好好便當 (已結業)

同事話今日去試台灣新嘢，去到門口有一條好長嘅隊是賣外賣，完全無店舖職員職招呼，要自己主動行入店內問職員，職員完全唔想招呼我吔，我問可唔可以座唯一嘅一張檯，個職員諗左好耐先話，你哋座，我們12:31已經落咗單，但等到1點都未有食物，但廚房一直有出單，但全部都係外賣😡，好多抬都係到催，個個話都等咗20分鐘以上，個職員話飯或麵底已經有，但食物等緊炸，唔催唔上菜😡😡😡啲飯完全淋好似爛飯，肉燥味唔得，鹽酥雞唔脆，個粉漿好厚，味道唔似鹽酥雞，又話等炸，啲雞唔熱，真係無下次☹️

好似飛左一轉台灣咁✈️‼️點解咁講？因為我新發現咗間餐廳，裝修得好有台灣feel。.呢間好好便當餐廳位於鰂魚涌，店內掛住台灣小旗幟🚩，廚房裝修成台灣夜市攤檔，牆身掛滿舊式畫報，通通都充滿台灣特式。而且播住楊丞琳、王心凌首本名曲，曖昧、缺氧、帶我走、當你，愛你，回憶煲台劇嘅日子返哂嚟🙊。.塔香鹽酥雞香菇滷肉便當🍱鹽酥雞炸得金黃肉質嫩滑，配菜嘅醃蘿蔔好入味又有半隻滷蛋，擺盤有心思，份量又唔少，好抵食。.櫻花蝦餅肉燥乾拌麵🍝米線撈埋肉燥好惹味，令人食到唔停，炸蝦餅外層金黃香脆入面好彈牙爽口。.台式小吃拼盤🍢一次過可以試到5款炸物，鹽酥雞、台灣香腸、杏鮑菇、腐皮卷、花枝丸，每款都有3~4件，足足有一大盤。炸物炸得香脆唔油膩👍。.整體食物水準都唔錯，服務態度又好好，價錢適中唔貴。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 好好便當 (鰂魚涌)📍鰂魚涌英皇道937號地舖

今日同囡囡去咗屋企附近新開嘅好好便當 食台灣野，呢度嘅裝修超有台灣古早味， 喺入面食嘢好有feel。食物超大份，好抵食，食到好飽。囡囡點咗鹵雞翼肉燥乾拌烏冬（$46），我就點咗蔥爆貢丸肉燥乾拌烏冬（$46）。便當裏面配有黃蘿蔔，椰菜，白蘿蔔，肉燥份量超多。鹵水雞翼好入味，肉質嫩滑。我地再嗌咗一啲小食，好似椒鹽豆腐，墨魚腐皮卷，蒜香台灣香腸。炸物唔錯，炸得夠脆又唔油。台灣香腸推介，是台灣正宗口味。👍👍

本來印象唔錯因為之前朋友買外賣味道唔錯諗住再幫襯支持再叫外賣。但係去到周圍都好污糟又油淋淋，已經冇乜客人但係扮晒扮晒唔憂做一入嚟就話同你講要等好耐我就話冇問題好食呀一定等但係嗰個店員定唔知老闆嘅阿姑(如果係老闆嘅真係等執笠）態度極差唔想你幫襯咁樣，我本來諗算啦當你攰心情唔好no problem。但落單嗰陣時超級冇禮貌不知所謂，Menu寫得唔清唔楚又用啲客奉旨知道叫啲咩咁慢少少就喺度嘰嘰格格，之後又佢喺度反晒眼我嬲得滯唔叫啦。唔鍾意趕客不如閂門唔好做。好聲好氣同你講就惡劣態度, 影衰曬台灣餐廳同抹煞廚房同事嘅功勞

