太興 (蝴蝶廣場)

营业中

休息中

燒味飯不知所謂叫咗三拼燒味飯(燒肉 燒鴨 油雞)燒肉下半部鹹到要洗腎 好似食咗成啖鹽咁 食到我直頭要lur返出嚟😥 燒鴨得一舊叫有啲肉 另外夾多三塊皮油雞最過份 雞翼位 一隻完整雞翼都冇啊!午市$79一個三拼飯 一舊正經肉都冇 我唔係叫廚餘餐啊我已經食過唔止一次燒味飯係俾垃圾 只係又想食燒味飯有得坐 食到一肚火如果唔係街市賣$22一個飯嘅都好佢十倍 起碼人哋唔會俾得皮同雞翼你唯一好處係有位坐啊 舒服冇人咁嘅質素真係唔應該仲俾佢生存到 快啲空個位俾其他餐廳做好啦!

1800落單，1817熱咖啡到，1822牛河到印象中第一次食太興，地方算大但職員好少，少到收銀處成日都冇人，唔趕時間所以等下都冇乜所謂，反正叫乾炒牛河都好穩陣，張單已經打咗少油，第一啖食牛肉凍嘅，河粉唔熱，毫無鑊氣可言，咖啡正常，盛惠$75。

這間分店差到極點😤服務態度差，食物質素差不特止，而且份量太少，價錢又貴。之前都有耐唔耐幫襯，但係經過今次一定冇回頭。以為堂食份量少之餘原來外賣仲少，簡直令人令人唔相信

今日放工去了太興燒味餐廳買外賣現在已經加價了.但食物越來越少！我分別選了梅菜扣肉和蝦皇醬芥蘭炒鮮魷。食物味道美味就是份量超少首先梅菜扣肉只有面層8件左右下面用梅菜和菜芯鋪底扮多蝦皇醬芥蘭炒鮮魷 個盒只有1／3滿鮮魷又是很少。現在$76一個小菜同酒樓無分別但份量真的太少。如果要飲品要另外加錢。一個餸可以送1配白飯

兩極化 屯門市廣場與蝴蝶邨廣場 同一集團 出品質素 差差差 失望 失望 ！！希望佢哋餐廳質素能夠統一 平時喺屯門市廣場光顧 味道同埋品質有保證 未試過有情況出現 ～蝴蝶太興分店 切記 不能去試 味道唔好食 ！！由其燒味部出品 街市買嘅都好食過佢 我都奇怪 ～太興集團 點會 星期六咁少客 晚市時間七點都冇乜人 食過唔會再返尋味 唔值得再光顧 價錢唔平差唔多都成$100分量極少 ！！疫情嚴重 佢本身做唔好自己嘅質素 好難會有 高嘅營業額 ～最後都係倒閉收場！

很少會選擇在太興吃晚餐但今次因為商場的酒樓都爆滿沒位所以來此店一試,結果出奇地滿意先說他們的燒味吧試問去太興又豈能不食不過我始終認為價錢偏貴了點八面玲瓏有燒鵝、燒肉、叉燒、切雞、墨魚、燻蹄、牛展、紅腸味道符合水準, 燒肉是做得最好的但以其價錢來說, 份量如果再多少少就更好煙三文魚菜粒炒飯好惹味而且橙色魚子都算多賣相已經加分最後我想讚的是古法滋補羊腩煲$162的價錢我都預算不會太大煲但都有超過6,7件羊腩大大件的骨頭只得1件其他的全都是肉肉肉而且沒有濃厚的羶味抵食,好食

出到去見仲有時間剩,就食個早餐先.今次去左 太興 度食,可能係屋邨店舖既關係,又唔算特別多人等位,好快就入得去.入面得一份餐牌,我就叫左個N1 “火腿通粉+香滑炒蛋配多士” 但今次唔想食咁油膩,就轉做煎熟蛋,飲熱柚子蜜.個餐好快就嚟到. 個通粉都幾大碗, 照舊例牌有火腿絲, 接近一塊火腿嘅份量, 仲加幾條菜咁, 可能落得太多雞粉, 所以好夠味 煎熟蛋就啱啱好, 有啲餐廳因為客人要求改做煎熟蛋, 就會煎到一pat屎咁,今次又唔覺,2隻蛋不過不失咁, 最後到個多士, 飛咗邊都好食啲, 加埋係新鮮烘起, 落埋啲牛油簡直一絕. 最後到杯飲品, 唔太甜唔太濃, 沖得啱啱好, 啱曬朝早嚟飲一杯

到左年初五，下午兩點半時間一家落街食野媽咪就揀左樓下太興去食前面有兩個等緊二人，三人我地就三人前面入晒去啦理論上，下個到我地真的餓到暈後面黎左兩位果個［部長］問佢地搭唔搭枱之後安排左佢去坐四人枱（但本身果張四人枱坐左一個人，佢就走）明明果枱可以留比我地三人坐點知佢就安排左兩個人之後我地又再等多三個字後面兩個兩個係咁入晒去搭枱我真的覺得安排入座的技巧可以再培訓______________________________雞翼好脆口，熱辣辣羅宋湯通粉，普普通通，可能係下午茶，所以比較少三文魚菜粒炒飯粒粒分明，有咬口難度有條規則：飲品唔可以高過果條線仲有個牛展麵但我唔記得影但因為服務真的唔太好所以我都唔會再去食啦

