好叉好味 (禧利街)

营业中

休息中

最近加班懶煮飯，在Openrice 搜到呢間新派叉燒店（未食就同朋友開心share)，朋友第二日就去立食，食完仲多謝我介紹呢間舖比佢（仲大力係佢社交平台度分享）見佢讚不絕口，隔幾日放工就即刻買外賣，試左佢地個柚香叉燒，WOW～原來佢地好夾叉燒厚切+焦香脆嫩又juicy今日係openrice外賣自取apps見到佢地出現，而且有85折優惠價，平左當然要試下的小食每件小食各5件，每款折實$24（而且一的都唔係hea貨）原價都會買！如果放工要返屋企食飯，但又肚餓，往後應該都會買黎頂肚餓見到Apps個list，原來仲可以要淨叉燒，啱晒唔臭米氣又鐘意食肉既人，買飯屋企慢慢嘆如果呢間野出埋4隻味嘅叉燒，又或者出埋詹食拼盤，就更好喇

原來七月已開店，今日揸車經過才發現。趕時間買咗個柚香叉燒飯外賣，價錢平民貼地，叉燒味道好特別好正！脆邊蛋超靚再配上我最喜愛既甜豉油，食完好有滿足感。以杯裝承載食物， 超級靚！啱晒揸車經過嘅朋友仔食😋誠意推介👍🏻👍🏻

鋪頭招牌已很突出，新派叉燒確實有料到，沒有堂食只有外賣，雖然款式唔多，但都好吸引，暫時試過原味蜜汁叉燒，估唔到不愛吃肥肉的我，吃過這裡的半肥瘦叉燒就一試鍾情，我家人試過也讚不絕口，超級香，肉質很嫩，有肉汁，回家焗熱吃都好味，如果現場食一定更好味，份量唔算少，價錢我都覺得合理，飯盒也很新穎，係杯裝形式，如果不是肺炎逆情之下，一路行一路食都重得，好方便。好多心機位，支持小店！現在連網上外賣平台 也可落單，超正，下次一定會試埋另外幾款口味。

聽同事講附近開左間新既外賣叉燒飯店，話可以encore，所以特登買黎試下！可能新開張，感覺幾乾淨，幾企理的，點左一個辛麻叉燒菜飯，$58又唔貴喎，wow, 仲好大杯添呀，諗住可能都係得面頭幾舊叉燒，下面得飯，點知佢係一層飯一層叉燒的，都幾多叉燒下喎！叉燒半肥瘦，好夠淋，有少少焦燶邊，夠惹味，又真係幾唔錯喎！第一次食有麻辣味既叉燒，又真係幾夾架喎，夠麻味又唔係太過辣！同埋我鍾意佢有菜飯呢個選擇，可以lunch 有啲菜食下嘛！最後我都食唔哂d飯，份量好足，相信一個大食既男仕都會夠食！同事果然無介紹錯！喺上環返工或住既朋友都可以去試下！

好喜歡試新嘢！因為好既話之後有飯開，吾好，都只係一次，遲早總會試。呢間豬豬新店，次次經過都無咩人；吃完之後好燉佢吾抵，典解貢好食又有 heart 既小店會無人欣賞。選擇雖然吾多，只係有幾款不同口味既叉燒，例如辛辣、柚子味、烤既口味等等。我比較傳統，揀好似叫蜜燒，即係原味叉燒。可以配菜飯、白飯或者好似麵。(寫錯請見諒)我選配菜飯，無揀錯嘻嘻！新張期內，加一蚊多一罐嘢飲；LIKE fb 又多一支迷你酒精消毒噴霧。真心覺得他們好努力。而重點係好味！而且目測好乾淨！叉燒食得出係靚肉，肥瘦適中，吾會太林或太硬，而且份量多，食極都有，飯面仲有一隻我至愛 --- 流心荷包蛋。初時見個桶飯咁深，叉燒鋪面，以為得幾舊仔，但食極都有，係吾係他們有心到一層飯一層叉燒，呢層我就無去考究喇！Anyway 就一定會再試，因為真的好味過 GIRL 燒味又乾淨過燒臘店好多！