天后甜品 (已結業)

做完gym 想食燉蛋補吓，發覺「甜姨姨」無，見到呢間「天后甜品」（新舖）有賣，諗住試吓啦﹗於是叫左個熱嘅鮮奶燉蛋，錢佢就即時收左，但一等就等左25分鐘，追單之下，終於有得食。一食落口，有奶香，但有點不對勁，雖然是熱的，但有雪味，心想……會不會是把雪過的燉蛋翻熱呢﹗不過算啦﹗我都唔係咁高要求，唔太差都算。話口未完，食多幾啖，發覺燉蛋的中間是涷的，不是室溫那種涷，而是有雪氣的那種涷﹗心想……這種天氣，細菌易生，吃這種翻熱不夠的食物，很容易出事。於是叫來阿姐，向她反映一下……我跟她說，個燉蛋外熱內涷，翻熱不夠。誰知她竟然一D 唔好意思都冇，亦都無表示會點處理，只係推卸責任，話「係咁嫁﹗間間甜品店都係咁做，做定雪起，有客要時才翻熱。」我同佢講，我係第二度食，人地係即時熱騰騰攞出來。佢依然狡辯人哋都係咁做，我就舉出「義順」做例子，佢跟住轉口話「人地去得快嘛，可以咁做」。我同阿姐講，「我唔係要麻煩你，只係想你哋注意一下，咁樣食物很容易出事，其他客人食左都唔好。」誰知她推說他們的食物不會有問題，最後她雖然說會同廚房反映一下，但見我影相又拍video，跟住粒聲唔出，黑面走左去……呢吓勁﹗其實我嘅重點並

12月30日, 大除夕嘅前夕, 加上附近維園又有工展會, 所以晚上嘅天后甜品舖頭真係唔愁冇生意~ 喺間間甜品舖都迫爆嘅情況下, 我地嚟咗試呢間平時唔會考慮所以未食過嘅天后甜品~ 舖入面只有好少位, d多人到坐晒係擺街嘅枱, 我地竟然等到坐室內, 佢地俾咗一個好窄嘅2人單邊對正廚房位, 實在有點迫…::: 黑朱古力雪花冰 ::: $35雪花冰其實都係用機整出嚟, 所以都好難唔好食. 份量其實都夠, 但係到最後都只係食到冰, 一入口就溶咗. 黑朱古力味道都幾濃, 都名副其實係黑朱古力. 底下有香蕉, 但係就唔算好新鮮. ::: 榴槤椰果冰 ::: $40佢個榴槤冰份量其實都唔少, 除咗滑溜嘅榴槤沙冰之外仲有新鮮嘅榴槤肉~ 未入口已經聞到好大陣味! 食落味道都幾濃郁, 不過就好似甜咗d… 可能落得太多糖. 椰果同榴槤基本上唔係太夾, 可有可無. 最不滿係明明話晒都堂食但佢都比個外賣塑膠兜比我, 一來唔環保二來感覺都求其d... 其實呢d甜品都已經唔係好考功夫, 只求生果新鮮, 加埋店舖環境同服務質素去定高低. 但係呢間就可以話係附近咁多間之中比較差, 座位迫陜已經唔在講, 連服務都冇… 同人

街完花市, 食完飯, 又仲有少少未飽, 所以想食碗糖水... 剛剛依間有 4 個位, 就坐底左啦...因為花市散水位置關係, 食客太多, 服務等於 "0" 了, 算啦, 想食啖甜野...其實本來想叫一碗豆腐花 $16, 但伙記話普通豆腐花冇啦, 一係要有生果既 $2X, 一係就要即撞豆腐花 $30, 咩邏輯 冇豆花, 但就有生果豆腐花 咁冇白飯會唔會=有叉燒飯 算啦, 你想收多幾蚊, 我明既, 講大話 PRO D 啦...最終 4 個人分別叫左芝麻糊, 綠豆沙, 同 2 碗白果腐竹豆漿... 我從未食過咁差嘅糖水- 白果腐竹豆漿, 基本上同一碗熱甜豆漿冇分別, 如果你同我講腐竹溶晒, 我接受, 但你咁勁, 可以煲溶白果- 綠豆沙, 公平些, 我冇食, 朋友冇投訴...- 芝麻糊, 收得我 $18, 請比 D Heart 啦, 仲衰過多多即沖芝麻糊, 點收貨, 其實我直頭覺得係多多即沖芝麻糊, 加水開稀, 再打個生粉獻... 因為我咬到舊粉...依間野可以存在, 應該只係維園成日有咩活動, 人多散水搵野食, 搵到冇得搵, 是但坐底... 不過, 應該冇人會返轉頭...

