天悅海鮮酒家 (已結業)

醒目的人當然是訂位啦當日是團年飯, 趁著是閒日,所以不會太迫.叫的是炸子雞, 水準ok, 皮脆椒鹽荳府, 一樣好吃, 一定要點些喼汁脆皮燒腩仔 , 無得頂清蒸沙巴龍躉, 斤半重,但蒸得剛好, 嫩滑白灼蝦, 雖然不是花竹蝦或九蝦,但勝在新鮮每逢做節都在這裡吃, 簡直就是飯堂一樣

天悅對屯門碼頭人既我打邊爐之選（因為又平味道新鮮都吾錯）但當然衛生一般但都叫接受到。但從來未試過早茶。所以今日就去試下佢既早茶。十一點黎到不用等位。又到同爸爸逢星期六既早茶開始$7一位茗茶...吾可以叫差（起碼不是比茶根，但有色冇味）皮蛋瘦肉粥：竟有脆脆超感動。好多地方都冇，粥好綿味道有。但瘦肉就吾太覺....哈哈山竹牛肉：好足料又大粒。牛肉味夠馬拉糕：我最愛。但味道偏甜。失望芋頭蘿蔔糕：2個糕好少料。一半以上都係粉。但味道係夠如果多d料更好川芎魚雲：味道好淡。唯獨最底果舊比較濃味總體其實都可以，吾多人同味道吾差。價錢同集團式差不多。可以多個選擇食野

第一次寫，寫不好大家不要介意。想為大家介紹下天悅的燒味飯！因下太大雨，就到家樓下的天酒樓買外賣。平常多是去打邊爐和食小菜的，今次還是第一次食外賣燒味。味道真的意想不到的好！叉燒：肥瘦適中，就是別人說的半肥瘦，肥的位入口即熔，瘦的位咬下並不硬，叉燒入味！叉燒汁甜甜的很開胃。燒肉：燒肉皮在發泡膠盒內焗了約5-10分鐘都沒有影響其脆度，非常難得！燒肉不太油，感覺好好！白飯：跟一般的沒太大分別，但豉油汁甜甜的，不錯！

首先，真係唔好意思，一張相都冇影第一 因為屋企人等咗我好耐第二 冇諗過咁好食雖然我唔係食咗好多嘢，但真係樣樣都夠新鮮同啱我食，仲要有d平時出邊要加錢佢都包埋脆骨腩好食同新鮮過其他大型酒樓，真係好好食，我自己一個都食咗兩碟蠔唔係太大隻，但都食到有蠔嘅鮮味鱔片新鮮，雖然唔夠脆骨腩咁正，但佢好好食芋頭我們這一家最愛食粉嘅芋頭，而佢就係呢一隻，嚿嚿都粉牛肉肥瘦適中，有牛肉味椒絲落少少已經夠晒味“仲要唔收加一，仲要汽水任飲”

往年冬至飯都會提早食, 但今年冬至剛巧在星期日, 就齊一家人揀了正日, 喺阿爸近期最愛嘅飯堂食飯. 預早一星期book位.五大一細叫咗六個小菜:--片皮鴨兩食:--片皮鴨--由於是日滿座, 平日喺客人面前片鴨嘅環節, 改喺門口片好先攞入嚟. 入到嚟當然凍晒啦! 至於包鴨嘅皮, 話要等廚房蒸喎. 咁我哋見啲鴨已凍, 再等一定勁難食, 咁惟有分開先食鴨囉. 要分開鴨同皮食, 都算係第一次.  到啲皮嚟到, 啲鴨都差不多食晒了. 一試啲皮, 微暖 中間位仲凍嘅.  (今次真係好失敗, 對上一次嚟食好正架)-涼瓜炆鴨件--呢個就炆好入味, 正!-椒鹽脆香鮮魷--炸漿做得唔錯, 入口好脆.-枝竹羊腩煲跟生菜--略嫌膻味頗濃, 一煲都有十數件羊腩, 且件件都有肉, 只有少數骨頭, 都算對版.孖寶套餐:--蒜蓉白菜仔--我知天氣凍, 菜價比較貴, 但都唔係咁過份呱, 呢度都唔知有無半斤菜. 幸好味道都算幾好-燒腩仔--皮脆肉嫩, 但由往日食開嘅熱辣辣變成微暖了.埋單 $547.00