如果掛住台灣嘅大家可以去試吓呢一間鰂魚涌呢間台式小店，小店外面已經充滿台灣氣息，個設計基本上同台灣地道嘅店舖一樣！入到去亦都有炸雞，肉燥同拌麵，款式多到眼花，心大心細吾知食乜好，樣樣都想試。香腸肉燥乾拌麵($40), 櫻花蝦餅肉燥乾拌麵($46), 滷雞翼($28), 台式小吃拼盤($68), 冬瓜茶($8)同菊花綠茶($8)乾拌麵份量真係好多，又大又豐富，肉燥味道同埋台灣一樣咁好味呀！櫻花蝦餅爐得乾身美味，另外叫咗一盤台式小吃拼盤好有驚喜！雖然每軟都係炸，但做得非常乾身好地道，亦吾會覺得好油膩，一件接一仲未，欣賞炸花枝丸同炸雞髀菇，花枝丸爽口彈牙，雞髀菇外脆內Juicy😙又多間高質台式小店，以解思鄉之情😊

新開張台式小店已幫襯數次，其台式小吃十分有風味，次次都叫小吃拼盤，炸物得不錯👍🏽。但奈何次次外賣都一肚氣，只因服務態度極其惡劣🤬🤬🤬不是眼超超，就是用質問的態度說話，試過用差兩三蚊才夠埋單，之後了數秒找身上有沒有散紙，那個四眼的「老闆娘」即露出屑的目光並發出「zip」的聲音，又吹著說「差三蚊呀」，其態度極差！！又試過小吃拼盤連燥肉飯加埋收錯錢，之後發現單上出錯要求退回差額，態度便更惡劣說：「呀 Foodpanda 系統搞錯，嗱(一邊退回差額）」一句「唔好意思」都冇說過🤬🤬🤬 今時今日咁嘅市道都可以以如此劣質的服務態度待客，佩服佩服👏🏻#四眼收銀 #不知是否老闆娘 #不是便換人吧 #趕客 #可惜 #食物真心好吃

因為佢開咗，真係成條街都聞到台灣味，所以開張無幾耐就試試佢，晚餐外賣排骨飯同雞排飯兼接近所有小食。我買嘅時候前面得一個外賣客，廚房上餐柴速度超慢（差不多全部炸嘢唔明點解可以咁慢），買完足足等左半個鐘至走得，我後面果十幾人唔知要等幾耐。講返食物因為等左半個鐘最先出咗嚟既食物己經開始凍同淋，先講講兩個飯，排骨幾好夠味只係有小小乾，雞排聞落幾香不過八角味太搶脆皮都脆不過脆皮同雞肉都無味，配菜庵蘿蔔唔脆味道唔好，滷肉就簡直不值一提。 講到小食香腸難食完全唔似台灣香腸，炸豆腐難食，鹽酥雞唔夠味，惟一值得讚嘅係三星蔥貢丸，腐皮墨魚卷同炸花枝丸就算凍咗同淋咗都好味。總括嚟講係非常一般，原因可能係因為開張無幾耐， 所以過半年可能會再試一次。

心心念念成日掛住食台灣野尤其台灣的鹽酥雞超有特色、超好味😋今日終於忍唔住又出街搵台灣美食了😂今次介紹呢間係位於鰂魚涌的「好好便當🍱」塔香鹽酥雞香菇滷肉飯當 + 飲品 $62從未食過咁大份量的便當🍱超大份量的米飯上有蒜香豆腐、滷水蛋半隻、滷水芋絲、滷水蘿蔔、椰菜、黃蘿蔔再配上秘製的滷肉汁-完美👍👍👍塔香鹽酥雞卜卜脆中帶有少少微辣，仲有每塊雞都好似乒乓波咁大粒，咬落去啖啖肉超Juicy，比台灣正宗嘅鹽酥雞仲好味😋滷水雞翼肉燥拌米線🍜第一次食肉燥拌米線，味道比想像中的更美味，每一條滑嘟嘟嘅米線都拌有秘製嘅老肉汁，原來係超好味的，本人認為好味過滷肉飯😂再加上超入味的滷水雞翼，正👍話明台灣美食，又點可以少咗台灣最出名嘅夜市小吃呢🥰台灣小吃拼盤台灣香腸(蒜香)、墨魚腐皮卷、酥炸花枝丸、蒜脆杏鮑菇、塔香鹽酥雞五樣小吃超大份量都只係$68一次過試晒五款小吃、超滿足、必食之選每分食物都係便當形式上碟，超有台灣特色除咗一邊嘆美食，還可以一邊欣賞台灣壁報連個Menu都好有台灣特色㗎🏠好好便當🍱📍鰂魚涌英皇道937號☎️電話：92987066

