太興 (南寧街)

营业中

休息中

每間茶餐廳都必須要有他自己的必殺技或獨門秘方，我認為太興最獨門秘方的早餐就是他的扎肉肉碎米線早餐，因為其他茶餐廳相對起比較普通的沙嗲牛麵或通粉，太興擁有他最獨特的早餐，就是上問題到的那個扎肉米線。每次早餐時段雖然都會大排長龍，等待時間大概30分鐘左右，但進入的時候環境相對寬敞，佔地亦非常大，我最期待的就是那個扎肉肉碎米線，他的湯頭雖然頗鹹，但配上那個米線索了那些湯汁，令人一試難忘停不了口，配上炒蛋，真的會很飽。

難得放假黎香港仔行下啦，諗住食左燒味飯，見好耐無幫襯過太興就試下啦，坐低叫嘢食，個侍應已經無咩禮貌，叫個燒味3併，8點鐘咩都無，餐牌上只有燒肉切雞，離哂譜，上市公司喎！

週日自然醒想去太興食個午餐，有新出午餐即刻試叫，我叫咗一個叉燒切雞飯加一個午餐B叉燒通粉餐，侍應12:09同我講水吧部大佬通知沒有叉燒了，你可選擇其他餐，這時，叉燒切雞飯剛送到，我問侍應叉燒是否售罄，侍應回覆：可以照叫燒味，只是水吧部沒有叉燒供應，我真係O咗嘴同一間食店食嘢，原來要分部門！客人鬼知咩🤬一. 作為燒味專門店，一係你就淨係買燒味算啦，又要做埋其他餐，懶勁咁新推出一個午餐😡明明有又唔賣得🤬咩玩法呢？二. 侍應只能無奈照執行通知食客，完全唔會有意識反映俾經理處理，完全唔會靈活變通去處理😒我終於再次明白點解咁多人驚無聊到希望香港人加油💪🏼變返以前開心嘅美食天堂😉

跟朋友去香港仔太興吃晚飯，呢間太興地方很大，晚上人流不算多，坐得舒服。晚上不敢喝有咖啡因的飲品，好在有免費升級養生飲品，叫了蜂蜜紅棗茶，個茶很甜。服務員態度不錯，用QR 落單，叫錯了野食，服務員很樂意人手幫我們改正。

好耐冇出香港仔，今日去去香港仔順便食個晚飯，比較夜冇乜選擇去咗太興。拔絲咕嚕肉山楂汁酸酸甜甜，肉塊鬆脆可口，帶拔絲效果。海鮮雜菜煲鮮味十足，雜菜翠綠。麵醬蒸䱽魚麵醬惹味，魚肉嫩滑，送飯一流。杏汁豬肺湯杏汁滋潤，口感香濃幼滑。

This is terrible to encounter this terrible middle-aged lady who worked at the cashier. Her rude attitude definitely affect the customer experience and i highly recommend the restaurant manager reconsider whether this lady in working as the cashier. I will 100% not recommend this restaurant if i saw this lady.

好耐冇經過香港仔～ 今日下午茶時段～就入去太興嘆番個下午茶先！☕☕環境非常寬落丶有好多座位丶舒服！ 下午茶時段，餐牌都有好多選擇！我知道太興出名就係燒味🐷🐔🦆所以我叫咗三色燒味拼盤～叉燒切雞同燒肉！下午餐加多杯熱奶茶！熱奶茶真係傳統好有奶茶味！好香 唔會淡茂茂～☕☕而我朋友叫左一個煎雞扒腸蛋飯配熱檸茶！今日下午茶餐實在不錯！簡單又好味！份量仲好大碟🍛🍛今晚唔使食晚餐

翻工係香港仔翻，突然間想食下叉燒，就入左去。呢間店都算比較多座位同寬躺。姐姐幾好人，問食啲咩，同行同事食嘢比較腌尖，又唔食飯食面，又轉咩轉咩，姐姐都要用機落單，又會重覆一次。我自己就叫左個普通叉燒燒肉飯，好明顯見到個份量不多。燒肉都脆既，叉燒就略為普通，可能要有少少肥肉會好食啲。不過不失的一餐。

今日行過香港仔，見周圍選擇都唔算多，就求其入左太興食個lunch算XO醬元貝菜粒炒飯老實講元貝就算有誠意既，大大粒同埋有鮮味，但其他料就真係無味，感覺太淡口，下次就唔會再叫啦

外賣都有很高水準的小菜。放左工唔想煮的話，最方便就係叫外賣🥡。香港仔餐廳很多，但最常叫都係太興，鐘意佢款式經典但次次都整得好食好放心叫。煙三文魚炒飯熱辣辣好香，炒飯粒粒分明，魚肉魚子🐟好多，再配埋少許菜心🥬碎加強口感，就咁食都好香口。咕嚕雞球比起咕嚕肉更健康，無咁多肥肉，配埋醬汁酸酸甜甜更好味；配料菠蘿🍍洋蔥🧅青椒🫑很好餸飯，皮薄肉厚啖啖肉。菜方面揀左西蘭花更正氣，炒得又夠鑊氣，青衣魚肉也夠淋。

