好運泰國美食

营业中

休息中

泰國旅行的回憶念念不忘，回到香港後，對於泰菜的熱愛只係愈發強烈，百吃不厭。約親戚食飯，作為街坊的他們，都推介新蒲崗的「好運泰國美食」，又再次品嚐到正宗的泰國味道。⟢ 1. 肉碎生菜包新鮮生菜包裹著香噴噴熱辣辣的肉碎，肉碎中加入了香料與花生碎，非常惹味又富有辣香，一口又一口停不下來。其實生菜包除了惹味，還充滿健康感，適合想要輕食的人。⟢ 2. 泰式炒金邊粉（蝦肉）經典泰國街頭小吃，餐廳將金邊粉炒得非常地道，色澤金黃誘人。金邊粉非常有口感，而且蝦肉鮮甜，再搭配脆口的豆芽和花生，最後再添加酸酸的檸檬汁，整道菜更加提味，還原度十足。⟢ 3. 芒果糯米飯芒果糯米飯是泰式甜品必點之選。芒果非常鮮甜，搭配著香甜的椰漿糯米飯，無論是外觀還是味道都出色。值得一提的是，糯米飯有白糯米和紫米兩種，非常有趣，亦可以作打卡之用。⟢ 4. 椰汁冰 | 龍眼冰椰汁冰奶香味濃郁，龍眼冰則口感清爽。難怪這麼多街坊都推介好運泰國美食吧。喜愛泰國菜的，真的要親自來品嚐一下！

餐廳在新蒲崗廣場2樓，門前一個大魚缸，養了多條色彩繽紛的熱帶魚，裝修簡約，兼具日本及泰國風情。餐廳提供日式和泰式美食，今天我選了泰式午市套餐，喜歡泰菜香辣的味道。午市套餐有多款泰國特主食，並可以優惠價錢加配小食及飲品。主食：「泰式咖喱飯（牛）」，泰式青咖喱牛肉，青咖喱酸甜微辣，有陣陣清香。牛肉份量不少，有牛肉味，肉質腍軟之餘又有質感，口感不錯。咖喱伴飯真一流。「招牌海南雞飯」配油飯，轉雞脾。去骨雞脾，啖啖肉，肉質鮮嫩，雞味濃郁，配上甘香雞油飯和多款醬汁，特別滋味，果然是招牌菜。小食：「泰式炸蝦餅」，新鮮即炸，份外脆口，點上泰式香辣醬就更惹味。「酸辣無骨鳳爪」，爽口彈牙，加上酸辣味道，味道口感出奇地好。甜品：「芒果糯米飯」，精心佈置，雙色糯米飯搓成小團，配上芒果肉，更附上一壺椰奶。糯米飯加椰奶，是非常好的配搭。飲品：「泰國奶茶」、「泰國咖啡」，味道特別，比較甜，富泰國特色。這裏的食物質素，真可用“有驚喜”來形容，下次再來嚐晚餐。

餐廳位置比較隱蔽，位置不多，但感覺親民🍜 正宗泰式船河 $52 （豬頸肉+5）可以揀金邊粉或河粉，小熊貓今次就揀咗河粉～ 湯底味道豐富，食到濃郁香料味道，面底好大，香燒豬頸肉都好大塊，長到成隻匙羹🙊 🦐 虎蝦粉絲煲 $158一上枱香氣撲鼻，虎蝦大大隻，而且數量都多，餐廳好細心已經將佢開邊～ 粉絲吸晒所有精華，好入味，加上蒜蓉薑蔥，惹味👍🏼🥭 芒果糯米飯 $42食泰國嘢點少得芒果糯米飯～ 賣相好靚，見到食慾大增～ 芒果鮮甜，餐廳又好細心將糯米飯變成一口size💛 糯米煙煙韌韌，加埋椰汁甜味十足☺️

