妙吉祥素食館 (已結業)

小弟次次去食, 都一定會叫。其他菜好一般，但這款素菜餃是我食過咁多間素菜館中最好的。有時都會買生的素菜餃回家自己用來煮hotpot或煮麵食...

婆婆生日, 一行十多人去吃, 南瓜海鮮翅好好味, 但西蘭花炒牛肉好咸.芓頭魚好正. 炒飯一般水準. 花枝片YUMMY.

昨晚相約朋友一同到妙吉祥食齋。食品質素真的不錯。我們點了一個南瓜海鮮翅，好好味，好甜。因為好多南瓜茸。另外叫了一個像真度極高的黑椒雞肉串燒。食落口真的好像吃雞肉串燒的，值得一試！

看似平平的素食店﹐食物質數卻非常不錯。少有素食無味精(我味精敏感﹐有味精的一定吃得出)。炒飯大碟頭又香又少油﹐芋頭魚軟硬適中。葡汁西蘭花都好味。服務態度平平﹐有友善的waiter卻有個好八婆的老闆。你若果三五知己一齊食的話﹐就大可以不理Service。別看鋪面幾乾淨﹐內面有一間間房﹐周圍都係未洗碗碟﹐還有虫仔周圍飛﹐檯布又可怕。若外面無位的話﹐也要等到有位先至好食。

久不久都會吃下齋，那天行完國貨就來到這裡。叫左粟米湯，鮮茄豆腐飯，南乳什菜煲。食品都ok的，不過湯就稀了點，番茄又唔夠"身"，只係茄還茄，汁還汁。通常食齋都無需特別要求，環境和衛生ok便可。當天真的與佛有緣，坐在佛檯前的一張檯，真"妙吉祥"Re麵包超人：那天我食到尾聲都有d新客入，d侍應都有講話就關門，關幾點云云，我想當就關門時，他們都有責任提醒客人幾點關門，由客人決定食唔食，你都唔想一坐下一會就埋來問"我地last order了"，又或者食食下，出面拉下一半鐵閘，以示不再入客。我想係講得無技巧，講者無意，聽者有心吧。左門口外吸煙？或是在室內？若街外吸煙也無罪吧？(暫時未立法)

間中都會嚟食吓 , d 食物幾好味, 我鍾意食法輪卷, 黑椒汁串燒xx (唔太記得全名) 同煎交魚(每次我都形容忽伙計聽, 佢o地就幫我寫單, 所以不太清楚餸名) . 個黑椒汁我覺得幾好o嫁. soup 都ok.個人覺得好食過六榕仙館.

前幾日,和家人到這裡吃晚飯,叫了套餐(四款);鮮茄腐球茄子(唔錯,好開胃,送飯最好);法輪素卷(幾好,可惜面的汁太多);三菇扒時蔬(唔多油,幾好);金菇節瓜素肉煲(金菇新鮮,素肉幾像真,好).食物真的不錯,比之前好多了;以前吃時很多油,感覺不大好,所以不多來;今次明顯少了很多,好.可能因為我們很晚才到,看見伙記已不大開心;之後再有兩個人到,他們已說差不多關門了,(好像叫他們不要吃,快D走)這樣的服務態度,還要在素食店,真是太差了.在門口還有兩個人在吸煙.在素食店吸煙?真是過份,請專重一下其他素食者.

唔好睇妙吉祥location 唔起眼,附近仲有nightclub 及垃圾站.佢食物真係好好,唔覺重味精.煎素餃,法輪卷都好好味,係出面食唔番咁有水準.菜唔油膩,價錢合理.menu 傳統得都有創意素食,素食愛好者must try!!!

佢d齋鹵味好搶手，試過幾次夜晚未夠7點已經買晒，今次好好彩，係窗口望到仲有，所以先至入去食。佢d齋鹵味真係好好味，而其他小菜又唔多油又大碟，好底食。