姚姚酸菜魚 (港威商場)

营业中

休息中

無論喺香港定大陸嘅姚姚酸菜魚都已經食過好幾次，今日心血來潮再嚟😂一去到門口店員已經非常熱情招待我哋，啲姐姐特別友善，成個氣氛好好👍自行手機落單，揀咗好耐都冇人催😂幾好～最尾我哋今次冇叫到酸菜魚，因為次次都食，轉下其他嘢～～1.麻辣香鍋之前都試過姚姚嘅麻辣香鍋，無論喺大陸定香港分店都幾好食～今次我哋再encore🤩我地自行加左嫩牛肉、雞翼、花菜、四季豆、土豆5款菜，上到嚟已經大大碟～～超有食慾！嫩牛肉肉質都算嫩滑，而且都幾淋，仲好大片👍雞翼都係比較大隻，原隻雞翼上，而且有勁多隻😂花菜同四季豆配搭香鍋，菜的甜甜地中和咗個辣度❤️土豆係麻辣香鍋中必叫，軟軟糯糯好食🤤2.北京烤鴨（半隻）鴨皮非常香，仲係好脆好新鮮～～皮肉分離，而且鴨油香味好重，隻鴨嘅味道唔錯👍而佢嘅皮連蒸爐蓋上，防止啲皮散熱快，所以食到最尾都係熱～～隨鴨附送麻辣鴨骨（一鴨兩食），原本我哋都唔知有一鴨兩食，等於多咗一樣餸😂鴨骨麻麻辣辣都幾好食～飯後攞嚟做小食，傾吓偈，咬下骨😂😂雖然叫咗兩個餸，但係兩條友已經飽到飛起😂😂又係扶着牆走….有機會下次再嚟試吓其他嘢👍👍👍

最近去咗尖沙咀依間「姚姚酸菜魚」食晚飯，因為見到佢居然係同「美極®鮮辣汁」聯乘合作，本來我就好鍾意「美極®鮮醬油」，所以對佢哋嘅出品味道好好奇。*此餐廳收取加一服務費。麻辣香鍋麻辣鍋底加配鮮蝦、魷魚鬚、巴掌肥牛、四季豆、豬頸肉（單點$314），內有大量青椒、芫荽、花生、芝麻、辣椒，巴掌肥牛肉質肥瘦適中，略嫌肉質食落比較乾身，牛味濃厚；鮮蝦經過油炸之後，蝦殼口感香脆，可以直接食用，蝦肉肉質爽口，味道鮮甜；魷魚鬚肉質厚身，口感彈牙，食落有鮮味；豬頸肉食落有咬口，略嫌比較細碎；四季豆味道香辣。藤椒無骨鳳爪（單點$68），表面鋪有藤椒、指天椒、青花椒、芫荽，醬汁採用陳醋、花椒油製作，味道酸辣，無骨鳳爪食落啖啖肉，略嫌食落未夠入味，蓮藕口感爽脆。麻醬雞絲粉皮（單點$68），醬汁另上，麻醬表面鋪有芝麻，口感稠身，略嫌味道偏鹹，粉皮口感爽滑，建議逐少逐少蘸點麻醬會比較好，配以雞絲、青瓜食用，味道清爽。紅豆烏龍冰粉（單點$38），表面鋪有紅豆、花生、青葡萄乾、小丸子，略嫌小丸子口感比較硬實，冰粉口感滑溜，食落烏龍茶茶味清香。手打檸檬茶（單點$38），少甜少冰，採用四季檸檬製作，味道酸溜。凍低糖紫米豆漿