今日同朋友去咗新蒲崗食嘢，因為地理位置都近大家，之前都去過新蒲崗廣場，係一個好地道嘅商場，今日就去咗食一間泰國餐廳🇹🇭價錢非常親民，質素亦比想像中高。紫菜魷魚鬚🦑紫菜味幾濃郁💚魷魚鬚爽口彈牙。朋友叫咗豬頸肉湯檬，辣度仲要揀大辣🥵豬頸肉十分爽口，辣度刺激味蕾🔥湯檬軟硬度恰到好處。餐廳招牌海南雞飯果然系招牌菜，海南雞肉十分嫩滑，沾上酸辣醬同甜豉油更為滋味，酸辣醬刺激味蕾🔥甜豉油同海南雞系天作之合。油飯又吾系話太油膩，入口好滋味。朋友系飲青檸梳打🍋‍🟩泰國菜本身偏向油膩，青檸梳打就達至解膩作用。自己就好中意奶茶，所以去親泰國餐廳都叫泰式奶茶，奶茶茶底濃郁香醇🧡芒果糯米飯🥭又系泰國餐廳必叫，芒果香甜，糯米飯軟糯，蝶豆花顏色好靚💜配以椰汁更具夏日風情🏝️

餐廳位於新蒲崗商場，係你我身邊都有一個，補習社小食舖餐廳林立嘅街坊商場。搭扶手電梯上到去，第一下搵唔到間舖頭，兜咗個圈。近向下嘅扶手電梯，門口有個大魚缸嘅就係啦。原來舖頭一半係泰國菜，一半係日本菜，直程可以日式餃子配泰式奶茶，不過今日嘅Mood係想食泰國菜。嗌完食物之後，好快就上到菜。小食要左炭燒豬頸肉，份量都幾多。汁有少少似泰式酸辣醬加羅漢子醬，偏酸食到尾後勁都少少辣，不過唔點汁本身都好夠味，調味夠，有蒜香味。食泰國野一定會叫炒通菜架啦，要左個泰式炒通菜。份量都幾多下，啱啱炒起熱辣辣，但唔會炒到老哂，保留到菜嘅脆口。唔係好食得辣嘅都唔怕，辣度都有得揀，叫咗BB辣。啱啱好嘅辣，配上咸香嘅豆醬味，好惹味。香葉辣椒肉碎炒飯，都係揀咗BB辣。大概1.5碗嘅份量，呢個價錢嚟講好少地方做到了，更唔使講係泰國菜。肉碎、豆角粒、香葉加埋，增加左口感。泰式炒飯係偏濕身嘅，但都好有鑊氣。芒果糯米飯，有六個小糯米球，配上芒果，賣相好靚。糯米飯食落原來係熱嘅，椰汁都係有落鹽嗰種，夠正宗。芒果甜甜地配埋一口一件嘅糯米飯，為呢餐畫上完美句號。

今日同朋友去咗新蒲崗嘅好運泰國美食去到已經覺得餐廳環境好闊落 啲裝飾好有泰國風情我哋嗌咗泰式炸蝦餅，泰式船河，冬陰功湯粉同埋泰式燒魷魚筒全部嘢都好有驚喜！泰式船河同冬陰功湯粉我哋都揀咗要金邊粉，同埋雞肉首先佢啲雞肉全部都好嫩滑 完全唔會鞋啲金邊粉嘅軟硬度又恰到好處 泰式船河個湯底都幾香，而冬陰功湯粉湯底又唔會太過辣同埋佢嘅份量好足夠 我哋一人一個湯粉食完之後已經幾飽下至於泰式炸蝦餅上菜嘅時候已經熱辣辣外皮好脆 啲肉又好滑同鮮味至於燒魷魚筒又係即燒 個汁好惹味 酸酸辣辣地 夠哂開胃食埋兩個小食真係超級飽除咗嘢食之外我哋仲嗌咗支泰國象啤 勁大支 嗌一支其實已經夠晒兩個人飲臨尾再追加咗個泰式豬肉串燒又係啲肉勁嫩滑得來仲要燒到外皮微脆 好好食呢餐真係大滿足！

新蒲崗廣場2樓有一間嘅泰國菜，趁小朋友今日補完習去食下🙃我哋叫咗兩個主食，一個係菠蘿海鮮炒飯，炒飯十分有鑊氣，粒粒分明，仲有好豐富嘅配料，有蝦、肉鬆、魷魚等😆份量都唔少呢個粉絲蝦煲都做得幾出色，粉絲都幾多，蝦有幾大隻，配上少量嘅蒜蓉同辣椒，十分惹味。飲品方面叫咗個巨峰梳打同埋可樂，梳打大大杯，十分解渴。芒果糯米飯，賣相十分吸睛，有紫色同白色嘅糯米飯。糯米飯熱辣辣，軟糯糯，配上芒果蓉同埋椰汁，有多重嘅味道同埋口感。總結而言，係一間值得試嘅泰國菜。😇

