好景餐廳小廚

营业中

休息中

今日去食晚餐，餐廳環境比較舊，但還算乾淨。今次選擇叫外賣😇😇😇叫左幾樣推薦椒鹽蝦、雞煲👍🏻👍🏻👍🏻白飯吾係任裝😂😂每樣小菜十分惹味😍😍😍😍雞煲超級入味，已經十分足料椒鹽蝦卜卜脆，殼都食埋😂😂海鮮炒河好足料，有魚、蝦、魷魚🦑仲有揚州炒飯，勁大隻蝦，又有菜，鑊氣10分充足👍🏻👍🏻炒飯底好香，啲飯又吾會太淋，而且成盒滿晒，超級抵食👍🏻👍🏻👍🏻👍🏻

今日22/3 晚用openrice 外賣自取落單 結果去到都未有 原來佢根本無落單 去到幾個職員無人講答到 後尾有一個黑衫後生既出黎 插番部機 先知原來佢根本無開機 我就話係咁你就取消左openrice落單 唔好係度陰人 仲要比晒錢無飯食 黑衫男就用黑社會口吻恐嚇叫我走 態度非常惡劣 絕對係黑、店**********=*==******************************

爸爸指定飯堂！次次都一定去叫條魚食。早前限聚令好耐無三人行，今次我地一家終於出去食下野。講返間餐廳，林立紅橋區好耐，而屋企老人家鐘意舊式餐廳！睇返價錢，$60一個小菜黎講真係一啲都唔貴，我地叫左三個小菜。次次食佢既西檸雞覺得好好食😋今次試試個豬扒。都好夠味，如果鬆軟d更好。都係西檸雞好食😋魚係指定菜，今次試一試檸檬烏頭，一樣非常入味同正。魚唔會蒸得過老。金銀蛋菜心，食開蒜蓉炒，今日感覺仲健康左。加多一個白飯同2杯飲品，價錢都係$200左右。算係平民飯堂，今日有魚有肉有菜😋滿足了。

小弟都好耐冇食過好景餐廳了除左餐廳衛生問題外廚師水準次次都唔同煮得好食既真係要還神今日同老婆難得早起身見肚餓就落街食午餐見到好景午餐有老婆最愛既椒鹽豬扒飯我最愛既咸蛋蒸肉餅同干炒牛河講真句……係明知道中伏既機會大都要食鬼叫佢餐牌d飯吸引咩，哈哈坐底後，侍應落單速度都幾快但呢間野既缺點就係，當你叫果樣冇果樣叫呢樣冇呢樣明知某d餐賣哂，點解唔刪走佢？結果叫左個好難食既福建炒飯同椒鹽豬扒飯坐底叫完野食後，次次留意餐檯d陰暗位置總會發現有觸鬚既昆蟲 爬黎爬去好采係細細隻，都冇咁嚇人！侍應先放低兩碗例湯……我最尊敬呢間餐廳既就係例湯無論幾時都好，煲乜野料既湯都好飲落口都係同一個味道我試左一啖就擺底，都係算把啦之後就係福建炒飯……賣相係ok既但食落就發現個汁好咸配料唔似福建炒飯既配料似係餐廳就快過期既食物炒埋一堆然後配炒飯底，求求其其就算d餸無味之餘，d冰鮮蝦仲要有少少霉勉強食左5啖 都係投降，食唔落……其次就係老婆既椒鹽豬扒飯……先講豬扒，小弟都知道一間餐廳做得午餐一定會炸定大量既豬扒，呢d走唔甩但都唔洗炸到乾哂,d肉仲要霉丫……椒鹽味好明顯師傅未夠班，求其比d辣椒同葱 加d鹽就叫椒鹽嗎？老婆食

不用多講，從未食過一間可以日日都有咁多小強同米奇周圍走而又沒負責人去理會嘅餐廳，啲職員都懶得理咁款 ，可能佢地都對慣晒，但現在社會環境，啲食客真係可以容忍倒咁嘅（衛生環境），唔怕睇醫生腸胃炎嘅朋友，可以試吓！👍👍👍

