威尼斯餐廳

营业中

休息中

今天跟朋友在大角嘴食午飯，之前朋友有食過一次，所以也推介食這間我們叫了牛利飯和龍蝦三文魚麵價錢也是$57食物質素很好，也有送湯如果下次有時間也會再來食的但地方較細，所以也等了20分鐘才有位

特登去大角咀搵下野食，經過呢間小店貌似不錯，晚餐價錢平，平均$70就可以食到一碟飯或意粉，其他餐廳因為要等位嘅關係，所以就入咗威尼斯餐廳醫肚😉 晚餐大概十款，但意粉或意大利飯嘅選擇就大部份都係忌廉汁，肉類有西冷，黑毛豬，羊架，所有餐都跟香草蜆肉忌廉湯同熱飲💥紐西蘭西冷牛扒配胡麻沙律，飯/意粉$118沙律菜新鮮，非常爽脆，配上胡麻汁剛剛好✨ 牛扒有2塊，2塊牛味淡，而且質素不一，其中一塊比較overcooked, 鞋身😅 意粉用左青椒同洋蔥炒，唔太油但好淡口，建議可以加蒜炒香意粉💥炭燒雞扒意大利飯$64好失望，雞扒並不是炭燒的，味道偏甜，而且肉質幾”梅”, 無應有的咬靭度，而且都多小肥膏😩意大利飯都煮到好淋，汁醬係好白嘅忌廉加芝士，食左半碟已經覺得好漏🥺總括而言，價錢平，但滿足唔到味蕾💥

呢間餐廳擁有家的感覺 🏡店內只有店員及廚師2人👫🏻食客好友善 會互相幫助 🧡小店味道比較淡/輕身住附近日日食都唔會覺得食左好多味精落肚👅🇮🇹臘味意大利黃金飯兩樣加埋好新奇 無諗到咁好食🦐蒜片海鮮意粉超足料 蜆肉 蟹柳 蝦 樣樣都好多炒起好香好好食🐖椒鹽雞骨腸呢個小食勁得意 腸好多汁拎住似食雞髀但其實係腸仔🦑日式汁燒魷魚燒得唔會老 好好食反而係最快食晒既野😂我幾中意呢到似我以前中學去個啲cafe安靜 野食又好食 又有人情味黎之前啲人話要等好耐先有野食我等左20分鐘左右一個人既廚房 即叫即做 我接受到再黎：🉐🉐🉐🉐🉐

呢間小店位於大角咀，店內座位唔多，最多坐20人左右。小店性價比真係好高，絕對係糧尾恩物而又唔洗待薄自己👍🏻♦ 咸牛脷鵝肝醬燴飯 $56 三大塊牛脷，淋身唔韌，有咸香。個飯有少少咬口唔會太淋！佢個汁亦煮得好好，仲有少少洋蔥口感，唔錯😋食哂成個飯都唔會覺得好膩。♦ 龍蝦汁煙三文魚闊麵 $54其實唔係好食得出龍蝦汁味😅 無驚喜不過好食，個闊麵煮得岩岩好，唔會太淋太厚，有口感佢其他食物小編試過都好唔錯，例如個炭燒雞肉芝士燴飯，下次有機會再食影相比大家！溫馨提示：如果你果日好趕時間⏰，又撞正係啲peak hour ，就建議你留返下次先黎食😅 因為小店只係兩個人打理，今次我入去食lunch時，目測自己近乎係全店最遲落單嘅客人，所以大約等左差唔多45分鐘食物先到🫣 但因為我本身唔趕時間，同埋有哂心理準備，所以先接受到😂

