好味小食店

营业中

休息中

對於呢一間呢小食店呢就真係冇乜好感嘅由於我一直都係外賣自取食食佢既早餐咁呢其實呢間佢加咗價呢我冇留意咁然後啲阿姐態度勁唔好啦衰衰啦😡！就話加咗價好耐，其實一個米粉成$24都真係幾貴囉，加條腸就成$30蚊，仲要服務態度咁樣，唔係趕時間或者嗰日想食都唔會買囉，佢炒得都幾乾身嘅睇落就唔係好多油，但係放耐咗呢個膠袋都係會有油浸出，味道呢就都一般般嘅正常囉，唔係好鹹又唔會好淡，不過咁嘅價錢再加埋啲阿姐咁嘅態度就真係令人諗到都唔想食。建議啲姐姐好少少態度。佢間嘢有三個阿姐

突然間想食腸粉早餐，附近淨係知呢間小食店，專登走去買。雖然一向都知呢間小食店啲阿姐態度唔好，但諗住買個腸粉啫。點知買到返公司，一食，腸粉酸嘅！唔知係豉油定腸粉變壞，因為冇落甜醬，所以一定係豉油變咗，或者腸粉本身變咗，搞到冇早餐食。打電話去同佢哋講，阿姐聲氣都同平時唔同晒，仲有講唔該😂 但對唔住 / 唔好意思都冇句，更加唔使旨意佢話退返錢，嗰四條腸粉10幾蚊，就咁掉咗落垃圾桶！最慘係無啦啦冇咗個早餐！不過好彩唔係買俾小朋友食，食咗真係分分鐘肚痾！

上星期六因為趕時間，早上去買魚旦當早餐。明明叫咗唔辣，點知個態度極差的員工照俾咗辣我。原來諗住算數照食，點知食咗一粒真係太辣頂唔順，於是開聲問佢係咪俾錯咗我，點知佢當我透明完全唔理我。幾個月前去買碗豬骨菜乾粥，個餐牌寫住$23但佢收我$21，諗住人哋小店經營，無諗要人少收$2，所以問同一位員工乜唔係$23咩？點知佢態度極之惡劣咁話，從來都係$21唔係$23！！去幫襯呢類小店預咗唔會講究服務態度，但也不能咁離譜呱！所以以後都唔會再幫襯！！

聽啲同事講 間唔中響度買飯盒 話有三個餸 不過唔係次次的餸都咁好食 我因為趕時間咁岩經過咪買一盒試吓囉 點知真係中伏 其實響附近做嘢都知佢呢間啲人都態度好差㗎喇 不過理鬼得佢 我純粹經過買盒飯啫 店舖講明 飯盒唔可以少飯 佢唔俾少飯 咪唯有食埋佢囉 唔想浪費呀嘛 點知打開盒飯 勁臭油億味 飯盒上面擺咗三舊灰灰地色既臘鴨 即時撥開 跟住其他餸都係凍冰冰嘅 成個飯盒啲飯餸根本唔值$38 份量係好少 比起少飯更加少 人哋出邊啲三餸飯 仲多過佢好多 仲平過佢添 無下次Y

晚上跑到德兴街找吃，由于要打包，也不会计较店铺的规定模。看过这家店的食品和价钱后，最后决定光顾这里。以前有经过这里，但一直没有吃过他们的东西。店的装修比较简单，餐牌和食品照片都贴在墙上，都是一些传统的港式街边小吃。烧买、粉果、肠粉、和咖喱鱼旦等等，都是街坊价。等候时不断有人去买东西，生意不错。很久没吃炒米粉了，这份应该是最后一合。打开时发现原来这么多，盒子塞得满满的，没有加其他调料，只是加了点豉油就已经够味了。但米粉有点碎，吃到一半后筷子不容易夹。烧买是与米粉放一起，由于盒子已满，打开时已变形。说实话不大好吃，没什么味道，下次会选择其他。吃完米粉后已经很饱了，这顿晚饭确是便宜。

