天然豚骨拉麵專門店一蘭

营业中

休息中

期望越大确实会失望越大吃之前如果是为了拍照打卡，那么排队一小时或许还值得毕竟这个价位和味道的话香港还是有几家可以选对的味重多咸，建议淡口多喝水量多一半胃口不需加配料希望在名声之前更注重一下口味和感受会更好

今日去左一蘭食野估唔到要排隊以為冇咩人食同有單人位點知依家單人位要預約排隊既mode係首先要係冇冷氣又焗既樓梯🥵等十五分鐘以上🫠等完去點餐機點餐 這係依家唔俾人加野食然後係有冷氣既地方 再等十五分鐘以上再安排入座 揀完口味俾職員再等十五分鐘以上先有野食過程係咁等 係樓梯等以為會中暑唔明點解唔開單人格格位😞講番食物既質素 都未去到好差 叫保持水準 係麵既叉燒冇咩味同得兩小片反而另叫既叉燒就好食d不過其實好多野食都要加14蚊覺得可以買番佢一盒四個既麵返去煮仲抵仲開心😂

以前既特色冇曬，冇得一格格坐食，降格同一般日式餐廳無分別。先購票後排隊40分鐘，冇曬mood…排隊通道又凍又臭，一陣尿壓味，未食已經唔開胃！咁大間餐廳，一半地方用來排隊，點解唔俾人入座先坐？

香港拉麵店黎講，暫時我覺得呢間係最好食可能有好多人覺得唔值，亦都有人覺得唔好食！但對我來講偶然食又唔會貴得去邊😅不過太耐無去，宜家已經變到日本咁自助點餐後拎飛排隊。入座後先黎配料，叫貴個個已經包咗紫菜，木耳，同埋叉燒仲有溫泉蛋，另外加左豚肉燒配合七味粉 個味都幾好但有一半肉唔夠冧～記得以前有個肥豬肉宜家無左了！濃湯底配幼麵真係好好味！但唔鐘意濃湯底既人可能會覺得有d鹹～最後食完覺得剩左個湯底唔好哂，再追加叫多份白飯做湯飯😅 好滿足呀

已經唔係以前的一蘭午飯時間本想重溫下自閉位點知被告知先用機器落單俾錢後才帶到common食堂前排隊，原來未有位！仲要坐低才真正落單三點鐘，排隊排了五分鐘真係有得食等了半小時！但係已經俾錢，根本無得走碗麵好垃圾得兩塊豬肉片成碗杯麵咁收我一百蚊？食環境？個大廳好似大排檔咁迫仲要水都無杯成個手法好似詐騙咁呃左你入黎先算有咩理由未有位就已經叫俾錢？合法的嗎？不想再來了已經唔係我以前喜歡的一蘭拉麵我煮個出前一丁算了

兩個人食左三百幾⋯面好少，勁難吃，食完仲後屙肚⋯唔知咩唔新鮮遲早執笠，都唔知點解咁多人排隊，奉勸各位遊客食其他店，衛生又抵食…………………………………………..

我嚟到「一蘭拉面」食咗一碗叉燒拉麵，賣相真係好靚，一碗熱騰騰嘅拉麵湯，配上紅燒叉燒、青蔥同埋海苔，令人唔禁流口水！第一口啖落去，拉麵煮得好有彈牙口感，同時湯底濃郁同香口，真係好好味！唔止係豬骨湯底，仲有啲魚粉同埋高湯調配而成，令味道更加豐富，非常特別！叉燒方面，紅燒得剛好，入口即溶，配上香濃嘅湯汁，好適合香港人嘅口味。湯底同埋拉麵之間嘅平衡都非常恰到好處，令味道更加突出，令人一試難忘。總括而言，「一蘭拉面」嘅叉燒拉麵真係好有創意，湯底同埋拉麵口感豐富，叉燒煮得好香嫩，真係值得一試！

記得初初一蘭拉麵過嚟香港嘅時候排隊要超過一個鐘頭，而家大概等10幾分鐘就可以安排入座。我最鍾意呢間餐廳好有日本文化，每一組客人入座，佢哋都會好大聲用日文講歡迎光臨🥰招牌一蘭拉麵 $98 價錢雖然比日本貴，但係香港租金寸金尺土，所以呢個價錢都係無可厚非。我最鍾意選擇六倍唐辛子走油，面底好有咬口。順帶一提，而家帶埋小朋友身高 140cm以下download app 做會員，可以免費一碗小童份量拉麵👍🏻最後掃描店內的QR code，可以儲積分，下次可以免費半份面。

