太興 (屯門時代廣場)

营业中

休息中

行過太興，突然間諗起，好耐冇飲冰鎮奶茶，見剛好有位，單身狗一隻快衝入去食飯兼飲杯原本想飲埋豬肺湯，但未到六點半巳經賣晒，咁唯有食個咖喱牛腩飯加冰鎮奶茶牛腩夠腍算入味，咖喱汁偏甜，但撈飯好好冰鎮奶茶維持水準，夠滑唔太甜，正！有樣嘢想講，餐牌似乎多年都冇乜變過，可以搞搞新意思嗎？🧐

$81蚊…太興燒味啊！呢度嘅三寶飯真係出名！佢哋嘅燒鵝、燒肉同埋叉燒都係一級棒！食完之後一定會飽餐一頓，滿足感十足！三寶飯嘅配搭簡直係絕配啊！燒鵝肉質鮮嫩，燒肉外脆內嫩，仲有叉燒帶少少甜味，口感好豐富！如果你係燒味愛好者，一定要嚟太興燒味試下啦！下次我都要約埋朋友一齊去太興燒味食三寶飯！食完之後一定會滿足到爆！如果你鍾意燒鵝、燒肉同埋叉燒，太興燒味絕對係一個值得推薦嘅餐廳！Enjoy your meal啊！

最近同朋友去咗屯門市廣場的太興燒味餐廳食下午茶。呢間餐廳嘅下午茶選擇非常之多，其中包括燒味嘅茶餐。我叫咗坦坦麵配炒蛋多士，朋友則叫咗羅宋湯通粉配雞翼。坦坦麵嘅味道都唔錯，湯底ok，至於羅宋湯通粉，朋友話湯底濃郁夠味，不過就真係好細碗。飲品方面，我哋選擇咗凍檸茶同熱華田，正常無乜特別。總括嚟講，各方面都中規中矩，無特別驚喜。最重要係，呢度位置方便，唔使等位。但要留意，相比下這裡價格較為偏高。埋咗單離開的時候，發現門口有好多人在排隊😀😀😀原來係搞緊特價活動，叉燒半斤35元，至8月21號。

喺屋企執嘢發現仲有兩張$50現金券，就落去食個晚餐啦，一打開餐牌，作為一間茶餐廳嚟講，定價都偏高；叫左個沙嗲肥牛粉絲煲套餐，跟一碗白飯同埋一杯嘢飲，埋單啱啱好$100，味道同份量都係正常嘅，不過要呢個價錢嘅話，感覺上食大家樂仲化算香港嘅一般餐廳，服務質素都唔會有期望，冇比說話你聽都偷笑🤭

今天2.11.202晚上一個黑眼境的男服務員態度十分差，雖然不關我事，但看不過眼，有客人跟池說凍飲未到，但他態度很不客氣說：你等我放下盤上的野好嗎！之後他很不禮貌對他的下屬說，這個客沒有点飲品單。這樣態度不應服務業打工的，不尊重客人又不尊重下屬，應被淘太。

太興呢間餐廳相信人人都聽過，甚至試過咁濟。今次出post 純碎想分享一下一個我好鍾意食嘅菜😋🤩。🥕香煎芒果蝦球每粒蝦球都好大、好肥美，咬落去好爽口多汁，炸得亦都相當脆😍😍。個醬汁係呢個蝦球嘅精髓，甜甜酸酸，仲有啲沙律醬，非常入味，加埋啲好甜嘅芒果粒同埋沙律，令成碟餸食落去都唔會太膩。

😍火腿通粉拼香滑炒蛋配鬆脆多士呢個早餐百食不厭。通粉唔會過淋，好煙靭，湯底好清甜，配埋火腿一流。炒蛋真係世一，滑到不得了，超級香蛋味。多士烘得好脆，搽埋牛油🧈非常好食奶茶香濃，茶同埋奶既比例非常均勻，入口順滑，食晒所有嘢先叫佢起，熱辣辣非常好飲

