天園餃子 (華發大廈) (已結業)

標題黨？麥記一個餐都三十尾，如果唔係疫情，旺角邊有咁多小店回歸。呢間係土瓜環殺出旺區，以前已經食過，土瓜環店有大量食評可以參考。今日食炸嘢多，炸餃子比想像中好口感，不過味道就俾炸味搶左無計，可以叫啲重口味啲既餃子。另外炸雞扒一貫即炸水準，比較薄比較淋身，唔會極油膩。另外再叫左桃茶，外面啲台飲店吸引啲 哈哈。

應該係最近先開喺旺角，平日18:15左右去到，未係好多人！但要有心理準備要慢慢等，點餃子要差唔多20分鐘先有得食！。餃子偏細粒（同甜記同好味餃子比），但餡料比較多元化。🍜『芹菜木耳豬肉餃麵』$38我唔食芹菜，但友人食，見圖嘅芹菜係粒粒分明，都唔少⋯⋯🥟『西洋菜木耳素餃 拼 白胡椒雜菌豬肉餃』（10隻）$52哩兩款都好香：前者係素餃，但有麻香味同有粒粒木耳口感；白胡椒嗰個胡椒味超香，好有驚喜⋯⋯🌗『麻辣雲耳海蜇』（$8跟餐）哩個就唔夠麻辣，海蜇都未夠爽⋯⋯『天園香辣菜脯蝦米醬』（100ml）$50由於哩個醬同餃子，麵都好夾，友人十分滿意，所以買咗樽返屋企食

呢間店舖用QR code落單都幾方便今次二人行叫咗以下呢幾樣野：韭黃冬菇豬肉餃10隻加麻醬雞絲粉皮套餐（$58）及可樂（$8）豬肉餃餡料感覺唔算好新鮮有點似急凍灣仔碼頭水餃嘅感覺所以味道一般有點失望麻醬雞絲粉皮唔錯麻醬花生醬味道濃郁粉皮涼浸浸又爽口值得一試韭菜豬肉餃5隻加酸辣湯（$41）加手工奶茶（$18）同韭黃香菇豬肉餃一樣餡料感覺唔太新鮮酸辣湯唔錯，酸酸甜甜幾開胃手工奶茶茶味香濃不澀甜度剛剛好而且都幾大樽幾抵飲總括來講雖然佢嘅麻醬雞絲粉皮同手工奶茶唔錯但畢竟店舖係以餃子做主打而味道又麻麻地所以下次應該未必再去

香港呢間舖頭，覺得一定要支持一下！全部夥計都好年輕，佢哋都會願意解答你嘅問題！本身我都好鍾意食餃子，味道還可以！反而係個酸辣湯有少少失望，好唔酸辣湯嘅感覺！我加$15要酸辣湯，啲湯有啲少，變咗好似食撈麵咁！不過我同啲職員講，想要多少少湯，佢哋都好願意比！

有一晚去黃店林立嘅旺角通菜街食飯，未諗到食咩，咁啱見到「天園餃子」有位，身為餃子控嘅我就即刻拉埋朋友入去試試佢🤣💛 佢哋嘅餃子選擇都算多，而且都有唔少係出面比較少見嘅配搭，仲有好多款小食添🤤不過食飯當晚就發生咗一段小插曲，就係落落下單嘅時候突然全舖停電😨 冷氣同燈全部都無晒，個情況都維持咗差不多20分鐘🥵 不過餐廳都好識做，盡快解決停電問題嘅同時，仲即刻拎咗啲凍飲出嚟免費請客人飲👍🏼 不過呢個摸黑食飯嘅經歷都真係幾難忘😆•🥢 黑椒洋蔥芝士牛肉煎餃 $58 (10隻)餃皮煙韌，少少厚，比湯餃大隻啲，但餃皮煎得唔夠香脆，而且都比較油😬餡料方面，黑椒味好出，但完全無芝士味，有啲似食緊台灣胡椒包嘅餡咁🤣 一個人食10隻都可能會有少少膩～•🥢 天園餃子套餐 $55 (雙併+$2)呢個套餐包咗1份10隻嘅餃子同1份小食～我哋就揀咗1份雙併湯餃同埋1份雞絲粉皮。湯餃嘅餃皮比較薄，包法亦都似雲吞咁，而且比煎餃細隻啲～📸 椰菜甘荀木耳豬肉餃餡料有好多椰菜絲，所以口感會鬆散啲～📸 白胡椒雜菌豬肉餃胡椒同菇味都好香🤤而且呢款口味比較少喺其他地方食到，都幾有驚喜🤩📸 麻醬雞絲粉皮粉皮偏爽口，口感幾特別，但雞絲

非常失望! 見都多好評，就去試下，點知餃子冇味個湯都冇味好似清水咁 !食完都唔知自己食咗啲乜!只係有飽肚嘅感覺， 完全冇味道可言! 同埋用即棄膠匙羹感覺唔太好， 值得一讚，叫多葱真係畀咗好多葱但係都挽救唔到成件事， 同埋員工好自由 ，冇嘢做可以勁hea， 下午時間冇人咁得閒，檯面啲醋同辣椒油冇曬都唔使加下，老闆真好人!

