妹豬無激素雞專門店 (已結業)

妹豬主打無激素雞，每日限量有無激素認證嘅雞隻，即日整即日清，保證新鮮。佢哋嘅雞係用低溫煮～ 令雞肉更加嫩滑多汁。佢哋好多款式，但玫瑰油雞今日已經俾人訂晒結果我今日就試左：慢煮無骨滑雞飯同慢煮秘製沙薑雞飯。慢煮無骨滑雞飯（$88）：呢個係佢哋嘅招牌菜🤞🏻雞皮又薄又爽，最正係去咗骨，啖啖厚肉，啲雞肉係嫩滑又好Juicy，而醬汁係佢哋自家調製嘅甜醬油。慢煮秘製沙薑雞飯（$88）：一樣係去骨慢煮雞，配上沙薑醬，沙薑醬散發淡淡的沙薑香味，唔會太咸，用嚟送飯啱啱好。飯會配埋花生眉豆木瓜無激素雞老火湯，就算係送嘅都好出色。飲落好清甜，冇味精，飲完之後係唔會覺口喝～

🐣 #觀塘 #妹豬無激素雞專門店寧捨不同嘅無激素雞！ 觀塘友必食呢間雞飯！ 呢度嘅雞係經過慢煮處理，仲係無激素嘅，食落超級嫩滑，水潤！🐥 慢煮無骨滑雞飯 （$88）呢個係原味慢煮雞，個雞水潤滑溜，好滑好好味😋 仲配埋獨家調配嘅醬料，少少甜、少少辣，又香又好味！個飯仲溝咗啲紅米糙米，超健康！🌶 慢煮奇味口水雞飯 （$88）個雞飯係一樣嘅，但個醬就轉成都幾辣嘅口水雞醬，個醬都幾刺激幾麻㗎～ 🤩 鍾意食辣嘅人不能錯過！🥬 妹豬翠嫩菜心苗 （$18）洽菜芯苗嫩綠好食😋🥚 溏心蛋 （$9）今次嘅溏心蛋好有酒味😳

🐓慢煮無骨滑雞飯好味指數：👍🏻👍🏻👍🏻👍🏻👍🏻店家係採用有證書嘅無激素雞，食客都可以食得安心又放心。而且雞肉都係好嫩滑以及唔肥唔油膩，岩哂想補充下強白質但係又唔想食肥膏嘅女士們。呢一款口味嘅醬汁主調係甜豉油，配上蒜蓉及小許嘅辣椒。佢巧妙嘅地方就係，佢味道非常有層次，佢前調係甜豉油嘅香甜，後勁就帶一點點嘅辣，辣嘅程度係俾你感覺到少少然後就消散左，非常有趣。白飯同時加左藜麥，加強飽肚感。🐓慢煮秘製沙薑雞飯好味指數：👍🏻👍🏻👍🏻👍🏻唔同款嘅雞飯就係個醬汁唔同。呢款嘅沙薑汁係食到沙沙嘅口感同埋較重嘅雞味，薑味就唔太突出，不過如果想食得比較清少少，主要想食雞香味嘅朋友仔就可以簡佢啦。🥚糖心蛋好味指數：👍🏻👍🏻👍🏻👍🏻👍🏻質地上同平時食到嘅糖心蛋一樣，但係最令人驚喜嘅地方，就係佢嘅汁。店家應該係用左酒去調汁，入口先會有甜味，後勁係酒嘅回甘，真係好食又特別。🪑環境：店鋪設計好簡潔，俾人一種好寧靜舒適嘅感覺，適合1-4人入座。以下係餐牌俾大家參考一下：

-🔸慢煮露香醉雞翼 $68🔸慢煮玫瑰油雞飯 $88🔸慢煮秘製沙薑雞飯 $88-駱駝漆出名多嘢食，依間妹豬無激素雞專門店主打無激素雞，健康啲食落安心啲。妹豬出品嘅雞全部都以慢煮方式烹製，夾起已知道非常滑溜，食落嫩滑多汁好好味。沙薑醬汁同滑雞分開上，可以一次試到原味同沙薑兩款口味。玫瑰油雞色水好靚，食落都一樣咁嫩滑，但調味亦唔會鹹。跟餐附送嘅湯係自家製椰子雞湯，好足料鮮甜。叫多份醉雞翼小食，有六隻，好入味好好味😋

