天悅海鮮酒家 (已結業)

估唔到咁耐以來, 呢間酒樓得咁少食評, 佢唔值得得咁少好評喎! 呢間酒樓係區內一致公認為抵食之選!! 星期六日或過時過節, 一定坐無虛席兼門口大把人排隊, 唔識搵食o既, 一定盲中中走去聯拜新星幫襯!!當晚我們一行4 人, 入到酒樓, 客人只有3成, 變相服務非常週到, 兼且很有禮貎, 喜歡火煱的, 有任點任食任飲, 都只係八九十蚊有交易兼不限時!! 但當晚我們選了吃小菜!! 點了....1. 冰鎮四款拼盤: 有海蜇, 鴨舌, 牛展, 鵝奕! 價錢只係$48, 但絕無欺場, 每款至少有10件, 賣相極佳, 每件都排列有序, 明顯即叫即整, 味道亦佳, 誠意之作兼很抵食!! 2. 西蘭花炒枝片珊瑚丰: 幾十蚊貨仔, 但又係賣相極佳, 西蘭花之上舖著滿滿的枝片及珊湖蚌, 份量十足, 絕不比大酒樓遜色!! 抵吃!!3. 枝竹炆魚腩: 味道ok, 略嫌枝竹較硬, 但整體算不錯!! 4. 片皮鴨(兩食加$20): 皮脆但有肥膏, 要撰選過才能吃, 但配料充足, 一籠粉皮, 葱, 青瓜甜醬, 算滿足!! 再加上苦瓜炒鴨肉, 苦瓜味道唔錯, 但鴨肉炒後破鞋口, 大大舊唔係肉絲, 較失策!叫了這麼多菜

好耐無番屯門食飯....又想打邊爐決定去屯門美樂天悅..不嬲都有食開晚飯...打下邊爐..打下雀局咁..都覺得價錢抵, 味道ok...但太耐無o係呢間食"任叫任食火鍋", 加上呢排d肉加晒價...就睇下佢有無變質...打電話去問下價錢...(6:30 - $75, 8:30 - $68)唔係呀...8:30平得8蚊可能有d人會唸..出面都有呢個價啦..可能仲平d添但原來呢個價錢係已經包埋爐&湯底錢嫁喇..仲係任飲汽水(好似有成10款)啤酒就唔包..我叫左支大支裝獅威都係$6.8之麻叫左個蕃茄豬骨煲...老實講d豬骨當然唔夠出面果d專賣豬骨煲好啦不過同老人家一齊..又唔想叫"辣"..又唔想"清湯"咁齋..呢個煲都係一個好好既選擇d火鍋料...對於呢個價錢...我覺得已經好好..曾經食過一d任食火鍋既肥牛...嘩..成塊大家樂早餐既牛扒咁...點食呀所以我整體都好滿意...食完仲有糖水送...每人都係80蚊唔洗....正....

家住屯門, 每年母親節都頭痛到死, 果日千萬唔可以踏入市中心半步, 食埋d中式酒樓又貴又唔好食的套餐, 招呼更加唔駛諗, 所以真係怕怕！於是, 去了街坊少少的酒樓, 訂了八點半, 如時入座, 不用久候對於食物, 心想母親節都不要有太高要求, 前半part 上菜速度幾好, 有大蝦沙律, 香橙骨, 鮑片菜膽, 炸子雞, 味道不錯到了下半part, 就有等一等, 二十分鐘左右, 已經黎埋翅, 石班魚, 炒花枝, 粉麵, 炒飯, 流沙包最正係條魚, 大家都心想大時大節應該不會有甚麼要求, 點知條魚非常鮮甜+滑; 流沙包又熱辣辣, 真係好正！6人套餐(包4罐汽水+1支啤酒) = $998

同同事食團年飯，今年o黎呢間，部長幫我地寫o左張菜單，好意頭$880全包，我地要o左三圍，睇落冇乜特別，都係點心，加幾個餸同炒粉面，糖水咁，點知食落就出事，碟碟都大堆頭大製作，好大碟，或者起雙，味道都可以，但十二個人一圍冇辦法食得晒﹗蓮蓉包拳頭咁大，炒粉面唔洗上枱，直接打包走人，糖水最搞笑，要返office 拎個煲o黎打包，笑死﹗﹗又食又拎，真係好抵。有聞同事打算呢個星期都係靠呢餐﹗