今日去咗位於港威商場嘅姚姚酸菜魚，入咗港威商場大概3分鐘就到！行完街過嚟食飯都好方便～一講起呢間餐廳就諗起招牌酸菜魚同埋美極麻辣香鍋午市套餐超值選有七款，我梗係揀佢哋嘅招牌姚姚酸菜魚配白飯啦，是日小食係酸辣土豆絲，仲有頭抽時蔬同埋手打檸檬茶～首先上咗薯仔絲同埋手打檸檬茶，薯仔絲麻麻辣辣，非常開胃，個面加咗少少芝麻，作為前菜真係一流～手打檸檬茶好fresh,特別叫咗少甜招牌酸菜魚嘅魚肉非常滑溜，配以鮮辣椒同埋辣椒乾、花椒、蒜頭🧄湯底「麻、辣、香、酸」魚片份量好多，已經去除晒所有魚骨～食晒條魚之後魚湯撈白飯就最正👍👍美極麻辣香鍋有超多款配料選擇～豐儉由人，我哋揀咗五個配料，有我最鍾意嘅寬薯粉條、田雞、巴掌肥牛、牛柏葉同埋魷魚鬚辣度選咗中辣～加咗美極鮮辣汁，食落好有風味，層次豐富，辣得好爽！麻辣爆炒牛肉同埋豬頸肉令人回味無窮，麻辣方面都平衡到田雞嘅肉非常滑，外皮好似走過油，保留肉質嘅滑嫩，另外值得一讚牛柏葉，炒得非常爽口最後以嘅甜品作結冰粉嘅面有酒糟、青提子乾、花生、黑芝麻、西米、椰奶，冰凍嘅冰粉可以解一解麻辣香鍋嘅辣味，份量偏多，所以兩個人食一碗就啱啱好

好多時食酸菜魚都會返大陸先食，一來價錢平，要來味道突出，感覺好地道，今晚來到海港城食晚飯，心血來潮試下在香港食國內連鎖店的酸菜魚，睇下個分別！餐廳食飯其中一個重要點就係環境，呢間餐廳嘅座位都好寬敞，都坐得非常之舒服，用咗tiffany blue嘅顏色嚟去做 branding，令人覺得舒服嘅感覺！ 一般中餐都好少用呢隻顏色，只能夠話佢哋集團咁大膽！由於我哋實在太肚餓，亦都擔心酸菜魚嘅份量好細，所以除咗點了酸菜魚之外，仲點多個麻辣香鍋！酸菜魚上枱後真係嚇親我哋，份量超級大！香鍋未來之前都好擔心會唔會食唔曬！佢哋嘅酸菜魚同其他國內大集團嘅有啲唔同，味道唔算太濃，酸菜比較酸，大大片好惹味好開胃，而辣味我哋點了小辣，剛剛好唔會太難而搶走本來嘅味道！魚嘅方面係用鱸魚，所以唔會有太大嘅腥味，而且又白又滑，仲好大片，啖啖肉！麻辣香鍋也超級大份，麻辣香鍋最為明顯，裏面嘅肉同菜食極都唔完，而佢最吸引我點佢嘅地方係因為喺menu上原來佢同美極crossover，所以真係想試下唔同風味嘅麻辣香鍋！食落口真係有美極麻辣汁個香味！我哋點了五樣菜式在麻辣香鍋上，包括有蓮藕，香酥肉，花菜，牛柏葉，同雞軟骨。呢啲菜式完

