好景餐廳小廚

营业中

休息中

“要安樂就唔好嚟”此金句係由呢間舖嘅人講嘅!貪方便門口停得車，都幫襯咗好多次，前幾日貼紙話連續休息幾日，開返就個個職員面口唔多好睇，成家人都坐底食飯唔望佢地，過咗廿分鐘屋企人有事走先，我同老婆同個仔繼續食。小朋友食飯快極有限，班樓面C9唔停收呢收路，連我老婆筆緊碗湯都收埋，老婆已經好聲好氣話仲要，點知俾個大6口音C9話佢:你都食完啦！。。老婆氣頂駁返佢，唔該你地唔好再嚟收野住，我地未走㗎!點知有個女樓面企佢隔離㩒住張枱係咁睥實佢，老婆同佢對望2分鐘之後終於行開咗，我食緊飯之際有個大約30歲男人沖埋嚟一路口講住:仲要唔要㗎?。。老婆叫住佢話仲食緊，點知佢已經攞起晒我食緊碟魚，我叫住佢返嚟，佢話都食晒啦！要嚟做X野呀！咁我係要就就要㗎啦！係咪唔得呀？!。。戲肉嚟啦！呢條友爆晒粗兼向住張枱掟爛隻碟(有相為証)大聲凶我:呢度我地方!我話點就點!。。老婆攞手機出嚟影底過程，點知條友一手搶咗去仲鬧佢:影乜X野呀！。。我預備攞電話報警，有個阿叔拉住我叫我算，唔好嚇親細路!。。好!見俾返個電話我老婆，佢又收嗲掉頭走，我咪收火同個阿叔講:我都係想食餐安樂飯啫，你地幾百人係咁煩住晒!。。頭先睥我老婆個樓面

講到食店多少，屯門井財街真可與元朗教育路相題並論，種類也十分之多。下午茶時段，先找間老店茶餐廳試試，店內環境整潔，可能是舊式茶餐廳，卡位比較窄，但一人坐下也很寬敞，點了一個下午茶餐"星洲炒米"。單看賣相已經靚仔，配菜很足，青椒洋蔥爽口配合九王真係一絶，炒蛋很香有咖哩味，火腿鄉絲及蝦仁份量很足，蝦仁很鮮又比一般偏大，再加小小辣油更加提升食量，大大碟一般可以兩人份量，但我一人也完結了他美滿一餐只須$37元，真抵食

工作中遊到屯門，到了午餐時間，住屯門同事介紹呢間，話炒嘢好味！門口可以泊車，普通茶餐廳格局，坐近窗卡位方便睇車，卡位幾窄，四個大人坐幾迫！當時過了午餐高峰期，見店員正在拖地，加餐具！快快落單！午餐：豉椒班腩炒河（$40）上菜已經好驚喜，賣相靚仔，蔬菜多，青椒洋蔥爽口，班腩好多件，炸過金黃色，炸粉唔會好厚，腩肉好滑唔腥（講真我唔鍾意食班腩，因為好多時都腥兼嚡）唔似雪貨！河粉滑身彈牙！撈汁食好正！估唔到無期望反而有大驚喜！店員手腳爽快，比較cool!正常茶餐廳服務！一定要食炒嘢！

今天不想行太遠，就到了附近的大排檔來開餐，除了店外的有風味，大熱天時，室內的冷氣實在救了我，今天就坐入面啦。上台不要多說，先來了一大碗例湯，爽手的呀姐好快咁就落左幾道小菜，價錢大概在$60-70左右啦，人均$60左右/ 3道。來了我最愛的魚香茄子煲，索哂汁很入味yummy.美味骨其實姐好似咕嚕肉，不過炸過既排骨，肉質鬆化配上酸酸甜甜既汁很下飯啦..魚肉結實唔會散成一舊舊，好食..總括: 有鑊氣，小炒很對版，可以一試!