「好運泰國美食」位於新蒲崗新蒲崗廣場2樓…….入門口有一個好大嘅魚缸……而且雖然在一個舊式的商場，但係店內裝修都幾有泰國風🤭🤭豬頸肉生菜包…….豬頸肉乾身的來不會太過鞋口…包生菜🥬食冇咁肥膩😂😂⋯⋯辣到我揀咗中辣剛剛好😚😚香葉辣椒肉碎炒飯（中辣）….辣辣地好惹味！肉碎同飯嘅比例剛剛好！泰式海南雞飯 …..雞件肥瘦適中，個油飯又唔會話太油膩幾好味！泰式蠔仔煎蛋餅….蛋味好香濃，味道不錯！

新蒲崗係個美食林立嘅地區，有好多特色小店，<好運泰國美食> 就係其中一間我就衝著泰菜而來，友人則觀察力強，憑裝潢就洞悉 <好運泰國美食> 係泰日 fusion，同一個鋪面，日菜部係<拾う月> （下次先試）<好運泰國美食> 店舖細細，但餐牌選擇多樣，無論係炒餸、炸物、湯粉麵、不同主食、甜點同飲品，都一應俱全店舖仲好細心咁提供靈活劃位，無論一人、兩口子定成家人/朋友，都可以享有相對獨立嘅空間用餐，食得舒舒服服是晚味蕾好貪心，所以一行2人嗌咗唔同種類嘅嘢食，大集匯泰式皮蛋釀蝦餅 ($78)個蝦餅炸得好脆又唔油，啖啖蝦膠，好滿足泰式炭燒豬頸肉 ($74)咪睇盛菜嘅碟唔大，但豬頸肉層層疊咁，份量好足 趁熱食，油脂喺口中融化，肉又爽口，仲有炭香，令人印象深刻 自由搭配海南雞飯嘅醬料，風味更多樣泰式海南雞飯 ($64 + 10 轉髀)最令人覺得驚喜，係泰式海南雞飯送個麵豉湯，令人體驗到泰日fusion 唔知係咪加 $10 轉髀有功，還是本身海南雞就係滑，海南雞集齊軟熟、滑同香濃雞味，搭香噴噴油飯食，冇得彈 炒通菜 ($58 + 5 馬拉

成個商場最旺就係呢間，所以排隊試下泰式炭燒豬頸肉 - $74輕微焦香的燒烤豬頸肉易咬，緊實但唔柴炭烤手法完美鎖住肉汁，每一口都juicy且富有層次感泰式海南雞飯 - $64雞肉滑嫩，皮膚薄而有彈性，米飯好彈牙唔爛正宗海南雞風味，雞肉嫩度一流，搭配薑蒜醬唔錯酸辣豬頸肉 - $80醬汁均勻包裹肉片肉質Q彈有嚼勁，酸辣平衡，後勁帶酸甜🌟🌟🌟🌟🌟推介泰國奶茶 - $20順滑，溫度剛好茶香濃郁，奶味豐富，甜度適中芒果糯米飯 - $42糯米Q彈，芒果清甜多汁甜而不膩，芒果好香，清爽解膩

假期約左朋友係新蒲崗搵左間餐廳食泰國菜。餐廳係新蒲崗廣場2樓, 座位幾闊落。我哋叫左幾款食物, 冬蔭功雞肉金邊粉, 湯底濃郁, 酸辣惹味, 雞肉亦很嫩滑, 十分開胃醒神。泰式海鮮乾炒河, 蝦肉大隻彈牙, 河粉比較闊身煙韌, 炒得夠鑊隻, 食落好香口。酸辣無骨鳳爪, 有洋蔥, 西芹, 車厘茄等配料, 鳳爪好爽脆, 味道酸酸辣辣好開胃。酥炸紫菜魷魚, 魷魚包住紫菜炸得好酥脆, 咬落去煙韌彈牙。甜品叫左芒果糯米飯, 佢做成6粒雙色糯米飯, 擺盤精緻, 芒果亦十分鮮甜, 食完好滿足。下次如果去開啟德行街, 可以再黎呢間餐廳食。

好運泰國美食 地址: 新蒲崗祟齡街33號新蒲崗廣場2樓C38號舖電話: =====================去了買材料，而家好多舖頭都搬了去樓上舖同工廈，租金平呀嘛！入到商場仔入面，好有懷舊感覺，仲有好多間補習社。叫了香葉辣椒肉碎炒飯，個飯好惹味辣辣地，好濕潤架，有豬肉碎粒！再加多隻太陽蛋下飯，就極之有泰國街頭風味啦！出菜好快，唔洗等好耐就有得食，唔怕餓親飲品要了lime soda 夠氣微酸， 飲落好爽呀

