太興 (機場一號客運大樓)

营业中

休息中

上機前想吃點東西，然後一覺瞓，於是去太興來個亁炒牛河，等了十多分鐘才來以為係即炒，一上枱便完全無胃口。一看便知是大鑊中央廚房貨放在微波爐加熱，但價錢卻收鮮炒貨，機場管理局個市區同價政策就完全失効。如果太興認為我是侮辱它的聲譽，大可帶我到廚房見識一下它的製作過程。

雙拼飯午餐，配太興奶茶切雞嫩滑入味，燒鵝肉質略為“鞋”口飯量比市區嘅太興少，男士可能喺落柯打時要求加大奶茶茶味濃郁，飲完夠醒神好快就出餐，啱晒趕時間嘅朋友上機前醫肚

喺水吧見到呢碗魚香茄子，當堂呆一呆。都知道魚香茄子比較油膩，但係冇諗過油成咁。可以𢳂左半碗油出嚟仲一路滲緊。望住呢碗好似屎咁嘅餸，開始明白點解香港人要北上食嘢啦。補充番，水吧阿姐見到我呆左個樣，竟然同我講：係咁多油㗎啦，您拎多隻碗自己𢳂番出嚟啦😑😑

菜心非常老和不新鮮。不知道可唔可以俾人食。應該在食物把關做好太興品牌。飯又硬。價錢又貴。以後應該都不會去太興吃。can’t eat this kind garbage food which high end restaurant

機場店真係無乜選擇，只有screen的餐牌option。本身想食燒味，但無最愛的燒肉，呢到亦無招牌冰鎮奶茶，都有d失望。叫咗乾炒牛河，ok不過不失，另外叫咗金銀蛋肉碎配時菜，呢個真係中伏，個底係娃娃菜，個芯重好硬，面頭重有生嘅蛋白，蒸唔熟。

一向太興早餐喺我心目中都係好食！特別係塊多士！今日我係第一次遇到相信係全港太興分店嚟講最難食嘅一間…食物除左唔熱之外仲要偏硬或爛，估計可能係整定一有柯打就夾出嚟…大佬呀！我唔係食緊快餐啊😫算了…我以後都係喺飛機食飛機餐算😒

叉燒油雞飯 土魷肉餅飯 兩個套餐的米飯都好爛，好水似漿糊，叉燒亦比較柴，就凍檸茶好一點，現場自助式為主，座位闊落。諗返起仲有T2的時候，想喺機場食平靚正實會去泰風味餐廳。

好耐無黎機場，真係好少人。咁因為送機所以黎左。咁唔知食咩之下見到太興就過左去。咁就叫左一個土魷肉餅飯，咁不過不失啦，食落都好食既。土魷唔多，個肉餅都幾大。食落就唔係好彈牙個種肉餅。飲量都多既，食個餐都夠飽。之後仲叫左一個牛肉麵。個湯就比較清，同出面既牛肉麵唔太一樣，平時食開濃啲😂咁牛肉都唔係咁多，得3片，食落都正正常常啦，唔太入味。麵就唔係話好彈牙，如果個湯有番多少少味，應該個麵會吸左湯，咁就好味啲。

叫左兩個下午茶餐，盛惠$89，米粉淋加超濃味精，叉燒梅既，咖啡苦既，多士淋加奇怪味。好野👍🏻 不嬲都覺得太興下午茶ok...不過機場依間舖真係頂級難食，可一不可再

一朝早嚟到機場，準備出發去旅行， 唔想食太貴，但係喺機場嘅選擇實在唔太多， 普通通通一個餐都要五十蚊。我哋揀咗最近機場快線🚆， 出嚟搭𨋢落一層就到ga 太興。 主要係因為方便。大約50蚊一個餐 有碗麵🍜， 又有一塊麵包🍞一條腸仔同埋一個炒蛋🍳。榨菜肉絲米粉， 米粉份量都算ok，肉絲分量偏少，榨菜分量很大方。麵包都算新鮮軟熟， 塗上牛油都似幾好食。 脆皮腸仔算正常貨色， 但感覺上不是金妹腸， 是其他雜牌子。 炒滑蛋很油膩， 所以覺得好滑😂😂😂， 都算ok嘅但係油咗少少。凍檸茶 🍹茶味濃郁☕ 檸檬新鮮🍋，太興招牌凍奶茶， 唔知點解機場係冇冰鎮嘅🙄🙄🙄。 有點失望。

夜晚落機番香港仲未食野 去旅行食太多餐外國菜 就揀左太興食番餐中菜 同埋呢間比較易揾位呢間太興係好似快餐店咁self service, 自己揾位同排隊嗌野食，再自己拎張單去拎野食咁燒味飯大多七十幾蚊 小菜配飯就貴啲 八十幾到百幾蚊都有 雖然比出面既太興貴啲 但喺機場呢個價錢都算合理咁我就揀左魚香茄子煲既套餐，配埋飯同中式茶自己拎既時候小心啲，因為個煲都幾重同埋真係夠哂熱，至於味道都唔錯，茄子炆得好腍同幾入味，有啲蔥花同肉碎調味，個汁幾香，但個飯就有啲乾。

Open Rice 批准發此文一刻，應該係太興（6811）上市日（或早一兩日），為紀念呢一刻去一去機場太興食佢最灑家的燒味飯。講多少少FYI，其實茶木敏華（前文華）等大家常光顧的，都係太興旗下的。入返正題喇，太興的燒味飯in general 係keep 得幾好，呢度叉燒都好有蜜汁味，係略嫌太瘦，我就較喜歡肥叉，另外奶茶都夠茶味夠滑。不過要預左機場餐廳貴幾成，仲要係自助形式好似大學 canteen 咁，但唔知係咪上市有股送，個經理係好好服務態度，同埋arrival 呢邊係超多人難搵位。最後加返disclaimer，投資涉及風險，以上資料並不構成要約。

外遊返港，唔多唔少都會掛住香港嘅燒味，一出到境大堂便見到太興，放低行李後就入去食個午餐。餐廳由原本嘅table service轉咗做self service，需要自行搵位坐低，然後到收銀處點餐，再去取餐區取餐。雙拼燒味飯 $68 - 燒腩仔拼叉燒，兩款燒味都係「碎上」，燒腩仔甚至切到唔係一塊皮連一舊肉，甩皮甩骨咁，但味道都算OK。餐牌

每次去完旅行，都好想即刻食到香港的食物，因為飛機餐回程時一定是當地的食品，所以一定冇飛機餐提供香港餐。😭😭因此我一落機就即刻跑去太興，因為嗰度可以寄存行李，又係港式茶餐廳，質素有保證。✌️✌️✌️我即刻點左一個沙鍋雲吞雞餐，連燒味例牌，加上兩碗白飯、兩杯嘢飲。砂鍋雲吞雞真係等好耐，需要20分鐘，所以比我感覺係即叫即整，新鮮可靠，美味非常。👍燒味例牌，我會覺得好好食，仲記得隔離果兩個菲律賓人，都話香港要食的一定係燒味，我覺得我越食越滋味。😂😂

坐廉航去日本上飛機前諗住食飽啲不嬲喺出便食太興燒味都覺得唔錯所以就決定試下呢間不過原來機場呢間要自助式的由買飛至取飯現場坐位亦不好坐因為同隔壁都幾乎連住坐食物價錢貴又不好吃 叫了奶茶和咖啡好難喝喝了一口就沒有喝下去了下次我不會再選擇這裏