由細細個嗰陣時幾乎獨市嘅「仙跡岩」，到而家香港處處都係嘅台式飲品，除咗珍珠奶茶，仲有水果花茶，甚至有更多更多有gimmick嘅台式飲品，有啲係杯水果花茶有多種顏色，造成漸變嘅效果；有啲係連珍珠都唔只得黑色，係有彩虹色；台式飲品嘅變化真係層出不窮啊！不過對於我嚟講，飲過咁多間台式飲品都係最鍾意「天仁茗茶」除咗佢最基本嘅珍珠奶茶（3分糖少冰）之外，我都好鍾意佢嘅香芋奶綠（3分糖少冰）♥️佢係有啲香芋蓉係入面，令到簡簡單單一杯奶綠都加上咗口感😋正！

收工去大埔探朋友，去到火車站轉小巴前！去買台式飲品外賣！火車站幾間小店！門面唔大，店內無座位，一個大櫃臺，綠色主色搶眼，叫咗兩杯飲品，攞票等叫號碼！睇住店員用榨汁機打好入杯！自取飲管（店員又提醒我攞粗飲管）冰山茶花紅茶（$16）微甜，茶味清爽唔澀！微甜仲飲到甜味！好味冰香芋奶綠（$23）微甜！朋友飲，佢話飲到芋頭質感！好味店員爽手，又幾細心，留意到我攞咗兩支都係幼飲管，提醒我香芋奶綠要粗身飲管先得！快手又好味