剪腸粉個女人，態度超差。其實平日反工前都有買腸粉或其他做早餐，已感覺佢無論對任何人態度都麻麻。有時無論對一齊工作的叔叔，或是對客人，態度超級無禮貌。之前見過佢超大聲鬧一個同店的兼職阿姨，態度很惡，後來無見這個姨姨，可能比佢鬧走。今日比錢買野食，仲要受氣！今日買左62元，見佢揀魚蛋左揀又揀，原來係想比霉魚蛋我。。食左一粒兩粒，全部是巢皮，魚蛋霉到全部掉落垃圾桶！唔明點解老闆娘仍然請這個女人！無禮貌！我比錢買野食，受氣之外仲要食霉魚蛋！有無搞錯！奉勸各位唔好幫親！

細細個住佐敦，放學就一定係呢度lur呀媽食豬腸粉，到而家大個仔，同呀媽行過都一定會放低$20，回味一番！見到一條人龍，呀姐三兩下手勢怒剪腸粉，啲回憶返曬黎呀！「10蚊腸粉加燒賣！豉油、甜醬、麻醬丫唔該！」係基本對白。點解成日都要黎食？一啲都唔平但都要食？因為呢度腸粉認真係滑，豉油亦唔係過咸，平衡得岩岩好呀！但係啲燒賣就差左啲，蒸得太淋！雖然啲服務而家就真係麻麻地，但其實街頭小食，串極都係一句起兩句止啦！

我幫襯多年的腸粉店， 腸粉又滑又好食， 老闆娘好好人 ， 現在已經不在 附近工作了， 所以每次經過附近必定幫襯， 近呢一兩年門口剪腸粉個阿姐 換了另一人， 每次幫襯 呢個煎腸粉個阿姐態度超級惡劣， 放錢俾佢仲要畀佢鬧， 幫襯佢買嘢食好似佢乞咁 雖然幫襯咁多年， 費事搵氣自己收

後生女仔看檔，態度十分之寸。説話無尾音。數錢放在個櫃面時，大聲無禮貌叫唔好放錢在這裡。今時今日咁樣態度，你D嘢幾好食都無用。我今次第ㄧ次想去食，但咁的服務態度。無緣。

邊在鄰舖吃越式法包的同事，不斷看到「好味小食店」一直有人在排隊等候購買一些小吃以售賣腸粉、燒賣、魚蛋、豬皮蘿蔔等為主，價錢由$7-$10蚊不等，價錢中等，難怪吸引大量食客於下班後到來醫醫肚～店內環境比較混亂，放滿大量雜貨雖然剛吃過法包，但看到這個受歡迎程度，就想一試～就選擇了魚蛋及腸粉～魚蛋（$7/5粒）咖喱味十分香濃，入口辣勁對我來說也算厲害，但十分香口，魚蛋不是用一般小店常用質感較硬的魚蛋。魚蛋口感較爽彈，麵粉不會過重，加上咖喱汁的香，味道不錯腸粉（$10/4條）$10蚊4條，入口頗滑，比一般的幼身，腸粉最重要的還是醬汁吧～加入了麻醬、甜醬、豉油及芝麻粒，醬汁雖然較稀，但沾著吃時不會出現過多的情況後記：最令我反感的是，店方在放燒賣到蒸爐時，不小心掉了一粒在地下. . 地面衛生程度欠佳. . .竟然輕輕淋一下水就放回蒸爐. . .令人矚目. . .

腸粉 3條$7/5條$10(好食指數:8/10)20-11-20136點幾去好多人排隊買腸粉，腸粉都要排隊?只有幾個位可以坐係度食，多數都係外賣走。上次七點幾去過已經賣哂。腸粉幾滑，一食落下會成條啜入口，唔會有d粉狀既感覺。有豉油甜醬麻醬芝麻辣醬任君選擇，個人偏好多麻醬同多芝麻，同個姐姐講佢會起勁咁落俾你雖然佢落足醬，但係食落都唔會話太鹹。腸粉要即刻食熱辣辣既口感會好d，擺多下會開始乾同痴住唒。