天仁茗茶 (V City)

营业中

休息中

今日放假準備返屋企，差唔多到門口嘅時候，小朋友打俾我話佢喺公園玩緊，叫我去V city嗰間天仁茗茶買兩杯洛神花茶加寒天落去公園比佢哋飲。其實我都唔知點解佢哋知道天仁茗茶有洛神花茶買，肥妹第一次飲洛神花茶係我喺台式火鍋任食嘅時候攞比佢飲，佢一飲完之後就話好正！最後我嗌咗7分甜少冰，再加寒天，出到嚟杯嘢都幾靚！我自己就唔會買來飲啦！但係我都想試吓佢哋嗰個茶味，所以就黐咗兩口嚟飲，飲完之後覺得都有少少似利賓納，酸酸甜甜，加埋寒天都幾有咬口！唔怪得知啲小朋友咁鍾意飲啦！其實價錢都唔算貴，一杯$26蘋果好多茶飲店喇已經！

最近天仁茗茶推出一田限定優惠，由11月26日至12月7日，購買鐵觀音及綠茶口味茶味蛋卷，享有優惠價$85/條及$158/2條。看到這個優惠後，立刻通知朋友一起買來分享，所以兩款口味都可以一試。鐵觀音蛋卷兩款口味，鐵觀音較特別，中間忌廉是入口即溶，綿密細緻的口感，回甘茶香的味道，外層蛋糕濕潤度適中，配合軟綿忌廉，讓人回味無窮，吃完第二日已經想再買，不過已經售罄。綠茶蛋卷綠茶的忌廉和蛋糕質感如同鐵觀音，只是茶味沒有那麼濃，值得一試。

VCity 有條食街之外，地下一田都有間天仁，行街行到口乾可以考慮買返杯😁今次叫咗913冬瓜茶＋珍珠，由落單到攞得，全程約5分鐘到，速度👍 飲品茶底好香，再加埋超過20粒珍珠，下午茶一流🙈🙈

天仁茗茶主要都係以茶葉為主，不是以糖為主，所以天仁茗茶嘅奶茶係比其他奶茶冇咁甜亦都健康啲，亦都有好多唔同嘅茶葉沖茶款去沖飲，我比較鍾意天仁茗茶嘅奶茶同埋佢嘅玫瑰花茶，佢可以做埋關於你嘅身體健康嘅奶茶係一個非常值得飲既奶茶

本身諗住買杯普通雪糕過下口癮, 喺排隊等比錢果時留意到「奇脆杯」個poster, 抵受唔住好奇於是買左杯「綠茶味奇脆杯」試下味道! 其實天仁雪糕一向都茶味夠重兼口感順滑, 今日呢杯除左雪糕本身口感軟滑之外, 中間仲夾雜左栗米片、原味+綠茶穀物麥片, 食食下軟雪糕又咬下乾糧, 口感都幾特別下次經過試埋鐵觀音味奇脆杯先

雖然黑糖珍珠奶茶愈來愈多人鍾意飲，但我個人都係比較喜對清新茶味嘅台式飲品。天仁茗茶嘅珍珠鮮奶綠，係清新之選。如果怕太甜太凍，可以好似我咁，要微甜（30%糖），加去冰。

發現屋企附近有間天仁茗茶，原本一心念住想飲913茶王珍珠奶茶，但發現佢又有鐵音茶雪糕賣，未試過好想試下就叫了一支。嘩，原來都幾大支，雪糕仲唧得好靚添。食落口茶味好濃又好冰涼，雖然無其他雪糕咁Cream，並帶少少冰粒感覺，但絕無影響雪糕的味道和口感，係少數以茶做主題又好好味的雪糕。

天仁係我的最愛，夏日熱辣辣飲返杯就最岩。雖然我最愛既飲品係珍珠鮮奶綠，但有時太熱，飲奶既唔解渴，又滯，所以夏天我通常會揀飲下果茶。天仁既果茶都做得幾出色，我最鐘意就係葡萄柚綠茶！柚子汁好酸好爽好開胃，特別係我叫左微糖，特別酸。鐘意飲酸野既朋友一定會鐘意，但我朋友唔受得就覺得太酸。配綠茶底好清，淡淡茶味好清新！

每次去開V CITY行街或食嘢，都會去一田超市裡面嘅天仁茗茶，買返杯至愛嘅半糖鮮奶玉露加珍珠。咩係玉露？根據天仁茗茶嘅玉露茶包包裝說明：玉露是日本最高級的綠茶，來自靜岡，以特別的〝覆下栽培〞方式，從新芽萌發到採摘，均以薄紗覆蓋，其茶湯色翠如玉，清澈晶瑩，香氣優雅如高山空氣的清新，入口溫潤滑順，甘甜無比。就係因為鍾意玉露嘅特別茶香，同埋口感順滑每次必點，係我嘅至愛。由於這種茶沖泡方式都比較特別，所以每天供應都有限，特別矜貴。至於〝覆下栽培〞又係咩呢？原來玉露綠茶嘅栽培有別於一般綠茶，栽培須加特別管理，在採收前以搭棚覆蓋，降低照射光度。而製造方法亦迥異於一般綠茶，採摘新芽茶葉之後，經過乾燥及揉捻的過程，就可以製作出玉露綠茶。沖泡方式又有咩特別咩呢?玉露茶的特色是低溫沖泡，色澤翠綠，味甘，有香氣。而水溫過高則會令茶質產生澀味。原來玉露含有大量的兒茶酚，丹靈酸，具有很好的美肌效果。

冰檸檬紅這天我去到屯門vcity買了個包吃,然後有點口喝,於是去了屯門vcity地下喝冰檸檬紅,大約等了6分鐘左右,當第一下拿上冰檸檬紅的感覺包裝很有聖誔氣氛,而冰檸檬紅是用打氣泡的形式注進去,少甜但還是有點甜,可能如果落足下去的話更甜,酸性比較高,而紅茶份量剛剛好!!!萬一有火可以在vcity的滅火筒拿去噴!!!

在星期六這天放工後就去買一杯雪糕吃,名叫鐵觀音霜淇淋紙杯雪糕,裡面的雪糕茶粉是特濃的,味道也不錯,吃下去還有一種很有回憶的味道,雖然是企在門口吃,但這樣的環境及價錢也不差!!!

天仁茗茶嘅洛神冰茶酸酸甜甜好開胃 我平時會鍾意小冰咁個杯洛神冰茶就算擺得耐都就唔會淡晒 如果唔係好頂得順太酸嘅話可以叫多甜 呢間天仁茗茶唔使排好耐隊 店員服務都好好 所以通常經過都會買

最近天仁茗茶有優惠，買第二杯有半價，所以同朋友一人一杯珍珠奶茶，少甜少冰。最欣賞天仁茗茶既奶茶唔會比d奶蓋過曬d茶味，茶味夠濃，加埋d珍珠好夠咬口，二十蚊黎講抵飲過其他店

去vcity行街，最中意就係買翻杯天仁茗茶，一邊行，一邊飲。平日5-6點呢d鐘數通常都無咁多人排隊！今次例牌叫左913茶王奶茶加珍珠，我嗌左半甜少冰，因為本身茶味濃，我覺得半甜已經夠味。913茶王真係無得輸！星期六目呢間鋪經常排長龍，所以平日飲就最慳時間了！

成日都黎飲珍珠鮮奶茶黑糖熱潮咁勁今次決定試下新野 叫左杯黑糖珍珠鮮奶茶😛😛珍珠煙un 但個人認為黑糖味可以再重d🤨🤨唔係好飲到黑糖味🤣🤣下次再試其他！！