太興 (宇晴匯)

营业中

休息中

12:12去到叫咗個炒飯外賣，等咗15分鐘見唔對路就去問一問個樓面，佢幫我追完之後又等咗15分鐘，lunch時間先得嗰60分鐘，由冇人排隊等到睇住幾轉人攞埋外賣走，星洲米 乾牛河都走幾轉，最後唯有取消張單去第二間買外賣等咗半個鐘，其他食肆都到咗lunch嘅繁忙時間，結果又要等多10幾20分鐘先買到外賣返公司食，但係當我坐低打開個外賣已經過咗lunch time一間大型連鎖餐廳炒個飯30分鐘都搞唔掂咁廢，好心個menu就唔好十幾樣嘢比人揀啦，有錢賣廣告但係就冇錢搞好間舖，不如摺埋佢算把啦

酸梅鴨一隻$78黑椒豬手$62位置都算好搵！上菜上得快不過唔熱嘅！個鴨食唔到話梅酸味得個甜！此三杯鴨或者五杯鴨之類嘅多啲！黑椒豬手好抵食$62！叫咗兩個白飯$10一碗

等左10分鐘，換來就係一碗勁難食既餐蛋麵。碗麵一上枱，服務員見到有3塊餐肉，即時拎返去廚房鬧師傅仲咩比多左塊，咁我覺得都岩既，$40蚊，點會比咁多你。到換完返黎成碗麵已經係漲哂，連呀婆冇牙個啲都食到🤮真係垃圾都不如

好難食  好難食  好難食  重要事說三次連燒味同冰陣奶茶都唔好既時候 我搞唔明仲有咩值得留戀好難食一個燒味拼盤全部俾d邊邊角角位 重要乾到核爆 連油雞都係好L乾既時候，你話自己燒味係招牌？ 但反而單叫飯就全部係靚部位！ 上菜超級慢！ 淨係serve外賣客！ 我地堂食叫個燒味拼盤等足20分鐘！眼見燒味師傅狂斬外賣做足7.8個客先開始整俾我地！果7.8個客喺遲L過我地落單！ 冰陣奶茶完全唔濃郁！ 燒味師傅隻手摸完啲單，又赤手摸雞，摸肉！ 我發誓，太興絕對冇下一次機會！

抗疫的日常！減少到人多的地方多了在家煮食和吃外今天不想煮，又不想吃外賣，減少使用即棄餐具破壞環境！到家附近的太興燒臘茶餐廳吃晚飯，２個人點２個餸，送２碗白飯和２杯餐飲。想點鹹蛋排骨芥菜煲，沒有！又想點金菇肥牛粉絲煲，也沒有！！終於點了：#豉汁蒸䱽魚，74元，說是即叫即蒸，上菜比較慢，趕時間的話，不太適合！䱽魚挺大條的！味道很不錯！#上湯海味雜菜煲，64元，分量中等，２個人是夠的！味道偏淡，可接受！#熱鹹檸水，每次到太興吃飯(午餐和晚餐)，都點鹹檸水，感覺比奶茶、咖啡有益！

平時太興的質量控制唔錯。不過近來似乎水準下降，尤其荔枝角呢間都幾明顯 。下午茶星州炒米除出四隻基本蝦仁就無甚麼其他餸，晚飯唔跟餐o既白飯居然可以裝得果勉強大半碗，政府明明講o左白米供應正常啦，難道還怕買唔到米？食物味道雖然還好，但o黎茶餐廳食o野，除左想食到好食o既野，都想用合理既價錢食得飽，兩個人食兩個晚餐食完竟會唔多飽，自問唔系消防員相撲手而是普通香港人食量，如果無餸都起碼裝大碗 d 白飯俾人是茶餐廳常識吧。。。

今日中午開飯時，好想近近地又想食濕濕地既野，同事又想食飯，就黎左太興，貪佢午餐都算多款揀，唔係只係得燒味食。而我，今日好想食乳豬又想食油鷄，所以叫左個乳豬油鷄米+凍檸茶~$75乳豬皮好脆有小許肥肉，鷄好嫩滑，米粉同一般出面食既唔同，好爽滑，聽店員講，米粉係佢地公司工場自家制，咁係唔同啲既，不錯。檸茶茶身比較澀，not good.太興始終都係燒味既連鎖店名牌，所以價錢都有返咁上下，間中一餐半餐都可以既。

