奉茶 (已結業)

。呢度有果茶、果昔、芝士奶蓋甚至黑糖珍奶都玩埋。人地舖頭通常標榜自己不含奶精用明治鮮奶，佢就不含奶精但用黑白淡奶😹主打係新鮮現做果茶🍇🍍咁就試試佢啦。價錢都比葵廣個堆貴一截，大杯檸香金橘茶索價$28，落單要求少糖，但店主堅持唔肯，仲話係用黑糖好健康云云🤪大佬呀，黑糖都係糖，都會甜架嘛衰鬼😚成杯嘢個combination 聽落好正常，飲落好複雜，可能唔應該用青檸同黑糖🤯佢擺到成間舖都係茶葉，應該想prove佢用料認真，但係我一啲茶味都飲唔出，叫咗你少糖㗎喇bb😳🥺 btw片有講但都要講多次，FB可以轉繁體字嗎親？仲有請翻個用廣東話溝通到嘅店員好嗎？

同朋友行下街有少少口渴所以決定咪試吓飲呢度嘅水果茶佢都唔知點解店員淨係識得講普通話 廣東話係超級唔正 水果茶茶味都可以 入邊都有少許生果 個人認為如果更加多啲茶味會令到成個水果茶更加出色

見到新鋪未試過一於入去睇下 menu睇完幾多野飲但係叫完之後 店員好似唔識用收銀機咁整左勁耐。附上圖一張 杯野唔知係咪因為奶蓋所以冇比飲管 但係又有珍珠 咁點食？ 我自己攞完再發現個杯蓋係冇位比你插飲管。要成個蓋打開黎飲 勁容易倒瀉 變左唔可以一路行一路飲。可可髒髒茶 冇可可味 得茶味不如飲茶算另外，攞杯野果時 另一店員話因為d珍珠岩岩煮好，做唔到掛杯，現實杯野 同menu圖中差勁遠，我冇叫到走冰 杯野又一粒冰都冇，我叫的是凍飲，但係飲落係暖既。沖野飲的店員態度不能接受。早知唔哂$32 飲返連鎖店就算

一段時間冇黎citywalk 2期 行過見到開左間台式飲品店 之前未見過 就好奇試一試 呀爸買左杯水果茶 35蚊大大杯 入面仲真材實料大大舊水果 批埋皮 服務態度很不錯 但我冇飲到 所以評價吾到味道至於身為松露控嘅每就叫左杯松露可可髒髒茶 $32 飲落堅有松露味 入面仲有好多oreo cookie 碎 好有口感 正！其實我果杯吾記得左少甜少冰 但飲落都係正常吾太甜同吾太凍總體黎講 呢間野性價比同服務態度都很不錯 表示欣賞 有機會再番黎打卡！

見個門面幾靚，就試下新野我地買既時候排第二個，買完足足等左20分鐘 ，見佢成間鋪有2個人，熟手個個女人一路沖一路教個新人，明白教人係花時間，但係都無可能星期日晏就呢d最多人嘅時間教。好喇咁都算喇，如果好飲既，沖得慢係無所謂，等都無所謂，但係真係質素好差先講我飲個杯，左手邊桂花烏龍，佢話係純茶但係完全無茶味，係衰到好似茶餐廳洗杯個杯茶咁，咁嘅質素賣18蚊真係有無搞錯！而右邊個杯叫水果茶記，又係離晒大譜，完全係一杯甜嘅藥水，我老公話佢飲到上腦，重要賣35蚊我真係唔知呢間野點生存落去。

近排台式飲品店成行成市，今日又比我發現到一間新嘅舖頭奉茶 ，又試吓係咪真係咁台灣口味先芝士滿杯草莓 ($42)超滿足，成杯都係新鮮嘅士多啤梨🍓將士多啤梨加水打勻，再加上厚厚嘅芝士係面🧀芝士嘅咸香，配埋士多啤梨嘅酸甜，令成杯飲品感覺唔會太heavy 🥰黑糖撞奶髒髒茶 ($32)芝士奶蓋面加左d orea碎，飲落有脆脆嘅咬口，我幾鍾意呢個口感，黑糖嘅味道唔係淨甜，仲有一d焦糖味😋加埋鮮奶，中和返個甜味最開心嘅係，自攜杯友善，店主見我自己帶杯，仲幫我洗一洗先裝飲品，太Sweet la🥰

員工好像完全沒有經驗，完全不懂工作。我買時完全沒有其他客人，得我一個人叫野飲，店內有3個員工，我叫完野飲後，完全沒有員工打算幫我沖茶， 過左一分鐘我忍不住同員工講 "其實我有d趕時間，可唔可以幫我沖茶"，跟著仲搞笑，有個員工 問我係咪飲珍珠奶茶，因為有一杯沖完放左一段時間，果位員工想叫我飲左果杯佢😒 咩料啊？唔知放左幾耐ga wor，點飲啊? 同埋又唔係我想飲果杯，果位員工咁都問得出既。間店已經有3個人可以沖野，但得我一個客都仲要懶咩?😑之後有另一個員工立即幫我沖茶啦，但她心急一野倒多左勁多芝士奶蓋，所以成個杯出面都是芝士奶蓋😓😓，我心諗"依間野搞咩ga，d人係咪撈ga?"。

睇完戲經過呢個小鋪，見到新開，門面幾靚，就諗住試試。奉茶可以用alipay pay, 但當日因為部機未set 好，所以無得用。好多好受歡迎既茶類都有，例如純茶，水果茶，芝士茶等等。芝士桂花烏龍首先講講d 芝士，輕輕力倒入口飲唔到，要大大力倒落口先飲到，唔知點解，好大啖咁連埋d 茶一齊飲，完全沖淡曬，飲唔到芝士既味道，唔知係咪因為太稀。桂花茶，好淡，飲唔到桂花味。個人黎講俾呢杯野唔合格。可能其他飲料會好少少掛？

滿心歡喜用網上外賣平台 叫外賣三杯飲品（芝士奶慕四季春，草莓撞奶，水果茶）點知黎到杯芝士四季春得返啲奶蓋，開頭以為外賣員倒瀉，之後發現原來杯野飲係半製成品入面無茶（請問係咩玩法？）🤷🏻‍♀️🤷🏻‍♀️之後同網上外賣平台 溝通，本來想叫店家重新送過來，點知對方話聯絡不到店家，只能安排退款。另外草莓撞奶入面係撞紅豆（請問係咪新食法？🤷🏻‍♀️🤷🏻‍♀️）如果店家一早講明有紅豆會更好 ，因為無諗過草莓撞奶會加紅豆，兩者味道不夾水果茶只能說一般，沒有特別可言

新开张水果茶、珍珠奶茶店，非常有特色，拥有水果茶，珍珠奶茶，脏脏茶，奶盖茶，冰果乐等多种产品。新鲜的水果来制作水果茶，用鲜奶来做黑糖脏脏茶与奶盖茶，禁用奶精。现场制作，顾客可以看到一杯颜值奶茶的整个制作过程。给顾客提供最Q弹的咬合感与最佳的味蕾感受，由此制作的珍珠奶茶也是店铺的首选之一。黑糖脏脏茶亦是一款打卡奶茶。我们将黑糖进行现场熬制，搭配醇香的鲜奶、冰块、珍珠一气呵成，吸一口奶香特别浓郁，融入黑糖的味道，甜而不腻，入口顺滑。饮一口西柚水果茶，爽口西柚果粒一颗颗在口中炸开，酸中带甜，甜中带涩，层次感十足。