太興 (宇晴匯)

营业中

休息中

今日下午2pm去左太興原來荔枝角呢間分店剛剛裝修完燈光效果好左同卡位都好坐左2pm撞正有下午茶時間叫左個 手打牛丸米粉$46一碗有5粒牛丸 份量還好牛丸打得好好食，有咬口同真係食到牛味快餐廳黎講水準合格個湯底係牛腩清湯底唔會太咸 剛剛好💪🏻跟餐飲品 冰鎮奶茶🤩真係連冰一齊上😂奶味茶味配合得好好重點係茶味偏濃郁，所以飲落唔會覺得好甜

到太興食lunch 的時候點了一杯紅豆冰，飲咗兩啖望一望發現有一隻曱甴浮喺面。有人即刻幫我話換過杯，但我話唔使啦！實在嚇到我唔想飲嘢住，而佢哋最後都取消左我呢杯野飲。不過實在抱歉我唔會再嚟幫襯！要知道一間餐廳出現曱甴係食物或者飲品之內係幾咁恐怖，當時朋友幫我親自行出去將杯飲品交俾店內職員，該職員沒有即時過來道歉，數分鐘後餐廳經理才走過來說聲對不起。我認為當飲品交俾職員的時候，那位職員應該及時跟我們道歉，才跟經理討論如何處理這個問題。你們覺得對嗎？

今日 HOME OFFICE, 成朝未食過野, 就落樓下逛逛其實我食太興既日子吾算長, 成日聽人講太興以前好食D, 但我覺得佢都好好味.每次黎都係因為個八寶飯, 價錢雖然真係貴, 但比出面燒味多好多舊. 而且出面好多時得骨無肉我本身吾太愛紅腸, 上次叫佢走紅腸, 以為會多幾舊其它野, 但沒有, 所以今次食埋佢好過嘥左!燒味吾會太乾或咸, 份量好足, 可以食兩餐或者比大胃王吃!冰鎮奶茶真係高水準, 個 IDEA 超級掂, 保持住奶茶既味

工作日的中午搵地方食飯並非易事，間間食肆都係要排隊，太興也不例外。好彩一個人，可以好快有位。太興的米係我幾鐘意的，所以叫咗咸魚蒸肉餅飯配咸檸水。肉餅較瘦，所以硬咗少少。咸檸够咸，加水都好够味。46元一個午餐，都算係合理。

一行四人食太興，叫左4道菜，燒肉叉燒雙拼、咸魚肉餅、蝦醬通菜、豆腐魚柳煲。4道菜都好入味，不過略嫌佢咸左少少，但係我地配埋白飯，味道就啱啱好埋單每人80，一般家常小菜黎講，性價比唔錯

今日黎荔枝角見朋友，想頹食但又唔想太貴；所以選擇jor太興。對太興印象唔多，因為從來無幫襯過下午茶餐；只係曾經有食過晚餐。今次我地一行四人嗌jor肉餅、通菜、雙拼燒味同一個豆腐魚腩煲外加4碗白飯。全部味道都唔錯，但係真係好鹹！唔趴飯唔得，淨食菜無辦法食落去！如果鹽既份量輕手少少，咁味道會更好。

今日午餐，同同事又去搵食，今次就去遠少少，食下太興！一如既往，都係好多人，但好好彩，一去到即刻有位，6人好快就坐定定。今次我就叫左個燒味飯，叉燒紅腸飯。d叉燒份量第一感覺好像唔係好夠，紅腸就份量正常。叉燒係肥瘦叉，幾好食，係肥瘦適中既淋，唔會淋到無口感，面有少少硬。紅腸就正常味道，無乜太大特點。食食下，原來叉燒既份量又ok岩岩好食曬，完成無浪費，飯都係最後配左杯正常味道既柚子蜜為呢餐滿足既午餐劃上完美既句號。

「太興」除咗有啲hero片嘅廣告情節，然之後一句廣告標語：「太興。太好味道」之外，我就只係認識佢嘅冰鎮奶茶😅今晚嚟到荔枝角，由於係宇晴匯商場有事幹，見到附近有間「太興」，大約晚上七點幾左右，見唔使排隊，所以就入去晚餐。睇咗佢個Menu，突然之間好有家嘅感覺🏠首先佢有燉湯，對於好似我呢啲冇屋企湯水，又或者依家啲都市人根本冇時間煲湯，呢度就啱晒佢哋。呢度仲有煲仔菜食，羊腩煲、雞煲等等都有，唔食煲，都可以食條魚，仲可以炒碟菜。或者食小菜都有七款俾你揀，唔識小炒，食燒味都有。由於呢幾日天氣凍左咁多，食個煲就最啱啦！我就揀咗胡椒魚肚雞窩，一般出邊餐廳會係胡椒豬肚嘅組合，不過由於我唔食紅肉（例如豬、牛、羊之類），而佢呢度係白肉嘅組合（魚肚配雞）👍🏽其實佢好足料，窩仔細細有夾唔完嘅魚肚，而且雞仲好滑。佢仲用過火，興住過鍋，食到成個人暖笠笠，好正！另外就叫咗個豉汁蒸倉魚，唔會蒸到條魚過”鞋”，剛剛好😋加＄19就可以做套餐 - 跟白飯同埋一杯飲品，冰鎮奶茶或者冰鎮咖啡都包！除咗堂色之外，你亦都可以將「太興」嘅味道帶返屋企，佢推出左罐裝嘅咖喱牛/雞，羅宋湯同埋蕃茄肉醬，仲有港式奶茶（註明：冇添加味精）咁就