▫️其實bookmark咗呢間餐廳好耐，有時見朋友食酸菜魚好似好正，今次終於有朋友約我嚟呢度食飯，但係竟然唔係食酸菜魚，而係食佢哋新推廣嘅麻辣香鍋同埋片皮鴨😍其實呢兩樣嘢我都好鍾意食！✰麻辣香鍋（自選5款配菜起） $284▫️麻辣香鍋做緊promote，用「美極®鮮辣汁」製作，可以選麻度及辣度～ 我自己唔係好鍾意麻辣，就揀咗走麻。▫️自選5款配菜起，我哋揀咗嫩牛肉、雞軟骨、田雞、土豆、四季豆。▫️好惹味，我最鍾意係雞軟骨同四季豆。▫️食完呢個香鍋，有少少想去買支「美極®鮮辣汁」返屋企煮嘢食😍 味道唔錯！✰北京烤鴨（半隻） $188▫️竟然有片皮鴨食，仲可以嗌半隻！兩個人哋食飯都可以食片皮鴨😍 呢個價錢已經係二食，會有埋炒鴨殼。▫️佢哋嘅鴨皮脆而且有一層薄油脂，唔會太瘦，仲有一隻鴨髀一齊上😆▫️醬料除咗甜醬仲有砂糖🤤我食片皮鴨最鍾意有砂糖！✰椒麻皮蛋 $68▫️必食推薦小吃～ 皮蛋晶瑩剔透，蛋黃流心，勁好食！▫️醬汁甜甜地辣辣地，辣度唔高，屬於BB辣。✰新鮮水果烏龍茶 $48▫️唔會好甜嘅水果茶，茶味都幾香，有新鮮嘅西瓜粒菠蘿粒等等，清新豐富。💵2人食👩🏻‍🤝‍👨🏼人均$323.5。

今日lunch time去咗海港城嘅姚姚酸菜魚，發現咗個超靚嘅甜品，同大家分享吓今次嘅新驚喜！【爆香驚喜 - 菌香雞】$128一打開個煲蓋已經香氣撲鼻！成煲菌菇香氣同雞肉香完美混合，光係聞已經流晒口水！🤤個煲用料大方，雞肉嫩滑多汁，配上多款新鮮菌菇，每啖都係驚喜！啲菌菇仲要吸晒啲湯汁精華，食落香口彈牙！個底汁一流，配飯一流！💯【皇牌必食 - 北京烤鴨】$188皮脆肉嫩嘅正宗北京烤鴨！個鴨皮香脆無比，仲要油香四溢！啲肉質地軟嫩多汁，完全冇乾柴感！配埋佢哋特製嘅醬汁同蔥絲，捲入薄薄嘅班戟皮度，一啖咬落去層次感十足！😍【打卡甜品 - 彩虹烏龍冰粉】$68呢個甜品真係又靚又好食！賣相超級打卡，層層疊疊嘅配料整齊擺放，成碗彩虹咁靚！🌈每樣配料都有獨特口感：- 提子干 - 香甜有嚼勁- 黑芝麻 - 香濃粒粒有口感- 豆腐花 - 滑溜香甜- 紅豆 - 軟糯香甜- 酸奶 - 清新開胃- 酒釀 - 香甜醉人- 小丸子 - 軟糯有韌性最底層係香甜嘅烏龍冰粉，食落清甜解膩！個個配料都啱啱好，絕對係完美收尾嘅甜品之選！💝

今次我和朋友打算到尖沙咀，內地出名過江龍的酸菜魚店「姚姚酸菜魚」，Tiffany blue 做主題，食物的款式有特色，多款佳餚讓一眾嘴饞的食客品嚐。菌香雞煲份量十足，二人分量有半隻雞，雞煲帶香辣在鍋底散發開來，雞肉食落有咬口，辣椒和香料味道剛好，唔會太辣，非常入味。北京烤鴨（半隻）片皮鴨半隻，仲有一隻鴨髀，鴨油好香味，濃郁醇香，外皮香脆，口感彈牙，單單看樣子已經令人唾涎三尺。一鴨兩吃，另一食是炒鴨殼，肉質嫩滑，麻辣感幾好，味蕾上的歡慰。新鮮水果烏龍茶水果茶十分清新，茶味幾香，仲有切細的西瓜粒及菠蘿粒等，滑溜可口，讓人回味無窮。姚姚酸菜魚（尖沙咀）地址：尖沙咀廣東道3-27號 海港城港威商場二樓2307號舖

