太興 (企業廣場)

营业中

休息中

星期六下午茶時間已經係無咩人，d 服務員都可以唔serve 客，叫都唔應，咩樹份量超少，完全食唔飽味道好鹹，牛肉麵排骨麵呢d簡單野。。都可以hea 過。。牛肉薄切，真係好失望收人四五十蚊一個下午茶餐實在太過份

本人與一家五口晚市來吃，叫了不少小菜，最印象深刻是三文魚炒飯！鹽份得宜，三文魚口感十足，推薦各位一嚐！燒味方面，最近新推出的茶香雞也不錯，又抵食又美味！當晚叫了一隻茶香雞，一大碟才80蚊，價錢算便宜！服務態度方面，晚市侍應服務貼心，由於家中有兩個小孩，侍應送餐時亦有善意提醒我們小心煲辣親，亦有禮貌提醒我們準備送餐落檯，面帶笑容，十分親切！本人仔仔不小心倒瀉水，未舉手找幫忙，已有男侍應主動上前幫忙！效率又高又體貼，值得一讚！可惜晚市人手不足，難免有東西做唔切狀況，例如埋單時亦等了數分鐘，但適逢繁忙時間，本人亦諒解此情況！會再與家人一同來食！p.s.以本人所見，侍應們沒有Hea做之狀況，以正視聽！

同老公黎mega box 食晚飯, 係太興門口等位, 當時我前面已有2位+3位等緊我地眼見明明餐廳內勁多位, 有D 乾淨枱, 亦有D係未執枱當門外條隊已經10幾人, 侍應先問有無3位, 就俾我前面既3位入去先, 雖然佢地係未齊人跟住我地又繼續等, 同一個侍應又問有無3位, 我真係火都黎, 做乜又係叫3位, 點解3人座位唔可以俾前面既2位入呢?個位姓鍾既男侍應 擺明HEA 做, 成日做做下一樣野又停低做另一樣野例如推緊餐, 餐都未送, 跟住擺左成架餐車係走廊, 就走左去第二樣野 , 我係門口望住架餐車都over 5 mins 啦個侍應一D time management 都無, 應該好好反省下最後終於入座, 叫極人都唔黎寫單, fing 到隻手攰先有人黎應煙燻燒鵝半隻, 煙燻味係幾香, 可惜皮唔脆既然食物普通, 而且有位又唔係俾人入, 咁我絕對唔會再黎, 咁你地D 侍應應該會好開心

平時食太興都係食燒味多，但其實佢個menu入面都有好多非燒味嘅選擇！今次就叫左佢個XO醬雞柳炒銀針粉黎試下個銀針粉油就係油左啲但整體都唔差嘅！味道岩岩好唔會太鹹，雞柳幾入味而且都幾滑，再加上有啲椒同芽菜一齊炒，加埋銀針粉食落都幾夾！另外太興嘅冰鎮奶茶真係無得輸！每次黎到都一定要加錢飲，又夠凍又夠滑，甜度岩岩好，出名係有原因嘅！依餐總共$68，叫做中規中矩啦朋友食左個椰香咖喱牛腩飯話都唔錯，睇黎除左燒味外，太興其他野食嘅質素都唔太差，可以一試！

太興的燒鵝非常好食！每次差不多都有點燒鵝飯。今次就試下未食過的，叫了蠔仔泡飯$58。材料都足料，有不少蠔仔，隻隻都幾肥大，還有東瓜粒同少少鹹菜（應該係），湯頭偏淡，但湯+飯+蠔仔一齊食，蠔仔味就好出，味道不錯👌🏻。

太興真係越做越衰！加價都不再講啦加原價之後份量少咗仲難食左離晒譜叫咗個蒸肉餅配白飯等車差唔多半個鐘先至有服務態度又差完全係食到一肚火。算啦個蒸肉餅喊到不得了完全係難以入口配飯都食唔落啲肉汁食落去又怪怪地咁樣唔會再幫襯

今日有嘢做晏咗食飯，老公之前已經食咗嘢，佢陪我嚟到呢個mall，唔知食咩好，太興都算多選擇，入去坐低未夠兩點，可以午餐，也可以等一陣有下午茶。呢度有對外望到外面環境嘅座位，好開揚，也有大量卡位，二人卡位都坐得舒服。先叫一個午餐，滿燻鵝絲雪菜炆米粉，好耐冇食雪菜炆米，師傅手勢唔錯，抄得好香，熱辣辣，好好味，如果鵝絲再多啲就更理想。個餐包飲品，叫咗杯熱奶茶，花奶份量夠，茶也夠香濃，有水準。過咗兩點可以叫下午茶，茶餐雞蛋西多士，西多士好大件好厚，糖漿任落，新鮮炸起好香口。加三蚊飲凍奶茶，原來呢度係冰鎮奶茶，正呀！午餐都有燒味飯，太興燒味出名好食，外賣加餸也不錯呢。