一直以來對太興的奶茶都覺得無得彈，今次當然都唔例外啦，冰陣奶茶永遠係我係太興飲品的no.1~~~~不過今次最想講的係太興的雙拼飯，我叫左叉燒燒鴨飯，64蚊雖然眾所週知太興唔係平⋯佢有個叉燒紅腸飯41蚊⋯我都諗左陣（我最想食叉燒）咁單拼叉燒又已經61蚊，一心諗住41蚊的叉燒紅腸一定唔及得61蚊的叉燒單拼/雙拼啦⋯好可惜我錯了😂今次的叉燒表面睇還可以⋯但食落就乾味道就ok的，份量又比較少⋯（相片睇落好多又大咁⋯其實一塊叉燒只有4-5cm的大小⋯不太夠食呢⋯）😢就算有下次，都係等下午茶算了😂😂

近排最愛食蠔仔泡飯，淨係Lunch先有,平時下午茶夜晚都唔會有得食，清清地好味，冬瓜好多，反而蠔仔唔算多，但勝在無沙，唔使食食下吐沙，入面仲有葱菜少少豬肉碎冬菇增加味道口感，份量ok有一湯碗一個人食岩岩好，最愛佢夠熱，熱辣辣食完好暖，另外若果佢有爉味煲仔飯就好喇。

自從變成自由工作者，終於可以享受下午茶的福利了。荔枝角始終主要是工商廈區，下午茶時間人流不算太多，兩時正便可在附近大部分食肆輕鬆享受下午茶時光。荔枝角這間太興的下午茶選擇頗多，只是其中一頁餐牌已經夠我選了。輕盈燒味飯只售$30，相對其他下午茶款式，更顯超值。我點了墨魚四寶飯，配料如餐牌所示一樣多，沒有將貨就價，四寶飯分量對女士來說剛剛好。墨魚彈牙，燻跡筋肉分佈平均，飯夠多汁，咸蛋則有點咸。$30墨魚四寶飯配太興香滑奶茶，平價下午茶都可以帶來大滿足。

太興既切雞飯, 由好幾年開始食,成日都孖住家姐去食佢既切雞飯,一人一碟切雞飯配杯熱檸檬茶,下午茶價錢由$4x 到而家 $56,$5x 既下午茶係佢地前幾年既午餐價~今日同朋友黎食下午茶,朋友叫左個羅宋湯通粉配炸雞,而我又獨孤一味,黎食佢既切雞飯,雖然有少少血,但真係幾好味,佢既燒味係有啲料到~有一段時間,佢既雞好血,好似唔熟咁, 嗰段期間我地就買半隻切雞$80,番屋企焗一焗先食,焗好既雞都好嫩,雖然貴,起碼食完都係開心既~

太興燒味(餐廳)集團是香港的一間連鎖快餐店，成立於1989年，現在太興燒味分店廣佈香港各區，甚至北上中國大陸。太興結合了中國傳統及現代時尚的美食精萃，優化餐廳作為「港式茶餐廳」的概念，讓客人既可品嚐到各式明爐燒味，又可細味地道奶茶小品，體驗正宗的港式情懷。此外，餐廳更提供一系列西式餐類以及富東南亞特色的菜式，食物種類走多元化路線。 所有餐具都安放在每張餐桌的抽屜裡，非常方便 。 蝦皇醬炒鮮魷芥蘭 HK$62+白飯 HK$10 - 吃完憑單到柜櫃台付款，只收現金或八達通，免收加一小費

工作狂男友年廿九還在OT中...作為稱職的女友，特別走到他公司，希望跟他吃個飯，減減壓吧!一坐下，男友便馬上下單，但是...我連餐牌也未看哩...男友說，這裏的咖哩牛腩飯很好吃，但是超快賣光，所以要馬上點!男友果然沒有騙我，味道確實不錯! 牛腩非常軟腍有牛味，咖喱汁濃稠度適中，基本上不辣，但非常惹味，配上白飯一起吃，正!之後叫了一個咕嚕肉，肥豬肉炸得香口鬆脆，再加入菠蘿和酸甜芡汁一起煮，同樣是白飯的最佳拍檔!最後配上太興有名的冰鎮奶茶，奶夠順滑，茶味夠濃，為整頓飯畫上完美句號！

嗰度啲阿姐服務態度極差！ 想轉檯就黑口黑面咁話 : 唔同你落單！仲發脾氣將塊抹枱布大力拍落檯面！嗰個叫"亞仙"嘅阿姐服務態度極差！其餘嗰啲阿姐都唔係好好㗎嘞，大部份都係 黑口黑面咁， 好似殺左佢全家，要啲客人睇佢面色！