好叉好味 (和富薈) (已結業)

和富薈美食廣場既裝修好特別，有強烈既土耳其風格，色彩好豐富，一坐低就忍唔住要打下卡先。因為早黎，就搵好既攝影位，晏左就會多人了。睇左一圈，揀左好叉好味既叉燒飯。佢既味道非常多選擇，一黎就試個經典既焦香先，飯底揀左菜飯，平衡下營養咁話。等左陣就拎到飯，面頭荷包蛋最吸睛，蛋汁撈飯最正，下層就有兩層叉燒同埋菜飯，叉燒肥瘦均勻，蜜汁流埋落去菜飯，完全唔同平時燒味鋪既叉燒飯。食下食下都唔覺原來有咁多飯量，夠晒飽。

呢間店舖係正food court 門口，第一眼就見到在場好多食客都係食佢，就買來試下。果然叉燒真係幾好味喎，雖然唔係點左叉燒飯，而係叉燒卷，但舊叉燒真係好大份，感覺好似食左成條咁😅，所以份量真係冇得輸。然後叉燒好夠味同埋好淋，配上生菜蛋黃醬蛋餅又幾特別既😆呢個份量HKD45配埋可樂，個人覺得抵食。另外個拼盆就一般，唯一個脆脆蝦好味。雖說係food court,但成個場既裝修都幾特別，地方夠晒闊落，唔會坐得好逼，同平時食完好走啦既good court感覺唔一樣，呢度係可以慢慢食hea下既地方。呢樣讚👍🏻

今天在天后见完客，太太聞名好叉好食有口碑，我買咗兩個飯一個係辛辣叉燒王一個係有香燒雞飯加兩個小食一個係書簿一個係墨魚丸我家住元朗好開心想試吓好差好食點知⋯⋯⋯⋯嗰個柚子燒雞呢竟然冇飯，我頭都痛埋點解我買飯嗰陣時五唔會有飯擺埋入去呢咁我馬上即刻煮個即食麵當時舖頭呢係冇人嘅我係第一個入去買嘢食咁所以其實令到我覺得真係好失望嘅晚餐啲員工呢太大意啦所以呢我下次都唔會再去北角呢一間分店嗰度買嘢食會去其他舖頭試吓

已經買過好多次... 最初被佢一層叉燒一層菜飯吸引咗! 🤭外賣係桶裝... 好特別... 攞住食又好方便!👍我分別試過柚香味叉燒、焦蜜味、辛麻味... 最like係後者... 麻香辣度適中... 超級正! 最大眾化係焦蜜味... 老幼咸宜!呢度叉燒份量十足... 好飽肚... 叉燒肥瘦啱啱好... 唔嚡、好juicy!😋可揀沙律、白飯或菜飯! 我覺得配菜飯冇得輸!😬而且每盒都有一隻好完美嘅太陽蛋... 同叉燒飯perfect match呀!👏

見到雜誌介紹，特登走過來呢個 food court 試吓。其實一早諗住試某一間，點知嚟到就被呢間叉燒店嘅相吸引咗，所以就買來試吓。叫咗個柚子叉燒菜飯，份量非常足夠，味道同菜飯都做得好好，如果叉燒可以再淋啲就Perfect！我一向麻麻哋鍾意食燒味，因為覺得乾爭爭。呢度用咗菜飯，令到成件事感覺好咗。我巳經諗緊下次嚟會再幫襯佢哋，試吓第二隻味值得一讚嘅係店員服務態度好好👍🏻新張期內仲有嘢飲送下次應該會問吓可唔可以要瘦叉燒