好味王 (已結業)

昨晚4個女仔來打邊爐, 叫了個蕃茄魚湯底,沒有什麼蕃茄, 送了碟很差的牛肉好鞋, 叫了兩碟牛利托,因為好食過肥牛, 一碟大既4星肥牛,當然好食過送果d啦,都ok既, 一碟九菜餃拚魚皮餃, 四寶丸,金菇, 西洋菜, 油麥菜,山瑚蚌花枝片,粟米等好鬼飽, 再外賣9枝大青島啤加凍檸水,每人都161,以食物質數來說, 只能說O.K. 因為同區沒什麼選擇….

因為佢近公司，好多時夜晚都會同partner去食打邊爐，初時以為佢好平，原來埋單飲下野幾次每人都要過$150 蚊，真係唔係就腳既話，去旺角任食都大把選擇…不過咁，幫襯過咁多次都唔係無理由，因為佢果d牛坑爪真係好正，以前邊有人打邊爐會用牛坑(即係靚既牛腩)？原來係咁好食。不過唔好心急，落完等半個鐘先好食。另外佢既肥牛有3 4 5星選擇，試過晒，不過好唔穩定，有時4星都正都爆，有時5星都係普普通通咁…可能之前既牛價加得太貴掛…另外佢一個好大既優點係開到半夜兩三點。官塘工廠區呢個時間真係不二之選…

以往都慣常係度打邊爐，所以上個月底相約了朋友再打。不過今次都幾失望。我以為我感冒未好，味覺有問題，原來連朋友都有同1感覺。個湯底皮雞蛋茜係冇味ga。我地叫左凍青檬同凍菊蜜，超甜。王於食物方面1般，送既牛肉當然更加唔得喇...又硬又老，叫了5星牛肉，還可以的...總結:3個人，我地食左460幾蚊...........冇下次。

昨晚收工同2個朋友去好味王打邊爐!去到ga時候已經8:15,但都有幾張等緊位,等約半個鐘度就有啦!仲要係卡位有電視睇tim(比想像中快有)我3個人叫個鴛鴦湯底,椒鹽軟殼蟹、羊肉、桂花蚌、雲吞、粉腸、野生竹笙、金菇菜、唐生菜、烏冬食物好新鮮,招呼都好好,一路食一路有人加水加湯,而且價錢唔貴,我3個人食$340

試試在這裡打邊爐, 唔算好味又唔抵食, 兩個人食了二佰幾, 最貴是叫了特級肥牛(約$100), 份量亦不算多, 另外叫了四寶丸/ 豬肉片/ 金錢展/ 水餃, 應該沒有下一次了。飲品–加$5.00要了凍檸茶註: 鍋底包送cheap cheap肥牛一碟

星期日同家人經過, 見出面有位泊車就行入去吃LUNCH. 想叫SET LUNCH, 點知個侍應樣樣都話冇, 好啦, 只好叫過第樣. 但佢D態度差到....把張單飛過來>""<. 因為有小朋友, 叫佢比D碗, 來到D碗仲有飯粒. 叫左個撈檬粉, D粉竟然係好硬好硬既, 叫侍應過來問佢點食, 佢用手楂幾楂同我講:我叫人而家入去洽一洽比你. 阿姐....要洽既話我食湯檬粉啦, 仲有D嘢比你用手楂幾楂仲要比人食.

今日5:30pm路過想食下午茶當晚餐，叫了個咸魚雞粒炒飯$18再加$6飲凍檸茶，個飯就真係差到離譜，同晚市打邊爐真係無得比！最離譜係埋單要俾加一，要俾多$2.5！個收銀亞嬸話遲過5:45pm埋單就要俾加一，仲叫我下次早D埋單。講到好有道理咁，真係攪錯!不過打邊爐D五星級牛又真係好正!

尋日食到尾聲時﹐發現有唔知係小強定其他昆虫係個鍋入邊!!!! 嚇死我﹐即時反胃+唔敢再睇﹐但就係因為嚇一嚇﹐唔記得影相﹐叫左經理來﹐佢即時拎走個鍋﹐話換過個俾我地﹐喂﹐大佬﹐一來食完﹐就算未食飽﹐見到咁情景﹐都冇晒胃口啦~ 呢間餐廳D 處理手法都好有問題﹐樓下SMASHING PUMPKINS有影低罪証﹐餐廳就FREE 佢﹐我冇影低咩?! 咪照俾全費囉! 仲連對唔住都冇句呀! 去唔去得過﹐你地自己諗!