Lunch time 同同事過黎呢個商場，間間都full full 地, 一行八人就決定食下太興！一個月前食過太興某一分店既下午茶：燒鴨同冰鎮奶茶，食物味道同期望有點落差，今次希望比次機會，睇下係咪真係咁既味道燒鵝紅腸飯就咁睇張相以為係燒鵝肶，哈哈其實係鵝胸肉，師傳刀功真係西厲！小心翼翼咬一口，好食喎！！外皮香脆、鵝肉嫩滑，仲有啲鵝油，好juicy，點一點酸梅醬都好開胃冰鎮奶茶就幾有奶香同茶味，比上次飲好好多，上次杯奶茶味道有少少怪，好奶精咁，今餐算係還太興一個公道！

咁啱經過想搵個下午茶食下，見到間太興就入左去，下午茶餐配佢杯冰鎮奶茶，正！叫左個重量級公司三文治餐，好。好。食，真係好好食。首先，用料足，有芝士火腿蕃茄生菜同雞蛋。另外，有誠意，每塊包都有烘底之餘仲有搽埋牛油，所以成份三文治好香好豐富。

我最喜歡的食店之一太興因為我喜歡太興的冰鎮奶茶及燒味飯, 雖然價錢比起一般茶餐廳略高但它的質數算是值得! 其實飲品也是一間餐廳很重要的靈魂, 太興也經常有創新的飲品! 荔枝角這店也是我經常光顧, 環境衛生服務質素也🉑️😋👍🏻

想同老婆搵個地方可以輕輕鬆鬆食個晚飯歎杯奶茶，即刻諗起太興！星洲炒米👍🏽推薦！夠哂入味夠濃！又唔會炒到過份乾身！蝦仁夠新鮮！😋半隻切雞🤘🏽其實想嗌油雞！但無哂😫不過好彩都唔差，雞味幾香👍🏽但真心，佢嘅油雞會更好😋😋粉絲雜菜煲☝🏽味道ok！不過略嫌份量唔太夠，食幾啖就無哂😑冰鎮奶茶🤩🤩🤩本喵真心推薦！茶味奶味夠啱啱好！又唔會太甜💪🏽💪🏽太興，一間食燒味炒粉麵飯小菜嘅地方，有人話貴唔值，有人話連鎖餐廳無好嘢。但好老實，出面去茶記食個飯真心唔平得好多😑太興嘢食味道唔錯、價錢唔會太貴、又座得舒服唔會催你埋單走，至少唔使搵個地方食嘢都要趕頭趕命！💪🏽P.S. 呢間太興入面嘅侍應服務態度真心幾好👍🏽

你太興食下午茶，我次次都會叫餐蛋麵同埋佢嘅冰鎮奶茶，佢個餐肉好好食，但感覺上好似冇之前咁厚，簿咗啲，炒蛋好滑，整體個麵都唔錯，凍奶茶 就 好夠茶味，但我個人覺得太甜。

太興必飲嘅就係凍華田😍比起冰震奶茶 我更喜歡呢度嘅華田！因為好多時出面飲嘅都水多唔夠奶 唔夠滑 再唔係 就一尾落好多粉 又搞唔勻 太興就 我中意佢個甜度 感覺似有落煉奶添 又大杯👍🏾👍🏾👍🏾之後要講下 佢嘅牛丸米😝$45已經有埋我杯凍華田 五粒牛丸 下午茶 算係咁喇米粉偏爽身 湯較青甜 些少菜湯味牛丸好似係手打🧐 食落多汁 亦有肥牛嘅油脂 香濃肉味十足🤤有十分 大讚牛丸👏🏻👏🏻👏🏻👏🏻當你咬開一半 你就會見到比平時食嘅 多咗一份食得到 睇得見嘅 肥牛油香

今日又同姊姊一齊去太興食下午茶我本身食左個麵包所以唔係非常之餓就叫左個Tea set羅宋湯通粉 配脆雞翼 $40餐跟飲品 熱好立克個湯都好有蕃茄味，有雜菜有少少肉碎整體剛剛好，不會太咸不過份量真係好迷你重點係脆雞翼超香口，超好食，超入味飲品方面杯熱好立克唔洗落糖都夠哂甜姊姊就揀左燒鵝湯米粉$43配凍檸茶味道還好，正正常常

今日下午2pm去左太興原來荔枝角呢間分店剛剛裝修完燈光效果好左同卡位都好坐左2pm撞正有下午茶時間叫左個 手打牛丸米粉$46一碗有5粒牛丸 份量還好牛丸打得好好食，有咬口同真係食到牛味快餐廳黎講水準合格個湯底係牛腩清湯底唔會太咸 剛剛好💪🏻跟餐飲品 冰鎮奶茶🤩真係連冰一齊上😂奶味茶味配合得好好重點係茶味偏濃郁，所以飲落唔會覺得好甜