好好便當 (已結業)

與同事各點花枝餅及炸雞扒便當，炸物面鋪了2-3層鹽，其他部分也甚鹹，每台食客都叫「口渴」，要飲品。向店員反映，她聽後扮聽不懂廣東話，然後才問「係咪落單」，我再重覆食物太鹹，叫廚房改善，她竟表示「以為你落單」然後離開，再叫都不理。埋單再向收銀反映，她只說「廚房係咁」。肉燥帶甜有藥材味。唯有black list, 再見，無法回頭。

咁岩要出北角整野同時解決午餐問題，行過見到呢間都幾多人等，應該唔會中伏既😋因為得一個人，所以唔洗等位就入得，入面裝修都有d台灣風味，但座位放得比較迫，櫈係冇靠背，lunch時間好多人，有袋既要抱住個袋食飯，坐就唔係幾好坐叫左個台式香腸香菇滷肉便當🍱跟一包紙包飲品🧃，配料都幾多，黃蘿蔔、豆角、生菜、芋絲、溏心蛋等等，滷肉味都夠，味道冇話特別驚艷，但咁耐冇得去台灣旅行，都係懷念一下台灣既味道😺

好好便當地址：鰂魚涌英皇道937號地舖真係好掛住台灣呀~ 無得去台灣為帶去搵台灣風土小店啦😕！呢間好好便當由門面設計到店內啲布置都好似倒咗模嘅台灣小食攤一樣🤩。主菜以台式夜市炸物為主，當然我今次就試咗最多人揀嘅好好大雞扒香菇滷肉便當 🍚🍱🐔 $58，熱辣辣雞扒超大舊又夠脆夠滑，調味都算突出椒鹽香味😁，加上配菜都幾多有高麗菜、醃蘿蔔、滷蘿蔔、青瓜、半熟滷蛋同埋芋絲。芋絲超入味又腍似足粉絲，而且滷肉又唔會太鹽，抵食😎。#nicefoodie鰂魚涌----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious #lunch #hk #香港 #香港美食 #美食 #鰂魚涌美食 #打卡  #鰂魚涌 #香港口味 #隱世美食 #隱世小店 #半價優惠 #人氣餐廳 #人氣美食 #台灣 #台灣野  

因為要開會所以嗌外賣，留意到呢間台式便當，於是就試下。😀我就試咗台灣香腸香菇肉燥伴烏冬，佢仲有米線揀。佢用嘅烏冬係平時打邊爐好普通嗰隻，唔太好食，不過勝在佢嘅肉燥夠濃味，蓋咗個麵唔好食嘅部份。而且佢啲肉燥真係有冬菇粒，都有誠意。而個台灣香腸都偏咸，不過烤得幾香，有台灣香腸嘅風味。可能因為太濃味，所以食完會好口渴。🥵朋友就嗌咗大大塊雞扒便當，都真係幾大塊，不過可能因為外賣所以淋哂，有啲可惜。佢嘅雞扒正正常常，唔算有驚喜。仲有墨魚春卷都一樣係淋哂。反而鹵水雞腿🍗就無事，幾好食😋。如果食呢間都係建議堂食，咁啲炸嘢應該會酥脆同新鮮啲。

又係一間長期好多人排隊嘅餐廳，不過我可以好肯定咁講，一定係優越的地理位置，我食過兩次，兩次都係好差。首先份量太小，就算係正常女生都未必夠食！其次係味道太濃，除非你本人真係好鍾意食一啲好重口味嘅嘢，否則你一定覺得好口乾，第三係作為一間台式餐廳，一般你諗得到嘅台式飲品都唔會有全部都係道地罐裝飲品嘅台式飲品，仲要加$8，一啲都唔值！佢連上菜都係比個紙盒你，完全係符合佢個名，好有台灣便當嘅感覺，但真係唔太好食。

係附近返工，咁岩冇帶飯諗住食下台灣野.外賣味道一般，雞脾好乾同鞋，個飯粒粒分明既，但有啲凍.. 蘿蔔都怪怪地個味. 之前堂食都ok, 但外賣真心麻麻地.. 建議改善下溫度同埋配菜可以多啲

塔香鹽酥雞香菇滷肉便當（$79)賣相：🐧🐧🐧🐧味道：🐧🐧便當用外賣圓身紙盒盛放，內裡配菜擺盤頗齊整美觀，鹽酥雞分開另上以紙袋包裝。便當份量足，鹽酥雞有6大塊，配菜種類不少，有黃瓜、芋絲、白蘿蔔等，滷肉汁量適中。味道方面，鹽酥雞無骨，肉質嫩滑有雞味，外皮脆口不油，可惜調味粉過多，導致嚴重偏鹹。滷肉汁味道濃厚足味，拌飯一流，略嫌滷肉粒中肥肉脂肪比例過多。芋絲、蘿蔔入味爽口，其他蔬菜伴碟新鮮爽甜。外賣等候時間：🐧🐧🐧在平日下午5點幾左右下單，約需時40分鐘送達，與預計時間相約。🐧❤️結語：整體偏鹹，脂肪肥肉比例高，重口味之選。