太興是有點小貴，但值得。想善待自己的時候，我會偶然去。其實我已經在本人的eating plan 裡delete了她的瑞汁炒牛河，但卻一直在原諒她的燒鵝，直到今天。中午到，迷宮一樣的layout教我煩惱，哪些服務員，根本就很難看到你揚起的手，只好高叫。幾經努力，我捕獲了一個哥哥仔，點了客燒鵝咸蛋飯（$62）配凍檸檬茶（+$3）。等了約10分鐘，同事已吃了一半的時候到。看到我那碟飯時，我不期然'吓!' 一聲的叫出來。黑色？我還以為是燒燶了，問那哥哥仔，才知這是煙燻燒鵝，太興已全線力推。都怪自己沒看清menu，無奈之下惟有照食。滿燻燒鵝牠很大炭味，說得動聽些就是煙燻味，可能有人會覺得很香，我卻有食長備炭的感覺。牠很瘦，一點油脂也沒有，所以很乾身沒肉汁，好像柴一樣。燒鵝原本的甘香豐腴全沒有，真是難以下嚥。另外配菜的一顆咸蛋，沒有起沙冒油，但還是比燒鵝好，我就著咸蛋吃完了整碟飯。這頓飯真令我有投訴的衝動，也好好的思考了一下。明兒真的不吃燒鵝了，總是失望、總是不滿意…太興有新食譜是件好事，可真太難吃了! 從前的鵝多麽好!6

太興真係幾抵食，下午茶餐幾十蚊，有飲品，兩個都係$102不過今次嘅食物水準就覺得麻麻地，瑞士汁牛河甜咗啲，得甜味，瑞士汁味反而唔多覺，牛肉都可以，都有咬口燒鵝米粉，俾咗鵝脾位置，不過切得唔好，有兩三嚿，最好食嘅燒鵝皮消失左，燒鵝皮都幾香，鵝肉都嫰，我覺得太興D米粉，佢唔係淋身，一咬即斷，反而有D煙煙銀銀感，比其他茶餐廳嘅米粉，更突出更好食冰鎮奶茶都唔錯，用冰底，起碼奶茶唔會因爲啲冰溶咗，而覺得淡味

太興係我鍾意嘅食肆之一，我一般都係食下午茶，不過今天就是午餐我食咗燒味雙拼，有燒鵝拼油雞同星洲炒米，午餐配送凍檸茶同冰鎮奶茶唔知係咪今期流行，個燒鵝又係有啲荔枝柴香味，不過香味就淡好多，燒鵝肉質比較淋身，不過瘦啲，冇咁肥膩，油雞翼好入味，滷水汁都OK另外一個星洲炒米，新鮮炒起熱辣辣，有少少辣咖喱味，米粉炒得夠乾身，用料都算多，有3隻蝦、叉燒，炒蛋、芽菜，好啱我食冰鎮奶茶幾香濃，凍檸茶就一般，小小澀冇乜茶味，集合各項，呢個午餐都係抵食嘅

午餐一心想去太興吃久違的叉燒飯～一直覺得太興叉燒很好吃！.看看menu竟然見到有健怡之選：「特瘦」叉燒飯✨標示了卡路里只有530kcal🌟二話不說馬上點了這個午餐.這個跟普通叉燒飯有甚麼分別呢？主要是叉燒沒甚麼肥膏🤩🤩但又不會很乾柴！這點大加分啊然後是白飯上面沒有淋上叉燒汁（走汁會無咁肥咖！😬）至於菜方面，原本正常版會是炒椰菜(油光滿面的椰菜🙈)健怡版則是清燙粟米芯，黑木耳和小棠菜這樣一盤健怡版530kcal嗯⋯⋯正常版的熱量我不敢想像了哈哈哈，以後吃我都會點特瘦版❤️❤️❤️

我鍾意食太興嘅下午茶餐，份量足夠，等於午餐，我多數食雪菜肉絲米粉配滑蛋多士，或者餐肉滑蛋公仔麵，今日我就食餐肉滑蛋公仔麵，餐肉算優質餐肉，唔會太淋身，煎得香噴噴，又脆口，滑蛋名副其實好滑，好有蛋香味，公仔麵煮得軟硬度適中，另外一個欖菜肉鬆炒飯，個飯就硬咗啲，欖菜少，不過係即炒，加D美極，都幾好味，奶茶係一貫招牌菜，香同滑都係最適當嘅形容詞，凍檸檬茶茶底唔錯，好啱夏天飲，總括嚟講，百零蚊，兩個茶餐，真係超值抵食