炒餸食飯好地方,今晚叫左個咸蛋蒸肉餅,黑淑牛柳兩個餸,以咁既價錢直頭係超水準既評價。咸蛋蒸肉餅基本上佢係收到ORDER就即蒸,雖然要等十零分鐘,肉氳係半肥瘦,食入口唔會太硬太軟,加埋咸蛋既味索晒入肉餅到,夠入味。黑淑牛柳最緊要夠晒鑊氣,等既時間唔長,牛柳佢煮得夠淋,汁又唔會搶左牛肉本身既味,黑淑汁就有小小辣,送飯就一流!加多杯高杯野飲都係加6蚊,認真抵飲抵食,食餸前仲會免費送例湯tim。

星期日來到屯門，又是在井財街找 late lunch 的時候了。不過，是日不想走太遠，一落了大樓梯就在這幾個X寶商場尋。而結論就是，這一家地方大而我又未食過的《好景餐廳小廚》。未食中午飯的我，當然是圖一個炒粉麵做下午 tea 的主食，所以，我就點了一個香港茶仔獨有的干炒牛意。茶餐廳，把干炒牛河改良，變成了一個既中又西的意大利粉，味道上，其實同干炒牛河沒分別，只是以意粉取代了河粉而已。好的，是更惹味，不好的，是需要更多油去炒，再不好的，這茶餐廳用的牛肉片也太大片了。感覺一般般，為求食飽，是旦食，要求不高。

男朋友成日都同我講話屯門有間餐廳食蜜糖雞翼好正 講左咁耐 佢終於帶左我去試啦 happy $58有10隻 仲有2碗例湯送tim不過應該都係味精湯所以冇興趣飲言歸正傳 講 返個蜜糖雞翼先外皮好脆 好香口 又充滿蜜糖咬左第一啖 嘩..d肉好嫩好多汁好juice 正到呢！男朋友果然冇介紹錯

Such restaurant is the worst that I have ever been! 沙爹牛肉飽係焦嘅！服務態度又差! 叫佢換個飽，d waitress 就即刻俾面色你睇，一時又反問你真係唔食吖，一時又話其實食得落口。最厲害係叫佢幫忙去咗焦黑嘅飽皮，佢竟然叫你自己諗辦法la! 真係有佢講無人講！

好景係屋苑附近o既茶餐廳,黎食o既客大多數都係住附近o既街坊,我多數係近秋冬先會去食,因為會有煲仔飯呀,佢d煲仔飯好正架,即叫即煲,等20 mins左右啦,多數都食咸魚肉餅,肉餅又夠多,一個人都可以食晒一煲呀,d飯又唔會太硬太林...仲有會食下臘味煲仔飯同雞呀,排骨呀都ok,不過我都係鍾意肉餅多d...我就算出廟街食...都唔好食...食煲仔飯我首選都係好景先,三十幾蚊一個,又唔算太貴,份量又份食,唔錯~仲有d特式火鍋,有醉雞呀,羊腩煲呀,奇味雞煲, 魚頭鍋咁...我食過醉雞,都唔差,大半隻肥雞,同埋食奇味雞煲,半隻都好多,個味都幾好,少少辣,都幾濃味架,同油左d...再淥d菜落去都好油...同埋佢都仲有d火鍋配料揀,有d廿蚊,仲可以雙拚,要求唔高o既都可以黎試下...佢平時都好full,坐到出面都係台,好誇張,茶餐廳黎講都算唔錯啦,街坊生意,都唔算太貴...

OCT 4, 2009 (SUN) DINNER細路仔好想食個扖餐，於是今日又嚟呢度食，不過除咗佢，我哋決定試吓D小菜！鐵板美國西冷扖餐 $46 凍飲+$2今晚個鐵板餐嚟得好遲，我哋都差唔多食飽先嚟！還是好大份，不過不及上次咁好味，好似無咩味道咁，薯條都一樣好多好脆，意粉同樣大碟到得人驚，弟弟好努力都係食唔哂！一大湯砵嘅湯，係佛手瓜煲雞腳，味道唔欣賞la！小菜餐飯 椒鹽鮮魷 $42第一碟上場就係佢，份量中等，味道唔錯，魷魚新鮮軟熟唔會太乾！3餸套餐 $108椒鹽肉排 ~ 份量亦屬中等，可能係因為我食得淡嘅關係，我覺得椒鹽味太鹹，但整體都係好味的！西蘭花炒牛肉 ~ 都幾大碟，菜同牛肉都多，西蘭花有少微黃，加上乾蔥&金筍令顏色幾靚，味道唔錯！梅菜扣肉 ~ 好大煲，份量十足，梅菜浸得唔夠鹹咗D，扣肉肥瘦適中，好入味！可能係梅菜&扣肉嘅關係，墊底嘅白菜仔太黃太油太腍，無人欣賞！跟餐凍檸茶2杯 +$12 好大杯，不過唔夠味，淡咗D！負責招待我哋個哥哥仔好落力，好有禮貌，真係服務一流！

