太興 (已結業)

又係為左Coupon 已光顧既食店由於要 6點前享用, 於是我倆 5:00 就坐 。二人不約而同點了飯, 倆個餐都有例湯跟, 同晚飯的份量完全一樣 合掌瓜煲排骨 : 有點肥膏在浮游, 但本身料夠多, 夠甜熱辣辣, 絕非例水, 幾得 大舊 : 义雞雙併飯 $42: 水準穩定, 今日义 燒比較瘦, 但沒有丁點 "un", 蜜糖汁香脆外皮更是一流, 而雞肉則夠滑, 配以好朋友薑蓉同食, 極品～我: 蜜桃汁焗义燒飯 $43 : 瘦义係我的最愛, 呢到燒到還保留到肉汁, 份量還有成十片左右 , 雖然係叫下午茶, 但份量與晚餐相約, 抵 ~ 自言焗飯粉絲的我, 對蜜桃汁給予很好的評價, 飯焗得剛剛好配以甜甜的 蜜桃汁, 十分之醒胃, 飯底亦炒得不油, 雖有點飽, 但還是要努力地趕掉呢 。用了coupon $3 , 平均一個餐只是 40元, 真是一分錢一分貨

因有$50coupon﹐所以來試試呢度d燒味。當拿起夾喺枱邊既餐牌睇食乜時﹐拿上手先發現餐牌有少少濕立立﹐幾骯髒。應該改善一下。食物叫了瘦叉薰蹄飯同燒鴨燒肉飯。叉燒雖然瘦﹐但肉都算淋﹐蜜味不多。薰蹄亦做得不錯﹐唔係好肥。老婆既燒肉亦唔會好似出面既咁鹹。呢度各款燒味質素都算過得去。但如男士有一普通胃口﹐請叫佢地多飯﹐因為多飯都唔係多得去邊。價錢底唔底就見人見智﹐因燒味飯跟餐都要過$50。

每年歲晚，女友和她的好友們都會相約一起吃「團年飯」，今年就假在Y小姐的家裡吃盤菜。1月23日（年廿八）晚，十個人就在Y小姐家裡，用家裡的電磁爐翻熱盤菜來吃。這個盤菜體形不少，材料有燒鵝、原粒瑤柱、油雞、蠔豉、燒肉、豬手、吊片、花菇、魚蛋、枝竹、蘿蔔、雲耳、芋頭和西蘭花等，另外還有叉燒。叉燒不是半肥瘦，所以不算得上很好食，祇屬不錯。整體來說，盤菜上的各款食物味道一般，沒有特別好吃的或很難食的，不過我和女友都嫌蔬菜不夠多，幸好P姐早有準備，預備了一個西生菜，以及枝竹和生根，食到後來我們似在打邊爐，還笑說早知買些肥牛來吃。其實盤菜的味道如何可能並不重要，最重要的是一群好友相聚一起，開開心心地吃晚飯。p.s.：其實我並不知道這個盤菜是從哪間分店取的，因為P姐說是係灣仔取的，但灣仔根本沒有「太興」分店？？？惟有當是從銅鑼灣分店取的，橫豎也是由廠房煮好再送至分店。

十二月十四日今天和媽媽逛完街來晚飯，媽媽點了燒肉鵝飯和熱檸茶，我點了叉鵝飯和冰鎮奶茶。檸茶先上檯，媽媽見檸茶的茶很濃，顏色看來像濃濃的普洱，那實在不是一杯檸茶應有的顏色。後來她把檸茶和我的冰鎮奶茶對換了。燒肉皮脆，也算得上是五層肉，不太肥，還好。我的叉燒呢，是瘦叉，切得薄薄的，不過不失吧。燒鵝，是太興的主打吧? 但太肥了，有一層厚厚的油，吃了兩三件便覺得很膩。整體而言，還可算是合格的燒味飯的。

三點幾唔知食乜好~即刻唸起呢度有輕怡攴食嚟到原來無得食呀...因為無"荳奶...." 因為佢個攴係包荳奶既....轉咗茶攴...炸菜肉絲米配炒蛋白&多士...加凍o茶炸菜肉絲米就好一般.....但佢既炒滑蛋又出奇唔油及好味.... (大開眼戒)凍o 茶都好有茶味呀....