可能太夜經過條女人街啲舖頭都關門得7788又唔想食太多野嘅時候餃子都不失為一個唔錯嘅選擇發現新開張又決定去試吓啦5隻$26-3010隻$38-44價錢都幾吸引但5隻又好似唔夠喉 10隻又太多於是就加左個麵清湯底餃子結實足料但係白胡椒味太重掩蓋左其他味道只有隱約少少雜菌既味道對比起即係佢對面街嘅另一間餃子店就覺得略嫌差少少醋係陳醋仲有就係普通豉油辣椒油就係普通辣椒油其實我見舖頭都有醬料賣可以諗吓放喺枱面俾人試吓可能真係好新開張都仲係用緊即棄餐具剩係收cash等等希望遲吓可以再好啲啦另外門口有寄賣區

食物質素差 餃子好細隻對比出面手工餃子差好遠味道同外形 唔講以為食緊灣仔碼頭上菜速度極慢 但員工服務態度都幾好平時好懶既我都忍唔住出呢個食評唔係藍絲 唔係刻意批評只係希望建議改善一下

🍴旺角黃店-超抵食餃子女人街有兩間口碑不錯的餃子店，上次筆者已介紹了甜記餃子，這次來天園餃子，一試小店餃子。天園餃子全天都有套餐供應，餃子配小食套餐由$40起，超划算。📍黑椒洋蔥芝士牛肉煎餃 $40/5隻這款口味只有單點，不可以跟餐，所以點了5隻來試試，餃子煎得金黃香脆，餃子皮厚薄度剛好，不致令餃子夾起來易破，而且餃子內富肉汁，黑椒的香味撲鼻，但不會搶了牛肉的鮮味。外脆內裡肉汁豐腴，餃子熱辣辣，十分美味。📍天園餃子套餐（雙併）跟餐麻辣口水雞卷 $56🔸紹菜木耳素餃x5隻🔸白胡椒雜菌豬肉餃x5隻🔸紹菜木耳素餃x5隻湯餃的包法像上海雲吞，個人試了兩款味道的湯餃會比較喜歡素餃，木耳素餃中以香菇提升味道層次，而且蔬菜的爽甜感比肉類餃子更鮮更清新，推薦大家試試看。🔸白胡椒雜菌豬肉餃x5隻白胡椒味不太重，這款口味筆者覺得比較平實普通，味道還是不錯的，但這款建議大家選煎餃會比較惹味。🔸跟餐麻辣口水雞卷 麻辣口水雞卷是一道開胃前菜，涼浸浸似吃醉雞的感覺，但這卻是香辣香溢，麻香味足的小菜，再配一點花生，令整道菜式更香口。📍麻醬雞絲粉皮 $40如不嗜辣的朋友可試試麻醬雞絲粉皮，是清新之選。味道方面，粉皮稍

我真係好鍾意食餃，但因為睇過營養師，知道餃子🥟真係好肥仔，所以而家兩星期先食一次。堅持唔會買急凍餃子喺屋企，想食就擇間好嘅食！今次喺旺角見到天園餃子有新店就衝入去食，蕃茄蛋素餃好似楊中嬅套《餃子》嘅餃子色，同行友人話因為有蕃茄隻色一定咁，不過食落又無咩蕃茄味，隻餃唔香，餃皮太淋，一夾個皮就想爆然後跌餡咁款！呢款我擇左清雞湯底，食落係無誠意嘅雞粉湯，送餃同麵都好頹廢，唯一係個麵極級多你食得落係絕對夠飽！而椰菜甘筍木耳豬肉餃又係普通貨式，味道唔見突出，酸辣湯一pat pat,滑捋捋咁唔吸引，味道好模糊，係用一個食飽收手嘅方式食呢個湯餃，呢碗每粒餃都痴埋一嚿嚿，一整開就散⋯食到呢度夠飽就收手了，飲個手工奶茶味道好唔錯！好香茶味而且飲落香滑，又唔算勁甜，絕對符合大眾口味！一間餃子店，我唯一會讚嘅係個奶茶，去開旺角食餃，我都係去返排甜記啦！

