太興 (粉嶺名都商場)

营业中

休息中

我常說茶餐廳難以集團化，集團式的價格偏貴，性價比低。像便服加上名牌標誌，馬上升價。此店近年加設一人座位，位置十分狹窄，更物非所值。今次3人坐4人卡座，尚算滿意。值得讚揚是中湯，特別是杏汁豬肺湯，充分發揮集團化的優點，以中央厨房烹調湯水，降低成本。闊別多時，最近回歸，食任何東西，均可點選並減10元，只賣38元。足有兩碗，豬肺則只有4小片，沒有餐牌相片的那麼多。沒有味精，杏仁味濃郁。顏色奶白，不肥膩。入口香淳潤喉。食豬仔包，黃金模樣，雙豬賀春，十分應節。份量十足，熱烘烘，奶油味早已滲入，脆酥味酥味腴。在煎蛋米粉茶餐中，加入煎荷包蛋在內，成為黃金荷包。蛋未夠多燶邊，蛋黃則八成熟，絲絲蛋黃汁滲入豬仔包，令麵包更滋味。雪菜湯米素有水準，味濃而米粉質素高。飯類特別是燒味乏善可陳。其他家常飯餸倒可人。今次試嚐惠州梅菜蒸豬肉餅，是有媽媽的八成風味，豬肉鬆軟濕潤。這種家庭幸福會滿盈。蒸惠州梅菜飯和雪菜河源米粉湯，可成此店穩陣雙打。本餐杏汁豬肺湯，豬仔包，蒸豬肉餅的三豬，開始豬年的食記。

今晚嚟到太興 粉嶺 名都店叫咗個北菇米鴨泡飯湯 好濃郁 可以將啲飯 倒曬 落個湯到變成一個湯飯食落去不知幾惹味啲鴨肉 好嫩滑仲有好香嘅冬菇配襯食 落去 真係好有口感跟住試下個 豉汁蒸倉魚倉魚好新鮮太興嘅 醬油 真係有佢一手再陪埋嗰凍柑桔蜜同埋柚子蜜呢個晚餐真係爽歪歪

由於今晚我們好夜先食晚飯，所以我們就去咗粉嶺名都商場睇吓仲有邊間食店仲未收工？行到去見到「太興」仲未收工，所以我們就決定入去食晚飯！一開始我們諗著食燒味飯比較快兼且係「太興」嘅招牌，但店員就同我們講話：「唔好意思呀！今日所有燒味全部都賣晒喇！」，所以我們就叫咗兩個豉汁蒸䱽魚套餐，蒸嘅時間火候控制得啱啱好，所以肉質非常嫩滑，而且味道相當鮮甜，最好就係豉汁嘅味道唔會過鹹，反而係好鮮味！至於燉湯就係另外加錢配，第一碗就係$38，而第二碗就係$28，所以我們叫咗兩碗，木瓜雪耳燉唐排嘅湯料真係好足料豐富，所以湯底嘅味道相當清甜！

去開粉嶺探親戚，經過名都餓餓地食個下午茶，係太興叫左個蕃茄通粉配炸魚卷之類嘅野，味道不過不失啦，蕃茄都ok嘅，魚卷都熱唔會是但整凍冰冰，凍奶茶就一如既往有水準，茶味香奶滑。

一年至此一定要大肆慶祝一番！ 晚上各有各忙， 唯有大家一齊來下午茶慶祝大除夕！ 難得這間連鎖餐廳不用排隊， 一於去大食一番！燒鵝髀飯我至愛， 送埋左脾給我， 真是好的兆頭！ 稍嫌太瘦及身乾， 愛健康食物的人士就適合。還點了一碟燒肉飯，反而這個有水準，皮脆肉嫩， ichiban ！！！第三個下午茶是很簡單的餐肉飯，看似平淡但餐肉煎得很香，每人都搶了一口來吃！另外再叫了一個叉雞米粉， 叉燒好味， 但雞肉有點硬， 減了不少分。最後追加了一個手打多士， 又熱又脆好味！五個人大除夕吃了不用300蚊， 雖然是簡單的下午茶， 大家都吃得開心！

