好易食

营业中

休息中

餐廳風格帶創意之餘亦具玩味，滿佈塗鴉嘅牆身並掛滿獨特風格嘅壁畫，黑白復古地磚，以及吧頭嘅 霓虹光管，整體型格十足😎。🥢Grilled Broccolini$108估唔到菜都烤到咁有炭香味，配上滑溜酸乳酪、辛辣芳香嘅Harissa辣椒醬以及香脆嘅杏仁片，開胃又特別嘅配搭。🥢Sumac Yellowtail Carpaccio $198酸甜適中嘅醬汁配合魚油豐盈嘅油甘魚，於口腔中爆汁，冇油膩感之餘仲好清爽添。🥢Blue Swimmer Crab Fettuccine $158寬條麵質地Q彈富口感，每條麵都沾滿creamy醬汁，並且充滿蟹肉嘅鮮味。🥢Ube-Do-Si $98參薯西米鋪滿碟上，口感Q彈極像珍珠，但多咗份軟滑質感，並灑上香甜椰絲，而重點嘅千層西多真係超正，四層麵包夾住三層幼滑花生醬，食落唔甜唔膩有驚喜。🍷White WineMezzacorona, pinot grigio $90帶有青蘋果及花香味，清爽易入口。🍷Red WineHesketm twist of fatecarbernet sauvignon $90帶有雜莓嘅香氣，微乾，酸度平衡。

喺中環放咗工之後，去咗一間朋友介紹嘅酒吧chilli 下，酒吧位於SOHO區，而且風格都好舒服，好適合一大班人又或者兩個人一齊傾吓偈至於嘢食方面其實都相當唔錯：Hummus with OX Tongue：Hummus 再配上牛脷再加橄欖油同埋香草，撈埋一齊食，做搽上喺呢塊包上面感覺都幾特別Blue Swimmer Crab Fettuccine: 闊條麵再配上sage brown butter + sun dried tomatoes+ parmesan+再加海量嘅蟹肉，相當邪惡Baby suckling pig (half kg)：脆皮乳豬，再配上焦糖菠蘿，酸酸甜甜嘅口味，再配上特製嘅醬汁，正至於甜品方面，就揀咗呢一個Goreng Goreng：炸香蕉再配上椰子雪糕，同椰子撈埋一齊食，兩個夾埋一齊味道都唔錯至於Cocktail方面，呢間舖頭都好有特色，好適合打卡，而且都好容易易入口，唔飲酒精嘅朋友，侍應都會沖杯特色嘅飲品俾我哋試吓

Located in the vibrant SoHo district of Central Hong Kong, Holy Eats stands out as a contemporary eatery with a refreshing take on global cuisine. Its trendy atmosphere complements the thoughtfully curated menu, making it a delightful destination for foodies.▫️𝐘𝐞𝐥𝐥𝐨𝐰𝐭𝐚𝐢𝐥 𝐒𝐚𝐬𝐡𝐢𝐦𝐢The yellowtail sashimi at Holy Eats is a culinary highlight, showcasing the freshest ingredients. The fish is sliced with precision, revealing its buttery texture and rich flavor. Drizzled with a tangy yuzu dressing and ac

同朋友食飽飯，想搵個地方傾吓偈，見到呢間門口冇招牌，只係寫住23號，好有外國風味，客人同員工全部都係外國人，員工熱情友善，就被吸引咗入去。頭盤叫咗6隻新鮮生蠔，生蠔本身處理得好好，冇食到蠔殼，因為我好怕腥味，所以食之前都加好多檸檬汁，但生蠔好鮮甜多汁，完全一D腥味都冇，所以建議大家可以咩都唔加咁試咗佢個原味先，再加配料食唔同既層次。是日湯每日都唔同，今晚問咗員工係雞湯，入面食到有雞、薯仔、洋蔥、蔥，非常濃味嘅湯，仲配咗好好咬口嘅麵包。