一向食開太興嘅晚餐 嗌小菜都要加十九蚊先可以配套餐 即係配個白飯同熱飲😮 今日入屯門探個親戚 佢話佢屋企附近間太興逢星期一至五嗌小菜都可以免費升級做套餐 抵食好多㗎 所以我地就嚟咗喇😂 冇諗過喺小小嘅屋村商場 七點已經坐滿晒咁濟 好彩兩位易啲搵位😗本身想食燒味嘅 但係成日都食燒味好似唔係咁健康 所以我地就揀食兩個小菜 豉汁蒸倉魚 同埋上湯海味雜菜煲(輕量級) 兩個餸有肉有菜已經好夠食👍🏻豉汁蒸倉魚 都幾大條 肉質都唔會好硬 蒸嘅時間控制得幾好 魚肉又唔會痴骨 配埋豆豉真係好好送飯😎上湯海味雜菜煲 雖然輕量裝嘅份量係少啲 但都好足料 有魷魚 蝦乾 雲耳 粟米仔 冬菇 粉絲 蝦乾仲大大隻添 清清地感覺都幾健康🤤再加埋太興嘅招牌奶茶 呢餐真係冇得輸☕️

終於過左成個地獄週，係週末既時間又唔想自己煮，最好不過當然落樓下茶餐廳enjoy 下叫左個充滿香港風味既乾炒牛河！整體來講-服務態度好, 主動詢問是否需要辣椒醬-乾炒牛河份量不算多, 但賣相吸引調味得宜, 吃下去不會有油膩感, 牛肉芽菜洋蔥等配料份量多, 牛肉軟腍容易咬開另外叫左杯港式熱奶茶，茶味好濃，啱我口味，叫茶走更勝一籌，絕對係香港既signature我阿媽特別鍾意買佢既叉燒斬料，覺得又抵又衛生，而且燒得幾靚。

首先是泰汁吸睛，自問超喜歡泰國菜。興緻勃勃地到場一試，一看上桌，不是吧！太大火了，將整條營養豐富的鰈魚(比目魚)炸得乾脆，雖說是連骨都食埋，但所含多種獨特的營養素隨著大火而逝，太可惜了

小妹好少寫食評 ，令我會的起心肝寫食評，一係就非常差一係就非常好食。 此太興分店午市食物質素越來越差(晚市就好小小)， 唔知係咪只做街坊生意所以食物質素比較求其 之前試過咸魚雞粒炒飯， 味道淡沒有鹹魚香味，只不過是一個普通炒飯， 但還能勉強入口 但今次叫了xo醬海鮮銀針粉， 試了幾啖已不能入口 份量少同整碟銀針粉都濕pat pat不是乾身(與圖片超級不符)， 味道不是xo醬味只有鹹味 D魚柳雪味勁重，五十幾蚊簡直係食垃圾 同員工反映， 第一個員工竟然回覆此食物係咁樣，然後不理會就行開， 完全不理會客人意見 之後我再同收錢員工反映，佢話會同廚師反映下(希望真係有啦)，收咁嘅價錢可否做番好小小， 起碼可以放得入口 全碟都濕pat pat，份量小得可憐食了幾啖已不能放入口(又鹹又濕)同圖片完全不符

同老公黎晚飯，叫左梅菜扣肉煲/海味乾煸粉絲煲/濃香杏汁潤肺湯/凍柑桔蜜/凍柚子蜜。個湯係我至愛好好飲，黎親都會叫，雖然知道應該係中央工場黎既湯膽。好言歸正傳，今次我想講既係，作為飲食管理層既我，梅菜扣肉煲一黎，見到個煲又崩又裂應該係第一時間丟左去嘛！有冇上衛生督導員或衛生經理課程架！咁簡單既衛生安全意識都冇，好喇！講個海味乾煸粉絲煲，$59真係粉絲煲囉！摷晒都係得3舊魷魚，少少熟晒既飛魚籽，加少量蝦米，其餘全部粉絲，好心你地唔好食水咁深啦！真心堅唔抵食

陪射箭前先要吃早餐，在眾多選擇中她揀選了太興。然而又在眾多早餐裏，她又想吃蛋又想吃米粉，不知道吃甚麼才好，唯有在火腿通粉裏轉米粉。没想過這兒的炒蛋會是嫩，還要是外面僅熟把内面的嫩蛋包裹着，真夠意思! 此外米粉湯的味道是有點奇異，帯點濃而又有些鹹，説是似豬骨湯又不是，忌廉湯更加不是呀！我卻簡單的只為吃出前一丁麵，真是好久没有吃過，麵是煮得依然有硬度，那個麻油湯底我是真的很懐念，因為我只會有很少機會買即食麵回家，盡量減少給家人吃這些即食的食物(他們在街上一定會自己買來吃)。湯麵的朋友是炒嫩蛋、菜心及兩塊午餐肉，午餐肉有底面煎香過，而且選用的是價錢貴一點的火腿午餐肉。味道 3環境 3服務 3衛生 4抵食 3.5