好味餃子店

营业中

休息中

大約幾年前搬黎長沙灣，搵到呢間好味餃子，呢幾年食呢間食左n次，疫情照不斷幫襯。大約好似大半年前(唔係好記得）餃子d餡少左一倍，大家睇相比較就已經知道，不過都明白生意難做，原材料成本上升既。特登黎留言，係因為最近食左次韮菜豬肉餃，個味仍然係好食既，但一咬落去，哇見菜唔見肉，d肉呢？🙈🙈d肉既量係僅僅可以將d菜痴埋一齊，真係似乎太少？目測個量係得返減餡前既15%🙈 老闆會唔會考慮下加返多d肉？🙏🏻🙏🏻🥹

Score 總分: 65本身打算去食另一間出名嘅餃子店，不過見好多人排隊，就試下這間在附近又幾出名嘅餃子店啦～今日唔知點解，個肚腩好似大左咁，竟然好可怕咁食盡所有口味.....離開時先覺得飽+驚變更肥仔(雖然已經好肥，但怕更肥+肚腩更the)佢地嘅餃子，對比其他大部分普通餃子店，的確比較好味。(係! 真係我講晒🙈😂)如果鐘意食餃子嘅人，真心可以試下，試下佢地有特色嘅 沙葛餃，真心爽口，唔錯。如果問有咩推薦，我建議咩都可以試下，但湯餃為主，煎餃我覺得麻麻。

工作經過長沙灣呢度，諗住求其食啲嘢，買餃子最方便，今次係～好味餃子店～買咗三款唔同嘅餃子🥟韭菜肉餃，雲耳椰菜餃，白菜餃咁啱我哋係下午茶時間，所以我哋係買咗三個下午茶餐番屋企食😋⋯下午茶餐，總會有一杯嘢飲😊⋯⋯佢哋啲餃子，煎得好香⋯⋯仲有一樣，我最欣賞嘅就係佢哋嘅菜甫辣椒醬😍😍你哋有機會都可以試吓😊（返到屋企用氣炸鍋整返熱已經好好味）下次我要試吓呢一個野葛菜生魚湯，原來呢隻湯係咁多功效👍🏻，竟然係呢間餃子店有得飲！

-🍴🍽🍴🍽🍴🍽🥟🥟🥟🥟🥟🍴🍽🍴🍽🍴🍽-前身美味餃子店，而家改咗名做好味餃子店，落單亦都由以前人手落單進化到用QR code自助落單。星期六嘅夜晚餐廳座無虛席，排咗大約10分鐘到就可以入座。小店主打湯餃同煎餃，一共有七款口味，包括芫荽、粟米豬肉、韭菜、白菜、芹菜、雲耳椰菜和甘筍沙葛口味， 鍾意食多啲唔同款式嘅朋友，亦都可以配粉麵或者點其他涼拌小食。👍🏻🥢雲耳椰菜肉餃 (10隻) $47 🆙呢款我哋嗌咗湯餃，相比起煎餃，湯餃嘅皮比較薄，餡料塞滿左雲耳，椰菜同豬肉，非常飽滿。因為有雲耳嘅關係，所以食落比較有爽口👍🏻🥢白菜肉餃 (10隻) $47 🆙白菜肉餃亦都係皮薄餡靚，大大粒鮮甜又多汁，配上鮮甜冇味精嘅野葛菜生魚豬骨湯 ，唔洗再配任何調味料都好夠味！😋🥢煎韭菜肉餃(10隻) $47 🆙煎韭菜肉餃賣相好靚， 用10粒餃子砌成一個圓形。煎餃外皮厚度適中，呈金黃色，香脆少油，內裏多汁多韭菜非常juicy。-食物 𝗙𝗼𝗼𝗱 9/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 6/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8.5/10整體 𝗢𝘃𝗲𝗿𝗮𝗹𝗹 7.625/10-🍴🍽🍴

住長沙灣有幾間餃子店選擇今日揀左元州街呢間餃子店食個下午茶大大粒足料餃子加埋辣菜甫又幾正有個下午茶套餐又幾抵食今日外賣左翻屋企食🌟雲耳椰菜肉餃拼白菜餃 配野葛菜生魚豬骨湯每款食材比例岩岩好，每啖都食到每款食材嘅味道 湯底無味精又清甜 雲耳椰菜清甜爽脆，豬肉有鮮味又唔多肥肉，加埋辣菜甫重正🥰🥰白菜餃同樣飽滿鮮甜，好清新😍👍唔覺唔覺就飲晒成碗🤣🌟芫荽豬肉煎餃好欣賞佢地外賣煎餃係會係外賣盒整一個小洞透氣 費事煎香左嘅餃子會淋曬👍外皮煎得好香脆 芫荽嘅味道好香 豬肉又唔多肥肉🌟麻辣豬耳呢個小菜可以凍熱食都得 辣味夠又爽 正🌟豆漿