工作完先去食飯，已經係下午茶時間，我哋人多要分幾張枱2人枱坐（之後店員有枱再夾番我哋一齊）下午茶選擇多，燒味粉麵同西式都有！仲有輕盈餐！餐牌圖片靚，落單後燒味最快到，我叫要炸嘅好耐！T6脆香雞中翼拼迷你西多（$34)雞翼熱辣辣，外脆內嫩滑，醃得入味！鹹香好食！西多熱辣辣，麵包鬆軟！加了糖漿牛油！正柑桔蜜：夠濃落足柑桔🍊！鹹香好味！下火好味同事食：手工牛丸湯米（$40）叉燒燒鵝飯（$65）凍奶茶：輕盈叉燒飯（$33）食物幾好味！不過店員比較粗心，落單我係指住T6圖片叫！佢落咗T8，上菜先發現唔啱要再等（因為西多又係炸嘅！）所以耐咗！價錢偏貴！

今日下午我們喺粉嶺名都商場嘅其中一食店，有啲好失望嘅經歷之後，我們就轉咗去「太興」食下午茶！我們叫咗大都牛肉麵嘅湯底味道唔算好香濃，但叫做有啲啲牛肉味咁，而麵質就比較諗身，唔係好彈牙，至於主角牛𦟌嘅肉質就非常鬆軟嫩滑，牛肉味亦相當濃郁！羅宋湯通粉配脆香鷄中翼嘅羅宋湯湯底非常鮮味濃郁，而且湯料亦相當豐富，通粉嘅質感亦好煙韌彈牙，至於脆香鷄中翼就炸得好香脆乾身，唔會有好油膩嘅感覺，肉質亦好嫩滑多汁！另外！喺食緊嘢嘅時候，我們睇到店內嘅環境裝修都幾別緻，因牆上嘅掛畫同裝修嘅吊燈，都有他們嘅公司簡稱「TH」，真係好有心思！

一早返工食早餐，地方企理，光猛乾淨，唔使等位直接有位，早餐都係茶餐廳大路選擇！落單食物好快到！輕盈香辣肉碎札肉湯米粉（$26）同參考圖片相差好遠，份量又細，輕盈到食完都唔覺食咗嘢（唸住輕盈係唔食火腿餐包，但連份麵都咁少！），米粉爽口，但夾起只有3束仔，札肉一片比較硬，無乜味！肉碎好大顆粒，微辣，湯好濃好味精！唔好味！熱檸茶：茶底濃又唔澀，但⋯第一次飲檸茶有茶葉碎，咁⋯代表好足料？店員好爽手，上菜收碟好爽價錢已經偏貴，但⋯唔會飽！

份量十分少，質素惡劣，义燒干硬，鷄肉肥，蔬菜其少，服務不好，環境不理，不明白這品牌如何建立，只是得個名牌，沒有內涵，欺騙眾人，還説大品牌，只得外表，缺乏實力，如何維持下去。

呢間連鎖店開咗一段時間，一直都無機會試，今日可以試到，店面光鮮，田園裝飾，似西餐廳，仲要門口唔使排隊，不過店員安排入座好亂，門口收銀叫我哋入，入面又話無位，個個店員有耳機，間店又唔係大，一眼睇晒！最後分開坐先成功坐低！座位幾窄，餐具好整齊放在桌子櫃桶！落單後食物好快到，點知店員落多一份（4個人有5份餐）食物上枱發現之後即刻改頂級午餐肉滑蛋公仔麵（$35）簡單又好味，餐肉有肉碎夾雜，煎得鹹香好味，嫩炒蛋好滑！出丁好彈牙！原味湯底鹹香，落咗麻油好簡！菜心爽口！整體好味跟餐-意式泡沫咖啡：見住店員在自動咖啡機沖，但賣相白雪雪唔吸引，飲落味道只有奶味，無咖啡味，奶仲有陣壓味，完全唔合格！差！香煎雞扒拼香草腸配鬆脆多士（$35）同事食！但見同參考相片相差懸殊！柚子蜜：同事飲嫩滑炒蛋多士（$35）同事食QQ彈牙通粉：同事食熱奶茶：同事飲食物好味，唔好飲泡沫咖啡就得！店員有禮爽快，但就唔小心！有啲可避免嘅甩漏！好味早餐！