SEP 13, 2009 (SUN) DINNER鐵板扖王餐 $46 「凍飲 +$2」牛仔骨扖 (跟意粉) 配凍檸茶哇！原來牛仔骨扖係原條牛仔骨沒切的，且跟一般的大塊好多，還有兩大塊，仲有一大片厚厚的新鮮蕃茄煎得好香，一大堆什豆&大量薯條！真的見到就開心喇！意粉係分開上的，非常的多足有一整碟，煮法有著小時候的風味，真的很回味！美國西冷牛扖 配凍奶茶原本弟弟想叫免翁西冷牛扖，但個姐姐話原來美國同免翁嘅西冷牛扖係無咩分別嘅！於是弟弟都係食返美國西冷牛扖喎！哇！哇！哇！真係咩叫大件夾抵食，咪就係呢D囉！真係足足有成塊鐵板咁大塊，好利害呀！仲係厚切添！係無落鬆肉粉&梳打粉架！牛肉味豐厚，真的剛好7成熟，真了不起！因為大家有無發覺一般問幾成熟嘅餐廳都係得個問字，嚟到唔係熟過龍，就是生過頭！大大塊嘅牛排餐，唔止有薯菜底，另也再跟大大碟炒得好好味道嘅意粉，兩個人食都夠有餘呀！等了足有半個鐘也是物超所值的！正正正！有水準必試！潮式蠔仔肉碎泡飯 $26 配熱杏霜呢個蠔仔肉碎泡飯點止蠔仔咁簡單，全是蠔哥哥、蠔姐姐嚟的，而且仲係大家庭嚟添，非常的多！所有蠔代表集合在一個大湯碗裡，加上肉碎家族都嚟趁趁熱鬧，非

今日我地放工, 揸住架車諗住返元朗食個面就算...點知又見到我地平時行過紅橋前dd 油站對面果間, 個招牌金光閃閃既4川菜新開既店, 次次行過先記得成日都話去試, 今日我地決定唔好再拖, 就而家去試! 寧願兜路返轉頭! 我地迫好車...果度真係柳暗花明又一村, 原來都幾多食店, 有粉面, 有酒樓, 打冷, 好幾茶餐廳, 有d 葵芳"盛芳街" 果頭既影子....好多食店人多時開埋出面, 好似大排檔咁...不過咁熱, 我地當然唔會食大排檔啦. 去度果間我地一心要試既4 川菜...見到個門口d 餐牌 o 晒咀 ...又焗飯又粉面又多花son, 唔知想點....only 最右面有張好大既野寫住正宗麻辣湯底...但我倆已沒有興趣再行前多步了....行返轉頭, 又見到有間好大既茶餐廳...門口左邊係粉面, 入面好大間....有lcd tv 比我地送飯.個裝修真係好懷舊...諗起細個mami 成日帶我去我舅父間茶餐廳食法蘭西多士+紅豆冰...好正.& then 佢地d 食物係經部lift 送的...唔知樓上or 樓下...次次有食物到都bb 聲, 又係懷舊的東西. 而家好少見了....睇埋個快餐餐牌

日期：26/9/2007早上十一點幾同男友搵食，見哩間餐廳企企理理，於是入去試一試．１．三色蒸水蛋：好滑，又好夠味．２．京都排骨飯：酸酸甜甜，好開胃．