太興 (企業廣場)

营业中

休息中

朋友經常提及太興八寶飯水準好高，但是本人一直以來無緣吃到。 今天去逛完街經過，剛好晚飯時間。 砸巧路經太興， 於是就進去吃個晚飯，順便試試八寶飯。問美女服務員有什麼飲品時， 幾秒鐘講晒所有飲品名稱出來。 嚇了一跳。。。。八寶飯賣相十分不錯油菜好大碟八寶飯真的十分有水準。 油雞好嫩，叉燒好肥美， 入口即溶，最抵讚咸蛋有一隻，不會太咸，香濃。墨魚爽口。燒腩夠脆， 紅腸夠香。 唯獨是 燒鵝就味道差一點， 其他就不多介紹。 有機會自已去試試。 總括來講。 價錢雖然略貴，但還可接受。服務員服務態度好。 抵讚。

今日约左個朋友食太興，因吾知食咩好，叫左個牛腩蕃茄烏冬，等左半小時，d烏冬吾熱，牛腩也可以，番茄味一般，價錢又貴吾好食 。所以食吾夠5分鐘就结帳，其實服務員服務也可接受，廚房員工不足，希望太興改善。

昨天中午同同事去了太興, 上星期佢話食太興的肉臊飯好味, 我就覺得好奇怪, 太興有呢D飯架咩, 佢話有好多特式的飯. 咁我就要求佢同我去食.太興好大間, 一出電梯就係, 勁方便, 唔使等位, 坐下四人卡位已放了兩樽玻璃水, 三個杯, 好細心呀, 我睇左餐牌, 真的係有一些特別的選擇,唔係只係食燒味, 有咖喱牛腩飯, 肉臊飯, 仲有粉麵等等, 同事話佢食燒味, 攪到我又想食, 所以最後都係叫左燒味飯.我叫叉燒油雞飯, 飲熱柚子蜜, 同事食叉燒燒肉飯, 飲凍鎮奶茶, 飲品好快到, 柚子蜜正常, 幾甜. 唔會冇味, 凍鎮奶茶賣相吸引, 味道好滑好味.叉燒油雞飯嚟啦, 跟一碟薑蔥蓉, 叉燒好肥呀, 唔記得叫佢廋少少添, 都幾好味, 係淋身的, 有油份的叉燒, 唔會乾到柴皮咁. 油雞都好滑, 好味, 肉多唔肥, 同事的燒肉試了一件, 都好淋的, 皮都脆卜卜, 唔似人地果D咁梅.  有些菜芯, 飲都有些豉油. 夠淋身夠熱的.簡唔中一次都OK, 因為太貴呀.

上星期同朋友一起去九龍灣太興食午飯:'D我哋叫左一份原盅生滾鮮茄豆腐海鮮湯我覺得豆腐好滑溜,而且湯鮮味濃郁,好正!仲有叫左香濃咖喱牛腩飯這道菜係太興都幾出名所以真係名不虛傳咖喱香濃惹味，牛腩十分入味整體黎講十分吾錯！另外我仲試左特選馬友鹹魚蒸肉餅飯但係覺得呢個肉餅有啲過咸所以只有食左三分二就已經覺得十分足夠

有朋友在身邊真好，臨時發現家裡缺點東西就問問朋友可以幫忙嗎她說好還相約隔天的午餐一起享用，當然好啦，跟妹妹早點來到找好位置坐下，看看餐牌有什麼好吃的老妹點了個八寶飯，本來想吃3寶飯的她卻點錯了等候費時，嗯....賣相不吸引，而且像是剩貨加點杯凍奶茶給我的，茶濃香奶香醇頗不錯，不過看著冰塊溶化，很害怕會打翻我點的餐蛋治，鬆軟的麵包夾著香脆可口的餐肉跟嫩滑的雞蛋～ 朋友非常好奇....我為什麼會這麼少就夠了謝謝你的幫忙，我也願意把耳朵借給你的

早前經過太興, 朋友話想食下午茶(因為未食午餐)就入去食, 平時出名都係燒臘飯, 今日叫其他: 牛肉麵(D麵唔太腍, 仲好爽口添), 仲有蕃茄牛肉烏冬(烏冬彈牙同埋D湯好濃, 好香蕃茄味), 三十幾蚊下午茶抵食!正!

