天仁茗茶 (軒尼詩道)

营业中

休息中

好失望，買熱奶茶結果是常溫走冰真好難飲，店員話因鮮奶係凍所以正常係咁，咁你一係話無得做熱一係話只走冰，我跟menu要杯熱就expect至少都係暖，好耐無係香港買台奶，再一次失望公司training嚴重不足，對產品menu設計也不夠，一杯30度的奶茶應該無人會想飲，我接受只賣凍飲或不用鮮奶的奶茶，但至少我點餐時要說明會變成咁，其實不是熱的應該違反商品說明條例？講真以後應該不會輕易再買了，選擇都有好多

呢個星期日我哋一行幾日呢就去動漫展玩吓，咁樣入場之前呢梗係整返杯手搖飲品先啦，依家天氣咁熱成35 36度。咁我哋喺灣仔地鐵站一出呢就見到呢一間天仁茗茶啦，咁我之前飲過佢哋嘅鮮橙綠茶呢都好正嘅，今次佢有一隻係熱情果鮮橙綠茶咁就諗住試一試啦。不過唔知係咪叫咗少甜嘅關係，所以好似水咁淡而無味，一啲橙汁味都飲唔到。因為加上以前飲過鮮橙綠茶就算少甜都係好有橙味嘅，所以就去咗叫店員睇一睇係咪出錯，跟住佢就重新沖一杯俾我。重新沖完之後味道就非常之好飲啦！同埋橙味都好出，熱情果都好好味道，所以如果下次你哋飲到一啲唔係好同以前味道一樣嘅話呢就即管叫店員沖過一杯，可能有時忙中有錯啫。店員服務都非常之好，一見我話唔太滿意就馬上重新幫我調校過一杯。

今日係國際珍珠奶茶日，呢一間天仁茗茶都做咗兩個唔同嘅優惠，包括有兩款奶茶可以減$5，所以我都即刻去試吓，條隊都好長，排隊都要起碼20分鐘，不過好彩大概之後5分鐘都拎到，我就叫咗一杯913珍珠奶茶，味道方便都幾好飲，珍珠煙韌韌幾好食，配埋奶茶嘅話都非常夾，亦都飲到913本身佢嗰隻茶底嘅香，味道唔會話好假，我同朋友都非常鍾意，呢一間珍珠奶茶位於灣仔站對面，位置嚟講都非常方便，有機會會再返嚟幫襯，真係唔錯！

店鋪：天仁茗茶地點：灣仔軒尼詩道151號地舖菜式：台式手搖飲品店餐牌：基本上都係茶香芋奶綠 中 $26香芋奶綠有好多芋頭蓉，啖啖都有芋頭蓉，飲落奶味十足，而帶淡淡綠茶味，好飲好飲。我叫左少甜同正常冰，大概有十粒冰左右，夠凍。第一次試天仁茗茶既飲品，呢杯香芋奶綠都幾好呀！呢款香芋奶綠我會推介！星期六下午唔洗等，得我一個客。快速上飲品，店員仲特登提我去隔離拎飲管。服務態度良好。可惜呢一間分店無雪糕食。

喺隔離鋪買完人氣麻糬，仲可以過嚟隔離，依家天仁買手搖。今次買咗杯鮮榨水果綠茶，店員都沖得幾快。飲落都幾有鮮榨嘅質感，今次叫咗少甜，下次應該可以再減甜度。大熱天時，真係忍唔住要買杯手搖！

天仁茗茶都飲左咁多年， 都未些過有一間係唔好飲我同朋友叫左兩杯高纖水果茶， 一杯無糖一杯微糖。我平時都好少叫少甜， 見朋友咁健康我又想健康下。一飲第一啖， 哇！兩杯甜到好似飲緊糖水。要形容既話個味係全糖既兩倍甜！ 仲甜過係係台灣飲個啲手搖珍珠奶茶。咁我地落番去鋪頭換啦，店員話因為呢個飲品要落蜜糖。 但真係似係直接似糖水咁。咁佢都好好咁肯再沖過比我地既但我只能話第二杯唔係第一杯咁甜， 但都飲落似全糖既x1.1 囉。呢間天仁茗茶大家真係唔好再浪費金錢了（甜到要上黎寫第一篇既食評）

今日同事Lunch同我一齊去天仁，我不嬲只叫珍珠奶茶就OK，我同事勁力推介叫我試下，用913用茶底加珍珠既珍珠奶茶，今次就跟佢試，叫杯同佢一樣既，飲完我覺得茶底好重要，覺得茶味香又濃。我下次會再叫913底啦。

作為天仁茗茶成個餐單上面一杯比較貴嘅嘢飲，今天便抱住一個期待嘅心情去嘗試。今次選擇嘅甜度同兵度係3分甜以及係少冰，因為以往天仁茗茶嘅水果茶味道都係偏甜，諗住今次嗌微糖就一定唔會走雞，寧願偏淡都唔想偏甜，誰不知呢一杯3分甜嘅水果茶同我平時喺出喺出邊飲開嘅全糖水果茶係一模一樣的，我唔知道係個職員忘記咗幫我小糖定係佢真係咁甜，推介各位下次都係飲無糖比較好。成杯嘢飲最主要可以飲到嘅味道都係抹茶粉同埋橙汁其實個口感同橙綠差唔多，所以下次都係直接買返橙綠就算😆