很久很久沒有食糖水了，食糖水這3個字已經在我腦海消失了~今次一試，更加不用再去吃了........睇完戲之後，就來到附近的天后甜品食糖水，個menu好多選擇，但其實萬變不離其宗~~朋友選了個紅豆雪山($35)，而我選了個榴槤黑珍珠($38)~~或者我真的太久沒有吃糖水，我以為黑珍珠是大粒黑色個d，原來是這些 很無奈......而那個紅豆雪山其實是紅豆刨冰，做糖水店要有創意的確正確，於是紅豆刨冰就成為了紅豆雪山~~~勁~~個榴槤黑珍珠都好味的，只要榴槤靚就不難做到，甜度適中，不過$38真的貴了點而紅豆雪山就很普通吧.....沒什麼特別呢~一舊冰放在中間，用紅豆淋面，再加淡奶~~這兩個糖水都頗貴的 以後都不會來了~~~~而且服務態度真的差到爆炸，很惡~~~不過糖水鋪唔憂做，所以他們這樣都很正常~~

最近, 同老公都好鍾意到天后搵嘢食, 而每一次食完嘢, 都一定要飯後甜品 <天后甜品>暫時是我們第一選擇!第一次來到這間甜品屋, 店舖很細, 很多人都坐在店舖外兩旁 (舖租慳番唔少啦,嘻嘻嘻) , 自己搵位，店員很忙碌地為各人落單．．．．．我哋叫咗個紅豆雪山雪糕, 盛惠HK$45 ( 好貴呀!!! 心唸應該唔會有第2次 ), 但食完後, 感覺真係好好味!!! 好滿足!!!第二次嚟, 又叫咗紅豆雪山雪糕 & 芒果雪山雪糕, 都係咁好味!!! 我也忍唔住推介我啲朋友去, 他們的評語是好好食, 好想快d再去食第二次, 還說如果唔係我推介, 他們睇完開飯啦! 一定唔會去<天后甜品> ......跟住嚟過好幾次, 也試過幾款唔同甜品, 很失望!!! 所以我只會推介紅豆雪山雪糕 & 芒果雪山雪糕!!! 希望 <天后甜品> 繼續努力!!! ......

難得今日得閒,放假。去完圖書館還書就去食個甜品。見到間野好似細細間間,殘殘舊舊感都唔係太想入去嫁啦。但係,見到酒店總廚主理就8卦下la~問一問,原來係迪士尼某總廚(老闆娘話係老闆d舊同學) design個menu....(..............................)心想:「啊姐...你真係吹得就吹....」好啦不妨就試試你講ge 自制雪花冰啦~!試後感:水果夠新鮮,d冰真係層次分明,入口溶化之後 果味夠濃 夠鮮。同平時食開果d 真係有d分別,就係無禁重奶味...視覺上,冰的層次及鮮果顏色配搭得宜。結論:無法斷定老闆娘所言是否屬實,但從口感,外形和味道上判斷此雪花冰比起平時吃開的好下次試下個奇異果雪花冰先

這日在天后的天后甜品吃下午茶。愛吃榴蓮的我，看到他們menu內有一列榴蓮類甜品，便要了個榴蓮雪花冰。雪花冰很快就到了。看起來冰的質感都算綿，層次也算分明。吃下去榴蓮的香味不夠，太淡了。唯一可取是它不會太甜。吃了好幾口才記得剛才在menu中是說有榴蓮肉的，怎麼沒有看到呢，正在想是我看錯／記錯了還是他們漏了放榴蓮肉時，終於被我在冰中間的底部發現了榴蓮肉。但原來份量少得可憐，最多一滿湯羹的榴蓮肉份量。吃得真不夠痛快。服務幾乎是自助的，自己找位，自己拿menu看等，店員的態度有點奇怪，沒有招呼，沒拿menu給客人，只在落單（同時付款）和送上食物時出現過。下次在這區要食甜品還是另選別家吧。

好耐好耐之前已經食過呢度既綿花冰 超大份量的!!~平時食開芒果味同埋朱古力味 D服務員仲好好禮貌~同我地有傾有講我覺得好好食呀 而岩岩個星期日去左果度食 佢加多左樣新野!!!就係益力多味既綿花冰!!!!! 我地三個人食 仲可以加OREO係上面 (想要幾多加幾多HEHE~)超好味>< 同埋真係幾抵 雖然一碟係45蚊 但真好大碟 三個人食都好飽!! 計番每人都係比15蚊 不過美中不足應該係個環境太細了.

gathering 6人行系維園發完癲好想食甜品! 步行過黎呢到食啦就超多甜品簡呀.v.!我就點一個龍眼黑白涼粉^^友人佢地點了 mango椰果冰 木糠豆腐布丁 一個撈面 還有mango天后全都交換試了, 好食! 龍眼黑白涼粉 d龍眼勁甜 好正 d白涼粉有好香椰汁味.mango椰果冰 天氣太凍了, 食完更凍呀 但d冰真系入口就溶!d椰果又好正木糠豆腐布丁豆腐布丁吾會太甜 食落口好似食緊豆腐雪糕甘ha木糠就吾多0Kmango天后.我覺得太酸啦 吾知系吾系因為吾當做呢xd總括黎講, d野食都吾系好似其他人食到甘差姐而且老闆娘仲好nice 系甘陪我地傾計tim 價錢都okay, 我覺得抵過糖百府wor!