今日難得早起到可以食早餐，就去左太興食，睇個menu,其實都幾多選擇，但係一尼到就有啲失望喇雞扒size 唔細，合理嘅，反而有少少意外個汁會咁濃，有啲黑椒，少少唔算多，但係非常成塊雞扒都係非常oily, 係真係肥個種，另外，啲腸仔都係咁油，其實睇個面都覺得好似比油包圍住咁，而每一下切落去，啲油都係咁流出尼😂食完覺得自己食左一堆油落去咁咁樣加杯熱檸茶 $38，係而家尼講都算合理價錢，不過下次都你食返茶記

今日到德福附近做野 到夜晚肚餓就係德福廣場搵野食 突然間好想食燒味飯 但係成個德福廣場應該得利苑同太興有燒味飯 又唔想行過去得寶個邊 唯有揀太興本身諗住食乳豬 燒鵝 油雞三併飯但係可能已經晚上八點幾啦 乳豬 冇！ 燒鵝 冇！ 油雞 冇！最後 叫左呢個 叉燒 燒腩 飯味道 可以 燒腩 冇骨先 另外 跟餐有個油菜 要了 菜心 有5條整體黎講 比起出面普通燒味鋪 會好食一點但係八點鐘就冇咁多選擇 我會有點驚奇 最驚奇就係個價錢 食個燒味雙併飯加杯野飲 加幾條油菜 收70幾蚊 我覺得有d癲

收工行到megabox ，見到太興，諗住兩口子叫d小菜食飯，坐低先話今日冇小菜提供只有燒味冇得選擇下叫左一個雙拼，燻蹄拼墨魚仲叫左半隻金不換醬油回香雞最後唔小得當然係冰鎮奶茶雙拼老實講普普通通，醬油雞反易夠味唔太咸，仲幾滑，冰鎮奶茶都係咁好飲

今日中午黎到太興食午餐。megabox 呢間太興都算坐得舒服我叫左個星洲炒米，整體還可以。有啲辣椒但唔算辣，對我黎講剛剛好，也不是太油。(不過也有朋友係其他太興分店食過星洲炒米而覺得好油)我個人感覺啲米粉太乾身，同埋感覺當中調味粉未得抄勻。好彩個餐有配飲品 另外，份量也不算太大碟，食完唔覺好飽。太興in general都算比較貴，有時候都會黎太興食燒味飯。我個人覺得燒味飯整體好食過其他啲套餐不過就要60-70到，比起普通茶餐廳貴唔少

Lunch同朋友去左megabox覓食，午飯時間真係間間餐廳都咁多人，得返太興唔洗排隊，咁就揀佢啦！！太興近年雖然越嚟越貴，不過個人認為佢啲燒味真係冇得輸嘅，其他嘢食就一般般啦，但如果食燒味都會揀返太興囉！

這個瑞士汁牛河我竟然得幾粒牛肉！這樣可以收人街＄63太過分。現在泰興的東西實在有點過分了⋯⋯你話！我們要回水！我們要求改善！請改善你們造食物的心！用心去煮！好嗎

對上一次食太興都半年前了, 今日下午荼時段見佢好空又咁耐無食咪入去食下囉, 叫左個鴨腿湯飯, 用料足, 食完很滿足, 但價錢其實和午餐咁上下, 只有幾蚊的分別, 太耐沒去太興, 埋單才知原來下午荼都有加一, 連加一約60, 以這時段來說感覺有點貴. 不用等位, 有卡位坐, 但這時段仕應好像只有2個? 因為想下單叫輝極手都沒人見到或行埋黎. 下單后上菜頗快, 原以為要等15分鐘, 結果不夠10分鐘便送到. 很熱, 味道不錯. 整體滿意, 但這價錢會選擇其它店, 因為其實在food court 嗰層, 有很多選擇

太興係我早, 午, 晚三餐都會光顧嘅食店其中之一, 早餐可食個餐蛋麵, 午餐可以食叉燒飯, 晚餐則叫D小菜！！雖然通常太興都係大大間, 有很多位子選擇, 但又很多時都需要排隊等位, 所以想食太興, 一定要有耐性先可以！！沙嗲金菇肥牛煲~許多大大件肥牛, 沙嗲味濃, 但肥牛不夠肥美, 而我最鍾意食嘅粉絲雖然夠晒入味, 但可能浸太耐而不夠彈口！！北菇豆腐青衣魚柳煲~這煲有驚喜, 豆腐嫩滑可口, 北菇超入味, 青衣魚柳好新鲜同啖啖肉, 仲加埋脆卜卜嘅西蘭花！！好滿足呀！！