知佢地d燒味幾好食，有質素，特登黎食乳豬，一黎到叫，無乳豬，叫左個四喜來臨門$118(自選4種燒味),叉燒，油雞，熏蹄，燒豬。叉燒好干無肉味，燒豬切到薄一薄，無口感而且一大截肥糕，熏蹄于過不失，油雞唔滑又鞋口。品質好差，唔好覺得megabox無咩人黎食就咩都無同做得差，我覺得要好好尊重每個食客，做都做好d呀。

又貴！ 又細碟！d 野又勁油勁難食！個雞煲得3，4 舊雞肉！其他係骨同洋蔥！ 另外個西蘭花班球又係渣到勁油，又乾，又唔好食，兩樣嘢加埋仲要一百七十幾，過飯又勁細碗，總之就超級難食，下次一定唔會再去！食麥當勞都好食過佢！

平安夜，食乜好，唔想多人又唔想等，就同屋企人來這裡黎過簡簡單單的DINNER乜乜豆腐煲~~~豆腐好滑滑，味道都不錯，熱辣辣GOOD 胡椒雞鍋~~~胡椒味道唔夠，雞雞滑滑都OK的啫啫芥蘭煲~~~一上枱個煲超大，但入面D芥蘭應該唔夠半斤......味道是不錯的，但唔夠熱冇啫啫聲生炒糯米飯~~~唔太乾又唔會太濕味道好好，配料都剛好咸魚煎肉餅~~~煎得唔夠香脆，味道OK啦花膠翅煲~~~用料都十足喎！但肥左D ，湯都好濃，味道GOOD GOOD，最緊要係夠熱 菠蘿咕嚕肉~~~OK啦 服務都OK，可能係唔多人啦　

lunch time和同事到MegaBox 10樓的太興午餐大家都知太興價位比較高 , $5x 食個茶記常餐唔多值咁岩比我睇到有新野~~~大都牛肉麵 $46好似幾抵喎~所以決定試新野, 睇下會唔會比佢呃先~~~先黎個老火湯因為好耐無飲過屋企的老火湯, 要搵d湯水潤下先~~~睇d湯渣有豬肉, 南北杏, 蜜棗 都幾足料~ 有娘親湯水的感覺 , 好飲~~~牛肉麵的份量十足 , 旁邊有切得幼細的芹菜及青蒽 , 清香撲鼻喝啖湯先~有淡淡的牛肉香味, 配上芹蒽粒及青蒽 , 味道不錯只是稍微咸左D....再來一口麵 , 麵條質感像軟滑的幼身上海麵 ,可能煮得耐左少少 , 無左煙韌的口感 , 而且個人覺得有d過"淋"添.....有5大片厚切牛腱肉  (睇相都見到 , 重厚過隻筷子~~~)咬一口 , 有香濃牛肉味煮得岩岩好~唔硬而且諗滑 , 有煙韌的口感~~~而且係厚切 , 好有咬口估佢唔到咁好味~~~結尾: 吃完整碗麵真係超飽 (個份量係比男仔就應該岩岩好)而且我覺得個份量和價錢係太興餐牌中唯一成正比的 認真超值!!! 會考慮下次幫襯 (都係食牛肉麵~~~)報告完畢~~~

次次去MEGABOX都係食IKEA....今次要快....同埋都飲個冰鎮奶茶....所以就揀左太興....冰鎮奶茶印象中半年前有幫襯過....味道差左少少...之後GE茶香冇左....咁GE價錢咁GE品質真係唔多OK....燒味飯又係另一個敗點....幾舊雞骨多過肉....只可以講街市燒味檔仲好食....總結:出左名水平就下降....失望....咁GE價錢絕對唔抵食...冇下次!!!

