好彩海鮮酒家 (已結業)

今日跟同事五個人揸車來嚟咗深水埗吃午餐，揀呢間新開酒樓，因為茶市消費$100，有免費泊車1小時，好彩海鮮酒家（長沙灣店）有醒神早點（7:30上12:29am)，鮮蝦北菰燒賣＄14共2粒、晶瑩蝦餃皇$15共2粒，樣樣都好抵食，11點前叫白灼菜遠＄16。今日我哋嚟到已經過了下午一時，叫全日供應的點心，叫咗叉燒腸（屬於大點），另外仲有香煎蘿蔔糕、荔蒲蜂巢芋角、蝦餃和、燒賣、燒腩仔，其實佢嘅品質都非常之高，嘢食好好味，呢間酒樓選擇亦非常多，竟然有11至12:30pm（星期一至六）嘅特價粉麺飯，尤其荷香糯米雞飯、柱侯牛筋腩河每窩$53。真係要讚下廚房師傅，好勁呀！

本人昨晚到這間長沙灣好彩海鮮酒家, 已經了訂座, 預時到達,知客話無枱, 總話訂枱都係到時先到先得, 咁叫訂枱咩 ?經理總無良, 你同佢講話明明有張大枱空咗, 足足半粒鐘, 叫佢改為兩張細枱,佢(經理) 好似發癲又大聲話唔肯, 你同佢講點搞, 佢又扮聾聽唔到,最後都話要等 .. 一等再等.. 凈係你間酒家有得食咩 !!奉勸大家一定要三思 去 長沙灣好彩 !!香港小人物2010-12-20

好耐冇跟同事去飲茶，趁這天大家都有點興緻，行遠少少去好彩飲茶都好。我不去煩惱點菜了，就交由同事負責，反正我什麼東西都吃的。當然，午飯都是食點心為主，再加了一客炒飯。XO醬腸粉，既不香口，也不熱，腸粉又是散開的，很一般。再者，是完全吃不出有XO醬的味道，店方反而奉上一碟甜醬和麻醬，是點錯了東西嗎?其他的香口點心有春卷和叉燒酥，兩者溫度都足夠，春卷皮脆，餡料多，是可以的；叉燒酥像是迷你版，餡料不多，外層欠缺鬆化。油菜是芥蘭，全部都是很長的，店方應該切開一半才對。幸而，翠綠的芥蘭是爽脆，相當的清甜，完全沒有苦味，很新鮮的。這裡的蝦餃口啤不錯的，又來一籠。皮是稍稍厚了一些，不過裡頭的蝦真的大隻，又爽口，只是蝦味不太鮮，拉上補下只是一般，沒有外間說的好；叫了兩籠菜苗餃，不過唔夠分，我唔食了，評價都是普通。燒腩仔，齋睇已覺得唔新鮮，吃落果然是皮不脆、肉不鬆；生炒牛肉飯則太過油。金錢肚好一點，起碼不太韌，都算入味，可以收貨。最後有馬拉糕，未夠鬆軟，同埋唔香，吃些少好了。總括而言，沒有那幾款點心令我留下深印象。不過，公司附近都係無啖好食，也見慣不怪了。

星期日,去了平民酒家"好彩"酒樓食晚飯,一時心血來潮叫咗6隻聖子食,要7.8一兩,有24兩要差不多2百蚊,咁都算啦,個女待應問我想點整,我之前响第二間食過用豉椒炒都幾好食,咁就叫佢鼓椒炒啦!!!佢無出聲就落單;點完菜之後睇下張單,碟聖子要加50蚊加菜錢,我即刻問個待應點解要加錢?佢話豉椒要錢買,所以要加錢,咁我問佢清蒸呢?佢話唔駛,我真係比佢吹脹,第一,要加錢唔講,第二,我叫一碟其他餸唔駛40蚊,第三佢收7.8一兩咁o既價錢重要收加菜錢,當我自己帶海鮮比佢煮,第四,仲要唔係好食....唉......當晚我只好安慰自己,佢唔加500,只係加50已經好仁慈,因為佢知道食硬我,同埋我永遠都唔會再幫襯佢.........(ps:連加一,一碟聖子270蚊.......T_T服務差差差鼓椒炒聖子唔好食, 好咸