這間食肆都算隱蔽，在私人屋苑裡面。經過以為麻麻地又舊，但有晚老公來接放工，大家想輕鬆打邊爐，經過就望望。$110都唔洗全包又幾抵。入去才發覺幾寬敞，碗筷亦算乾淨。很快就來了湯底同所點的食物，而且很快滾起。嘩，唔洗加錢可叫蠔：）即點啦！來了又不錯，不是超細縮水果啲。食物款式都很多，有些地方沒有羊肉、駝鳥肉，但這裡什麼肉都有。就連菜也不錯，青綠不黃也沒有爛的。最好味居然是雲吞，内裡的蝦很正，叫了多次。抵食

平時嚟天悅多數係飲茶, 打邊爐亦都試過, 今次就試下呢度嘅小菜. 早一日訂咗位5大1細, 叫咗8個小菜, 2碗白飯, 1支藍妹啤酒, 1渣菊花蜜. (幫襯晚飯小菜, 每位仲送半隻燒乳鴿添) 燒腩仔皮脆肉嫩, 入口仲熱辣辣架. 炒通菜都唔錯, 幾好味.海哲爽口, 熏蹄都好正! 味道OK, 可惜牛仔肉過林, 無咗應有嘅咬口, 應該落得鬆肉粉過多. 西芹爽口, 魚肉剛熟, 味道幾好. 雖然只係每人一舊頗矜貴, 但小吃多滋味呢! 炆斑腩無論魚或配料都非常入味, 正! 一字排雖然蒜香冶味, 但同樣落得過多鬆肉粉, 影響口感, 扣分! 豬手及花生都夠林, 吸盡濃郁嘅南乳汁, 好味!呢3隻燒乳鴿係送嘅, 每人半隻. (我哋6個人送咗3隻)燒乳鴿嫩滑又夠入味.正! 茶位連加一, 埋單$647.00.

天悅自助打邊爐為主的酒家.有2間分店.今天游完水.大約5:45分就到場.當時人仍然少.但到了7時左右已有8成滿.首先計價錢:今天是星期六要加8元.成人110.長者62元.8時前埋單減10元..環境:是舊式酒樓.沒有大裝修,幸好衛生不俗,但厠所要到酒樓外面,衛生一般.自助打邊爐.有加錢食物.自助食物都有很多選擇,較大路的肥牛,鱔片等一定有..有的可惜的是我知道蕃茄湯是呢間店招牌.但我怕吃太多蕃茄肚痛,所以沒有試.任飲.有百事,.可樂,碧泉,也有菊花蜜,檸檳.菊花蜜相當好飲.又清新.甜度亦不高.食物很快送上而完全來齊.雖則主打的肥牛也是偏肥.但不離譜.鱔片,蠔最好新鮮,入口鮮甜.九肚魚亦大大條.滑嘟嘟,最差的.鵝腸,雞肉,鯇魚,完全無味...而菜類亦新鮮.青綠.無沙,金菇亦乾淨.沒有批評之處2碟我只吃雲呑.粒粒大蝦.爽口.彈牙.又漲卜卜...難怪是這裏的招牌貸.麵是噹噹原包上,如果要吃貴一些.就選出前一丁..最後有糖水送.西米紅豆沙:雖則不至於起沙,但賣相正常.不會太甜.清潤之選.在酒樓剛剛吃完是很飽,但回到家已沒有膩的感覺.閒時來這裏打一次邊爐也值得和可以.若經常.會厭.對身體亦無益

