太興 (卓爾廣場)

营业中

休息中

前2日先至响屯門卓爾居揾食，今日又俾人約去食晚飯，想食小菜又唔想去酒樓，只有兩家可揀，去太興。叫咗一隻西京醬文火煀乳鴿，又點咗鮑魚雞煲，加$19變套餐，餐飲轉燉湯又加$28。往常燉湯會選杏汁肺湯，今晚想轉吓口味，改配木瓜雪耳燉唐排。西京醬慢火煀乳鴿，真係圖片祇供參考，顏色與食味不似預期，食落還可以，肉質唔鞋，味道像滷水，實在吃不出有咩分別。鮑魚雞煲顏色吸引，上桌時仍喳喳聲，飄著薑蔥的香氣，食材色澤誘人，雞件炸過有點乾，食味香濃唔錯。至於木瓜雪耳燉唐排，沒有唐排卻有些豬肉，店員說是用豬腱代替唐排，想說豬腱怎麼煮也不會 “鞋”吧?平常愛吃湯渣的我也吞不下去。雪耳似乎已經溶解了，只有一鱗半爪…..飲入口有點怪怪的，沒有木瓜的清甜滋潤，同行S君飲咗幾啖嫌苦不肯再喝，本著不浪費的原則，想好歹也多喝點吧，實在喝不下去了。反應過後，店方認真處理，值得一讚!

講到太興味道一貫都重口味，價錢比出面食肆起碼貴兩成，但係座位比較坐得舒服，服務就撞彩間間舖唔同，卓爾商場分店服務比較正常，下午茶餐講真變化就真係冇，味道偏咸，我們叫多餐蛋麵和雪菜肉絲米粉，以上唔使多講重口味偏咸，至於咖啡紅豆冰就比較特別啲，味道其實偏甜，但紅豆夠腍夠甜味，咖啡都算ok夠香，加8蚊係貴咗啲，但唔係日日飲都算啦，唯一推介產品咖啡/奶茶紅豆冰，大家記得走cream少冰呀 ^ ^ 😋😀👍👍

茶餐廳之中，我覺得太興水準較穩定，種類簡單。此店旺中帶靜，略近屯門西鐵總站。我喜歡以下三寶:是近年新加上餐單，台灣風吹入茶餐廳， 肉燥飯煮得不差，濕潤入味，連煎蛋都不俗，十分難得。宜配凍檸茶。燒味之中，义燒，乳豬都不錯，有人覺得價偏高。我認為燒鵝性價比較高。紅皮有光澤，新鮮嫩滑。配杏汁豬肺湯更佳。茶餐比很多茶餐廳優質，炒蛋熱滑，米粉質佳，與奶茶是絕配。