天仁茗茶 (粉嶺中心)

营业中

休息中

咁啱口渴，行過又見到佢有PayMe減$5優惠券，就叫咗兩杯飲下。除咗飲開嘅913奶茶之外，仲叫咗杯香橙綠茶試試。一開始聽到呢個配搭都擔心會唔會味道唔係好夾，但飲落就覺得幾清新。橙味唔會好酸，而且茶味都唔會俾橙汁味遮咗，夏天飲嘅話應該都幾清爽，消暑一流🤣

大熱天時又唔想飲珍珠奶茶金肥仔所以就叫左一杯高纖水果綠茶之前一直都有飲開架啦加上珍珠奶茶卡路里熱量都好高所以如果要搵健康之選的話一杯高纖水果綠茶就係最明智佢入面用左綠茶粉加綠茶今次選擇左七分糖分 加上少少酸絕對夏天解暑飲品而且等嘅時間唔多店員好快就沖調好一杯喇邊行邊飲, 一杯涼飲一定可以為你降温

最近想養生啲，就諗住買原茶類飲下，叫咗洛神冰茶然後半糖，點知好鬼酸！！酸到飲咗半杯就飲唔到落去。。。好後悔！早知嗌全糖，不過都有聽人講話如果想再甜啲就加蜂蜜，好似都係一個唔錯嘅選擇！

早兩日見到中電有個 email 通知可以用積分換禮品，於是就換了杯天仁名茶的珍珠奶茶。平時只會叫普通的珍珠奶茶飲，今次呢杯係貴啲嘅913黑糖珍珠鮮奶茶，個店員整好杯茶俾我嘅時候係上凍下熱的，佢個杯又唔可以倒轉 搖勻佢，咁維有慢慢用支飲管攪勻佢啦，終於攪到杯茶下面果啲都凍，一啖飲入口，啲珍珠都係熱同淋的，於是放了一陣再攪過佢等啲珍珠都凍埋，先飲到彈牙的珍珠，但係完全冇茶味，如果要自己俾30蚊買杯咁嘅嘢，真係會 揼心口

見好耐冇飲過珍奶，咁岩行街經過就買！係到叫左杯珍珠奶茶（$20） ，少冰，7分甜。但出到黎都係好甜！ 唔覺有少甜到！珍珠仲有少少硬，要咀嚼好耐先食到，感到有點失望啊！

大伏黎 本身期望唔太高 但好奇下想同鹿角巷個D比較下 但佢一D黑糖味都冇 一堆泡係上面唔知想點 顏色賣相都唔討好 似飲奶水加珍珠多過黑糖珍珠鮮奶 大家要飲都係唔好貪方便就腳又唔洗排隊而去天仁買 伏呀！

2018年6月24日，下午3時我買左一杯凍奶綠（少冰），凍珍珠奶綠（少冰），震要膠袋我行開攞第二間外賣，返到黎攞返2杯茶。問職員（短髮女）：「枱面呢個係唔係幾多幾多號？」佢叫我自己睇（號碼向鋪內，2杯野係膠袋入面）。我又唔知袋入面既係唔係我既茶，摷人地野又唔好。咁佢打開個袋再搵一搵黎睇先睇到個號碼。然後話：「呢個咪幾多幾多號囉！」然後我攞起之後佢話我「而家d人唔識字又唔識number」大佬請d咁既人味道尚可，唔算滑，無幼飲管

返工留粉嶺工作，中午去呢個商場食完午餐，呢個商場最近開了幾間新食店，午餐再去對面呢間連鎖台式飲料店買飲品，在商場出入口嘅外賣店，人來人往可以等嘅位置不多！亮麗嘅白綠色！先去櫃臺落單，再攞票等叫號碼，睇住店員一張張單做，好快出到，不過佢用台腔叫出完全唔明白嘅號碼（我連係唔係我嗰個號碼都聽唔出）係要睇杯上面嘅貼紙先知我嗰杯做好！鮮榨果汁綠茶（$31）白色紙杯，叫了微甜，水果味清爽酸味唔假，酸味強飲唔出綠茶味，不過我都喜歡呢種清爽開胃，夏天消暑消膩不錯！好味！落單店員爽手，整茶嘅女店員就慢慢一杯杯整！流程乾淨利落！幾好！果味飲料消暑！