星期一入嚟食個lunch，點左餐之後見其他食客都係坐喺度未有嘢食，心知不妙。我哋點餐嗰陣佢都冇同我哋講話要等好耐，我哋等咗30幾分鐘之後終於忍唔住問佢，佢竟然話仲要等多最少10幾分鐘先有啊。普通人得一個鐘食lunch，已經用咗個幾鐘等嘢食，咁叫人點食啊？奉勸大家都係預咗有兩三個鐘會去食法國餐咁樣先好入嚟食個lunch。其實最過分係我哋點餐嘅時候佢都冇話我哋會等好耐，如果你真係整唔切可以預早講聲，但係要我哋乾等，然後一句聲都唔出真係接受唔到。

威尼斯餐廳 地址: 大角咀鐵樹街40號富多來新邨 2期地下89號舖今日亂咁入咗間CP值幾高嘅大角咀小店🤩，估唔到又係另外一間隱世美食～胡椒鴨墨汁意大利飯🦑$66胡椒鴨真心好好食，胡椒鴨唔單止啖啖肉，仲要係軟熟彈牙😚。意大利飯軟硬度適中，粒粒都比墨汁包住🤪，鹹鹹哋非常入味，而且口感嫩滑十足，正😍。香草帆立貝野菌長通粉🍝$62長通粉恰得岩岩好，好有嚼勁較乾身，鮮甜帶子清爽而不油膩嘅口感十足🤣，食落仲有少少似小炒味道，好特別呀，正🤩。忌廉蜆湯 (跟餐)🥣自家餐湯明顯同出面啲餐湯明顯好大分別🥳，呢到啲餐湯較滑身加上少少蜆肉粒，好有咬口，正😍。#nicefoodie大角咀----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy

之前途經附近，也沒有發現有這一間店；直至幾個月前，看見一條網路上的推薦影片，便決心要前來一試。早於一兩個月之前，曾經嘗試即場碰運氣，但是這間餐廳座位不多，大約有廿個左右；而且經過媒體報道，更加是一位難求。所以，碰巧這次打算光顧，便一早預先訂位。到達餐廳時，晚市剛開始不久，僅有一兩枱食客，故此馬上便可入座；店內空間一般，牆身掛上呼應餐廳名字的圖畫/相片，不過沒有侷促的感覺，可能食客仍算不多。由於工作人員只有兩至三人，如果時間趕急，自行考慮吓是否進入用餐，那天大約都需要15分鐘左右才陸續上菜。進入正題，那天我和友人各點選一款餐點，每一個餐點會奉送香草蜆肉忌廉湯，也會跟上一杯熱飲，凍飲需加錢。這是友人點的菜，基本上它有七成熟以上；不過友人口味偏向喜歡三至五成熟，所以美味與否，完全基於個人喜好，不過吃掉時需要一點牙力。另外這個是我選的，意大利飯熱辣辣端上，我個人認為唔會太乾身，水準不俗。總體而言，若果未曾試過光顧，個人認為可以一試。

之前睇IG見到有人推e間餐廳，睇相又幾吸引咁，就趁得閒特登去左試，果然無失望! 超級推薦佢哋既Risotto, creamy 軟硬度適中，豚肉整塊上，厚厚既咬落好滿足，絕對會再幫襯

之前同女友經過見到幾吸引有晚同女友終於去食啦！不過由於係得兩個人做嘅小店，所以出餐係好慢嘅，如果好肚餓可以叫完嘢食就叫佢地上湯先，我等義大利飯等左差唔多9個字個忌廉蜆湯既味係明顯親手調味過，同出面會明顯有分別，比較滑身而且都有好幾粒蜆肉！羊架正常唔太差，不過冇乜特別，冇得揀幾多成熟，不過上到嚟大概七成左右唔會太鞋。聽講意大利飯係名物就叫左胡椒鴨意大利飯，鴨胸就不過不失啦。重點係意大利飯 唔會太過淋，仲有啲咬口，而且每啖有菇、飯、洋蔥。口感好豐富！值得一提係杯凍奶茶，似泰式奶荼感覺但又唔係好甜！埋單兩個人加埋先$150左右，物超所值！