因有親戚住在美樂，所以到天悅食飯，大約有五個人左右啦！叫了一客脆皮鹽焗鷄，正呀！雀巢二果鮮蝦仁．．wah 雀巢勁脆，仲有一客香酥鴨同埋腊味糯米飯，糯米飯勁香呀。真係回味一世呀？

其實這間食店的食物味道不錯，但服務方面就只得一個未"差"！剛剛去打邊爐，點了材料，但我們等了半小時食材還未到，雖然我們不停問服務員，但可惜都還不來，湯都已經煲完了，實在令我們十分不滿意！食物方面，我們點了薯仔蕃茄湯底，味道還不錯，其他食材方面都不錯，沒有什麼特別意見！

因為住喺呢度附近，所以呢間酒樓由新開張開始，我地都有嚟飲茶，不過日子耐咗，佢Ｄ點心食品都冇乜變化，推陳出新，所以轉去其他酒樓。因為有一段時間冇嚟，Ｄ朋友話不如又去試吓。去到之後，一切冇變，一如以往，冇人安排入座，我地幾個人好似遊魂咁，蕩嚟蕩去喺度揾位，都冇人理會，直至遇倒一枱街坊，佢地話就走，叫我地等佢張枱，先至有位，其實佢嘅早茶又唔係特別平，特別靚，又唔係獨市生意，唔知點解佢地咁對待人客，呢區酒樓都有幾間，間間都有派飛帶位，就係佢冇，可能呢度早市唔旺啩，但係都唔可以當Ｄ茶客透明架。坐落後叫咗皮蛋瘦肉粥，炒米粉，鴨脚扎，Ｄ粥就梗係有味精啦，不過尚可接受，但係食到Ｄ米粉呢，就真係好好味囉，我地各人食過之後，都冇人添食，味精就真係多到超晒標，所以成碟米粉剩番晒係度，到碟鴨扎，Ｄ腐皮芋頭都冇大問題，雖然Ｄ芋頭都唔係粉啦，但隻鴨脚就特別處理過，因為係雪藏貨，所以又落重味精，食後個口同條脷都好唔舒服，飲極茶都去唔倒咁。最後叫咗碟墨西哥芋蓉飽，就真係幾好，一向以來，我地都覺得以呢度最好食，不過同新開張果陣比，就細碟咗好多，睇嚟以後我地都唔會再幫趁囉。後記：日前睇倒有某網友評論某齋舖，話佢地喺餐牌度

我同男朋友成日諗唔到食乜, 都會上左LE個網睇, 見到你地寫得咁正, 就去試吓啦~! 咁岩我都係住屯門.果日係19-02-06.去到果個停車場, 嘩~~~真係貴, 要$20/hr, 我地去左對面蝴蝶村泊$8/hr, 抵好多. 去到天悅竟然冇人理我地, 企左一陣先有人過黎問我地幾多位. 我地點左你地介紹既番茄豬骨湯底, 真係好正! 其他野食都好新鮮,除左豬大腸唔得. 真係不停換碟呀!\./我地因為食得太飽, 食唔到糖水lu.我地仲係度搵邊個係~~~lovepooh, 因為佢每個星期都去架嘛! 咁岩我地後面果台又係叫番茄豬骨湯底, 唔知係咪佢地呢~~呵呵!!!@洗手間要行出酒樓

今日係呢度飲, 首先來個羅白GO, 差燒蘇頂住個肚,勁正, 個GOGO軟硬適中又有幾條粗粗的羅白絲,跟住d腸粉, 用料新鮮(蝦), 鳳爪入哂味,牛x爽口(白色的,唔記得個名), 燒賣....再加上潮州小食(豬紅, 紅腸, 豬腸)加埋唔駛$180, 抵到爛!(5個人)

我同bf成日去打邊爐架,去過好多間任食既,都係覺得呢間係目前最正既,同bf最平均(最少)一星期去一次呢間打邊爐!!首選係番茄豬骨湯底,係超正...d火鍋料款式有好多,除左海鮮類,可火鍋既食物都應有盡有,有少部份食物會依時令而更改!另外會再送"老"水拼盤!飲品方面首選西瓜汁!d服務都ok,但盡可能都唔好食咁多有骨既食物,因佢地會成日幫你換碟,有d煩!!食飽會有糖水送!!

呢度好奇怪~ 收得好埋~呢度幾好~唔錯~當然任飲任食~質素一定不能與逐碟叫o既媲美了~但係我肯定佢係咁多間任食中最多野食~係好多~超多~服務方面真係唔錯~除左有一個比較串之外~d 野飲方面~都唔錯~有汽水~菊蜜,檸蜜等~食完當然有糖水送喇!!