影片
港铁香港大学站 B1 出口, 步行约2分钟
继续阅读
营业时间
今日营业
10:30 - 23:30
星期一至日
10:30 - 23:30
公众假期
10:30 - 23:30
公众假期前夕
10:30 - 23:30
以上资料只供参考，请与餐厅确认详情
食家推介
你身邊有冇啲朋友，一啲話螺絲粉好好食，一啲話螺絲粉好臭好難食？我自己身邊就有呢兩批人喇我自己食過一次即食杯麵嗰種，但真係唔識欣賞。朋友話我未去食過一間真正嘅螺絲粉所以先會咁comment。為咗唔好誣蔑螺螄粉，咁所以我今日特登去到西環試吓呢間好螺記。招牌鍋燒螺絲粉（$52）：份量好大！配料有生菜，木耳絲，脆花生，酸豆角，蔥，薄脆同埋芫荽。鍋燒即係將豬肉件拎去炸，然後再切薄片，所以咬落去外面四邊都好脆（我覺得有少少似食緊薄片嘅燒肉咁）。豬肉半肥瘦，所以一啲都唔韌，果然係招牌。佢嘅湯底因為加咗酸豆角，食落酸酸辣辣咁。至於麵質，我覺得佢係煙靭版嘅米線，口感唔錯。舖頭仲接咗告示喺枱面話「加底加粉免費」，真係好好。香酥蝦卷（$38）：一客有五條。即叫即炸，外皮炸得脆脆地咁。咬落彈牙。酸梅湯（跟餐$6）：酸梅湯係自家製嘅。酸酸maymay又唔係咁甜,幾開胃。今餐令我對螺螄粉改觀左。的確唔錯既。所以有陣時都係要靠自己食過先知。
继续阅读
聽過螺螄粉呢樣嘢好耐，成日聽見傳聞係好臭，所以一直都唔敢試🤣呢日經過呢間喺堅尼地城嘅螺螄粉店，門口竟然聞唔到任何臭味😳就決定要搵日嚟試吓呢間餐廳除咗螺螄粉之外，仲有幾款唔同嘅粉麵，有撈嘅桂林米粉同埋牛骨原湯拉麵🐮估唔到仲有螺螄飯添，配菜方面就主要係牛腩、牛肉、肥腸、豬手等，有一款比較特別嘅鍋燒，即係炸咗嘅豬頸肉🐷既然嚟到就梗係要挑戰吓螺螄粉，我哋分別叫咗牛肉螺螄粉（$52)同埋肥腸螺螄粉($52)，兩款都係要咗BB辣🌶️碗麵嚟到嘅時候見到紅噹噹，都有少少驚一驚，好在食落又唔係好辣，出奇地真係冇咩臭味😆入邊嘅粉就有啲似米線，都幾爽口煙韌，配料方面就有炸腐皮、田螺、酸筍、花生、木耳絲、生菜等，都幾豐富，牛肉同肥腸嘅份量都幾多😗個人就比較鍾意肥腸，滷得幾入味，餐牌仲有好多其他配料可以加，我就加咗招牌嘅炸蛋（$12）同埋豆腐串（$8），炸蛋炸到蓬鬆酥脆🍳同豆腐串一樣都索晒啲湯汁精華，唔夠飽嘅話呢度仲可以免費加粉添🤓呢度加配嘢飲都唔係好貴，豆漿、酸梅湯等跟餐都係+$6，算係幾抵食😎
继续阅读
新年快到，同屋企人去西環辦年貨，買海味，遇上呢間好出色嘅螺螄粉去到啱啱中午12點，仲未到放飯時間，所以唔需要等位。環境都算好乾淨整潔，座位非常多。睇咗餐牌，喺門口落單同埋付款，就可以搵位坐低。見到枱面上寫住，可以免費加粉如果唔夠飽，免費加一次粉，咁又幾好喎。招牌鍋燒螺螄粉再加一隻炸蛋超巨型一大碗！配菜非常多，係每一樣嘅份量都好多，超滿足！個湯好好飲，好彩我叫咗小辣，岩岩好，飲晒佢一啲難度都冇😄😄令我最驚喜既係依幾塊炸豬肉，佢嘅豬皮係十級香脆，就算浸咗湯，都好似食緊超脆嘅乳豬皮咁！非常神奇！依種口感，真係前所未有！除咗湯麵之外，佢哋仲有提供客飯，價錢非常大眾化， 40幾蚊都有交易同屋企人一齊食，可以叫埋小食，飲品，坐下休息吓，又再出去海味街搏殺😄😄
继续阅读
《香濃正宗螺絲粉😝》———————————————-#好螺記 😌-早排同朋友經過西環呢間以螺螄粉聞名嘅小店，之前都未食過螺螄粉，就入咗去體驗下😂估唔到咁有驚喜！-🐽 虎皮豬手螺螄粉螺絲粉熱辣辣，螺螄粉煙韌有嚼勁，裡面嘅配料都幾豐富，有生菜、蘿蔔乾、酸筍、酸豆腐、炸腐皮等，味道濃郁😍-🍜 招牌鍋燒桂林米粉另一碗我哋就揀咗少辣嘅桂林米粉，正宗吃法，係要撈匀食咗粉先，再加入滷水湯，麵質爽身彈牙，口感好正🙌🏻-另外嗌多咗個小食，香脆小酥肉內裡肉質彈牙，外層脆卜卜，浸埋落麵嘅湯底度食都幾唔錯😚-🍌 抵deal 指數：7/10
继续阅读
✨西環好螺記美食探店✨最近發現了西環一家超正點的螺絲粉店——好螺記，今天就來和大家分享一下我的美食體驗吧！🤤【虎皮豬手螺絲粉】一上桌就被這份虎皮豬手螺絲粉的顏值吸引了！豬手皮脆肉嫩，搭配上Q彈的螺絲粉，每一口都是滿足感爆棚！再加上秘製的醬汁，香而不膩，簡直是勁道到飛起！這裡的虎皮豬手處理得恰到好處，肥而不膩，吃一口就讓人停不下來。🍤【香酥蝦卷】來到好螺記怎能不試試他們的香酥蝦卷呢？外皮炸得金黃酥脆，內裡的蝦肉鮮嫩多汁，一口咬下去，滿口的海洋鮮味！再搭配上特製的醬料，更是讓人愛不釋口。🥤【酸梅湯飲品】最後來杯他們家的酸梅湯解解膩吧！這杯酸梅湯真的是解壓神器，酸酸甜甜的味道讓人喝得停不下來。而且他們的湯頭是現場熬製的，每一口都能喝出濃郁的果香和餅乾香，真的是超級推薦！總的來說，好螺記是一家性價比超高的螺絲粉店，無論是環境、服務還是味道都讓人印象深刻。如果你也愛吃螺絲粉，絕對不能錯過這家店哦！快去試試看吧，保準你吃了一次就會愛上！😋
继续阅读