 每日都喺灣仔食lunch食到悶悶地，同事話知道我去完 #京都之旅 開心左一日，所以今次介紹我去 #台灣夜市 玩返轉開心下！一解抗疫疲勞之苦！#食左當去左系列 Go go go ! 見完客過左午飯時間到達，餐廳喺正大街非常就腳易揾，裝修特別用心，仿如走進台灣夜市！店員熱情有禮！讚！ 鹽酥雞滷肉便當🍱 $62鹽酥雞一向係我至愛！而且又係呢度招牌菜梗係要點啦！鹽酥雞鬆化香脆，味道適中，一啖一大口雞粒，正！同飯分開上大約有6件，唔會撈埋D餸汁一齊幾好！配菜有滷蘿蔔、芋絲、炸豆腐、高麗菜、醃蘿蔔同半隻滷蛋。蘿蔔同芋絲夠入味甜甜地，炸豆腐係我鐘意嘅偏硬身口感！飯量仲要幾多真係好抵食！ 雞扒滷肉便當🍱 $58 同事點左大雞扒！一黎到真係驚訝！好大塊呀！炸到鬆脆嘅雞扒面層落左D辣粉好香，咬落仲好嫩滑！同鹽酥雞口感唔一樣但同樣好味！塊雞扒我地傳黎傳去食仲好重手下！ 配菜同飯都一樣啦，都係好大碗好滿足！最後貪心嘅我地仲點埋台式小吃拼盤 $68， 台式香腸同蒜脆杳鮑菇太好味！推介！ 

上星期經過已經被它的門面吸引住，今午終於來試試，舖內舖外裝修台灣味濃，真係好好好令人掛住台灣旅行的日子，不能出門的日子當是望梅止渴吧🥲，試了個台色大雞扒滷肉飯，好好味😋份量夠，塊大雞扒即叫即炸上枱熱辣辣，本人最最最鍾意❤️，價錢重好抵食還包一罐台色罐裝飲品！下次再試其他野！勁讚👍

《鰂魚涌新開台灣美食》哩間餐廳好食到可以正式宣布成為香港台灣野嘅Top3！🐥 雞扒滷肉便當 $58首先要大讚嘅係幾何會滷肉飯比咁多肉燥你先？肉燥一啲都唔馬虎！有肥有瘦，入口有油香又有咬口，同是肉燥嘅濕潤令白飯不會乾更易入口，仲大方附上勁多配菜，抵食到爆！而我認為最最最強係雞扒，因為雞扒大大塊又夠厚身。外皮非常香脆帶香噴噴胡椒粉味，入口好多汁而且零油膩感。🐤 滷雞翼肉燥乾伴麵 $48滷雞翼又係一絕，雞翼未入口已傳出香濃醬香味。雞滷亦滷得非常入味，雞肉滷到離曬骨，口感又香又滑。佢地嘅肉燥除左撈飯一流外，撈乾拌麵亦係一絕，肉燥夠濕潤可以輕鬆除麵條撈均，每一啖都係香濃嘅肉燥滷汁，正啊！🥖 台灣香腸 $12台灣香腸幾時都咁正，餐廳除香港改刀𠝹花，令到香港嘅油花更充分展現出黎。入口扎實帶黑椒香味，真係令我食過返尋味～🍱 台式小食拼盤 $68嘩嘩嘩，全部小食即叫即炸絕不偷懶～鹽酥雞香脆多汁，墨魚捧肉質爽口彈牙同埋花枝丸炸出花枝香味，入口多汁彈牙。🤤 後記//哩間餐廳份量大價錢實惠，店員服務非常親切！叫左四款食物連飲物$200都唔洗，餓底嘅朋友唔好錯過！！

