好味餃子店

营业中

休息中

這間餃子店地方細細，提供多款湯餃/煎餃及小食，三點仲有下午茶供應，五隻湯餃/煎餃加杯飲品都只係$33, 如要雙併則加多$2, 點了芫茜及粟米煎餃，隻隻煎得金黃香脆，而且不油膩，內邊的餡料滿滿，芫茜餃味道比較香，粟米則比較有咬口。除了豆漿，還有雪梨茶/羅漢果甘草茶，十分滋潤。另外點了十隻雙併湯餃，香芹及九菜，湯底是野葛菜生魚豬骨湯，沒有味精，好清甜有益。湯餃粒粒大隻，皮薄，多菜少肉，感覺比較健康。個人比較鍾意香芹。

每日返屋企都經過,一宜都想試但遲遲都未試,今日撩左個fd 陪我食,我地叫哂煎同湯餃各十隻試,因為本人覺得餃子一定要配湯食,但煎餃又真係又香又脆抵抗唔到,煎嘅就叫左韭菜同芫茜 $49 (雙拼 十隻)但其實本人係反芫茜聯盟其中一員,咁朋友仔想食冇計,我不斷目測去分d餃,但都食錯左2隻,不過佢真係好脆,加埋自家製辣菜脯不得了而湯就食甘荀沙葛同芫茜 $49 (雙拼 十隻)湯餃粒粒都脹卜卜,好足料,甘荀沙葛又好甜好好食,朋友仔話茜餃都好好食提一提湯餃個湯真係重點~野葛菜生魚豬骨湯,我本身都麻麻地野葛菜,但宜個湯真係好好飲,好濃好香仲清熱解毒,佢有得散個湯,下次就咁煎餃加湯都ok,另外為食的我們叫左2個涼拌麻辣豬耳 $28豬耳好爽口,今次個麻辣味唔會辣到朋友仔反哂眼,好惹味涼拌雲耳 $22雲耳好爽口,份量好多,22蚊好抵食

今次嚟到葵芳食餃子，平靚正，推薦大家嚟食😍😍$100就食到咁多嘢😍佢哋嘅下午茶餐真係超級抵呀生意非常好，除咗餃子仲有粉面😍絕對夠飽有唔同嘅套餐同款式俾你揀😍必食煎餃😍 即時煎，所以要等5分鐘左右外皮脆卜卜🥰🥰又香又脆，餡料飽滿，係粟米餃，粟米甜肉質新鮮韭菜煎餃必食👍韭菜嘅香味加上外皮嘅脆香，整個味道好突出$33。5隻水餃，可以雙拼😍我要試咗好多唔同款，有甘筍沙葛，香菜，芹菜，雲耳椰菜等等…每一隻餃子都大大隻，唔係小餃子，配搭店鋪特製嘅湯底，令到餃子更飽滿😍而且餡料唔咸，湯底小小咸，可以食到餡料嘅鮮味👍每隻餃子的餡料都實到滿😂😂價錢便宜，可以試到唔同口味嘅餃子👍 10分我會俾7分，材料新鮮餃子好味，好有家嘅感覺，而且嚟地鐵站不遠，非常方便搭車，店員態度不錯👍

長沙灣既人氣餃子店，係葵芳開左新分店，見近近地就去左試試佢！d餃子果然配得上個鋪名呀下～推薦指數：🐷🐷🐷🐷（5分滿分）（原因：湯餃好味，平價之選）🥟雙拼湯餃（粟米&雲耳椰菜）𝐇𝐊𝐃 49/10隻湯底係野葛菜生魚湯，清甜中帶有魚既鮮味🐟，真材實料冇味精👍🏻！而且野葛菜生魚湯仲清熱毒，作為偽健康既香港人，差唔多飲晒成碗🤣。餃子粒粒飽滿，皮薄足料，唔會有麵粉感，粟米餃夠晒甜，雲耳椰菜口感爽脆，兩款都好味，好難取捨🤯🥟雙拼煎餃（韭菜&甘筍沙葛）𝐇𝐊𝐃 39/6隻煎餃就試另外其他味道，有少見用沙葛做餡料，甘荀既甜配搭沙葛粉粉地又有d咬口既感覺，出奇地幾夾😍！煎餃外皮亦煎得夠香脆，唔會燶。韭菜煎餃就一定冇得輸架啦，每次食餃子都會叫🤣，加埋辣菜脯一齊服用，口感味道都double🤭，不過真係有d辣架🍐熱雪梨茶 𝐇𝐊𝐃 8依家天氣潮濕又焗，雪梨茶夠晒清甜潤喉，好有屋企煲既感覺😚🥬蠔油生菜 𝐇𝐊𝐃 16大大碗生菜，新鮮爽口環境：雖然店面空間較細，但一樣乾淨企理