岩岩去左e間分店用左29蚊買左杯飲兩啖就掉左既垃圾我叫左一杯25蚊既913鮮奶茶再加左4蚊珍珠俾錢個陣講左要半糖少冰佢出單都有打到係半糖少冰嫁等左幾分鐘叫我no.攞野飲喇一睇已經唔對路勁多冰我個陣講緊電話心諗算啦最多飲快啲等啲冰融左唔會溝淡杯野攞左飲管之後就走左落左地鐵站先飲第一啖心諗oh sh*t咁樣係半糖？甜到我覺得我會即刻有糖尿病呀陣甜味蓋過曬所有味道奶味飲唔到茶味飲唔到我想飲既係奶茶呀唔係糖水呀😱😱😱飲多兩啖就頂唔順dum左好失望呀913奶茶係我愛上天仁既原因但今次難飲到我怕怕29蚊就咁倒左落垃圾桶沖野飲個位可唔可以睇清楚杯野既要求係咩？今次真係好失望好失望

天仁茗茶的買一送一活動都比較頻密差不多每一個月有兩次的快閃每次都是與那兩間銀行合作的可能喝得太多特飲, 已經厭倦了加上夏夏的天氣現在我只會買雪糕本來想買最傳統的新地筒但看到宣傳刊物和周遭光顧的人都買了奇脆杯好奇的心又發作了, 心郁郁的要試新東西鐵觀音奇脆杯入面有鐵觀音味雪糕, 巧克力穀物麥片,原味穀物麥片及巧克力栗米片另外, 有御選綠茶味的, 可惜這間分店沒有這種味道與傳統的新地筒比較一定是傳統的比較好吃始終新不如舊雖然配料麥片及栗米片的確非常之多但這些配料太硬, 又沒有什麼味道反而令到雪糕的份量少了

天仁茗茶唔使多講大把粉絲，老實講咁多間茶底我都係最中意呢間，珍珠最好味既都係間，夠林又有味，不過今次重點唔係講野飲，係講雪糕鐵觀音味奇趣杯大家都可能有試過普通鐵觀音甜筒啦，個雪糕茶味都夠既甜度又適中，食完唔會有種好肥既感覺呢杯奇趣杯主要入面底層同中層都加阻脆脆(營養穀麥早餐d fd), 面頭就朱古力味粟米片啦，口感豐富，啖啖都食到脆脆佢另外仲有綠茶味奇趣杯既，我就覺得個綠茶味雪糕普通阻d, 同埋面頭d脆脆冇鐵觀音果d咁好食特別鳴謝灣仔店既員工係整得有心機過其他分店既，行開灣仔又唔多人排隊果陣不妨試下，$30杯我覺得ok既，都食過好幾次

台灣飲品，除了珍珠奶茶這類手搖杯飲品外，便是想起創始於1953年的「天仁茗茶」，2012年在銅鑼灣開設首間「天仁茗茶」後，到今時今日已經有40+分店，可形容為「風生水起」。於「天仁茗茶」，下單時可向店員提出︰甜度要求(正常甜、少糖、半糖、微糖、無糖)冰度(標準冰、少冰、去冰、常溫)加料+$4(珍珠、仙草、蜂蜜)但最終都是點了regular的經典原茶系列-洛神冰茶($18)，因為我認為先要感受「天仁茗茶」regular的風味，才可以加上自己的個人喜好而調整，這也算是一種尊重吧！這款洛神冰茶給我的感覺是冰涼、解渴、健康，因為洛神花有清血管、防癌、降血脂等多重功效。而口味上更是酸酸甜甜的，非常開胃易入口，相信regular的口味對我來說已是剛剛好！

橙茶平少比較少人叫，但係絕對不比天仁嘅其他我平時通常飲931加珍珠，今日見天氣熱，叫咗杯橙茶試下。原來佢地嘅橙茶絕不比其他茶款茶遜色，用新鮮橙汁加綠茶，我再加咗珍珠，有淡淡香橙名，又有珍珠食，感覺好fresh, 係星期一嘅必選。

相信好多女仔對於甜野都無抵抗力，特別係奶茶，係炎熱既夏天，係行左好耐街既時候，真係想飲到醉。奶茶飲得多，但認可既唔多，呢間係我一個fd極力推介既奶茶鋪，亦是佢會反轉頭整日飲既鋪。平時邊度開左新既奶茶鋪，佢仲會知。所以心念應該都唔差。飲完果然唔錯。我呢杯係:珍珠鮮奶綠茶。最中意D大大粒既珍珠係攞紅糖煮過。所以甜甜D。無味真係好怪。鮮奶感覺比奶粉健康。而呢杯野最正係有鮮奶味得黎又有淡淡既綠茶味。正!!

鐵觀音雪糕 （6/10分）天氣回暖左 果日經過天仁茗茶見到佢電視螢幕上sell緊鐵觀音口味的雪糕便即興入店order了這個茶味雪糕下單後，收銀店員隨即轉身幫我從雪糕機弄了這個雪糕給我。值得一讚的是店員的手勢很好，唧得又高又靚，不會東歪西倒！首先，定價方面為$23，雖然比起快餐店等的軟雪糕定價稍高，但考慮到佢有加入茶葉以及它的份量來看，其實價錢亦十分合理。味道方面，茶味十分香濃，食多了也不會感到膩。我想這就是茶味口味的吸引之處而雪糕筒的脆度也是正正常常。唯一挑剔的地方係它的口感，它入口的時候水感比較重，相對比較易溶化，少了一種香滑的感覺，不知道是材料比例問題還只是分店的問題就讓我下次再到其他分店嘗嘗再一探究竟！