聽聞這家店食評不錯, 逛到銅鑼灣一帶走累了,就進來點個叉燒飯, 判斷一間燒臘店的東西好不好食,從叉燒就可以看出端倪,總覺得叉燒這麼普遍的東西, 應該是隨便走進哪一家燒臘店點都會好吃,想不到叉燒不入味, 又乾又難食,價錢還不便宜, 二人就要將近120元,早知道就去斜對面的翠華用餐了

銅羅灣有好多燒味餐廳,自己最喜歡系太興,每次去食,例牌燒肉叉燒飯加冰鎮奶茶,餐廳標板五星級燒肉,固然冇令我失望,皮脆肉鮮甜好味,不過是次叉燒太瘦失色左少少,食叉燒應該肥中帶瘦先好味且唔鞋,冰鎮奶茶依家好少飲到,我念應該只有太興有哇,不過可以將奶茶再雪凍d再冰鎮會更好.

早幾天 同事跟我說太興有一隻焗飯是用wasabi汁去焗 聽起來覺得很特別 於是今天午飯便特地去品嚐一下... 餐牌都不用看了 直接點了 青芥末汁焗燒肉飯 而同事就點了 蜜桃汁焗叉燒飯... 想不到一等便等了差不多30分鐘才有得食... 幸好這一等沒有白費...青芥末汁焗燒肉飯 - 個汁做得幾好 又唔會話太攻鼻 不過提醒一句 如果食得太快 都係會攻鼻流眼水的... 總括黎講 唔錯唔錯蜜桃汁焗叉燒飯 - 呢個無試 不過同事話個汁好甜 都係個青芥末汁焗燒肉飯好d

舊同事相聚~但又好忙~係附近食吧啦~做左咁耐, 都冇黎呢間食過~試下佢先~我叫左下午茶餐: 越式肉碎湯米+炒滑蛋+多士 $26 配 冰震奶茶+6朋友叫左叉燒燒鵝飯$41 配 冰震奶茶+6越式肉碎湯米 幾惹味炒滑蛋+多士 一般ok啦叉燒燒鵝飯 幾好味, 但朋友話份量少, 唔夠佢食~冰震奶茶 香滑可口, 但就唔凍, 差唔多飲晒先開始feel到凍~都好既~女仔唔好飲咁多凍野嘛~

夜晚想身想去拉麵 888，點知已經關門 ( 大概 11 pm )最後行左去太興$ 43 一個瑞士汁牛柳炒河 + 熱奶茶 / coffee 唔平，不過都幾大碟。熱奶茶都幾有水準的，只不過吃完大半碟河粉已經飲唔落奶茶。唔算十分油膩但如果你係十分著重健康的就建議你唔好揀這款菜式了。男朋友點了蜜桃叉燒飯。雖然我近來常常吃叉燒，快吃到嫌了 ! 但太興的叉燒的確係好味 !服務一般，但個 toliet 真係嚇死人。

師傅見今日悶悶地, 於是決定由灣仔行去銅鑼灣順便食個午膳, 但就漫無目的地行, 終於行到黎呢間食店面前, 諗左三秒決定入去試下, 因為師傅從來都未黎過!入到去唔算好多人, 可能係時間尚早嘅關係啦, 伙計安排坐底後, 跟住就放低杯清茶! 好, 睇下有咩好食先, 睇睇下師傅都有d三心兩意咁, 最後都係決定係食燒味飯, 因為呢間食店叫做燒味連鎖店, 所以冇理由唔試, 於是就柯打左個叉燒飯同凍檸檬茶!於是喺等嘅過程中, 師傅覺得有d口渴, 所以想飲啖清茶, 點知一攞起隻杯, 準備放入口時, 師傅聞到好重漂水味, 前後將呢個動作做左兩次, 最後都係放棄, 咁重漂水味點飲呀?一息間叉燒飯就放左喺師傅面前, 其實喺落單前, 師傅見到佢個餐牌上有個溫馨提示, 就係如需多飯, 佢地係可以比多d你嘅, 撞啱今日師傅鬼咁肚餓, 所以都要多飯; 點知一放底個叉燒飯, 師傅就發覺原來要求多飯都係得咁少, 如果唔叫佢多飯, 好可能真係唔夠食喎! 先試下個叉燒, 叉燒係半肥瘦, 有蜜味, 甜甜地加上肉質夠鬆, 都幾好味; 白飯配佢嘅豉油汁都叫可以, 因為豉油汁唔算太咸, 甜甜地都幾好味; 凍檸檬茶都算大杯, 茶味都

