太子茶餐廳 (鯉魚門廣場)

营业中

休息中

雖然寫字樓在西九龍，但工作需要港九新界都去，今日晨早要去油塘做野，本著支持小店的精神，所以唔幫襯商場內集團式食店，反而走入街市搵太子，當然，入到去就發現，乾淨的裝修+闊落的卡位+勁大的電視，基本上沒有半點街市味道。叉燒一丁，整齊的四片叉燒，貼心的附上幾條菜，叉燒唔係頭頭尾尾，亦冇話硬實實咬唔開，莫非就係在隔鄰的燒味店取貨所以較新鮮？餐配選了珍寶腸炒蛋多士，成個餐味道正正常常，奶茶夠熱但茶香一般。價錢38蚊以街市而言少少貴，應該揀咩？街市feel收費平？食好D收貴D?

街市裝修好之後第一次落黎食感覺比起以前整齊左好多 舒服左 衛生左服務都好左！不過價錢就唔係特別街坊xd干炒牛河正！夠穫氣！熱辣辣！都夠味！最驚啲干炒牛河得個色 食落來冇味！滿足=]食左碗雲吞河幾好味 幾大碗 雲吞都好味 好似都有五粒三十蚊有埋飲品 =]幾抵既呢個！

行山前去食早餐先！朋友叫我去呢間！街市內嘅茶餐廳！地方正常茶餐廳格局，店員安排我坐大卡位，要同另外一對情侶分佔一邊卡位！地方唔迫！早餐都係正常茶餐廳選擇！可惜我已經厭食呢類早餐，所以揀咗個熱狗餐！即做要等耐啲！熱狗:好大隻，條司華力腸好誇張！已經𠝹花！皮脆唔韌，可惜一咬入面有空洞位，一泡滾油唧出來，燙傷了舌頭！香腸肉彈牙！唔會太鹹！加上唔多嘅青瓜蕃茄同生菜！沙律醬酸酸咁開胃！麵包烘過熱辣辣！芝麻香口！好味又好膩熱檸茶：瓦杯茶底濃唔澀！夠熱好味！食物幾好！不過啲店員姐姐就好惡，我對面嘅情侶落單，講一句：A餐！姐姐一句：咁都要講配乜架（勁惡嗰隻）其實人家都係逐樣講啫！不過我叫嘅熱狗餐唔使選擇！所以佢哋都無乜唔好態度！茶餐廳下午茶餐嘅早餐！

去茶記,如果諗唔到叫咩,通常都會叫椒鹽豬扒飯,因為通常屋企都整唔到呢種口味,又咸,又有少少SPICY,豬扒又稔入味,即使係白飯,都可以輕鬆將佢扒下.全因有呢種白飯殺手.

平時好少寫食評，真系憤怒了唔寫唔得啊！今日同阿媽去食午餐，我叫左個牛腩河，食食下，見到條鼻毛，唸住挑出來就算啦，點知再見到幾條毛髮，真系食唔落去，叫左侍應一個應我，叫我等鎮，點知無過來理我，再叫第二個侍應，同樣系緊，再叫第3個，就同我換左碟，但明明就見到距倒左碗裏面d湯，再加牛腩落去，來到碗野都系有鼻毛，（碟上毛髪為證）呢到d服務態度太差啦，我費事為左$26好似潑婦駡街緊同距地嘈,比錢走人！

因友人剛剛般嚟就落街食個下午茶..豬頸肉檬粉跟春卷有飲品 $3x醬爆雞丁米粉跟吉列魚柳猪仔包仲有飲品 $ 3x (個魚柳猪仔包係用千島沙律醬..個包好脆..ok好味!不過d雞丁好似少咗d!)個老闆娘知第一次食....推介我哋下次要試 過咗幾日...我哋再去食沙爹牛肉麵跟豬扒豬仔包但佢2樣一齊上...食個麵先好..定食個包先好(一係個麵淋一係個豬扒包淋...因佢個豬扒包係用洋葱汁)結果都係揀麵先..咪佢唔止淋仲會發..!