同朋友黎中上環Chill, 見呢間餐廳坐滿到7788, 睇落氣氛好好，入內試試我地點左caesar salad, spring roll,蒜油意大利麵， 同rid eye with friesd 碟幾靚！呢個Aglio Oilo 蒜油意大利麵 好有蒜香味 仲有dd微辣味， 份量都好夠2個女仔一齊share 食caesar salad 份量好多！好fresh既沙律菜，garlic bread crumbs都好多粒，滿滿的cheese係面，yummy呢個spring roll 最出色！入面有蘑菇同豆腐，健康有營， 配埋蛋黃醬咁食，好好食rid eye with fries d 牛味好濃，唔會太老 薯條份量好多，鐘意食厚薯條叫左兩罐汽酒配今餐美食總括而言，呢間小店好岩傾計同埋Friday chill 下

中環呢間fusion菜鋪頭細細間唔算多位，但就非常有氣氛啱晒星期五晚同朋友嚟飲返杯傾吓偈，夜晚仲會搖身一變由餐廳變酒吧🥂 今次試咗佢哋幾款招牌菜！ Mushroom Croquettes 🍄蘑菇迷必食！炸粉唔厚，裡面滿滿都係蘑菇同芝士，好特別，而且蘑菇都處理得好，唔會狂出水令到啲味淡晒，幾特別！ Tom Yum Mussels 好有東南亞風味，青口醬汁唔會太濃太搶味，椰香超出，青口細細粒口感幾好，而且仲食到青口嘅鮮味同椰子嘅香甜～ Crab Cake 🦀唔算好有驚喜但都唔錯～cake cake外層香脆，內裡都有充分嘅蟹肉，唔算好有記憶點但唔差的！ Ox Tongue Macaroni 🐂最有驚喜嘅一碟！一上菜見到得通粉睇落冇乜牛舌，以為偷工減料，但錯晒😨佢哋將牛舌切到細細粒，食落每啖都有啲煮到好軟熟嘅口舌，而且調味都幾好，唔會太膩，而通粉亦al dante ，有驚喜！ 總括嚟講都係一間值得一試嘅餐廳，不過份量偏少，可能真係要嗌多幾碟先夠飽🥲

首先，前菜係牛油果菠菜沙拉，非常開胃，新鮮嘅牛油果同埋脆嫩的菠菜相得益彰，再加上車厘茄，口感清爽宜人，醬汁的微酸勾勒出食材的原汁原味。😋另外，我哋亦都點咗海鮮扁麵條，新鮮嘅青口非常大隻，又爽口，麵條Q彈有嚼勁，上面灑滿咗好多芝士同蔥花，好creamy又帶出海鮮嘅味道。😌另外，我哋點咗肉丸，外酥內嫩，每一顆都包裹著濃郁的肉汁，好大粒，搭配特製的醬汁，風味更加豐富，醬汁酸酸甜甜，旁邊伴隨嘅法包沾咗醬汁之後好好食。😍蟹餅是這裡的招牌之一，外層酥脆，內裡的鮮嫩蟹肉散發出濃郁的海鮮香氣，。🦀金銀花以清新的花香和糖水搭配，清涼解渴，口感爽口。😌 至於朋友嘅無酒精雞尾酒，清新的水果香氣交織，非常開胃。🍹

今次我哋嚟到中環SOHO區嘅酒吧 Holy Eats，酒吧位於SOHO區嘅斜路上面，霓虹燈招牌好搶眼，一入到去坐低就覺得vibe好好正，好有放咗工之後要chill爆佢嘅感覺🤣叫咗個牛油果沙律，沙律醬入面食到牛油果嘅味道，應該係將牛油果整加落去醬汁入面，感覺非常健康，菜亦都好新鮮。食完咁健康嘅嘢，當然要叫下炸嘢啦，叫咗炸雞同埋fish and chips，兩樣嘢都炸到好香脆，攞嚟送酒一流，而且份量亦都唔少。炸雞好脆好邪惡✨最後再加多個牛肉taco,已經唔係好食得落，但係Taco調味啱啱好，又香又有口感，最後都係食晒🤣今日試咗佢哋嘅罐裝Cocktail，酒精around都係4至5%，飲得出有啲酒味但又唔會好濃,比較似係fruity嘅softdrinks，啱晒唔係太飲到酒嘅女仔❤我地叫左一個係lime一個係citrus flavour 正🙈