好味餃子店📌葵芳禮芳街15號葵福大廈地下8號舖宜家習慣去葵廣掃街前食少少打個底因為葵廣小食愈來愈貴+細份我幾鍾意食餃子打底兩個人share唔會too much湯餃雙拼六隻 $39野葛菜生魚豬骨湯底好清甜粟米肉餃同莞茜肉餃我鍾情莞茜香~煎餃單拼十隻 $47韭菜肉餃大大隻又多汁再點埋自家製辣菜脯就更香口🌶️可樂 $8凍滋潤雪梨茶 杯裝$8潤喉清涼~⭐️Rumple港女評分⭐️味道: 4.5/5環境: 4/5服務: 4.5/5抵食: 5/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩#Rumplestiltskinaka名字古怪的小矮人 #飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #香港美食 #香港美食推介 # 香港平食 #香港平民美食 #香港平價美食 #平民小食 #香港打卡餐廳 #情侶好去處 #拍拖好去處 #週末好去處 #葵芳美食 #葵芳美食推介 #葵芳好去處 #葵芳餐廳 #餃子

呢間個名叫好味餃子店，果然真係好味喎！ 好足料，有煎㗎或者蒸等等唔同方法，最重要係服務一流，姐姐經常點頭微笑，唔該前唔該後，好好丫！ 唔怪得叫好味餃子店啦，服務會令佢錦上添花，撐👍👍👍

「調教。朋友」傳統好味餃子 🥟🍽️ 好味餃子店 (葵芳)🏡 葵芳禮芳街15號葵福大廈地下8號舖～～～～～～～～～～～～～～～～～～～～～🥟 淨餃子雙拼 白菜拼雲耳椰菜 ($49/十隻)🥟 淨餃子雙拼 韮菜拼芹菜 ($39/六隻)大大粒餃子配上自家熬製既野葛菜生魚豬骨湯，湯底魚味濃飲落味道清甜，仲可以清熱解毒阿！就算飲哂成碗都唔會覺得口渴阿🥣呢到既水餃餡料比例都係多菜少肉，皮薄餡靚，白菜同椰菜餃食落都幾健康，但肉汁依然夠juicy，韮菜同芹菜餡料食落就好香又唔會好草青味，而且聽講所有餃子都係每日人手包牙！🙌🏻如果食得辣既朋友仔仲可以試下店鋪自家製既辣菜脯添阿，餃子沾上辣油一齊食真係特別惹味，一啖餃子一啖湯真係一種享受！🌶️🥛自製豆漿($8)豆漿既豆味濃郁飲落又唔係幾甜，唔錯唔錯既 👍

🤫之前食過長沙灣店一次, 餃子味道不錯～🔆葵芳分店裝修則較光鮮, 整潔,😌坐得更舒適同樣是家庭式經營🏠店員親切友善😚~🤳🏻可自行掃枱角的QR CODE落單🔸雙拼湯餃(10隻)🥟 $49 8.5/10//雲耳椰菜🥬//甘筍沙葛🥕//揀咗2️⃣款湯餃都係爽脆類型, 偏佢食落口感豐富🤪🥟餃子每日人手包製🤲🏻, 每粒都有少少唔同樣🤣😍粒粒都好大隻, 飽足感十足😋🙌🏻餡料新鮮飽滿, 調味適宜👌🏻🥬多菜少肉比例, 食落更輕盈😽仍然食到滿滿嘅肉汁🤩個人較喜歡甘筍沙葛餃🥕🥟坊間餃子店好少有沙葛餃子😳🥳餐廳好聰明, 用沙葛做餡料👄爽口香甜, 增加整體口感🆙🔍沙葛: 潤燥解渴、潤腸通便、利水滲濕、清熱消暑🥣食湯餃最中意就係飲🏠自家製湯底-野葛菜生魚豬骨湯🐟♨️每日新鮮熬製, ❌無添加味精味道清甜, ✔️既養陰清熱又能✔️降火排中✅適合近期轉天氣口燥咽乾飲用😷～🔸涼拌雲耳 $22 8/10雖說是雲耳, 原來係木耳🫨木耳份量適中, 口感爽脆😋👍🏻醋酸味剛好, 係款低卡開胃的小菜🥰🔍木耳: 含豐富鐵質🩸活血補血、潤肺益胃、生律止渴、益氣補血🔸清熱羅漢果甘草茶🫖(熱) $8餐廳有提供2款健康滋潤飲品😌感覺冇額外再添加糖