天氣雖然暖但都會照樣打邊爐.其實上年年尾都吃過一次,那次選皮蛋莞茜湯,吃完很覺得好普通....終於明白來這裡打邊爐,蕃茄薯仔湯底才是皇道.哈哈哈.蕃茄薯仔湯底不斷滾滾滾之下,連薯仔也煲到粉雷雷,非常好吃!滾之途中,不忘要不斷加新鮮蕃茄落去,始終店方中途都是加滾水.唯有靠煲茄來維持茄湯的茄味啦今日我們是晚市第一檯客人,5點45分就入去了,連經理都話"咁早既?".但我心想餐單上寫明晚市打邊爐由5點半開始,我們6點前來有乜出奇呢?=.="早吃的好處,第一就是食物快快趣咁源源奉上,而且極受歡迎的彈彈鮮蝦和蝦雲吞也不用怕缺貨.始終這兩樣都是這裡必點的'回本'野嘛.除了牛筋,白蘿蔔片,不要忘記芋絲都是吸湯力強的食材,連著茄湯的芋絲.都可以吃到我津津有味的.雖然打邊爐後的湯不可喝,所以靠吸湯力強的材料來嚐湯味哦飯後侍應會主動問你要不要糖水,(很多酒家都要客人自己問,唔問就無).幾次吃過都是超甜的紅豆沙,今次的糖水是香滑紫米露和爆起沙+勁多豆的綠豆沙.兩者都少甜,好味到想添多碗...XD一直都覺得打邊爐如果得兩小時就真的好趕,這裡任食是兩個半小時,慢慢食加埋食完坐多陣,時間就剛好用完.

平日黎天悅多數係飲茶, 今晚天寒地凍我地一家三口就黎打邊爐喇. 18:30分到達, 都未太多人, 一到19:00就開始多人喇$96.00全包一口價 (已包加一, 什費) 任飲 (汽水, 啤酒, 檸檬利賓納, 菊蜜) 任食兩個半鐘星期一至五就平D $88.00叫左蕃茄薯仔豬骨煱--好濃蕃茄味, 正!肥牛--OK啦, 都唔太靭 鮮滑牛--夠林唔靭, 唔錯手打墨魚丸--細粒左D但夠鮮味, 正!生魚片/蟮片--幾新鮮, 最緊要係無骨, 可以放心比亞仔食生蝦-- 好鮮味生蠔--真係夠大隻, 有成半隻手掌咁大鮮蝦雲吞--OK海帶--無腥味, 爽口, 亞仔食得最多 仲有其他菜/支竹/蘿蔔....都OK檸檬利賓納--夠檸味, 唔太甜, 好味! 最後仲要叫左一包出前一丁(真係出前一丁黎架) 同埋一包烏冬麵 (噹噹) . 嘩! 超滿足! D職員態度幾好, 會主動執碟, 加水到我地食完出黎21:00, 仲有好多人在外等位, 可能20:30後平D啦 $81.00咋

因為上次食得十分盡興!所以今次打邊爐仍是去美樂花園的天悅，更帶埋手機來拍下更清楚的食物照片假日的收費都沒有變，$96全包。今次侍應們沒有上一次來那麼熱情和快手了，開個茶都要叫幾次，最後經理走過來向我說："打邊爐係包任飲汽水果汁架,我唔係唔想開茶畀你,而係怕你飲得其他野黎飲唔到d茶,會浪費左姐."。我當堂o咀，一來我鐘意飲茶，二來我要減少飲糖份高的飲品，好!前兩者是私人原因，算，但最重要的是，酒樓開茶水給客人喝是理應的吧?!以這個理由給我你應為可行嗎﹖最後我堅決他開壺茶過來，就和他說："我唔飲汽水個d，唔該你開壺茶畀我"，最後他死死氣走去開茶。幾分鐘後，隔離檯有對夫婦也是吃任食打邊爐，叫另一經理開茶，經理都立即去開了...所以這事件不是我個人問題呢!說完一堆不快感覺，就談回食物，無異，這方面是最捧的。湯底和上次一樣選了可以當羅宋湯睇齊的蕃茄薯仔湯，爆正的蕃茄紅哦必朝拜的足料鮮蝦雲吞，今次全放在水吧的檯面上，食客要吃就自己去拿，我吃了兩碟，呵呵呵生蝦非常新鮮，肉甜味美另外要吃的就是牛筋!吸盡湯汁的牛筋，內裡膠質很豐富，女士恩物吧因為要減肥喔所以不能吃太多的緣故，很多食材我也沒有份吃，最吃得

小弟今次第一次打食評大家多多支持同女朋友去左天悅打邊爐入去個時佢話冇鮮蝦雲吞我勁失望呀!!!!!不過唔理啦~~~其他都好食ge因為我之前黎過...坐底就1叫左個鴛鴦湯底d料都係個d啦~~~到左round2個時,,,,同個阿姐傾開先知有返鮮蝦雲吞即刻叫2碟...鮮蝦雲吞仲係咁正呀!!!!不過最記得係d燒賣law有幾粒耐左冇理佢佢變左白色....味道仲有d奇怪tim呀!!!不過呢間真係好抵食任飲任食飲品仲有好多選擇可樂,檸檬利賓鈉,竹蔗水.......8點後都係$81一位正到爆if任食ge話呢間真係數一數二....ps.6個仲會送1個呀!!!!7個人仲會平d tim呀~~