好掛住台灣嘅日子🥲🥲食個便當過吓癮先塔香鹽酥雞香菇滷肉便當滷肉幾好味唔會太鹹但嫌太小😂吾夠lo一碗飯炸雞係精粹 夠夠都好大夠仲要炸得岩岩好 外脆內軟食極都仲想食😂

Foodpanda叫左兩個便當，塔香鹽酥雞香菇滷肉便當同滷雞腿香菇滷肉便當。唔知係咪無左晚市堂食太多外賣好忙定點，兩個飯個飯底都極濕，根本就濕到痴埋一大團一大團，愈食愈難食。。滷雞腿個雞腿非常乾同柴，好耐都無食過咁難食嘅一餐。。。無乜喺openrice寫過食記，今次難食到忍唔住要寫，想upload相比大家睇又upload唔到，大家想試食呢間要慎選。。

📍 好好便當 Eat Good Bento📍 鰂魚涌 𝗤𝘂𝗮𝗿𝗿𝘆 𝗕𝗮𝘆 • 英皇道937號地舖-There are a handful of eateries in the Quarry Bay area, but if you work nearby, it doesn't take you long to realise your food choices are not that many.< Eat Good Bento > is a restaurant serving Taiwanese bentos that are relatively cheap.Afternoons here are busy and customers often have to wait for a seat. Off-work hours - Feel free to choose any seat!-We ordered a bento with braised pork and fried chicken ($58). The chicken was crispy on

之前行過見到門面招牌好有台灣風，好吸引～今日lunchtime決定一試，店內裝修都好有夜市嘅感覺。叫咗個新出嘅墨魚餅肉燥飯，墨魚餅食落都脆口，ok正路。個肉燥飯唔會太鹹，都幾好食。58蚊包嘢飲嚟講都算ok啦～

之前行過見到門面招牌好有台灣風，好吸引～今日lunchtime決定一試，店內裝修都好有夜市嘅感覺。叫咗個新出嘅墨魚餅肉燥飯，墨魚餅食落都脆口，ok正路。個肉燥飯唔會太鹹，都幾好食。58蚊包嘢飲嚟講都算ok啦～

早排難得去鰂魚涌，周圍搵下有咩好食😋。門口望到成間餐廳裝修都好台灣feel，又好耐無食台灣野，仲要啱啱好有位😂，所以就揀左黎試下。舖頭唔算大，係坐得比較逼。🔅塔香鹽酥雞香菇滷肉便當 ($62)炸雞炸既時間控制得啱啱好，夠脆又夠滑，仲熱辣辣，同埋都幾大舊。加左味粉都幾香又少少辣夠晒惹味😍。配菜都幾多，芋絲超入味又腍，似粉絲咁，個人幾鐘意😚。滷肉都唔錯，唔會好鹹，夠撈大半份飯食。蛋就純粹半熟，唔係溏心蛋☹️。冬瓜茶跟餐唔使加錢都唔錯。💬Menu選擇都幾多，唔算要等好耐。食物都唔錯，係坐得逼少少，比較適合外賣，疫情時候食就啱啱好🖖🏻。

Eat Good Bento is a Taiwanese restaurant in Quarry Bay, and it surprised me with its humorous decoration and delicious food!These decorations really remind me of the food markets in Taiwan.And they really put some effort in designing the menu! Love it!I ordered this Squid Spring Rolls bento with Taiwanese Marinated Pork & Mushroom. Everything in this set was fantastic! And the portion was huge! I was so full after finishing nearly everything.The marinated pork and mushroom was Tainan style, and

每次叫外賣都要等半個鐘，就算用app落定單，到取餐時間去到都係未拎得，人手超級唔夠，如果想外賣千萬唔好去到先落單，一定會後悔！（係次次都等咁耐，唔係一次半次。）最唔滿意等左成半個鐘咁耐都算，拎到個拌麵返到公司（5分鐘路程），d汁已經係呈啫喱狀......5分鐘最多係攤凍左唔熱啫，未至於變成啫喱掛？真係唔知係廚房一早煮好但執外賣個職員執得慢，定係根本一開始就煮得唔夠熱......除左以上缺點只講味道的話，味道係ok嘅，當然唔係驚為天人地好味，但正常味、唔難食，只能講呢間食店好好彩，附近冇咩台灣野食，如果唔係等咁耐應該唔會有生意。