今日難得唔使返工，特登喺屋企附近去食個早餐，見依間人唔算多，又好耐冇食過。就去食下佢嘅早餐。我就叫咗個餐蛋麵加熱奶茶。我諗呢個組合大部份香港人都試過，所以特色就冇㗎啦。叫做有啲親切咁啦。先講吓杯奶茶，佢嘅奶茶一直都好出名，但係大部份人都係講佢嘅冰鎮奶茶。所以我特登試吓佢嘅熱奶茶，總括而言冇乜驚喜，唔算好差，但亦都唔係話好好飲。即係唔需要特登為杯奶茶你食佢嘅嘢。依個餐蛋麵蛋炒得好老，個餐肉就感覺上冇點煎過。以健康角度來講的確唔錯。但係味道就相當一般。個面都冇乜特別，就係一個普通嘅公仔麵。總括而言成餐飯冇乜驚喜，冇乜中伏。但係價錢4x就貴咗少少。應該唔會再食。

🍽 ☕️一向以燒味出名，但我每次都會叫豬扒雙蛋飯, 大過塊面既豬扒🐷🍳🍚，肉質嫩滑，不知是否落得比較多生粉，醃得好入味，但略嫌太多油。 雙蛋一定要係荷包蛋先好，用蛋汁撈飯一流，正！ 價格上升幅度很大😫反之，燒味相對失色，叉燒略瘦，紅腸較鹹，價錢貴，但份量相對少，要求多飯，但沒有多到。奶茶☕️向來是我每餐飯的靈魂，茶味算濃，口感不錯👍🏻。 冰鎮奶茶🥤，沒有冰粒的沖淡，味道尚可。

外賣下午茶羅送餸湯通粉加春卷，外賣春卷返屋企會"淋"都預咗，但係都唔洗放喺粉上面呀！吸埋d倒汗水，返到屋企唔止"淋"哂，沖濕pat pat,點食呀！完全係浪費食物

每逢星期六，便是我這個書僮阿媽，帶阿仔上堂補課的日子，因為朝早實在太趕，而且天寒地凍，故放低阿仔之後，我必會去<太興>，慢慢嘆番個早晨套餐放鬆下。 我的最愛套餐絕對是'頂級午餐肉滑蛋公仔麵配熱奶茶'，每次都很美味不會令我失望。 頂級午餐肉實在是名符其實，肉質不但紮實有口感，咬落亦嚐到條條肉絲，絕對不會像坊間某些茶餐廳的午餐肉般，入口便會立刻溶化成肉泥；滑蛋亦炒得滑溜溜滑不溜口；公仔麵則彈牙爽口；湯底帶香濃麻油香氣也不會過咸；熱奶茶亦夠香濃幼滑。 雖然整份套餐全部配料都極之邪惡，但食完後必會精神一振，全身都會感覺暖笠笠，充滿力量讓我繼續在寒風中做接送書僮。

茶餐廳叫外賣，少不了點一碟燒味飯，豆腐火腩飯等等，夠快唔駛等咁耐，份量十足，美味又飽肚❗雖然燒味都被標籤為高鈉、高脂肪、高卡路里，容易致肥，間中吃一餐都👌🏻😋 打開發泡膠飯盒內喺脆皮燒腩仔燒鴨飯～見好耐冇食過燒味飯我就點咗呢個，燒鴨皮薄肉嫩同埋燒腩仔皮夠脆，十分滋味❗食得好開心😊，十分滿足，充滿力量咁💪🏻..............................

在屯門市中心，通常人山人海， 下午茶時段去了太興， 老實講以下午茶的價位吾算平，但之前食過又真係好好味，今天特登回味一下。蕃茄通雞翼下午茶通粉是細細粒，是我喜愛的類型。熱辣辣蕃茄湯底味道濃郁，有很多雜菜配料，感覺健康。雞翼新鮮出爐，十分入味。 叫了一杯檸檬柑桔熱飲下一下火，真材實料。

冰鎮奶茶故之然出名，早餐D亦都係我最鍾意嘅✌️✌️多士鬆脆陪靚牛油，炒蛋夠滑，扎肉碎米粉辣辣地米粉夠弾，肉碎都幾多！冰鎮奶茶個設計真係唔錯，夏天一定要飲凍野！唔會淡左，越飲越夠凍👍

自己一個人，食過lonely breakfast 🍳 太興都不失為一個好選擇，試過早餐吃不了太多，先推咗呢個輕盈早餐扎肉肉碎米粉，加嘢飲29蚊用上九層塔辣辣地，係幾惹味！