影片
港铁佐敦站 C1 出口步行约2分钟 或 西铁柯士甸站 B5 出口步行约2分钟
继续阅读
营业时间
星期一至日
16:00 - 03:00
公众假期
16:00 - 03:00
公众假期前夕
16:00 - 03:00
以上资料只供参考，请与餐厅确认详情
相关文章
好一锅火锅店_是本人经常光顾的打边炉好去处，食物种类够多，比较少有的鳝片都有，每碟食物端来不会太大碟，好处是不会浪费食物，而卖相非常新鲜，汤底选择也多，可惜经常爆满就算早两三日订位也不易，除非是四位订，价钱连加一大概一百七十几，算抵食。
继续阅读
朋友相约于佐敦吃饭，夜晚我和朋友安排了吃火锅，当然是任饮任食。这间食店主打火锅任饮任食，两个半小时任君选择，任你吃任你饮 。我们点算了芫茜皮蛋汤，原因很简单，就是因为清热气，打边炉不是一般烚下烚下咁简单，只不过就会热气上火，对身体不适，正正香茜皮蛋就可以中和， 任食方面，也有数十款选择，而我最推荐就是手切肥牛，新鲜手切，快快嚟到，份量十足，味道出色，最重要入口肉味十足，鲜嫩可口。至于饮品方面，个人力推自制鲜柠薏米水， 清热气首选，加上甜味属于可接受程度，冰冻可口，自然入口，下次还会再来。
继续阅读
内子投诉，话今年冬天无同佢食过火锅㖞，咁..... 放学咪同佢去邻近佐敦打边炉啰！早排去伦敦广场大锅口打边炉，今次就试试另一间，好一锅.优点：1, 价钱平2, 汤底同材料选择多3, 材料新鲜4, 地点方便缺点：1, 无咩服务，材料放系旁边又唔通知，都唔知系咪自己，汤底迟迟未到又唔跟进，隔离枱都投诉上菜慢.2, 餐厅明显人手不足，执枱，上菜等都好似唔够人手，老板定经理唔请人定请都无人黎返工？3, 相比起内地火锅店三十多款酱汁配料，香港火锅店嘅酱料明显相差甚远，来来去去都系果五六款，一份钱一份货，唉..... 明白嘅明白嘅...
继续阅读
平日黄金时段入座 ，位位 $158 任食两个半钟，任食的项目够多够齐，基本上没有不试的理由。清清地叫左淮山苹果雪梨汤底，清甜得来冇咁热气，去滚都要滚得健康D。打头阵的当然系手切肥牛，虽然系任食平民火锅，估唔到D牛都 ok 㖞，唔会好肥又有牛味，收货啦！白鳝片好肥美，仲好爽口，我地 encore 左四、五碟。蜂巢豆腐，索汤必备的食材。虽然今次个汤底清淡D，但无损豆腐的滋味。水鱿同柏叶就系火锅的好 partner, 好弹牙爽口。是日海鲜系大蚬，无沙肥美。而海中虾 size 都唔算细，没有令人失望，两款都加单了 鱼云系另一 selling point，好新鲜。但是脆骨腩就一般啫。喜欢食什的朋友都有几多选择架，有鹅肠、鸡公子、猪膶、猪粉肠同牛骨髓，全部都系任食炸鱼皮，薄身、新鲜、香脆、已调味，涮两秒食得，爽呀！仲试左自家制的三宝丸同紫菜鲮鱼滑，新鲜即日做，口感几好。原来鲮鱼滑加左果皮，个人就麻麻地啫。竟然仲有帆立贝，大大粒有惊喜。花胶任食，唔明白佢点围皮 腐皮亦系鲜炸，very good ！除左有汽水同竹庶茅根任饮之外，仲有乳酪，呢个甜品好有助消化
继续阅读
除夕夜这晚相约友人聚旧，友人提议到佐敦好一锅打边炉，未去之前见呢间餐厅价钱都几公道，加埋一都系200蚊左右，又有得任食2.5小时，心谂D野食唔太差都可以接受，点知去到食先系恶梦既开始。先讲讲地点，其实系地铁站行过去都只不过系对边街，都几方便，入到商场等电梯都唔算用左好多时间。去到餐厅门口都好快有职员带我地一班人入座。 职员安排左张方枱俾我地5个人，已经坐得好逼嫁啦，仲要前后两张枱D位都逼住，基本上坐低左就好难行返出去拎野。仲要张枱其中一边系条通道，本身已经好多人行黎行去拎野嫁啦，有个职员仲要长期放左部收碟车仔系果个位顶住，搞到友人坐得劲唔舒服仲要系咁比人撞到。坐低左冇耐我地就划左汤底同火锅食材，职员收左纸之后冇耐都拎D辣椒﹑葱﹑蒜蓉比我地加落鼓油碟到，但系...竟然冇拎到豉油比我地，仲要同左佢讲都系冇拎到黎，最后要友人行出去自己揾先有。大约等左15分钟左右个汤底就黎到啦，我地叫左胡椒猪肚汤底，谂住应该都几有味嫁啦，点知黎到果时个汤底系好淡既白色，试左啖，不出所料，淡而无味。我地第1转大约都划左10几款火锅食材，大约坐低后20-25分钟职员就开始上第一转D食材，但系....只系黎左5款左右，仲要全部都系菜同丸，份量净系够一人食一粒。 本身都谂住佢会再上埋其他食材俾我地啦，点知等左10几20分钟都冇再上过，就算问D职员都系叫我地等下，反而见其他枱都陆续有食材上，仲要有我地划左但冇黎到果D食材。见等左都咁耐，又差唔多坐左成个钟，我地就决定再划过第2转既食材纸，今次划果D野食其实都系同第1转划果D差不多款。结果...,同第1转一样，划10几款净系黎左5-6款左右，仲要连打边炉必食既牛肉都系冇上到俾我地。都未试过食一餐任食边炉系可以食左个几钟都仲觉得好肚饿。如是者，我地又怕再order会重覆左张单，于是我地又问下职员点解冇野食上俾我地，果个职员态度十分之差，竟然口噏噏话我地冇嗌野食咪冇野食上啰，听完真系谷鬼气，咁我地就唯有再划过D食材，划完交左俾职员冇耐，竟然有之前划过既野食送到黎，但系明明我地之前D单加埋只系划左1碟，职员拎到黎果时系5-6碟....，之后终于开始陆续有野食上啦，但系....竟然系D我地完全冇划过既食材，反而我地划果D就冇拎到黎。唉，谂住都照食嫁啦，点知呢个时候果个态度十分恶劣既职员就行埋黎话我地已经够钟啦，仲要即刻收走我地枱面果D食材叫我地走，都未试过食过一间餐厅系咁冇礼貌，位已经坐得好唔舒服，服务态度又差，任食又漏哂D单，野食又唔系特别新鲜好食，呢间餐厅真系'极品'。200蚊左右但系接近咩都冇食过! Blacklist唔会再去呢间餐厅!
继续阅读