見好彩西澳龍蝦有優惠，而又好掛住佢既芝士焗龍蝦，所以就一家人再去：沙薑雞腳- 上菜時還熱，雞腳夠淋又香。飯前食一流！芝士焗龍蝦伊麵底- 味道, 滿分！係我食過咁多酒樓最正的芝士焗龍蝦！連我太太一向唔鍾意食芝士同伊麵都讚口不絕。咁多年唻佢既芝士焗龍蝦都係做得很好！芝士香濃，龍蝦很香而不鞋口！蒸班- 唔知乜班，屋企人點的，都有3斤。係魚本身太大，都有少少"鞋"身。中規中矩。香炸小唐菜- 小唐菜切碎後撈蝦膠炸成蝦餅，幾香蝦味。ok琵琶豆腐- 以前很出式的，但現在只可以話試不試也可以。只係同大牌檔的質素蒸花蟹糯米飯- 蟹的鮮味落左去糯米飯(似係粘米)，飯淋了少少，但係齊體唔錯。埋單一千三百幾，下次實再encore，因為要再食佢既芝士焗龍蝦！

以前住在咐近,長沙灣區酒樓不算多,一直以來在這裡飲茶已算是較高消費的一間,品質亦算保持得幾好,今日提早一個禮拜掃墓唔駛等清明正日去到迫餐甘甘地!搞惦晒先至11點,太后話好耐都無來過飲荼…不得異議!蝦餃燒賣干蒸牛肉珍珠雞咸水角山竹牛肉义燒腸菜肉雲吞生煎包BB鴿煎蘿蔔糕雞絲粉卷再加多個鳳爪排骨煲仔飯!整體食物水準不錯!印象較深刻的有:BB鴿----$20!周圍望見到差不多每枱都有一隻!上枱時其實賣相好唔惦! 碟上有好多油,望落炸到好似柴皮咁!試咗一件咬一啖…原來係好嘢喎! 皮脆肉嫩有肉汁,Ｄ骨軟到可以吞埋!唔駛點淮盬都夠味.蝦餃----蝦肉新鮮,皮搓得靚!唔會用筷子一夾就解體或者黐住個蒸籠底.鳳爪排骨煲仔飯----一開蓋已經見到飯粒很乾身,餸料無雪味,排骨大件多肉食落有蒜香味!如此高水準煲仔飯已很少在酒樓食到!四個人埋單先至$260真係遠Ｄ返嚟食都抵!

今日中午上左好彩飲茶,先發覺原來這裡部份開始裝修,環境雖然爭少少,不過既然上到黎就照食可也啦叫了以下食物:1.煎釀青椒(魚肉餡料幾鮮味,青椒煎得剛好亦有甜美,個豉汁味道亦不錯)2.蜜汁雞翼(D肉比較實一點,雞翼本身亦不夠味,係個蜜汁做得幾好)3.叉燒包(個包好熱,包身厚得黎亦好鬆軟,咬開個包後有流沙咁既叉燒肉同汁流出黎,幾得意,味道亦幾好)4.炸雲吞(幾脆口,唔油,係餡料比較少一D)5.豉汁鳳爪(一般,味道一般,賣相一般,就係一碟一般既豉汁鳳爪)6.山竹牛肉(牛肉比較實同比較細粒,但幾有牛肉味)7.煎蘿蔔糕(蘿蔔同臘味都幾多,煎得幾香口,味道亦不錯)8.煎鯪魚餅(幾有鮮味,煎得亦好香口)9.黑椒牛肚(牛肚唔韌,黑椒幾香,味道唔錯)10.柱侯牛根(牛根好林好入味,不過份量就少D)11.牛肉腸粉(腸粉皮幾薄幾滑,餡料份量都幾多,豉油味道亦幾好)12.鮮竹卷(唔太油,餡料亦唔太鹹,腐竹都滑,味道都幾好)13.炸春卷(好脆,唔太油,饀料都幾多,味道唔錯)14.蟹籽蒸燒賣(熱辣辣,有肉汁同鮮味,如果大粒番少少就正晒)15.灼油麥菜(灼得幾好,唔會太熟,食落有菜味同幾脆)總結佢地食物質素都唔錯,招

上星期六第一次喺好彩飲，認真麻麻！上到去七點幾，酒樓入面都坐唔滿，d侍應好似好忙咁，但係我又見唔到佢哋有咩搞緊，總之一起菜之後就連茶都無人沖，除咗上菜，好似要self-serve咁。一開始嘅燒味拼盤唔凍唔熱，好奇怪！我最鐘意食嘅乳豬燒到好燶，搞到無咗鬆化嘅口感！d炸物炸到過晒火，搞到個表層勁硬，見到都唔想食！其餘嘅嘢賣相同水準都一般啦！話明係汽水啤酒任飲(呢個應該係要再加錢的)，但係我唔明點解會無無氣嘅橙汁囉，平時去飲一定有個喎，唔得囉。咁嘅服務同質數，收人哋幾千蚊一圍，消費者應該會有更多更好嘅選擇囉。

