影片
开饭介绍
餐廳主打客家菜，亦提供創新菜式如以麥皮入饌，例如麥皮蝦，麥皮生蠔。
继续阅读
营业时间
星期一至日
06:00 - 02:00
以上资料只供参考，请与餐厅确认详情
招牌菜
比我想像中乾淨企理. 店中侍應反應算快, 服務不俗. 只有一個菜牌, 茶兩元一位, 新年期間加一服務費. 墨魚丸爽口彈牙, 有墨魚味. 外皮炸得脆, 不過有油味. 雞肉未算嫩, 不過都唔會嚡口. 用沙窩烹煮保持菜餚溫度, 醬汁惹味熱辣辣, 伴飯食不錯. 穩穩陣陣之選, 味道不錯. 魚肉鮮, 可惜外皮炸得略為厚了一點點. 如果個獻可以打得薄少少, 味道會更佳.
继续阅读
裝修前只去過利群因此為外婆老人家生日指定食物地方冬菇亭裝修過後這好客亭 就係老人家飲茶的心頭好地方環境格局似是間小酒樓地方頗好有次上午去食 叫了幾款點心未食過猶自可 食過之後才知點心咁好食 可能自己少去質數高的酒樓之故在這麼一個地方 食到這樣出色點心絕對是出乎意料舉例如鴨腳扎 份量大 賣相好 味道又出色可惜是座位之間較窄冬菇亭出面的露位置 排隊的點心檔地面非常濕滑 食客又一窩蜂搶食物 大家鬥快搶點心 感覺有點亂 之後有再一次去 才知下午不開門做生意有點可惜
继续阅读
剛剛同媽咪去友愛邨"好客亭"食晚飯, 但係比果到一位服務態度極惡劣的侍應, 令我地食到氣頂。事由就發生於我地點的其中兩樣菜~咖哩炒蟹和馬拉盞通菜, 我地足足等了35分鐘, D位侍應就同我地講個咖哩炒蟹取消左, 問題係我地根本都冇取消過, 之後講多兩講, 就說D蟹賣晒...最離譜係個通菜, 他說因為馬拉盞通菜要係唔同廚房做, 會得好耐的, 我就說現在都已等了35分鐘啦, 他竟叫我地轉蝦醬通菜, 之後唔夠我地講,佢就走開左。約5-7分鐘後,他放碟由中式廚房出的通菜放在我地張枱, 我便問DD係咩通菜,他竟講大話說是馬拉盞。最嬲就係過多一陣, 竟見有人傳一碟咖哩炒蟹出嚟, 這叫做賣晒嗎？佢真係當人盲咩？DD服務真極之差囉, 我爸爸都最後忍不......住出聲, 那人完全當聽唔到, 一句道歉都冇, 相反其他侍應就代為道歉, D個人真真不知所謂, 連間野都有問題....真氣....
继续阅读
今日係人日, 我地一行七個大人加埋百厭仔, 黎呢間好客亭試下, 好在book左位咋, 如果唔係就要坐門口, 一路食西北風一路食飯喇我地叫左八個小菜--鹽焗雞(半隻)-- 幾夠味, 有埋D雞什上碟幾特別, 但D雞胸超"鞋", 其他位置尚可鐵板醬爆鮮魷魚筒--幾冶味, 魷魚唔韌, 正!芝士金姑牛柳粒--芝士味濃, 牛柳粒夠嫩, D芝士汁撈飯一流菠蘿生炒骨--味道唔太酸, 排骨用梅頭肉, 夠"林", 連百厭仔都食到椒鹽鮮魷--夠香脆, 但實在太細碟豉椒炒蜆--用大蜆黎炒, D肉好大粒, 豉汁又夠冶味豉油皇炒蝦--D蝦夠入味, 唔錯蒜蓉炒菜心--OK連埋五個白飯, 埋單$515.00 P.S.-雖然在室內, 但因為門口位可以食煙, 侍應又方便傳菜無關門, 攪到陣陣煙味飄入黎-仲有D小菜碟頭比較袖珍(鹽焗雞除外), 相比起安定邨果邊大排檔就大碟好多喇-小菜D相係一上枱就影, 無人夾過, 要ZOOM IN好近先有大碟D o既效果
继续阅读
13.11.2009 是日晚上 ... 小肥茵同屋企人見屋企附近既冬菇亭新裝修好 ... 便去試吓... 家吓就睇吓食左d乜東東啦菠蘿生炒骨 - 選用了唔太肥既排骨 ... 油炸後肉質還很腍滑 ... 幾好味 (半隻)鹽焗雞 - 雞味頗重 ... 肉厚嫩滑 ... 食D雞胸都唔覺得 ... 嗌半隻份量都有唔少 ... 抵食又好食客家炆釀豆腐 - 普普通通 ... 無乜特別椒鹽九肚魚 - 夠香脆夠香口 ... 亦唔覺油膩金銀蛋浸菠菜 - 金銀旦份量足 ... 菠菜夠鮮嫩 ... 好味芝士金茹牛柳粒 - 香濃芝士 + 香口洋蔥 + 幼嫩金茹 + 嫩滑牛柳粒 = 呀薑汁芥蘭 - 普普通通 ... 無乜特別鐵板醬爆鮮魷魚筒 - 魷魚筒唔韌 ... 彈牙而有咬口 ... 好味環境同服務一般 ... 但食物質素唔錯 ... D野食都幾有鑊氣 ... 值得一試
继续阅读