今日喊午茶，同事話想出去食，於是就過咗嚟呢一間餐廳度食下午茶！我經過老闆推薦，就叫咗個西多士啦！佢話近排啲西多士都做得唔錯，而且個處亦都好純熟做西多士！於是就叫咗啦！不到5分鐘，個西多士終於到咗啦！西多士炸得好香脆！而且未大金王！在天上$1牛油想去，個牛油好似笑口牌牛油一樣咁香！加上佢係用呢個糖漿造成！唔似外面有啲餐廳用呢一個連埋當俾咗牛油同埋糖漿哦！我覺得佢嘅做法唔錯啊！裏面仲有香濃嘅花生醬！呢個花生醬係粗粒版，好友趙口！再配埋杯凍檸茶真係錦上添花！

好少寫食評，更少俾差評，但為咗大家嘅健康着想，決定要寫一篇。尋日下午去咗一間普通茶餐廳食嘢，叫咗個咖喱牛腩飯，食完先發覺有一隻斷咗一半疑似係曱甴嘅昆蟲，即時面都青埋，再撈吓個底再發現佢嘅尾，極度懷疑個身我已經食咗落肚。咁都算，諗住叫阿姐嚟同佢反映吓，點知佢望咗一眼，向我報以一個見怪不怪大驚少怪嘅笑容。到時平時見慣咩嘢嘅場面先會覺得嘢食入面有曱甴係大驚少怪呢？我唔敢諗落去，速速埋單走人。要唔要去食，大家自己諗喇。

行完街過嚟食個下午茶，你又嬲嬲豬話要食個薯條炸雞配罐可樂大約5分鐘左右就到左啦，作為朋友嘅我當然要幫佢去肢解左成隻雞翼佢啦，於是我睇一睇， 發覺其實佢都唔係特別做得特別好，雞皮揸得差個窿，而且佢塊皮亦都爛咗好多，都唔知廚房點樣處理嘅，而裏面嘅肉都算揸得夠熟，只係比較肥咗少少，希望下次佢哋可以改善！另外薯條就真係一般般啦，唔係佢因為太窿而係佢嘅薯條可能真係唔係太過有薯條味，對比起兩個月前食嘅我覺得佢哋換咗供應商囉！呢度嘅環境以往都係一般㗎啦，只不過係貪佢平，但而家乜都貴嘅時候佢真係性價比唔高啦

兆康返工絕對係冇啖好食，兆康苑商場果三間茶記真係食到成肚火，又貴又污糟仲要態度惡劣。所以lunch我通常去遠D食。呢間野我食左好多次，基本上十次有十次都係食佢既鹽焗雞飯，簡直係無敵，我估唔到44蚊可以食到咁高質既雞飯。呢口價包埋個例湯，個例湯係大碗到好似唔使本咁，雖然唔知有冇落咩調味料，但有D豬骨瘦肉食下，都叫唔話得。重點係個雞飯！我敢講仲好食過高級餐廳D雞！雞肉嫩到痺，鹽濃度岩岩好，D雞油滲埋落飯度，仲正過海南雞飯既油飯，真係多多都食得哂。碟雞份量驚人，有時仲有雞脾肉食，正！最後碗配埋大大杯凍檸茶，滿足。

呢間茶餐廳都係呢區開咗好多年 基本上飯市都多人 主要係佢價錢親民 而且食物亦都對得住個價錢晚市嚟講 小菜大概五十零 60蚊 份量都ok嘅 味道方面 當然你唔會期望米芝蓮嘅水準 但絕對唔會話好難食嘅做得比較出色嘅中有佢嘅海南雞啦 滑蛋蝦仁都唔錯

呢間食過幾次，每次都見枱枱客喺度等到黑晒面都無得食，追完又追，外賣客喺門口等到頂唔順撞入黎講「不如妳求其比個飯我啦！等咗好耐喇」。眼見成間餐廳人就座滿，有得食既就得幾枱，隔離左右d枱起碼要40分鐘先有第一碟餸，我等咗差不多一個鐘再問佢d餸係咪整緊，佢問我掙d咩，我話咩都未黎，佢拿支筆同本單簿出黎問我食D咩，我即時叫佢唔好寫，去廚房睇係咪整緊，佢出返黎答我「係呀漏咗單」，我同屋企人嬲到企起身走，同屋企人等咗一個鐘一粒飯都無得食，重要漏單，這間食堂只懂招手叫人入座宜做事得過且過的經營手法實在另人氣憤，就算食物幾大份幾平都不會有味道，如肚餓者慎入