幾條友食lunch，諗到頭爆都唔知食咩好，有人提議話去飲茶。係就係老土左D，不過都好啦，反正沒有更佳的建議。大家一致認為唔好叫炒粉麵飯，乾脆叫點心就ok。於是各人把心目中想食的點心讀出，來了滿桌點心。嘗試記下，有牛肉、燒賣、粉果、珍珠雞、咸水角、鳳爪、叉燒腸、雞扎等等等等....食物水準大路，賣相、味道未見吸引，也不至於差。粉果是我比較鐘意，皮簿，精形通透，餡多，是全台之中最好的。呢區既酒樓，連鎖店也好，非連鎖店也好，服務好極有限。始終還是地區性的問題，不要太挑剔吧！算一算，好彩在香港都有成十五、六間分店，以其大路既水準做到這樣的成績，也算突出了。

已記不起上一次來是幾時了,昔日曾住在後面街,周不時來這間"好彩"飲茶,除此之外,整個麗新商場,亦是小弟消閒之熱點,睇戲,打機一條龍.今日,麗新商場仍舊,戲院不見了,地庫的機舖同桌球室仍健在.記得早茶時段長年有空位,假期如是,一早叫媽子無須去霸位.點心即叫即蒸,媽子一向奉行一盅兩件,只要個煎蛋牛肉飯,是否今時今日很多人怕生雞蛋,好地地的窩蛋,就變成如此樣子.其他點心如上湯銀針粉,湯底味道似是沒有味道的味道.蝦餃,粉果一貫連鎖水準.家鄉煎薄撐,最有驚喜.香口非常.大路水準,無驚無險,飲到十點.

農曆新年, 跟著家人四出拜年團拜, 正月以來, 差不多每日都出動. 大家始終都是中國人嘛, 親戚們又是上年紀, 好自然酒樓就是最好晚飯地方! 隨著拜年地點不同, 去酒樓都不同, 但每次菜式都差不多, 離不開都是海鮮和家禽, 很容易就會將每間酒樓比較一番.得出結論, 還是覺得呢間好彩最好!係呢度差唔多幫襯十年, 有咩喜慶都會呢度, 每年都最少食兩三次晚飯.家人一致認為呢度海鮮做得最好, 龍蝦同蒸魚最"耍家"! 上湯龍蝦味道好. 蒸海斑時間教得好,咁樣d魚肉先唔會同"鞋", 好正好鮮味!其他小菜都唔錯ga, 乳鴿, 雞, 豆腐, 菜,炸饅頭都好ok. 甜品有椰皇燉奶, 有椰皇椰汁味燉出燉奶, 好滑好香甜, 好多地方都無得食ga!

星期一因為public holiday所以睡至下午一時多才起床!之後到這裡飲茶,兩人點了多款美食呢!1) 奶黃包: 好勁ga奶味,但唔係奶油味! 但都好好食!因為太耐無食過啦!2) 咸水角:呢個咸水角d味道反而麻麻地咋!無咩味呢!3) 蘿蔔糕:超好食喎!呢樣係最估唔到咯! 雖然唔係好多蘿蔔絲餡但真係軟硬度適中!4)炸兩：都幾好食，而且油條唔係即炸起再包的,因為放入口,會知道油條應該是放涼了一陣子呢! 否則好熱氣咯!5) 菠菜餃:幾好食!唔會好多油,而且d菠菜都好新鮮呢!但兩粒雖然都頗大粒.但無咩蝦味咯!坦白說,這裡不是酒店,他們所供應的品質已經好好呢!

tried their dim sum last sat. not as good as other 好彩. last night, had dinner here again. seafood vegetable pot $60 have squid, cuttle fish, fish, scallop and shrimp. the soup is not salty. quite good. 欖菜pan fried sweet bean and sea cucumber $68. a little bit oily. tastes and size ok. 椰皇雪蛤$18. very sweet. little 雪蛤. it is liked 燉奶.there is no non-smoking area at night. the tables are arranged openly. but i can still smell the smoke because all three tables around us has ppl smoking. there are a

我未見過d staff 態度咁差．．比都唔再來一次！！！！

這裡是我每天吃午飯的地方(公司包既)，其實呢到D 點心都幾好食GA，由其是個奶皇包同蜜糖雞翼，出邊食唔到咁正的，不過係D伙計態度差LOR，成日落錯單，又大大聲係D食客面前唉交，希望佢地會改善下啦！