喺中環返工，大家都一定會推薦呢間玩味十足嘅Cocktail Bar。餐廳食物味道有保證，又有各式各樣嘅特色調酒，價錢仲尚可接受，真心推介。餐廳加入玩味十足的紋身牆、霓虹燈和塗鴉等元素，形成獨特風格。菜式多用上亞洲或本地食材再配合西式煮法。我哋一行幾人，叫咗唔同食物share食，餐廳主打嘅Holy Fried Chicken，每台都會必點，新鮮炸起，熱辣辣，超香脆，入口啖啖肉，配上佢哋自家製嘅四川麻辣醬料，香口又惹味，肉質仲保持鮮嫩。aglio olio 一上碟已經聞到超香嘅大蒜味，意粉保持彈牙的口感，橄欖油將切碎的大蒜炒香，風味濃郁而不過於油膩。每一口都能品味到大蒜的香氣和橄欖油的滑順口感。另一推介係蟹肉餅，使用新鮮的蟹肉，質地鮮嫩,外觀通常呈現金黃色和酥脆的外殼，這是由於在煎炸過程中麵包糠的烘烤效果。酥脆而不油膩，同時保持內部的濕潤和鮮嫩。搭配著一些調味醬，如塔塔醬、檸檬汁或海鮮醬汁，提供一些酸度和清新感。

Soho區真係有好多隱世小店，形形色色咩菜式都有🤩難得出港島，緊係要去覓食下😋😋呢間holy eats一直係我既eating list，佢裝修風格係我個人幾鍾意嘅黑暗又帶點文化色彩👍🏻出面望係幾有feel🙌🏻而嘢食就係墨西哥x港式，幾特別，於是就捉左個朋友一齊試吓～小食叫左beef taco 🌮一人一件兩分食好開胃，好輕微既辣加生洋蔥芫荽，出奇地夾🤩good! 主食㨂左fish&chips，炸得剛好，唔厚粉，不過偏咸，點佢自家他他醬和莎莎醬就好惹味👍🏻👍🏻唔記得講佢個avocado spinach salad 🥗👍🏻👍🏻大大碟，足料比半個牛油果🥑好fresh又飽肚😋我哋仲好偶然地試左個pasta，不是平時認知中的麵，係creamy spinach fettuccine 🤣🤣感覺係薯仔蓉，有啲肉，好多香料，搞拌而成，配埋法包🥖食係好味🤤😆最後提提大家，餐廳較細，想食就記得book位！🥰🥰

去咗中環嘅Holys Eat試咗幾款特色菜式，真係好正！我試咗佢地嘅CAUlIFLOWER、HUMMUS WITH OX TONGUE、MAC DADDY N' CHEESE、PRAWN TACO、甜品FRENCH TOAST。 首先係CAUlIFLOWER，呢個菜式真係令人驚喜！烤得香脆嘅花椰菜配上孜然粉and sour cream，口感豐富，味道鮮美。如果你鍾意花椰菜同，呢個菜一定唔會令你失望！其次係HUMMUS WITH OX TONGUE，真係一份非常特別嘅開胃菜！鮮嫩多汁嘅牛舌配上香濃滑順嘅鷹嘴豆泥，味道層次分明。配上脆口嘅麵包，口感更加豐富。再來係MAC DADDY N' CHEESE，係一道濃郁嘅芝士通心粉！通心粉煮得剛好，芝士醬濃郁滑溜，每一口都帶出濃厚嘅芝士風味。有拉芝士嘅效果，如果你係芝士控，呢碗通心粉絕對能夠滿足你嘅味蕾！然後就係PRAWN TACO，真係一款美味又入口即化嘅墨西哥風味小食！新鮮嘅蝦肉配上酸甜嘅醬汁，包在脆口嘅玉米餅裡面，每一口都帶出鮮甜嘅海鮮風味。蝦有炸過，炸得啱啱好。臨尾再加上一份FRENCH TOAST，就係一款美味嘅法式吐司！吐司煎得金黃酥