好耐無去駱駝漆大廈，早前去買啲嘢，原來轉咗唔少新舖頭，有啲仲係食肆，買完嘢，經過呢間主打無激素雞嘅專門店，橫掂有啲肚餓，就入咗去試下佢。舖頭細細，裝修簡約，創辦人無懼各種問題，不惜工本，堅持以無激素雞為食材，為嘅係想大家食得有益健康，她這份堅持，真係直得讚揚👍此店提供滑雞飯、沙薑雞飯、口水雞飯等菜式，以慢煮方法烹調無激素雞，我試咗慢煮無骨滑雞飯，的確唔錯，慢煑滑雞非常嫩滑，肉質有彈性得嚟唔會好硬，配上秘製醬汁，味道十分好，老闆仲送上愛心老火湯，好窩心噢🥰

今日lunch同同事去左駱駝漆覓食💖見到呢間食無激素雞嘅餐廳個餐廳名好搞笑🤭🤭入去裝修都好靚又舒服唔逼狹所以我地就揀左呢間食啦👍🏻-🧄🐔慢煮秘製沙薑雞飯 $88🌹🐣慢煮玫瑰油雞飯 $88（選轉永樂全蛋伊麵+$6）全部餐都會送一碗超足料嘅老火湯架入面仲有花生眉豆木瓜無激素雞～沙薑雞係原味雞加一碟砂薑汁😚致瑰油雞就係已經調好味嘅兩款雞都好滑仲去埋骨架😍😍-🥚溏心蛋 $9溏心蛋$9有成隻超抵🤩甜甜地好味仲有少少藥材味 可以養生喎～😌-紙包飲品 $4蘋果綠茶、冷泡烏龍茶

要係觀塘搵lunch食，今次試下呢間妹豬！主打慢煮無激素雞，配以唔同既口味！我同同事就叫左沙薑同埋奇味口水雞！醬汁係另上既，首先就試下雞件！全部都冇骨，而且仲好嫩滑，雞件本身已經調左味，所以唔沾醬汁已經好夠味同幾好味！跟住就試吓兩款醬汁，佢個沙薑醬比起出面嗰啲更香，因為出面嗰啲比較鹹，呢個真係食到沙薑本身嘅味道唔係食鹽！口水雞醬酸酸辣辣，辣度適中，都幾惹味！另外仲有溏心蛋，溏心既蛋黃好吸引，整體真係唔錯

朋友介紹駱駝漆新開左間食雞好好食嘅餐廳餐廳主打無激素慢煮雞餐廳主打係買雞飯有滑雞，玫瑰油雞，砂礓雞，口水雞飯每個飯嘅套餐都會送一碗新鮮煲嘅湯叫咗兩個套餐，一個係滑雞另一個係砂礓雞兩個汁醬都唔同，朋友想試下口水雞醬店員都安排一小碟品嘗首先套餐嘅雞份量都算多而且每件雞都冇骨啖啖肉之餘一啲都唔孩口每個套餐的湯都是新鮮煲今次係椰子粟米雞湯成日食飯都會跟凍飲但係呢一度要飲返碗靚湯個口水雞好惹味聽店員講係自己溝出嚟唔會好辣但係會好惹味追住食

慢煮無激素雞今日同朋友黎到觀塘搵好野食，見到間主打慢煮無激素雞，等我地試試佢。慢煮玫瑰油雞飯豉油雞整得咸香，慢煮雞肉嫩多汁，再沾特製玫瑰醬汁，十分美味。隨餐附送足料花生眉豆木瓜無激素雞老火湯，好滿足。慢煮奇味口水雞 配永樂全蛋伊麵口水雞非常惹味可口，不會過分辣。雞肉依然滑溜。伊麵分量十足，蛋味香濃，麵條爽口，面頭仲加有木魚碎。溏心蛋用酒浸過嘅溏心蛋，酒味濃郁。今餐食得好滿足，又有湯飲又有飯食。📍妹豬無激素雞專門店觀塘開源道60號駱駝漆大廈3座2樓E1室

Mui Chu Hormone free chicken🐓💉In case you didn’t know, we should avoid chicken with hormones because excess consumption can cause cancer (especially prone to women!) This restaurant specialises in hormone free chicken and comes with a selection of flavours! I chose soy sauce chicken and sand ginger chicken. Both came with a sauce to dip in. Both of the sauces were delicious but I personally prefer the soy sauce. It was a balance between sweet and salty😋 The chicken was very tender and fresh. The