長沙灣出名嘢食又平又正，🙌🏻今次就食咗一間喺深水埗嘅餃子店，👻去嘅當日都見到好多街坊喺舖頭食緊飯。🥟餐廳食物超級足料，價錢亦都唔貴。😛幾十蚊就已經可以食到好飽好滿足，性價比真係幾高。.🐷雙拼煎餃子 👅8/10🥟一份煎餃子有10隻，我哋叫咗雙拼，🌽分別係粟米肉餃同埋🥬韭菜肉餃。🍽️我哋叫外賣嘅時候餃子係即叫即煎，🤣拎住個外賣盒行返屋企嘅時候已經聞到勁香。💕餃子皮煎到超級脆，✨就算拎返屋企焗咗一陣都仲脆脆地。🍖兩隻餃子菜同埋肉嘅比例都啱啱好，🤪每一隻餃子餡料都好足，✨而且食落去亦都唔會覺得好油膩。

呢間餃子主打零味精！食完都覺同我媽整的一樣🫡有時出去食都想清清地架😌不過個人食餃子都係鐘意煎餃 比較香口ma😳😳白菜肉餃同韭菜肉餃 $47/10隻煎到好金黃啊！湯餃加麵 +$9湯底係野葛菜生魚豬骨湯 都係冇味精～ 不過溫馨提示好似我哋外賣咁 就要盡快食或者加熱啦！因為始終魚湯凍咗會腥架！不過值得一提係佢個辣椒油好食！夠辣同惹味好味餃子店 (長沙灣)長沙灣元州街497號地舖#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處 #甜品控 #拍拖👫#打卡#香港#景點#打卡熱點#外賣

中午同幾位朋友係長沙灣一頭搵野食，咁啱經過見到呢間餃子店，似乎都有D名氣，就打算試下。見餐牌上雙拼餃子比單拼貴幾蚊，而我地咁啱有幾個人，就每人叫一款單拼餃子，share住黎食。買外賣時店員通知煎餃要等耐D(15分鐘)，拎完已經急急腳行返公司食，結果等陣咁耐，食物味道居然有「驚」有「喜」，令人哭笑不得。餃子賣相都還好，大大隻，煎到金黃色，餡料都豐富。而餃子皮更加係真材實料，唔同其他店鋪追求既皮薄餡靚，呢間鋪頭講求既就係足料，連餃子皮都特別厚，令餃子更加有咬口，唔洗驚食唔飽。我地三人都叫左大份(10隻)，除左因為太難食之外，分量的確對得起價錢，最尾都食唔曬，我諗大家都認為唔會有下次。外賣有比到唔同蘸料，而餃子本身就無咩味，令人可以食出食材既原汁原味，話佢係0調味都不為過，連少少鹹味都無，難以想象咁大間鋪居然連兩粒鹽都唔落，實屬係夠曬健康，我諗連甲亢患者都食得。煎餃雖則煎到金黃色，但係完全唔脆，皮都軟曬，唔知道係呢間店既煎餃風格係如此特立獨行，別具一格，定係其實係我地既錯，中途用左10分鐘行返公司，焗到煎餃變蒸餃。至於餃子包法，雖則食餃子我呢D俗人一般都只追求味道，但係靚靚既食物外型的確可以

經朋友推介，閒日兩點幾之後去食，不用等位。韮菜拼芹菜，湯餃，10隻，49蚊。湯底好味，無味精，加分位。水餃唔算好大粒，但內涵扎實，脹卜卜。饀料切得比較細，多菜少肉。味道好。下次試埋煎餃先

係咪真係 好味餃子 先🤪Fb:下一站豬欄; IG@Pig7station行過長沙灣區，記得附近有間好味既餃子，就係叫"好味餃子"喇😄唔使等位就入得啦叫左1 set 雙拼餃（有韭菜+芫茜）同埋1 set 煎椰菜木耳餃子，加埋佢個自家辣菜脯醬料真係好好味👍🏻👍🏻😋😋另外叫左1碗野葛菜湯，湯好甜又無味精，又大大碗好抵飲☺️至於小食，就點左個麻辣腎，麻香爽口，好過引😗臨走仲外賣兩盒生餃返屋企慢慢嘆😌

如果唔係朋友住開呢區，都唔知道有間咁出色嘅餃子店，餃子控每次都最少食10隻，都只係$47，而且煎餃唔駛另外加錢，就算食量大都唔會超出預算，人均$50 食飽飽，良心小店當之無愧，最估唔到係小店竟然都係QR code自助落單，與時並進夠方便。小店主打煎餃和湯餃，包括白菜、韭菜、芫茜、粟米豬肉、芹菜、雲耳椰菜和甘筍沙葛七款口味嘅餃子，另外都有提供應車仔粉麵，最受歡迎當然係餃子，煎餃每一隻都卜卜脆，餡料飽滿，本人最愛粟米豬肉餃，粒粒粟米好清甜。招牌靚湯-野葛菜生魚豬骨湯，每日新鮮熬煮4小時，亦不含味精，飲一口係覺得順口足料，配上皮薄靚湯餃，怕熱氣最啱食湯餃。值得一讚自家製的菜脯辣椒，香辣得來又惹味，有幾好食呢？好食到買咗一罐返屋企配上麵食勁夾。—————————————————好味餃子店 (長沙灣)長沙灣元州街497號地舖舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodphotography

l這次來到位於長沙灣的好味餃子店 其實之前已經來過一次了 有被他們的野葛菜清甜生魚豬骨湯驚艷到 還單點了大碗 但原來湯餃湯的份量也很足 還有白熊跟媽媽都不是太餓 所以只點了6隻湯餃和6隻煎餃（湯餃和煎餃同價！）-🌟-▪️甘筍沙葛肉餃 （$37）沙葛非常爽脆 魚湯鮮甜而且濃郁 但店家主張無味精湯頭 所以我們把湯喝完也沒有覺得口渴～湯餃皮薄餡多 每一隻都超飽滿 雖然湯餃沒有煎餃那麼惹味(/重口味??) 但更能吃到甘筍的清甜 假如真的覺得味道不夠可以點他們自製辣菜脯喔🔥▪️粟米肉餃（$37）煎餃比較扁身 吃起來脆得像薯片🥹裡面得粟米粒粒分明 吃的出是新鮮粟米而不是罐頭🤣 但是稍嫌粟米跟肉沒有融合在一起 吃起來粟米不斷掉有點狼狽🤣但整體味道還是很不錯▫️清熱羅漢果甘草茶（杯）（$8）清熱解膩 喝起來喉嚨很舒服▫️雪梨茶（樽）（$15）裡面有粒粒雪梨 味道偏甜 🫣-🌟-小店葵芳也有分店 裡面的姨姨人很友善 雖然口罩已經不是must但廚房人員仍然有帶👍🏻二訪也沒有失望！推薦！建議指數：🐻‍❄️🐻‍❄️🐻‍❄️🐻‍❄️/5

📌 好味餃子店📍 長沙灣 Cheung Sha Wan ˗ˏˋ 環境 ˎˊ˗餐廳傳統裝修, 位置不多不過夠潔淨衛生給人感覺舒服.ᐟ.ᐟ˗ˏˋ 服務 ˎˊ˗員工收拾速度好快👍🏻 可以以QR code下單~˗ˏˋ 特點 ˎˊ˗餐廳提供7種不同味道的餃子 ·͜·˖包括粟米肉餃, 芫茜肉餃, 韭菜肉餃, 芹菜肉餃, 白菜肉餃, 雲耳椰菜肉餃, 甘筍沙葛肉餃 有湯餃同煎餃選擇☺️最喜歡湯頭有營養 —— 野葛菜生魚豬骨湯˗ˏˋ 菜色 ˎˊ˗▪️粟米肉餃（湯）▫️白菜肉餃 (湯）▪️雲耳椰菜肉餃 (湯）▫️甘筍沙葛肉餃 (湯）▪️雪梨茶 （凍）˗ˏˋ 推介 ˎˊ˗1 粟米肉餃值得一讚所有湯餃湯底都是野葛菜生魚豬骨湯.ᐟ.ᐟ 🫶🏻清甜好喝, 自家製清湯 餃子皮薄餡多, 粟米好多, 非常清甜, 不需要沾醬汁都好好味2 雲耳椰菜肉餃 經典口味 但是絕對不會厭*⸜( •ᴗ• )⸝*調味適中 雲耳爽口～整體餡料飽滿, 味道不錯✨3 甘筍沙葛肉餃這個有驚喜!沙葛有爽爽的口感整個餃子都超爽口滋潤 4 雪梨茶值得一讚裡面有薏米, 不過味道偏甜-🔍 味道：7.3/10🔍 賣相：7/10🔍 環境：7/10 🔍 價錢：9/10🔍 服

最近迷上了餃子🥟因為覺得餃子多種類可以試唔同味又夠飽肚！今次係呢間試咗粟米肉餃(湯)同埋韭菜肉餃(煎)每樣叫咗六隻地方比較細 需要搭臺 但環境整潔上菜速度好快 先係嚟咗個煎餃 再嚟湯餃煎餃同我之前去另外一間餃子店唔一樣佢係扁身嘅 但都仍然好足料 煎得好香脆 亦唔算好油至於湯餃就好食 係大大粒足料餃子要讚佢個湯底應該係佢招牌生魚豬骨湯 好好飲 好出色我係飲曬成碗湯！食完飲完都唔會覺得好口渴姐係唔重味精～呢間餃子店我係一定會再回訪唔貴又好食 正呀！

同朋友係長沙灣做完gym之後喺附近搵咗呢間好味餃子店，估唔到餃子真係猶如餐廳名字一樣咁好味😋餐廳提供湯餃同煎餃，價錢幾抵，$47有十隻。我地一共叫左四款味道，包括韭菜、甘荀沙葛、白菜同雲耳椰菜。賣相同平時食開既餃子有少少唔同，煎得更金黃香脆，餃子邊無摺痕但仍然脹卜卜。每款餃子都非常juicy，而且各有特色。甘荀沙葛煎餃味道清甜，韭菜煎餃味道幾香濃。其餘兩款味道－白菜同雲耳椰菜都唔錯，最緊要係餃子夠香脆多汁！我哋加$16有一碗淨粉麵，份量好大，客人可以揀米粉、米線、生麵、油麵同上海麵。餃子真係好抵食，而且無味精，要我食五十粒都冇問題😎