午餐叫梅菜扣肉全部都係肥豬膏，一絲肉都冇，要求換過碟，廚房不願換，waiter 懶理你，等佢半個鐘頭追佢，先斯斯然話全部都係咁肥，諗住新張幫襯下，乜野服務? 令人絕對失望。

中午與家人聚餐，選擇了太興試試的燒味。雙拼飯 (燒鵝 燒肉)燒鵝帶點甜味，皮脆肉質不算特別好，燒肉切法比較細，適合嘴巴細小的客人品嚐。但本人口大，男人口大食四方，所以口感一般，燒肉皮和肉是鬆了分開。飯很熱，沒有什麼評價。冰鎮奶茶第一次品嚐，很滑茶濃，味道不錯，怪不得那麼多人試試值得一試。綜合來說，午餐要68元，作為一位小市民，亦算貴，但不試亦不知道他們的味道，感覺燒味飯可接受，但味道不是上品，只好說吃餐廳內的裝修和服務態度。

星期六早上 打算試一試新開的太興因為地方太細 一去到 排隊等左一陣去到坐2人台 位置略迫叫左2個早餐一個炒蛋火配火腿通 熱茶走 $36一個煎蛋配雪菜肉絲 凍奶茶 $39價錢偏貴 質素也是一般可以選擇 寧願食附近其他餐廳炒蛋味道香滑 多士都算脆 牛油自己查但個腿通麻麻 量少 菜黃奶茶好飲！

兔小妹很久沒有留在家中渡過假日了，打算和家人到附近隨意逛逛，順便找點吃的，才知道附近剛新開了一間 “太興”。家人吃膩了快餐，想轉轉新口味，也就進去一試了。餐廳的裝潢跟其他太興的差不多，都是以簡約明亮的風格為主，再現襯紫色作主調。唯略有不同的，是座位的編排。或許是店舖面積太細，租金又昂貴💰💰，所以把座位設計得擠迫窄小一點，以容納更多客人。然而，座位太擠，卻令食客坐得不舒適外，還大大增加了壓迫感。菜式方面，選擇比其他分店少，只有招牌燒味飯，簡單的麵食和茶餐😦。雖說是主打街坊生意，但價錢一點也不 “街坊”，光是一份奶醬厚多士配飲品一杯，便要索價 $32!😲兔小妹和兔媽媽都各點了一份常餐 ($48)，包括一碗雪菜肉絲通粉﹑一份多士配炒蛋🍳，及熱飲一杯☕。餐廳的上菜速度算是頗快，不一會，先送上多士配炒蛋。多士雖然烤得香脆，唯實在太薄，欠缺應有的鬆軟口感😓。炒蛋炒得頗滑，但蛋味未夠香濃，而且味道偏淡帶點腥，怕蛋腥味的朋友大概不太接受得了😰。很快再送上雪菜肉絲通粉。通粉的份量不少，只是雪菜肉絲只得雪菜，肉絲卻有只寥寥幾條，似乎跟其他分店的有點差距。味道跟炒蛋剛剛相反，味濃偏鹹，還有很重的味精味，令人

這是我第2次係太興食早餐，太興早餐老實說不便宜但環境同質素不錯。叫了雪菜肉絲米，多士炒蛋配冰鎮咖啡。多士正常厚度配以牛油，算是外脆內軟，炒蛋出奇地香濃滑口，雪菜甜的，這有點怪。咖啡略淡，但冰鎮也只是加3元，這倒是驚喜，因為我很討厭每次凍飲飲到最後一定是淡的。38元絕對是有點貴，但的確普通茶餐廳是做不到這質素，加上環境與座位的舒適，間中來一次還是可以。