今次去到鰂魚涌順便又食下台灣野真係好掛住台灣🥲鹽酥雞凍左都香脆係咩玩法點解做得咁正🤭 食上癮蒜香杏鮑菇必試，完全中左我心意😋😋雞翼滷得好軟身呢次叫左拌麵揀左烏冬因為我係 #烏冬控大大碗好鬼飽除左蘿蔔配菜基本上我食清有人DM問我一個人食曬？無錯，係真，的確我一個人食唔該我唔係剩係打卡🥱🥱#foodie唔食既係乜鬼foodie唔好佩服我 #因為我食埋夜晚加宵夜個餐😌#飽死好過餓死#其實我都係想食得正宗啲

今日放假，就諗住去同朋友去行下街。由鰂魚涌地鐵站上鰂魚涌公園再落西灣河。結果齊人嗰陣都已經妟就，咁我地就決定食左個妟先再行過去。隨手行下就入左依間好好便當到食嘢。餐廳裝修其實唔錯，充滿滿滿嘅台灣風設計。依種設計令我諗起香港嘅大牌檔風味。一入到去嗰浸佬味當堂出哂嚟。坐底之後我自己就揀左個台灣香腸香菇滷肉便當，我朋友就揀左個滷雞腿香菇滷肉便當。份滷雞腿香菇滷肉便當我冇食就唔方便評論。不過我嗰份台灣香腸香菇滷肉便當就真係好好食。可能我地趕係午餐時段開始前食，廚房多啲時間去整好個飯。個飯攞出嚟嗰陣真係好香。嗰浸滷肉味連埋啲汁滲落碗飯到，令到個飯唔似其他餐廳啲飯咁Dry 。一啖咬落去，香菇嘅香味連埋個滷肉嘅甜甜地嘅味，攞嚟送飯簡直一流！不過最受我喜愛嘅都係舊台灣腸，整出嚟香脆，咬落去又有浸甜甜嘅味道，配埋台灣腸特有嘅黑椒味。依家諗返都令人回味。至於其他配菜我冇點食就唔評論佢，下次再食先再評價。不過唯一美中不足係之後餐廳太多人嚟，搞到有少少嘈。所以我地食完冇耐都即刻埋單走人。希望下次可以冇咁多人啦。

🇭🇰好好便當·呢間係我地搭車既時候經過見到新開 好似幾legit就買左外賣翻屋企食😙大家請無視後面因為wfh好亂既書檯🤣🤣·滷雞腿香菇滷肉便當$58佢超級良心 份量超多 而且擺盤好靚 食外賣都食得開心D😌佢個蘿蔔超級入味 滷蛋都唔錯 不過佢個滷肉就真係比較肥 大半都係肥肉 一定要咬走🙊😂佢個雞腿都唔錯既 好大隻 而且唔會柴曬 不過肉質就一般🤭·台式小吃拼盤$68呢個拼盤選擇超多 而且每款都有4-5舊 超豐富🥳不過佢調味得面頭少少七味粉 如果可以係椒鹽一定仲夾😈雖然外賣攞到翻屋企淋左少少 但係都仲ok既 唔會話變左一pat野😂😂佢個香腸超大條 而且肥瘦比例好好 蒜蓉味都好出 唔錯🤤花枝丸同墨魚卷都ok既 唔會太粉 仲有少少口感😙不過個杏鮑菇炸皮就有D太厚 而且鹽酥雞有少少鞋 呢兩樣麻麻地🤣🤣 ·📍鰂魚涌英皇道937號地舖

買餸經過見到開咗間新野，見有d肚餓就諗住買d小食試吓佢。可能因為過左lunch time，鋪頭冇乜人，店員就走出黎介紹，我係炸雞愛好者，所以就打算叫外賣鹽酥雞。俾完錢等左大約10分鐘就有得攞，似乎真係即叫即炸，面頭撒咗d紅色粉，同夜市d鹽酥雞一樣，見熱辣辣即刻吉左舊食，即炸當然好脆，個炸皮唔厚，有d位我懷疑食到塊雞皮（？）一咬落去d雞油bit出黎好正😋。喺街大概數下都有12舊正常size嘅雞塊，$38嚟講唔算好平不過都可以返兜。下次再試下d便當小食😎.塔香鹽酥雞$38