太爺雞 (已結業)

這裡的午餐很抵吃。有湯有飲品。碟頭飯或炒飯麵大部分即叫即做，十分新鮮熱辣。我魚香茄子，梅菜扣肉，涼瓜石班，麻婆豆腐等都試過了，不錯絶不會失望，但一直就是沒有試店名的太爺雞，終於每天試試。我是吃胸不吃腿的。一咬之下，雞肉（而且是雞胸）又嫰又滑。碟上的豉油隱隱帶點玫瑰露酒的香味，真個是名不虛傳。唯一稍遜的是環境，從街外穿入店來，經過工廠走廊，是有點骯髒。

就黎離開觀塘office, 我要趁離開之前食多幾次我地嘅'飯堂'，其中一間就係呢間太爺雞。午飯時間呢度通常坐冇虛席，皆因佢真係好抵食。一個午餐$3x - $4x, 包例湯同餐飲！今日我叫左個邪惡梅菜扣肉飯餐$38。份量好足！有4大件扣肉，半肥瘦，肥肉燜得軟淋入口溶化，可惜瘦的部份有啲乾。落左梅菜，梅菜半身有咸甜味，加上調味重手左，所以有少少過咸，但味道係唔錯架！加左杯凍檸茶加$2，total $40, 抵食！

早幾日係觀塘上堂，Lunch Time就去左太爺雞午膳。佢地中午有好多經濟客飯，我叫左碟豆腐飯配飲品，都唔使四十蚊。豆腐炸得外脆內軟，中間釀左D豬肉，非常香口，配飯一齊食

今日黎到觀塘辦事，同朋友一齊出去食午膳，經過成運工業大廈，稔起呢間“太爺雞”，因之前聽朋友介紹過，話果度D野好好食，價錢也相宜，於是就上去試下！喺成運工業大廈1樓行到最尾，入到去見到餐廳嘅形式似酒樓格局，但啲枱就比較大張， 人少嘅話 就要同人搭枱！由於時間尚早，客人唔多，我哋就搵左個位坐低，朋友話要個紅燒豆腐飯，然後就人有三急行開咗！跟住個店員行埋嚟幫我哋落單！我就點咗嘅太爺雞！中間就發生咗個小插曲。好快就嚟左嘅梅菜扣肉飯，朋友嘅紅燒豆腐飯變咗梅菜扣肉飯，落單嘅店員就走過嚟話我點嘅係梅菜扣肉飯，而當時我係講餐牌上嘅號碼，其實都唔知係我講錯定佢聽錯，但個店員就黑曬口面。雖然後來都有換番，但就食得唔開心，不過真心太爺雞好食，好滑同入味，特別係啲豉油甜甜地好好味，而朋友的紅燒釀豆腐飯亦好味，不過整體分量少咗啲！