"好景茶餐廳"這是我和老公的飯堂，因為在家樓下，所以非常方便，午餐晚餐間中都會幫襯好景茶餐廳特點是~餸菜很大碟材料很充足 價錢非常大眾化 特別是午餐精選 完全是體力勞動等工人的首選 午餐精選40蚊一個套餐，又有大大碗老火靚湯和一杯熱飲，非常抵食這次我叫了"鹹蛋黃蒸肉餅飯"，大大粒鹹蛋黃舖在軟綿綿的蒸肉餅上層，食物賣相吸引， 鋪上蔥粒增加肉餅嘅香氣 遠處望到聞到都流曬口水，蒸肉餅非常軟身， 連同肉汁撈在白飯上，真的食到停不了口 我發覺肉餅軟身的原因是加了少許肥豬肉，所以想瘦身的我難免要忘記減肥好景茶餐廳的熱奶茶非常香濃又滑，茶同奶的配搭剛好，我加了兩羹糖後，飲起來味道更佳 最重要是沒有茶的苦澀味存在。老公叫了 "肉片豉油皇炒公仔麵"， 肉片軟淋， 連同豆芽、青蔥、洋蔥、公仔麵一起炒得很香口！ 茶餐廳嘅鑊氣功底十足！ 老公叫了加兩蚊凍飲~凍奶茶，味道一樣咁香濃好飲。另外我朋友叫了常餐，常餐是全天都供應的 可自選粉麵、加兩款餸及一杯嘢飲，都只係32蚊 我朋友叫了煎蛋、炸豬扒米粉， 煎蛋是蛋黃流心的， 豬扒煎得很入味而且很軟淋 價錢超抵食！

呢間茶餐廳，晚晚都會坐滿座! 甚至會在街邊擺枱櫈! 可惜最近食環執行嚴格，所以減少了街邊的檯凳和座位。咖哩牛肉飯 $ 40 ，非常大碟很多咖哩和牛肉!! 咖哩非常濃，不會是太稀，而辣味適中，亦不是 辣椒油的辣，而是咖哩本身的辣。飯的份量也很多隆重推薦：芝麻蜜汁豬頸肉!!! $52（這個是小菜，沒有飯，需另加錢。）是我吃過最好味最好味的豬頸肉!!它的蜜汁超多，可以看見廚師很大方地用了了很多蜜汁去炒。而豬頸肉的分量也很多! 真的是超好味，不是誇張! 不過一個人食會很滯，所以好像我們兩個人，叫一碟小菜加一個碟頭飯，份量剛剛好!

咁又一日，晚餐：係簡簡單單就一個外賣（飯盒係粟米肉粒飯） 叫極都係E款，或咖喱牛腩、星洲炒米，三種。呢一盒粟米肉粒飯，好多飯但係唔太多汁， 而且個粟米汁比較稀，肉粒唔夠多如果多啲會比較好，呢個粟米汁唔係我想像般咁樣甜甜地嘅，相反係比較鹹，我都唔明白點解粟米汁要整個鹹，嗰啲粟米粒仲好散，唔係一粒粒大粒嘅嗰一種，嗰啲豬肉粒係好硬而且都係好鹹， 反而最妥當係個飯，飯粒分明之餘又夠飯香， 呢盒飯最好食就係個飯。多除少補之下味道都叫0K既， 是是但但又一餐啦。

今日唔想去咁遠食飯，就近近地搭幾個輕鐵站去虹橋搵野食。見到呢間茶餐廳有幾張枱排緊隊，D小菜套餐又平平地$50-$60有交易，仲送埋湯，不過白飯就要另加$8。又揀左我既最愛－西蘭花炒花枝片($58)有鑊氣，花枝片夠大塊，加埋蝦醬真係一絕另外老公嗌左佢最中意既梅菜扣肉煲($52)好入味，D扣肉夠晒肥，送飯一流最後連兩個白飯$126蚊埋單