今日老公放假帶女女去海港城行玩具反斗城買生日禮物俾朋友仔行街之前緊係要去醫肚啦我今日想食酸菜魚所以老公提議去食姚姚酸菜魚一來有我想食既酸菜魚二來有健康搭夠既兒童餐俾女女姚姚酸菜魚二人份魚湯配上酸菜真係好開胃魚片每一塊都好大塊魚肉好嫩滑好在叫左小辣連女女都爭住要食😋涼拌萵筍絲清涼爽口既萵筍加埋麻油好岩天氣熱食兒童餐獅子頭套餐兒童餐配搭好健康菜、肉、蛋齊晒仲有一杯紫米豆漿水果烏龍茶水果茶配料好充足西瓜、百香果、菠蘿酸酸甜甜好解辣

最近秋風起🍂🍂🍂我突然想約我好朋友去食酸菜魚我即時就會想到姚姚酸菜魚 我本身對酸菜魚的魚片甚講究姚姚酸菜魚採用獲政府認證的新鮮鱸魚，由源頭直接採購，魚肉肉質非常細緻滑口，好有魚鮮味，而且不腥。其酸菜更採用正宗水東芥菜，經過24天發酵醃製，口感鮮爽，酸味十足，我也差不多喝了四大碗酸湯。 份量足，我這個比臉盆還大的姚姚酸菜魚(2人份)，湯汁醇厚、喝來醇厚又不油膩，帶來酸辣麻多汁的美味享受！ 對上一次曾經吃過麻辣肥鵝腸，今次就吃麻麻辣辣口水雞(足夠二人吃)，冰凍也不失雞味，口感豐富，帶來一口麻辣香。 飲品方面令人好有驚喜，其少甜版新鮮水果烏龍茶絕對好喝過外出普通的手搖茶，水果味和茶味的比例剛剛好。 甜品方面，再次吃多次彩虹烏龍冰粉，加上配料多。

今次想同大家介紹一間位於喺尖沙咀嘅酸菜魚，佢哋而家做緊優惠，所以超抵食😳而且佢位置都幾方便，最緊要係啲職員態度都好好✨海陸空套餐（$488）呢個套餐係二人套餐，不過雞髀覺得三個人都夠食😳我就揀咗酸菜魚加水煮牛肉！酸菜魚係鱸魚嚟嘅，魚肉好鮮，仲要冇骨🥳水煮牛肉啲牛肉都幾大塊，再配埋寬粉真係好餸飯🔥另外有跟埋片皮鴨，春卷皮係一籠龍上嘅，完全唔會黐埋一齊✨上到嚟都仲熱辣辣！北京填鴨啲皮燒得好脆，成個搭配埋一齊真係超好味🤍

位於尖沙咀海港城有一間中國過江龍的酸菜魚店，有朋友介紹說非常好吃。今晚就同介紹嘅朋友去一次。用Tiffany blue 來做餐廳主色，很有海洋的感覺，令人想起酸菜魚。入座後，店員會放下一大瓶茶給你自己添加，可以去除抄嘢食的油膩感。叫了兩人份的姚姚酸菜魚、小辣。加了寬薯粉條。 一來到超大盆，有蠟燭在魚下面加熱保溫，確保每吃一口魚都是熱熱的。不會感覺涼了就會變得很腥及魚質會變硬。上面更放了很多辣椒🌶️、葱花、海帶及芝麻，令湯底變得很香。另外，更叫了臘味抄飯。 店用將臘腸同潤腸切粒，再加雞蛋及葱花抄成一碟飯。抄飯粒粒分明，不會痴埋一團。好香很好味很有獲氣。平日很少餐廳有大盆花菜叫，難得有得叫。他們更加了豬肉一起抄。 豬油加葱段去抄白色的椰菜花，超好味。椰菜花吸收了豬油的香、吃上來不會沒味道、反而很惹味。