100蚊一碗麵唔緊要，但係少成咁又唔係好好食，得兩小塊叉燒，個麵量係唔係俾小朋友食？憑咩啊？員工服務又唔係特別好，舖頭裝修又唔係靚，真係唔會再嚟啦，唔怪得係日本啲舖頭執得咁多

天然豚骨拉麵專門店一蘭📍尖沙咀棉登徑8號地庫B舖及地下入口大堂🥄經過尖沙咀想食拉麵，簡左好耐無食既一蘭試下去試， 拉麵咬口唔會太淋淋，好爽口，湯底濃郁，我會飲埋湯，不過飲返多點水，至於豚肉就一如既往，唔會好硬，記住下次加底先夠飽，價錢就係貴少少但水準仲係到，環境方面當日都密密坐，想靜少少傾計都唔得

早兩日收工去左尖沙咀上堂落堂都已經9點夜已深諗唔到食咩同行肥仔提議食「一蘭」MM未食過就決定一試聽聞一蘭要成日排隊但當日人又唔算太多等左25分鐘左右就有得食本身期待係隱閉咁自閉食不過原來宜家自閉枱要預先預約😵我地叫左「天然豚骨湯拉麵」盛惠$98，另外再加一湯底可自選濃>普通>清而麵質都可以自行選擇軟定硬身今次我就試左清淡湯.普通麵質同6倍既辣度…湯底：清.唔會太油膩. 唔會咸麵質：正常.不過不失辣度：辣度可能叫得太多.有啲搶左湯既鮮味..份量：少，男仔食一定唔夠要加底總括而言.味道okay,不過性價比唔高一碗麵加埋一幾乎要$108推薦指數：⭐️⭐️⭐️⭐️（味道okay，未試過可以一試）性價比指數：⭐️⭐️（成百蚊一碗，但食唔飽😂）

Lunch時間大約一點鐘到，等左唔使10分鐘就可以入坐，成件事不論裝修同格局都同日本一蘭無分別，而湯同麵確實都好味，當然個人感覺都係日本好食啲，特別係福岡博多本店，而麵既軟硬度我係邊度食都一定係揀較硬，不過都係老通病，就係份量較少，所以一定要order 替玉（即係加底），可以預先order不過差唔多食完先按制叫人比替玉，多加一份半熟鹹味蛋，簡直係正啦！不過其實開返關可以去旅行，如果大家都準備去日本，就不如留返個胃去日本先食，平好多呀，差唔多7折，而且又好食啲，不過等候時間又會耐啲！

面条和面汤都很赞，但是一定要单点叉烧肉，你会惊奇发现单点食材的美味程度会超过面中本身配备的肉片。多点一分葱，点1/2辣，加醋，汤头浓郁到很想再来一碗。值得一等。唯一缺点是服务生态度非常一般，冷漠。味道4分，实惠4分。

好耐冇去過日本啦好掛住拉麵就會諗到一蘭拉麵！我相信所有人都會諗起！我最愛重口味所以叫左濃郁湯底！豬骨濃湯湯底真係好好食 好香，又唔會有豬臭味！因為本身容易胃痛，所以就叫咗超級林嘅麵底！超級欣賞日本人製作嘅食物同埋可以比客人挑選！叉燒入口即溶超級好食 另外仲叫咗一個特濃抹茶布丁唔記得咗影相真係想食完再食 因為超級濃嘅宇治抹茶味同埋好重奶味真係好好食當日人數都幾多，只不過等咗15分鐘等待嘅期間仲可以坐喺舖頭入面排隊

相信香港人都非常之熟悉一蘭拉麵，基本上唔使多介紹，識咗咁多次，今次試吓濃湯同濃油，睇吓係咪真係香口啲，入口感覺還好，不過對我來講就覺過鹹咗少少，睇嚟都係選擇返適中已經好夠味😆😆第一次加隻半熟蛋，間中奢侈一次，好好味😝😝😝開咗業咁耐，夜晚11點去到仲要排長龍，一蘭真係有佢嘅魅力😍