間唔中都鐘意試下觀塘駱駝漆大廈啲新餐廳，今次就揾到間主打低溫慢煮原隻無激素雞嘅專門店！裝修以淺米白色同木系為主，光猛寬敞！呢度賣嘅雞都係天然長大無打針催谷，仲有證書認證無雌激素，真係食得安心又開心！慢煮秘製沙薑雞飯（$88）去骨雞件啖啖肉，皮爽肉滑，蘸埋秘製沙薑醬，沙薑味濃郁，加$6轉咗做冇鹽添加低納嘅永樂全蛋伊麵，麵質彈牙，食落有蛋香同麵粉香，配埋木魚絲更鮮美！慢煮奇味口水雞（$88）奇味口水雞醬味道酸辣又帶花生香，配滑雞超惹味！同老闆傾開計，醬汁都係自家調製，係出面食唔到嘅味道！而每客雞飯都送足料花生眉豆木瓜無激素雞老火湯，滋潤清甜！整體嚟講，呢間餐廳由用料開始已經好用心，下次要早啲嚟試埋限量玫瑰油雞！

我同朋友又去左工廈尋寶，呢間喺觀塘工廈嘅餐廳主打無激素雞，位置幾方便。打開餐牌，見到呢度既野貴精不貴多。今次點咗慢煮無骨滑雞飯同埋慢煮露香醉雞翼飯，無雞滑雞皮薄肉嫩，完全唔會油膩，配上加咗藜麥嘅飯，好健康。醉雞翼飯妹入味，食落去有好香嘅酒味，好正。我哋仲加咗糖心蛋，蛋黃係半流心嘅狀態。跟餐仲有足料花生眉豆木瓜無激素雞老火湯，好好飲。出街食飯都有湯水可以滋潤下真係好！呢度既汽水都係良心價，一罐忌廉都係6蚊，好抵。

朋友對飲食一向都好有要求，所以平日外出用膳都會盡量選擇一啲以健康為主題嘅餐廳，今日約我一齊食晏，就專登揀咗呢間主打無激素雞嘅專門店。聽朋友講，餐廳首創慢煮無激素雞，所採用嘅雞隻全部都係自然長大，期間無打針催谷，而且每隻都以低溫慢煮 2.5 hrs，再用真空包裝，令雞肉嘅營養同精華得以保存，所以絕對可以放心食用。選了兩款慢煮雞飯，另外再加兩隻溏心蛋。每個飯都會附送一碗椰子螺片無激素雞老火湯，碗湯好足料，味道鮮甜，完全沒有味精，而且火候十足，適合男女老幼飲用。慢煮無骨滑雞飯 ($88)，雞件選用了無激素雞，經慢煮後雞皮爽薄，雞肉嫩滑，甚至連雞胸位都入味不嚡，加上無骨，啖啖肉，好滋味。米飯加入了糙米同藜麥，提升白飯嘅營養價值，感覺更健康。至於另一客慢煮玫瑰油雞飯 ($88)  亦值得推介，雞肉滑嫩軟熟，保持到 Juicy 效果，而且最重要係豉油味香而不膩，入口又不會過鹹，配埋個帶淡淡玫瑰香嘅醬汁一齊食，味道一流！另加點嘅溏心蛋 ($9@)  都做得好有水準，蛋黃鮮紅，呈半熟流心狀，入口充滿蛋香，令人吃得相當滿意！

Lunch時間食，服務好好！叫左慢煮奇味口水雞飯$88加糖心蛋$9，送無味精足料椰子雞湯！雞肉非常嫩滑！口水雞醬汁就正正常常，唔太辣！椰子雞湯都好清甜，冇味精！齊體唔錯！附近返工都可以食，星期六日唔開。

[ 妹豬無激素雞專門店 ]觀塘又有新餐廳喇！仲要係好多美食嘅駱駝漆入面，見餐廳主打無激素雞🐔🐔✿ 慢煮奇味口水雞飯 $88慢煮雞好滑溜，雖然係雞胸部位，但一d都唔嚡口😲😲個口水汁都幾好味，食得出落咗d花生碎🥜幾香口又唔會超辣。Order雞飯仲會奉送足料花生眉豆木瓜無激素雞老火湯，清清地幾好飲，好有住家湯嘅感覺🏠✿ 慢煮玫瑰油雞飯 $88呢款雞整咗豉油雞為基礎，唔點醬汁都好夠味。但再配埋啖啖玫瑰香味嘅醬汁，更加出色，慢煮雞一樣好滑溜👅✿ 溏心蛋 $9定價都幾抵食，食落有微微嘅花雕酒味，幾香。總結🫦鐘意食雞要去試吓，慢煮雞真係做得唔錯👍🏻👍🏻飯方面用咗藜麥飯，健康之選。再配埋老火湯，夠哂飽肚。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿妹豬無激素雞專門店地址: 觀塘開源道60號駱駝漆大廈3座2樓E1室電話: 55442274✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