呢區一向多小店, 試極都試唔完, 就算附近開左大型商場, 都係鐘情小店。經濟實惠之餘, 味道亦唔會一式一樣,今日終於試左呢間泰國菜，店內座位都幾闊落舒適。同朋友點了幾款小菜試試。泰式蠔仔煎蛋餅,並非普通蠔仔煎蛋, 食落好濃濃蛋香味，好有驚喜。每件蠔仔都大大粒無腥味。呢度炒菜可以自選配搭口味,好FLEXIBLE, 包括泰式，蒜蓉，清炒。最後都係選了最惹味的馬拉盞炒通菜(BB辣)。食落咸香味一流, 食到粒粒蝦米, 下次又試泰式炒芥蘭。炸蝦餅, 有別於外面的半圓切法, 呢度係切片, 較易入口, 而且食落有少少香料味, 很不錯~猶豫左好耐選擇紅/青/黃邊款咖哩, 主菜必需是大蜆/海鮮, 所以店員都係推介了黃咖哩炒大蜆~真材實料呀, 每隻蜆都大大隻, 配濃稠的黃咖哩汁好夾!有咖哩點少得蒜蓉包! 蒜蓉包有用牛油焗香, 就算未醮咖哩汁都已經脆卜卜十分好食, 配埋咖哩汁就更美味!飲品點了2杯泰式奶茶小冰~ 下次試下紅咖哩青咖哩！

黃咖喱海鮮🥘，本身就係非常鍾意食泰國菜嘅，我梗係唔少得叫呢個泰式嘅黃咖喱，朋友喺雞肉牛肉同埋海鮮之間就選擇咗海鮮，其實都好夾，有青口鮮蝦同埋魷魚！非常鍾意食佢嘅青口，食落去都幾好，而且鮮蝦我哋都覺得非常新鮮，味道都唔錯魷魚亦都非常有咬口，正 ！再加埋佢嘅香酥薄餅，非常鬆脆，而且同黃咖喱嘅味道都非常配搭得好好，整體同埋佢嘅價錢都唔係好貴，CP值非常高，大大碗咖喱再配搭埋薄餅其實已經差唔多好飽！泰式蟹肉煎蛋餅🥘，出邊食呢一個蛋餅起碼都要$100起跳，估唔到呢度只係需要$66就食到，而且份量嚟講都幾大份，充滿啖啖的蟹肉，非常好食！而且都做得非常厚身，咬落去嘅口感，所以都幾好，唔會話好薄！本身就非常鍾意食泰式蟹肉蛋餅，所以呢一個我覺得都非常值得推介俾大家！芒果糯米飯🥘，呢個係我最鍾意食嘅泰式甜品芒果糯米飯真係非常好食佢嘅芒果非常甜！而且唔會好酸！佢做咗做六粒唔同細細粒嘅糯米飯，成個擺盤都非常精緻，忍唔住即刻攞電話出嚟打卡！味道上嘢都做得唔錯！價錢嚟講，非常抵食.豬肉冬陰功湯粉 🥘，冬陰功嚟講唔算好難非常適合香港人嘅口味！加上佢本身有非常多嘅配料，令到成個湯底嘅口味都更加多元化！我本身都非常鍾意

今日去左新蒲崗圖書館, 係附近睇下有咩食, 原來商場2樓有間泰國菜, 午飯時間都幾多人食, 就入左去試下😆餐廳係小店格局, 但食物款式都幾多!湯粉, 飯, 小食都有👍🏻我地揀左:酥炸紫菜魷魚鬚: 見呢個小食幾特別, 魷魚鬚幾彈牙, 出面仲包住好香脆既外皮同紫菜🥰泰式湯河(豬頸肉,金邊粉): 豬頸肉份量超多, 個湯有少少辣, 金邊粉吸埋D湯汁, 好岩我口味!😊泰式海南雞飯:海南雞好嫩滑, 油飯都好香, 仲有三種醬汁,好好味!🤗仲叫左兩杯飲品:巨峰活乳酸梳打, 青檸梳打, 兩杯飲品都大大杯, 好清爽解渴😝