太興的定位是高級茶餐廳卡位也有梳化皮 冷氣大 不像傳統茶餐廳的空間狹窄餐牌也有些特別食物 如芥茉焗燒肉飯 但我還未敢試今次點的是星洲炒米 很普通的茶餐廳菜式星洲米夠味 略嫌有點辣 食落也有點油 如果能乾爽一點較好另一點是的台式燥肉飯 有重鹵水味 食到中間覺得鹹左D蛋不是全熟蛋 蛋黃會流的 呢個幾好味其實佢MENU入面都幾多選擇 只係結帳不收咭 只收現金 有點麻煩

又是等女朋友仔(在為公司加班工作), 在hku space已等了個多小時然後也有輕微肚子餓, 行來megabox找找吃的還好, 在6pm前有下午茶還是我最愛的組合 - 西多士+熱咖啡 (其他地方則奶茶/茶走)結果竟然西多士跑出先來有整瓶糖漿拿來較令人歡喜, 最討厭某些餐廳, 僅給你少少的糖漿, 有些更送上外賣糖漿不算是很油很膩, 反而中間很清淡, 輕少許的花生醬或其他醬料都沒有, 太寡咖啡反而較遲來, 說是即磨咖啡??味道.....是較大家樂好吧, 但還沒有甚麼特別咖啡香氣以這個商場及這家燒味雙拼都>$40 的餐廳$24 下午茶實屬划算, 但質素不會令我有意回頭

又是四點先食飯, 結果去了太興食下燒味. 叫了燒鵝飯, 鹹柑吉水. 然後攤下休息下等上菜.服務員很勤快而且禮貌不錯, 叫了的菜也很快送上. 這時間旁邊的座位都點了下午茶只有我們食午餐.燒鵝飯不錯, 燒鵝皮脆肉嫩, 鵝味重, 肉有咬勁, 越咬越有味, 飯有些甜汁也很開胃.鹹柑吉水夠熱好喝, 食完熱氣野潤下個喉嚨, 水鹹度剛剛好, 喝完很潤喉舒服.

再來九龍灣Megabox早餐系列，這天走到10樓的太興試一試這裡的早餐。在Megabox吃早餐有個好處，就是大部份的餐廳都不會有太多人，大部份時間都可以輕輕鬆鬆的吃個醒神早餐，再回到工作崗位。太興這裡也不例外，約八時多來到，餐廳內大約只有半滿，選了個二人的卡位坐下後，便看看餐牌上早餐的選擇。早餐的選擇也不少，今天不太想吃炒蛋，所以選了個配黑椒雞扒加香草腸和多士的早餐，本來早餐的餐飲是可以免費轉成Cappuccino的，但落單後侍應回頭說今天沒有Cappuccino供應，只好選回常點的熱奶茶。熱奶茶首先送到，看茶色也對辦，加了點糖後喝了一口，茶溫不對，怎麼只是微溫的？是否放了在水吧很久沒有人拿出來？而這杯奶茶的茶味也比較薄弱，很一般的一杯奶茶。其後早餐便送上，多士烘得夠熱夠脆，塗上牛油吃是簡單的美味。雞扒同樣地也是熱辣辣剛煎好的，這塊雞扒煎得皮脆肉嫩，雞皮下的脂肪不多，即使連雞皮同吃，也不太需要內疚。雞扒本身的調味已經足夠，不用點黑椒汁已夠味，若加上黑椒汁同吃，帶香口微辣的黑椒汁又提昇了雞扒的味道。至於那兩條香草腸，腸身有微微煎過，吃來味道只是一般，吃完整條也不覺得有香草味。吃過這份早餐