大角咀呢間西餐廳，鋪仔細細，見到好多人話係佢哋由細食到大嘅小店，抵食又好食，嚟到附近冇理由唔試下！🍴香草蜆肉忌廉湯 跟餐送似普通港式西餐嘅白湯，但creamy啲同冇咁咸，覺得似落咗奶，蜆肉都幾多，ok嘅。🍴紐西蘭西冷牛扒 (可配沙律，意粉或飯) $108免加一牛扒份量都足，鍾意佢可以配沙律，唔會好heavy，沙律生菜都爽脆，幾新鮮，牛扒調味剛好，肉質偏硬但唔鞋口，煎到五成熟，牛味唔濃，咁價錢真係已經好ok，好過港式扒房鬆肉扒！配上芥末醬都幾唔錯！🍴凍檸茶 加$3正常檸茶，都幾大杯！推薦指數: 8/10CP值高，真心冇得用高級西餐嘅味道去比較，味道正常ok，但都幾唔錯，用心小店。

💛💛💛威尼斯餐廳💛💛💛食左無數次，係時候打下食評啦😌。點解食咁多次？因為平得黎食物質素又幾好。注意返：如果你食好多野，可能要額外加小食或甜品😂。晚餐包前菜沙律、餐湯、主菜、飲品。前菜 - 沙律有爆多胡麻醬，可能因為我好鍾意食胡麻醬，所以好岩我食。幫襯咁多次，所有沙律菜都好新鮮。餐湯 - 香草蜆肉忌廉湯好濃架好Cream架，好鍾意佢每次都係忌廉湯🥰。香草烤羊架（跟埋一碗意粉）$108好！大！份！肉！調味好好💗，好食就緊係架啦，每次啲肉都唔會好鞋口，無乜筋位🤟🏻。仲有多啲菜拌碟，健康。不過有一個問題係永遠個碟都好細，料多係好事，但每次都要好小心驚跌食物出街😂。意粉軟硬度岩岩好，不過唔鍾意有青椒同紅椒。如果唔岩食既，記得走啊！煙三文魚忌廉闊麵 $62好多好多好多煙三文魚，多到我食晒啲闊麵麵未食完啲煙三文魚😍。都係果句啦調味好好，不過唔知點解嗰啲忌廉多到好似忌廉湯咁樣，所以係浸住左啲麵😂。有啲奇怪，是但啦好食就得啦。本身無青椒同紅椒，所以唔洗走🤟🏻。埋單$170（無加一）

#威尼斯餐廳💛依一間真係私心推介😋😋而且係男小編中學食到而家都一直幫襯🤤🤤不斷帶朋友去食都話好好味嘅一間店👍🏻前幾個月終於表態係黃店所以即刻推介俾大家不過講明先👀佢出菜嘅時間好慢好慢好慢‼️‼️如果你lunch time得1個鐘嘅話真係唔好揀依間依間🙈或者你食完野急住有嘢做都盡量唔好揀依間🙈因為小店得老闆同埋佢另一半兩個人做 所以無論係執枱上菜或者沖嘢飲都好耐（啱啱大概等咗45分鐘先上完兩個飯💫even有一次見到有一個顧客提早嗌外賣都等咗一個鐘先拎到😂😂）環境🤩環境方面都冇乜嘢特別 一下望到晒💛座位比較逼夾 基本上你只要坐咗個人 隨身嘅背囊或者袋就要放地下👀👀所以只係適合兩至三個人一齊食（同埋如果你多人嘅話一定要等得仲耐）🙊黎到重頭戲食物方面 輕輕介紹返餐廳主打意大利飯或者意粉個類🤩🤩小編依度大大力推薦A餐A餐A餐‼️‼️‼️‼️$52 呢個價錢來講A餐真係冇得輸🤤🤤A餐：黑松露岩雞芝士繪飯 $52💰 （9/10）唔知大家細個有冇食過嗰一隻急凍岩燒雞肉串😚A餐個雞就exactly係依個味❤️但係因為佢係成塊雞扒嘅關係所以香味更加突出🤤🤤另外口感相比雞肉串更加質嫩爽口 比到你大大啖肉嘅感覺🤩🤩淨係雞來

