天仁茗茶 (軒尼詩道)

营业中

休息中

呢个星期日我哋一行几日呢就去动漫展玩吓，咁样入场之前呢梗系整返杯手摇饮品先啦，依家天气咁热成35 36度。咁我哋喺湾仔地铁站一出呢就见到呢一间天仁茗茶啦，咁我之前饮过佢哋嘅鲜橙绿茶呢都好正嘅，今次佢有一只系热情果鲜橙绿茶咁就谂住试一试啦。不过唔知系咪叫咗少甜嘅关系，所以好似水咁淡而无味，一啲橙汁味都饮唔到。因为加上以前饮过鲜橙绿茶就算少甜都系好有橙味嘅，所以就去咗叫店员睇一睇系咪出错，跟住佢就重新冲一杯俾我。重新冲完之后味道就非常之好饮啦！同埋橙味都好出，热情果都好好味道，所以如果下次你哋饮到一啲唔系好同以前味道一样嘅话呢就即管叫店员冲过一杯，可能有时忙中有错啫。店员服务都非常之好，一见我话唔太满意就马上重新帮我调校过一杯。