9
6
7
| 餐厅: | 太興 (粉嶺名都商場) |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
| 餐厅: | 太興 (粉嶺名都商場) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
开饭介绍
美食之最大赏 (2014)
继续阅读
营业时间
今日营业
07:00 - 21:30
星期一至日
07:00 - 21:30
以上资料只供参考，请与餐厅确认详情
食家推介
太兴烧味出名？？？？本人以后都唔会再帮衬叫个三拼烧味饭油鸡得胸又冇咩味，烧肉又系冇味猪皮位置又唔脆，烧鹅又冇乜肉。收79蚊简直垃圾，请都唔会再去食，点解可以咁差架。餐牌款式极小冇咩选择，不过谂住烧味出名应该ok挂，点知朋友食嘅叉烧又系好差平时佢都冇咩要求好少弹，但佢都话请都唔会再去，佢咁落去应该好快执笠。唔怪之得见佢冇咩生意啦，今次都是有coupon先谂住去，如果唔系重蚀。所以大家想去真是要三思，出面又平又好食过佢嘅大把选择。可一不可再。
继续阅读
入到嚟粉岭揾食，不外乎因为同啲老友行完山，今次小弟带队再挑战大刀屻，不过，就由「嘉道理农场」𠮶边上山，粉岭「蝴蝶山径」呢边落山，贪其一到粉岭就可以食番个下午茶补补体力。大家都行到攰，咁就当然拣最就脚嘅「名都商场」揾食啦，上次试过「德兴茶餐厅」，感觉一般，所以，就试试「太兴」，谂住大牌子少少，可能会好啲啩。疫情缓和，防疫放宽，啲市民自然出晒嚟啦，所以，成个商场挤满人，连带店内都坐满客，我哋都要等大概10min先有位坐。啲枱比较细张，枱与枱之间亦有啲逼，不过，环境算企理干净，反正都喺食个茶餐啫，唔会坐得几耐。啱啱好安排咗最入、最角落张卡位，咁我哋可以自成一角！餐具、餐纸、调味料全部都喺放晒晌枱侧嘅抽柜中，呢种已喺茶记嘅常规设定。下午茶餐都有好多选择，但众所周知，「太兴」主打喺烧味，所以，下午茶餐中有较多喺烧味款式，仲有啲喺三文治、多士、汤粉面类，取价就比出面一般茶记贵少少。顶级午餐肉滑蛋公仔面 $44其实，比起外国货，小弟觉得「长城牌」嘅「白猪仔」喺最好食，当然睇相就唔知呢碗啲午餐肉有几顶级，就算食落都未必知咩牌子，但老友就话唔错，煎得香口，而滑蛋就算浸咗汤，都仲喺嫩滑，公仔面都OK啦，无煮腍都收货喇！脆香鸡中翼拼迷你西多士 $40我心谂，鸡中翼得𠮶两只，西多士就俾够成份啦，反正都只不过多一片面包，功夫又唔会多咗去边，依家就感觉有少少寒酸。老友讲到，鸡中翼确喺炸得香脆不腻，而西多士就无话咩好特别，都喺花生酱馅，配牛油同糖胶咁啦。罗宋汤通粉配脆香鸡中翼 $40另一位老友都喺钟意食鸡中翼，但就配罗宋汤通粉，因为湿湿哋，又唔会话两样炸嘢咁热气。我都喺拣罗宋汤通粉，等阵再分享，而鸡中翼上一份茶餐已讲咗，故此，呢一份茶餐就无咩好补充。罗宋汤通粉配四色卷 $40小弟嘅选择喺试吓啲未试过嘅嘢，所以，拣咗罗宋汤通粉配咗咩嘢四色卷。先分享碗罗宋汤通粉，个罗宋汤做得唔差，简单讲喺好港式嘅味道，即喺浓郁酸香，有好多杂菜在内，仲有少少牛肉粒，最紧要通粉无过腍，算几好食；而四色卷类似啲鱼肉春卷，但里面仲卷有紫菜、蟹柳之类，食味算唔错，但有少少油啫。张枱真喺浅窄，一下子堆晒啲嘢嚟，都唔记得咗影杯奶茶，佢哋嘅冰镇奶茶几出名，但我就想饮杯热奶茶，茶奶比例OK，但茶底又无预期中咁芳香馥郁，不过，亦算水准中上。席间大家讲咗好多行山嘢，下次目标想喺行「鸡公岭」㖞，又睇睇几时成事先！
继续阅读
202212平日--太兴地址位于: 粉岭粉岭车站路18号粉岭名都商场2楼6号舖当天天气寒冷，路过太兴见有羊腩煲供应，侍应招待有卡位，就即兴试试御寒羊腩煲炉上$168，送时菜一碟煲仔算是迷你型，生菜量也不多羊腩约有麻雀大小十件，炆得够火喉，肉嫩有羊膻味，酱汁味道不错白饭一碗加点的冰镇奶茶，冰和茶分开的构思不错，奶茶不会变淡，保留茶味，冰冻依然埋单价钱忘记了羊腩煲限时供应，份量不多，浅尝羊腩的味道另一次的外卖三杯鸡($88)，纸盒的外卖包装(+$1)三杯鸡色泽均匀，鸡不小，胸肉和髀肉厚，肉质嫩滑，啖啖肉，豉油味道不错晩餐没时间煮𩠌，太兴推广不同口味的外卖鸡，也算是一个方便、便宜之选
继续阅读
新出左只百里香美极鸡 , 外卖同堂食一只都系$88 , 一如以往个名就改到天花龙凤 , 但其实就冇乜特别既 , 唔洗对佢有期望 , 当佢普通豉油切鸡就啱架啦 , $88大大只 , 完全乎合期望 , 得闲会再买来加𩠌 , 又或者下次可以试乜野风沙猪手 , 都系$78 .
继续阅读
一个人食午餐，中午12点有一半枱无客，入去大把枱竟然被安排同亚伯搭枱，疫情时期已心感不安，而且更是送货出入口位，起初以为之后多客也无奈接受，最后先知应该系我好虾！人卡位嘅！待客双重标准，好明显系欺善怕恶啦！叫左排骨面，汤好咸，食完几个小时也好口渴。热奶茶应该系煲底水尾，微暖唔热，喝完有大量茶叶渣在杯底，品质极差！进食期间，有客入餐厅也是叫人随便拣位座，一个男人又可以座4人卡位嘅！待客双重标准，好明显系欺善怕恶啦！半小时食完离座，仍有三分一枱是无人座，仲要大部份客系一人一枱，怪不得太兴在疫情初期，好多分店都有食客中招而要关门休息，大把位都要人搭枱，你哋员工有冇卫生安全意识㗎？什么服务态度？价钱贵、味道差、食品质素低、安全风险低、待客如此，不会再帮衬！
继续阅读