每逢喺旺角唔知想食乜，就會嘗試喺女人街尋寶🥰尤其是而家遊客比較少，可以睇返條街原本嘅風貌其實都幾好行嘅！見到呢一間舖頭，入邊都算多人幫襯，膽粗粗就試吓啦入到去座位有少少迫，不過咁嘅價錢可以接受嘅。好似有一陣浸味可以改善下叫咗一個套餐，小食揀咗雞絲粉皮主食餃子就揀咗椰菜甘筍木耳豬肉餃，拼芹菜木耳豬肉餃(+$5) 雞絲粉皮首先上場，味道正正常常椰菜甘筍木耳豬肉餃 (剛剛合格）味道正常，但係唔算好好食，唔知點解好細隻？ 見到同行朋友嘅韭菜餃大大隻的😂 呢一款個皮都有dd太厚，但可以接受嘅(拼)芹菜木耳豬肉餃（唔合格）呢一款就出事啦，唔知點解個餡好甜🥲🥲🥲而且啲餡好少好少，完全食唔出芹菜的味道，亦都食唔到木耳嘅口感搞到個皮好厚好厚。。。中間仲好似食到啲皮唔熟添😅最後哩一款全部冇食韭菜餃（中上）比其他兩款大只，而且味道幾好！！好足料，韭菜味好出總括來講，試咗三款餃子合格，唔合格，中上咁樣嘅質素比較飄忽☹️

天園餃子套餐韮菜豬肉餃配麻醬雞絲粉皮手工奶茶餃子🥟好掂👍🏻👍🏻大大粒皮薄餡靚又足料有7種口味選擇🤤1. 韮菜豬肉餃2. 西洋菜豬肉餃3. 蕃茄雞蛋素肉餃4. 西洋菜木耳素肉餃5. 芹菜木耳豬肉餃6. 白胡椒雞菌豬肉餃7. 韮黃冬菇豬肉餃湯底又好味唔會過鹹勁多蔥😋又加咗啲白蘿蔔粒雞絲粉皮唔錯幾啖就無咗😆手工樽仔奶茶😋茶味夠濃唔澀唔甜🙈我比較鍾意甜D😋甜啲就好喇鍾意食餃子一定要試下👍🏻下次經MK一定再食😋😋

去女人街附近， 見食評唔差的餃子店， 本人很喜愛吃餃子的， 見此間新開， 環境又乾淨， 入內試試。輕量級餃子套餐單併胡椒雜菌豬肉餃5隻 + 麻辣口水雞卷胡椒雜菌豬肉餃 （5分）😐湯底唔香， 雖然唔會飲。😐餃子皮比較厚， 唔得薄🤨少許胡椒味， 唔夠香， 又唔覺有雜菌。總之餃子唔太得。麻辣口水雞卷 （6分）雞卷滑的， 但又唔係好滑。 雞卷本身沒有味， 像白浸雞， 如整雞卷時可以加d味， 會提升雞卷好味道。現只吃到麻辣口水雞辣油味。😫又說套餐可加錢換購飲品， 完來此餐係沒有的， 要用正價買。見menu 介紹自家製辣菜脯蝦米醬 😔（5分）買了一樽回家。早知試左才買。辣醬得辣， 唔夠香， 唔太食到菜脯蝦米醬好乾， 辣油唔夠， 完全唔覺可以讓食物味道提升，沒有食落層次口感。本人總評 ： 6分服務： 6分環境： 7分食物： 6分（食物質素真的要改善🙁）

行完女人街就入咗去食天園餃子，除咗餃子之外仲有好多選擇，選擇好多而且勁吸引，但最近減肥所以就點咗個蕃茄蛋素餃麵😋 學生餐只係38蚊！晚市嚟講真係好抵食，我本身唔係好食蕃茄，但係配埋蛋就好驚喜，唔太重蕃茄味但好夾，唔會因為素食就淡，配埋麵同好好食，份量都好足夠，仲可以送埋汽水😍😍 朋友就叫咗個肉燥豬排煎蛋飯，都係學生餐，份量多到爆炸，不過就略嫌飯唔夠多🤣 但都好好味，依間一定要encore，尤其良心店更加要多多支持呢！

經過見到有餃子就入黎試下，叫左個香酥豬扒麵，兩款口味既餃子，韭菜同椰菜木耳，仲叫左個蔥油雞扒飯同雞翼飯，首先個香酥豬扒好酥，炸粉唔會太厚，好香，豬扒又夠林身，個麵普通，如果可以再QQ就好，個餃子味道幾好，正常，蔥油雞扒飯麵好好味，個雞扒超厚，見到都會有飽既感覺😂😂炸雞翼正常炸雞翼，順帶一提，個到個自家菜蒲超好味，加落去湯呀麵呀真係會提升左成碗野既味道，另外有試佢既手調咖啡，咖啡味唔夠濃，好似三合人沖出黎既味道，不過整體黎講都好好食，已經去左兩次連續兩日