噚晚又再同屋企人o黎到開飯, 食物水準保持到, 只係西蘭花花枝珊瑚蚌o既賣相無上次咁靚! 今次點了1. 冰鎮五重奏-無上次咁冰凍, 易入口! 即叫即整!2. 椒鹽九肚魚-用酥炸方法整, 大大碟, 抵食, $28咋!3. 洋葱煎豬扒-有驚喜, 又係真材實料, 多多豬扒同洋葱, 正! 又係$28!!4. 魚湯什菜煲-又係大大煲, 材料滿瀉, 勁多雞批菇同什菜, 湯底甜, 好味! 又係$28!5. 西蘭花枝片珊瑚蚌-又係誠意之作, 絕對唔馬虎!! 掂!!飯後還有喳咋或綠豆沙任君選擇, 幸福而美滿的一餐!!

當下晝仲係太陽好晒既時候, 夜晚凍左勁多男友就提議去屯門打邊爐我地不嬲都食開呢間, 因為又平又多野食, D料仲好新鮮返到去時剛好8點半....個門口夠大風, 但竟然有成廿幾30人等位我地2個人....等左15分鐘到........入到去....."木台"又未執好........仲要冇櫈....1張都冇個種=.=之後等左好耐拎左2張黎....我地想要多張擺野....佢話:"又要多張擺野呀"我心諗: 人地隔離"木台"都係2個人4張櫈擺野啦第一張剔菜紙.....未入前只係話雲吞冇,鯇魚片冇點菜時其實點左成十幾樣的, 但只黎左好少, 想食個d冇黎生蠔冇,生串蝦冇,肥牛冇, 連油麥菜都冇黎左個d: 花枝幾新鮮同多, 芝士腸入面d肉好"梅"竹笙幾好味,個樣乾淨, 金菇菜有d污嘈, 下面仲有泥水發魷魚個樣好似擺左好耐, 唔係幾想食白鱔片切得好薄, 夠新鮮幾好味我地叫左粟米紅蘿蔔豬骨湯, 清清地應該冇乜味精, 幾好第二次剔菜我地再叫返之前冇黎個d一路食一路吹....其間寫左2,3張剔菜紙...一去冇回頭一張都冇黎過.....眼見第2 D"木台"既野食又係咁黎...我地就乜都冇唔通真係人多有著數???乜

2009/2/21晚餐火鍋真正全包價：食物﹑湯底，果汁汽水(啤酒除外)，茶芥，花生，加一。]好﹗寫出一堆餐飲資料希望有人會用得著。這天和老友會去打邊爐的，而屯門的任飲任食邊爐多數要在晚上九點鐘後，我們又絕少咁夜吃晚飯，在OR找下找找到置樂的天悅，評級很高，但人人都話要等位，閒閒地等成個鐘?!非常之得人驚。再找到美樂花園有一間同名的酒樓，心想會否是同一家呢﹖因家住附近，我就預早一天去酒樓問問看。結果是：兩家是同一集團的酒樓，打邊爐的價錢﹑食物﹑飲品和模式全部都是一模一樣的，但，為何置樂店經常滿座，而這店就…(星期五的晚上六時多見到的只是那幾檯客)門口的知客說二人不用訂位(預期生意不多?)，不過我們習慣食飯有早無遲，翌日的六時正就到了。個場冷冷清清的，不過見有幾檯客都在恰下恰下，我們也立即入座。一坐下經理﹑侍應也分別去開茶﹑問湯底問飲品，湯都到未到他們快快手遞上健康菜肉餃和鮮蝦雲吞各一碟，啊﹗那就是大家口中非常好吃但又經常缺貨的餃類了﹗呵呵呵，我還以為每櫃檯得一碟，好彩不是，都是任食的，項目放在任食紙特別項目的一欄處。(PS:呢兩樣在7點30分已沽清,好彩當時我地已經食夠食飽…)八款湯底中