今日星期五聽日唔使返工，梗係要去酒吧坐吓傾吓偈，放工未食嘢一定要搵一間又可以醫飽個肚又有啤酒飲嘅地方今日嚟咗呢間酒吧試下，入面枱嘅數量並不多，但係坐得非常舒服，有一盞非常大嘅水晶燈感覺優雅三文魚煎到外皮非常脆，肉質又夠嫩滑，三文魚的肉質柔軟，且具有一定的彈性，這種彈性使得它在咀嚼時更加順滑，不易結塊，肉質鮮嫩多汁，帶有一絲絲的油脂。這種油脂賦予了三文魚獨特的滋味和口感，使其更加美味，上面放有獨家嘅醬汁，令到味道非常出眾，旁邊放有兩棵新鮮嫩綠嘅西蘭花，非常健康炸雞，酥脆，嫩滑：炸雞肉質嫩滑多汁，咬下去時不會有過多的嚼勁，非常容易咀嚼，又多汁炸雞烹調得當，內部肉質保持多汁，吃起來不會感到乾炸雞肉質鮮嫩，保持了肉的原汁原味，又夠香脆，炸雞經過特殊的調味和，使得外皮帶有香氣，並且呈現出脆脆的口感Garlic Butter Prawn蒜蓉牛油大蝦十分惹味，蝦肉大大隻，而且由於大蝦已開邊，因此蒜蓉更入味，大蝦入口爽脆，醬汁很惹味，很香的牛油味，醬汁是自家製的，廚房很出色，值得一讚👍

朋友帶我行到中環soho區覓食平時真係好少行到咁上原來都有好多餐廳架啵餐廳用咗霓虹燈做裝飾加上環境暗黑好有feel 🫶🏻見到有唔少外國人會專登入嚟坐低飲兩杯傾偈招牌菜式Holy fries chicken炸雞炸到香脆可口但雞肉依然保持Juicy伴菜既青瓜加上yoghurt一啲都唔馬虎OX tongue macaroni 牛舌滿滿的，同通心粉做到差唔轉大小每啖都平均有牛肉同埋通心粉份量大碟，醬汁好惹味Mushroom croquette大推大家嚟到必須要試嘅item外面炸到脆卜卜切開原來裏面係滿滿嘅蘑菇外面脆口外面滿滿忌廉蘑菇醬好Juice口感好豐富

中環蘇豪區酒吧林立，美酒配佳餚，當然不乏各國佳餚，昨晚食嘅係位於蘇豪伊利近街嘅 Holy Eats 好易食- Mac Daddy N' Cheese：焗芝士通心粉，上台時芝味香噴噴，略帶焦香，經典英式前菜- Homemade Hummus：中東名物鷹嘴豆泥配麵包，有少少蕃茄仔同青椒提味，有營養又好味 - Tom Yum Mussels Pot 1/2 KG：冬陰功青口，貨真價實係半公斤，大大煲，汁料冬陰功湯極為香濃，青口又滑又有咬口，好開胃，叫幾多都唔夠分- Cauliflower Taco：椰菜花配墨西哥卷餅，經香炸後嘅椰菜花係熱辣辣、脆卜卜，香口惹味，食落過癮Holy Eats食物類型多，飲品menu其實都一樣咁多，從alcoholic到non-alcoholic應有盡有，放工去chill真係唔錯

餐廳位於香港中環蘇豪區，設計非常時尚，燈光陰暗，亦都有摩登嘅音樂，好適合聚會或者去拍拖。Crab cake大大嚿嘅 crab cake外層煎好香脆，蟹肉亦都超級鮮味，再加埋自家製嘅醬汁，每一啖都好滿足。Tartar sauce peach salsa呢杯Cocktail係用西柚汁作為基礎，再加埋少許嘅酒精同埋梳打水，好fresh之餘每一啖都充滿刺激。Aglio olio Chili paisleyPasta係linguine，煮得啱啱好，達到al Dante嘅效果，醬汁亦都非常香濃，加埋少許嘅辣味，係超好嘅配搭。Grilled NZ Rib EyeCooked with medium rare fries and garlic牛扒係用Grill嘅方法煮，所以煮出有強烈嘅焦香，牛扒亦都充滿肉汁，淡淡都好Juicy。薯條炸得超級香脆，亦都配有烤蒜頭，用嚟配牛扒同薯條都一流。