真係Happy Friday 食到又抵又好食嘅野係門口睇到個餐牌已經好抵，怪唔得裡面坐滿人啦。等左10分鐘左右有位，但我已經諗好要食咩啦。一入去即刻叫得叫左兩個餐再加左d野食，餐全部都跟忌廉蜆湯＋包熱飲一黎個忌廉蜆湯已經覺得幾好飲，好滑，比出面跟餐嘅白湯好飲得多西班牙黑毛豬 $98 (跟胡麻沙律+飯或意粉) 但呢度原來可以＋$20 轉意大利飯黑毛豬好香，有d似漢堡扒味，幾入味，中等size唔細塊，配左個日本醋汁又幾好味好開胃。我加左$20轉既意大利飯，竟然係我全餐既high light. 個飯唔太淋剛剛好，相信係忌廉加芝士煮，非常creamy, 好好味😋😋😋雪場蟹棒忌廉意粉 $60呢個味道唔差，似忌廉湯意粉多d, 份量都ok. 不過我都係鍾意個意大利飯多d另外我地仲加左 4樣小食同甜品都好抵黑松露炒滑蛋$28 (好滑) 椒鹽雞骨腸$22/2pcs 紐約芝士蛋糕$18 (好食) 千層蛋糕$22 (雪得太硬，有d似雪糕，但味道ok) 食左咁多野都係$278（又抵又飽又好食)我諗我會經常黎食飯睇到lunch menu都幾啱我😋

大角咀一向多餐廳選擇，而且夠多元化咩菜式都有。不過講到食西式野，我間唔中都會黎幫襯依間威尼斯餐廳。佢係一間好細嘅鋪，最多都淨係坐大概五六檯客，所以如果成班人多嘅話，無咁適合黎依度食。中午lunch set，有八款選擇，無論係想食意粉或者燴飯都有得揀，不過依八款通常就固定左，每日黎都係依幾樣。我食過幾次risotto，覺得幾唔錯。今次叫左胡椒鴨墨汁意大利飯($50)，包一杯飲品或者餐湯。因為間鋪真係好細，係one-man kitchen，試過有次係朋友差唔多食完，我嗰碟先黎到，所以等得耐唔耐其實都好睇運氣，好彩今次黎等左10分鐘左右已經有得食。我覺得佢啲飯嘅分量都幾足，大大碟。胡椒鴨其實即係鴨胸，煮得好香口，啲飯都好濕潤又唔會煮得好淋，口感唔錯，墨魚汁好香濃，每粒飯都沾滿墨魚汁，好好食。雖然食依個飯比較麻煩，好容易食到成嘴黑色，但係真心覺得好味，cp值又高，推薦大家試下👍

餐廳不大，座位大概十幾二十晚市回復堂食的第二晚，約七時客人約6-7個，我們可能係第8、9 叫左兩個餐1. 煎黑毛豬配沙律（另選意粉或飯）$982. 煙三文魚忌廉汁闊意粉 $60 連蜆肉忌廉湯及飲品（凍飲加3元） 黑毛豬扒肥瘦均勻，煎得香而juicy沙律菜新鮮到我坐對面都聽到爽脆soksok聲幼意粉一碗，用心炒過，內有配料如菇及洋蔥；煙三文魚三大片忌廉汁帶甜，好味！唔會太杰，剛好闊麵比較軟身有配菜如菇、青椒絲、洋蔥絲，豐富 湯就冇乜特別，蜆肉幾多但好似有少少沙我飲凍朱，冇特別 職員非常的親切有禮每句說話都有笑意配一大幅威尼斯掛畫朋友又講下當地旅行既經歷....原來堂食係咁美好願好人都一生平安、身體健康