姚姚酸菜魚分量十足，上菜時用蠟燭助熱保暖，非常貼心。雖然叫左中辣，但應該有就返香港人口味，唔太辣。鱸魚片非常滑，而且完全冇骨冇刺。另外，仲可以根據個人喜好加配菜，萵筍片爽脆嘅口感，加上吸收左酸菜魚湯，非常美味。黃金脆炸小酥肉小酥肉新鮮即炸，外表黃金酥脆，入面肉質嫩滑不發柴，非常推薦！姚姚脆奶其實係炸鮮奶，外皮非常脆，入面嘅鮮奶好嫩滑，味道甜甜地，係一個幾好嘅飯後甜品。可惜上菜嘅時候碟炸鮮奶已經凍左，不過可以想象到新鮮炸起熱辣辣嘅時候會好好食。如果唔想咁遠返大陸，姚姚酸菜魚係香港食酸菜魚一個幾好嘅選擇。

天氣涼涼哋去咗食麻辣牛香鍋😎😎唔好以為姚姚酸菜魚得酸菜魚食，佢仲有好多其他正嘢㗎！好似我哋今日叫呢個麻辣牛香鍋個份量真係好十足，我仲揀咗幾款好好味嘅配料喺入邊，店員推薦牛柏葉真係非常入味，我自己揀咗千葉豆腐真係好正，魷魚鬚同呢個麻辣味都好夾，而家已經好掛住好想再食啦！除咗主菜之外，我哋叫咗兩個前菜都回味無窮，椒麻皮蛋唔算好辣，非常易入口，而且好入味，藤椒無骨鳳爪我媽媽就好鍾意啦，而且冇骨，唔驚老人家哽親！

今日經開尖沙咀，到午餐時間，同朋友討論緊食邊間好，突然諗到想食酸菜魚就食姚姚酸菜魚啦，以前真係為左呢間餐廳上深圳，排一兩小時都要食。而家過江龍到香港啦太好啦，太想念這酸菜魚的味道。餐廳在港威商場2/F，好易搵。我地2點到剛剛有卡位，坐得好舒服，座位寛闊，雖然近門口，但又有私隱度。我地2個人當然要點主打酸菜魚2人分量，好大盤新鮮鱸魚魚片滑溜且肉嫩鮮甜，其秘製湯底更是花足最少5小時熬制，配以經過醃製水東新酸菜，超級酸爽開胃！酸菜吸盡湯味，辣味滿口，口感爽脆。 可選辣或不辣，照顧到不嗜辣得人。另外我地還點了四川回鍋肉，我朋友最愛，麻香麻香，肉片肥瘦均勻，咬下去帶來豐富又飽滿的層次感。吃辣少不了凍飲，這杯鮮檸檬茶甘而不澀，飲落好清爽，而我就點了低糖豆漿，餐牌上的幾款豆漿都是低糖的，岩我口味酸菜魚一定要試呢間餐牌上仲有好多美食想試，無奈2個人食量不夠，下次再戰

放工來到了姚姚，食我最愛的酸菜魚。晚市時間人氣依然，點了$398的雞抱魚套餐。一次過可以滿足2個愿望！大大盤酸菜魚真係令人睇到都胃口大開，二人份量好足，魚片雪白又嫩滑，連魚頭都煎得好香！酸菜亦不可錯過，不會過酸，十分爽脆。配上一口清甜而富魚味的湯，帶點點葱香和芝麻香，真係單食魚都食得好開心，完全一解對酸菜魚的相思！套餐包了個涼菜，是麻辣土豆絲，但唔算辣，土豆絲爽脆，幾好食。菌香雞煲入面有半隻雞，份量二人分啱啱好。對於雞煲唔食辣的人，這個菌香好適合！醬汁好夠濃郁，有野菌香，仲有竹筍、木耳、洋葱等，炒得好惹味！雞肉唔算多骨，件件都夠肉，食得好滋味。最後當然要食個甜品，彩虹冰粉係首選，晶瑩剔透的冰粉帶茶香，撈埋配料一齊食，真係好味！正好清一清味蕾！呢個套餐抵食，推介！