我公司就係好味王對面,所以都經常幫襯,九點後好似平D,九點前經常要等位,冬天好多時都幾十人等位首選一定係肥牛,我比較鍾意食四星級牛頸脊再加埋佢地既沙爹湯底,我自己覺得唔比方榮記既差,其他火鍋食品都算好新鮮,不過佢地D甜品同個別員工既服務態度就有待改善佢地應該無酒牌所以要叫啤酒就要打電話俾門口外個阿叔落order然後係對面條後巷拎入去,有小小麻煩同意樓下位師兄講,有電視但唔播波真係無癮,不過可能佢地驚D客食飽都坐晒係度睇波唔走阻住佢地做生意啦

Fathers' Day,由至愛食海鮮o既爸爸發板...先黎一個胡椒白菜豬肚湯底...好似麻麻啫...無乜味...羔蟹,蝦,魚頭,桂花蚌,鮮蝦雲吞,豬粉腸,粟米,菠菜...etc鮮蝦雲吞真係唔錯...必食推介...其餘o既其實都係咁上下...仲有我地叫左5杯西瓜汁...佢d西瓜汁真係好新鮮...今次仲係即榨o既...serve我地個waiter真係好有禮貌...我同阿爸阿媽都一致認為佢係劉華o既超級粉絲...^^但其他人就真係唔係咁得law...其中有個女仔係加湯加到彈到你成身都係...呢個都唔係一個問題...但係問題係佢睇住自己彈到你,佢都仲keep住加...到我地啤住佢,佢先停手,再好敷衍咁講句唔好意思就走左...另外有個男o既應該係manager...佢d態度真係唔係咁得...完全明白點解d"細o既"咁無禮貌...

有個朋友之前在觀塘返工時話哩間餐廳唔錯，如果唔係都唔識去。那天係假期，所以工廠區人影都無隻，但係佢間鋪就好多人，我地訂咗位都仲要等。那天涼涼地最好打邊爐，D嘢食算OK，價錢亦不算貴。不怕等位的值得一試!

同朋友聚舊,當然又係打邊爐,因為其他3個都係附近做野,所以梨呢度打邊爐,如果係我個人選擇,一定唔會梨呢度, 湯底係花鵰雞$68不過好苦,好似花旗芯,我地即刻不哂D藥材出梨,即刻冇咁苦, 友人提議一人梨一杯竹庶水清清熱先, 但係呢杯野實在太甜,幾經辛苦至飲得哂,跟住叫左象杖蚌$88唔係好大碟, 西冷牛唔好食不過$28算啦, 牛利托呢個係成晚我覺得最好食既, 仲有雞都唔錯, 仲有魚皮餃, 水餃, 駝鳥肉, 西洋菜, 鯇魚腩, 鱔片,蛹蠔-好大隻有5隻, 金菇, 同埋送左碟好難食既手切肥牛其實呢度既侍應我覺得幾好,叫佢地拎野或者加水都好快手,不過初頭d野梨得好慢,要摧,不過一摧之下就好快梨,仲有呢度係冇酒牌既, 佢地俾左個電話我地打好快5分鐘唔駛就送到梨,我地前前後後都叫左7枝大青島啤,不過啤酒要即刻俾錢,見到隔離檯帶左枝紅酒,下次如果梨呢度一定會自備囉, 不過如果好牛既人仕,奉勸各位打邊爐千其唔好梨呢度,因為d牛真係超唔掂呀…..(埋單加埋酒水四個人$722,不過呢個價錢去九龍城食都得,最衰d fds唔就腳)

之前有幾次夜晚經過發現門口大排長龍決定去一探究竟原來9點後的火鍋料$3.8起叫了個豬骨鍋底奉送肥牛一蝶食物份量適中有卡位沙發坐環境都算舒服唯獨是waiter的態度麻麻每個都跟發緊夢一樣叫極都不理但這樣的價錢也別要求太多~

7 Jan, 07同屋企人o既生日飯...阿媽問我有咩想食, 其實真係無...因為已經foresee到之後日日食o既情景...反而有d唔係咁想食law...結果順應佢\地...去左佢\地至愛o既hotpot...其實已經黎過好多次...個人黎講唔係咁識分咩係好同唔好...感覺上hotpot度度都差無幾咁...係有時d湯底唔同或都多款少款o既分別...但對hotpot唔係咁熱衷o既我食黎食去都係果幾樣...不外乎係d丸,餃同菜...肥牛果d都唔好o既...所以呢...對我黎講無乜分別...但我諗佢\地咁like li度都應該係唔錯o既...但人手太少...叫勁多次都無人應...

一向都知呢間,晚上好鬼爆,所以星期日諗著食都預早兩日book位!6:30PM 去到已經爆哂and好多人等緊.我book左12位, 去到,好彩最後我得11個人,如果唔係第12個都唔知坐0向邊. 食物質素就一般啦,勝在好抵食, 10位以上送3碟3星肥牛,雖然唔多, 但係3碟夾埋都=一碟, 我地另外再叫左4星肥牛啦,西冷,駝鳥肉, 大量丸類及菜, 11個人連埋加一tips都只不過係$950, 好鬼抵!值得一讚係個鴛鴦滑(蝦滑+墨魚滑)好爽口,正! 不過如果要我等咁耐就咪攪!