某星期六下午，還沒吃午餐，很想吃燒味，經過太興，正好來份下午茶醫肚。雖然是下午茶，但價格並不便宜，每份約三十元，我和朋友分別點了一客粉麵餐。經常看到太興宣傳自己的冰鎮奶茶，但從沒嘗過，又趁這機會各點了一杯。先來兩杯冰鎮奶茶。入口很滑，但不夠香濃，屬合格之作。其外觀確實花巧，雖然奶茶本身的質素仍有進步空間，但一家大眾化茶餐廳願意花這麼一點心思，照顧客人口味至最後一口，實在難得，值得讚賞。我的叉鴨瀨先到－－看到那一排均稱的叉燒和鴨腿肉，絕非「下欄」貨色，誠意可嘉，令原本怪責他們收費偏高的想法減退了。叉燒肥瘦均勻，是我喜歡的口味。蜜糖不過多，肉也沒有烤焦，不錯。烤鴨有肉但不肥，沒有臊味，火喉控制得宜，皮仍帶點點油潤感。整體是水準之上。餐蛋麵雖然是茶餐廳必備食品，但他們也加點新意，來個炒蛋餐蛋麵。餐肉的煎香隨著侍應的手飄至，很香，但不過火，沒有焦硬感。個人不太喜歡炒蛋，但這兒的炒蛋很滑，賣相亦佳。花這三十餘元總算值得。後話：之前提過現在有顆粒的花生醬多士不好找，但原來太興有售，有機會要試試。

三個人星期日夜晚黎食. 貪佢唔洗等位.脆皮古嘮肉: 好多菠蘿. 真係脆皮的. 個味幾好. 但係我都係鍾意食傳統o個d多d. 脆皮好似冇左d肉味甘. 同埋d肉好似幾肥.肥叉油雞飯跟菜: 好明顯唔係我叫的...真係肥叉, 好多肥糕, 但係都幾好味, 至少d肉唔晏~ 雞冇食到. 但個樣幾好. D飯算幾少. 男人未必夠飽. 油菜好在唔係好油. XO醬海鮮炒粉: 呢個最好食. OK夠料(有炸魚, 墨魚同蟹柳) 冇乜XO醬味(唔辣的), 但係唔知點解好好味! d粉炒得好好. 唔會chi埋晒. 亦唔係好油.環境可以. 我覺得佢比其他茶餐廳貴因為裝修係新的. 同埋比其他茶餐廳乾淨. 服務都OK. D waiter幾nice. 專登轉個卡位過我地.

大部份服務員幾親切, 幾好客, 又會跟客人聊聊天, 感覺好舒服，惟獨有一個半個就面無表情, 有錢執都唔識笑咁既樣, 落單時又好似魂遊太虛咁, 叫一個飯而已, 都重覆問我兩、三次係唔係......燒味算是不錯, 我最常吃的燒鵝、燒腩、燒肉及瘦叉。現在很少食店在你叫燒鵝飯時會附上一包甜酸醬了, 這裡會給你一小碟甜酸醬, 雖不多, 但也剛剛好, 好美味, 甜酸醬的味道能翻起很多回憶。燒腩燒肉都OK, 唔會太肥, 肉質幾好, 但皮就真是要講彩數, 也不一定次次都又脆又香口。瘦叉水準最好, 真的全給我瘦叉, 因我只會叫瘦叉, 但很多食店都總是似半肥瘦, 或只有部份似瘦叉, 這間卻全是瘦叉, 也很有肉味, 我很滿意。我大多是跟餐的, 有菜有飲品, 但我覺得燒味份量略少了一些, 每一件都很細小, 即使叫雙併, 燒味份量都實在算比較少。連飯的份量也一樣, 一向很細食的我, 都能吃掉大半碟接近全碟的飯, 但其他食店一般這樣的雙併飯, 我最好胃口之時都頂多吃半碟而已, 但大多只吃到細半碟。所以, 整個份量的確都屬於偏小了。

2008年1月13日我從來無食過太興包括佢成日標榜的燒味, 試下早餐先! 嘩! 好貴啊! 我唔記得幾多錢不過我記得驚左一驚, 食完更加把火. 炒蛋似炸蛋, 勁油, 又話牛奶炒蛋, 無奶味, 包又麻麻, 通粉又難食, 又油. 奶茶似水.無下次, 包括燒味我都唔會試, 早餐禁易都偷工減料, 燒味都唔方好!差差差!