一向鐘意食餃子的我，之前路經＂好味餃子店＂－來被店名吸引，二來見店內環境乾淨企理，已經mark 咗入腦有機會一定要試吓。今次終於來試餃子，用QR code 落單，本來想白菜肉餃，點知賣曬，所以叫了粟米肉餃+米線，餃子內包了甜甜的栗米….. 好味😋，米線軟硬度適中，我加了小許醬油及辣醬，提升曬成碗麵。餐內包了一杯飲品，我選了雪梨茶，飲唔到是否包裝飲品倒出嚟，偏甜。$47 食到五隻餃子、麵及飲品都幾抵吖。下次我想試煎餃，見到煎到金黃色，好似好香脆😙😋

這天跟朋友去了葵芳購物，買到累了就想在附近找家餐廳坐下吃飯。朋友想找比較清淡的菜式，路過這家好味餃子店，感覺不錯就進去了。我們點了一盤雙拼煎餃一起分享，各自點了一碗麵。芫荽肉煎餃煎得金黃香脆，調味不錯。不過略嫌芫荽不夠重，肉份量很多。韭菜煎餃的韭菜份量超級多，滿有韭菜香味，我都吃的很滋味。我點的是白菜豬肉餃湯麵，面條選了淮山麵，幼幼的吸了湯汁很好吃。 豬肉份量很多，肉菜比大約是7比3吧，豬肉胖肥廋，很好入口。另外套餐跟點了一個熱的羅漢果茶，甘甜解渴。一個套餐50多元，算是值得的。

去到葵芳，暑假期間葵涌廣場好多人，間間都要排隊，搵到間睇落幾吸引既餃子店打左底先。原來係葵廣後面行條行人天橋就到，非常方便。入座之後侍應哥哥俾左兩隻碟仔，可以裝醬料同菜圃菜圃食落都幾辣，仲有啲豆豉係入面，好惹味😋用QR CODE落單，所以無影到餐牌。做完運動好肚餓，叫左雙拼餃子（韮菜拼白菜餃）加米粉（$58），餃子大大隻，好飽滿，而且皮唔算厚，厚薄適中，餡料多菜少肉，唔會好實不過湯唔太夠味，加埋米粉有少少淡口。另外叫左碗椰菜餃米線加羅漢果茶（$47），普通女仔食呢個份量都足夠。椰菜餃好清甜，入面有雲耳好爽口，比起韮菜餡再清新啲。後來又追加一份煎韮菜餃（$37），有6隻大大隻，熱辣辣又脆卜卜，值得試吓。

好味餃子店 (葵芳)••••••••••••••••••••••••••••••✄( •8• )✄( •8• )✄( •8• )✄( •8• )♥️餐點：•雲耳椰菜湯肉餃 六隻$37•韭菜肉餃 六隻$37•麻辣豬耳 $28•自製豆漿 枝 $15•滋潤雪梨茶 杯 $8••••••••••••••••••••••••••••••♥️食評：細細個已經食過呢一間好味餃子店，喺葵芳開咗分店後再去食返兒時嘅味道！今次湯餃同煎餃都嗌咗嚟試吓，兩款都各有千秋！！湯餃叫咗雲耳椰菜餃，皮薄得來唔會穿，雲耳同椰菜煮完仍然好好口感，調味亦做得唔錯，啖啖肉幾滿足！價錢亦都好相宜，女仔食六隻可能都飽～煎餃個人最鍾意食就係韭菜餃，呢度嘅韭菜餃啲韭菜好新鮮好重韭菜味，相比湯餃，煎餃係相對點扁身一啲嘅餃，比起湯餃嘅皮會厚身少少，正因形狀扁，煎起上嚟外面好脆，點埋豉油等一齊食好美味～除咗餃子，呢度仲有唔同小食，今次試咗麻辣豬耳，豬耳夠爽，唔會有肥肉位，麻辣味啱啱好，可以一試。食完麻辣嘢，就可以飲佢哋嘅雪梨茶，雪梨茶入口雖然比較甜，但可一解麻辣味，幾啱夏天飲。豆漿一支都係$15幾平，唔會好甜，幾新鮮嘅感覺。呢度嘅飲品有杯裝同枝