同朋友諗住o係天后食串燒，點知冇開，於是就轉食甜品~行下行下，見到呢間"天后甜品"有明星食過，心諗應該都唔差啦，於是就入去坐低。間鋪原來勁細，俾客人坐既位置同屋企廁所差唔多大，非常逼。我地叫左芒果黑糯米、香蕉黑糯米同埋蘆薈黑珍珠。蘆薈黑珍珠：好細碗。黑糯米：好細碗，但最大問題係，d水果係凍既，黑糯米係熱既，而d椰奶係暖既(其實冇乜椰汁味)，是冰火黑糯米嗎？味道其實還可以，但食落就係怪怪的！總結：中伏！

打完邊爐，想食甜野，黎左呢到。選擇唔少，原先想食傳統野，不過又想食jelly，就要左個楊枝金露jelly，友人就要左榴槤系產品。楊枝金露幾水下，不過勝在芒果多，jelly就家庭式水準。榴槤布甸幾重榴槤味，幾好。榴槤豆花，豆花穩陣。唔係難食，不過整體真係無咩特別，呢到勝在開得夠夜。

午餐吃得不多，未回家吃飯前已經是個肚在打鼓，最後決定吃一點東西醫醫肚，結果來了吃糖水，勝在不會太飽滯嘛！小小的天后有不少的甜品店，之前去過晶晶，本來想去找明記的，未找到之前已經被我和女友遇到天后甜品，反正又不是非吃明記不可，所以就隨意的走了入來，店家的舖位小小的，由於是晚飯時間，店家一枱客也沒有，所以都一點侷促感也沒有。店家糖水的選擇真多，除了有中式糖水、生果涼粉、豆腐花以至綿綿冰都有，我們面對花多眼亂的Menu，最後選了杏仁茶及豆腐味綿綿冰，恰巧兩款食物都是白白的。先來的是杏仁茶，感覺非常幼滑夠稠身，入口有不錯的奶香，但同時就明顯的有為數不少的杏仁粉，而杏香也是稍有不足。豆腐味綿綿冰真的是刨得一片片一絲絲非常挺身，不會融在一堆，綿綿冰吃起來入口即融之前，更有一點層次感，比起糖百府的又有另一番感覺，如果期望真的有很綿的感覺，你可能會失望，可是我沒有這個感覺，所以都不以為然；味道方面，店員說豆腐味很淡，說實話其豆腐味真的很淡，但不代表其味道很淡，入口甜度夠而有不俗的奶香，如果不告知此物是豆腐味綿綿冰，我真的會以為是牛奶味的綿綿冰呢。吃了點甜點，肚子內的鬧鐘暫時被按了Snooze鍵，所以都

食飽飽周圍行下~就行左黎呢間甜品鋪~咁見到d圖好似幾好食..所以就入左去~~本身打算叫芒果雪花冰~點知老闆同我地講話芒果雪花冰入面得冰~冇芒果~咁如果係咁緊係唔要啦~所以即刻轉~最後我地叫左個芒果椰果冰($30)~真係好好食~啖啖芒果~啖啖椰果~下面就係芒果沙冰~好在老闆提一提..唔係一定dislike!!

良久沒有踏足天后,今次去跑馬地吃晚飯後來個天后甜品龍眼椰果冰是一個類似思樂冰的甜品,冰軟軟的,龍眼味夠重,有大大顆的龍眼肉鋪面,好足料雪梨燉雪耳海底椰見它是熱糖水類最貴的,服務員又介紹,心想一定是招牌糖水,可是不知道這個燉雪耳海底椰究竟放了多久,甜得.....叫救命!南北杏,雪耳和雪梨已經浸淋還染成片糖的顏色(見圖),唯獨是海底椰是倖存味道還不錯.....好壞參半,但盎燉的甜品千萬不要放太久..!!

吃飽飯四出找甜品吃,鄰近的"甜姨姨"排滿了人,而我個人亦不大感興趣因為之前已經試過,沒有什麼出色,之後看到"天后甜品"店舖就在轉角位置,人亦不少,幸好有2個空位.雖然很擠迫卻有一份溫馨的感覺.接著我點了"朱古力味綿花冰"我的伴侶點了"榴槤味的綿花冰"等了大概15分鐘左右....令我非常驚喜.口味不像之前吃過" 松記..甜姨姨...糖百府 等那麼稀...即入口還有濃濃的朱古力味,口感真的像綿花般...不會入口即溶透.會有輕微的咬感,大家不防試試