📍 好味餃子店（葵芳）家庭形式經營既小店～充滿家的味道，小店以簡約形式裝修，座位坐得舒服😌唔會有壓迫感，店員仲好親切，充滿人情味👍🔸 湯餃方面，雲耳椰菜，韭菜湯底以自家每日新鮮熬製既 野葛菜生魚豬骨湯，魚香味濃，鮮甜清爽，好適合夏天飲，仲可以去熱氣，可以邊食餃子邊飲湯，都唔會覺得口渴，因為係冇味精！兩款水餃都各有特色，共通點係蔬菜嘅份量比豬肉多，食落較為健康，咬落去豬肉嘅肉汁仍然會流出來，餡料新鮮，每日人手包制，配搭埋店舖自家製嘅辣菜脯，更加滋味。🔸煎餃方面，粟米餃，甘筍沙葛特色煎餃🥟唔油膩，外皮香脆，肉汁仍然鎖住～豐富既粟米🌽咬完一啖啲粟米係餃子到會多到瀉，賣相雖然只係扁扁的，但係餡料仍然豐滿，甘筍沙葛食落比較特別，有陣沙葛味，鍾意食沙葛嘅朋友仔一定要試👍

【葵青區】【好味餃子店】幾次經過呢頭都好想入去食，可惜苦無機會，啱啱徐經理問我葵芳附近有咩想食，我即刻就 suggest 去試呢間。估唔到徐經理都話想試喎，咁就踏實地一齊去試吓啦。入去就一人一件 $20 嘅「胡麻醬滑豆腐」，幾大件幾正。叫咗 $49 十隻「煎餃子」雙拼，試「白菜肉餃」同「雲耳椰菜肉餃」先。佢哋煎得幾特別，好似個半圓形咁。而徐經理提出咗一個好好嘅 point，就係佢哋將餃子嘅所有表面都有煎過，令佢更加香脆，的確係事實，經理即係經理。試埋 $49 十隻「湯餃子」雙拼，要咗「粟米肉餃」同「韮菜肉餃」，幾好食，個湯係「野葛菜生魚豬骨湯」，好清好健康。而所有餃子點啲「自家製菜甫辣椒油」仲正，佢哋冇好大力咁介紹呢樣，我哋爭啲就唔小心錯過咗。徐經理叫埋「兩餸車仔麵」要豆卜、芝士腸配粗麵，佢覺得都唔錯咁。另外仲試咗 $28 嘅「麻辣豬耳」，唔算好辣，好味。飲埋各 $8 一杯都唔錯嘅「自製豆漿」、「滋潤雪梨茶」同「清熱羅漢果甘草茶」，夾埋係 $236 嘅。。。（地址：葵芳禮芳街15號葵福大廈地下8號舖）

係附近行完街 想搵啲野食下 就入左黎呢間餃子店 鋪面唔大 但都幾乾淨企理檯面有QR code落單 好方便✨煎餃雙拼揀左韮菜餃同粟米餃即叫即煎 煎得勁靚仔金黃色外皮 一睇就知脆卜卜咬落仲有肉汁 餃子都好足料 配埋佢既辣菜脯勁惹味✨芫茜湯餃朋友鍾意食芫茜 所以就叫埋湯餃黎試芫茜餃既涵又係好足 芫茜味濃湯底係自家製既野葛菜生魚豬骨湯冇味精 生魚味濃 成個湯底飲晒🤭✨豬手麵因為太肚餓 所以叫多個麵食估唔到有驚喜 豬手份量多 軟糯得黎有咬口湯底都好香 好濃郁 忍唔住飲多幾啖✨滋潤雪梨茶清甜得黎入面仲有粒粒梨肉 都幾好飲估唔到呢間小店野食咁出色 價錢唔貴 性價比高推薦煎餃必嗌 因為真係煎得好靚仔 另外記得要試佢地自家製既辣菜脯 雖然好辣 但辣得好過癮下次經過都會再黎試過💕