威爾斯親王醫院飯堂

营业中

休息中

今日去醫院做野，打算食個靚早餐食，俾完錢之後，行去交飛取食物，放低飛之後見到個經理開始夾食物，點知佢個夾跌咗落隻蛋度整穿左，不過佢好似睇唔到照俾我，我見到佢個盤明明仲有一隻完好既蛋，服務態度真係差，起碼問聲我要唔要換隻蛋，下次都唔會食😩

唔記得買早餐，隨便去左呢開買左餐蛋治，本身冇乜期待，但係食落幾好食，比我expectation 高。咁岩我個個餐蛋治係即整，個炒蛋煎得好香，午餐都有煎香。仲叫左杯奶茶少甜，真係俾左少甜，如果唔記得買早餐都可以選擇呢個

因為睇醫生人多，食唔到早餐，只能快快到餐廳食飯，再去攞葯。來到都快下午茶時段，很多菜式都沒有，沒有收起餐牌，要點餐先知無。3個收銀櫃，2個坐著叫人過其中一個櫃點菜。無選擇之下只好叫焗飯，咸蛋黃焗豬豚肉 HKD54，跟熱飲，凍飲要加HKD3.5。焗飯是微暖不熱，豬豚肉入口肉質係梅，無味，飯口感係淋同散，最重要無咸蛋味得醬汁味，真心係求奇整個焗飯一樣，食左幾口飯，要走去問職員呢個係咪咸蛋黃焗豬豚肉飯，職員話無錯。最後杯凍檸檬茶味道還可以。

相信冇人想係醫院食野，但有時特別情況下，都冇辦法。呢間扮明係大家樂，但質量同街差一大截，價錢仲要貴過出面，其實有時都唔明， 佢地點解可以咁貴，入公家醫院，食餐飯都唔平。如果係醫管居收租貴， 食物都要對得住價錢。中午因為要比醫護人員食， 病人就要去旁邊個間房仔，又冇咩冷氣，大熱天時， 真係百味齊放， 飯味加汗味，真係啖啖香香。 當然明白醫護人員辛苦，我都贊成佢地咁分時段，只是病人或探訪客間房，不是坐監，比既錢仲貴d, 係唔係要好少少，清潔同空氣流通是基本的。我今日食早餐， 工作人員一路做，一路傾， 整到條龍長到😰。 叫個火腿通粉，一d都唔熱，雞扎成$20碟，都比d誠意先得架， 冬菇火腿都冇，蒸到霉晒。醫院食野主打清淡冇問題，唔係水煮， 比少少誠意啦。

今日黎抽血，抽完血梗係要補返先得啦，所以來到這裡諗住食個早餐先，當一個人病的話，就會發現其實醫院canteen的早餐唔係太健康 ，我揀了好耐先搵到一個蕃茄肉碎煎蛋通粉比較健康一點。所以就叫了這款早餐。個蕃茄通粉都幾多蕃茄醬，帶有少少酸，應該落左一點茄汁煮，但味道都幾好的。肉碎切得好碎，冇口感可言，好彩仲有隻煎蛋食下，通粉用上扭扭有條紋的通粉，雖然我唔鐘意食有紋通粉，但用作蕃茄醬上，可以掛到醬汁一齊食，味道唔錯，通粉唔會好腍，恰度好處，配埋杯熱檸水，係一個不錯的配搭！如果想在醫院飯堂想食得健康一點，呢個餐都係不錯算擇！

今日去完探病，但因為趕住返工，想快快食個午飯，就不發其想在醫院飯堂食，聽講這裡的燒味飯都好搶手，所以我都不放過，本來點選叉燒切雞飯，但切雞早早賣清，要轉油雞，所以變了叉燒油雞飯，碟頭不少，份量也算多，叉燒雖然唔係最好的部份，但都總算易咬，味道適中，油雞不肥，還有生菜配搭，飯的份量也多，如果嫌太多可以叫少飯。額外叫了一杯檸檬茶，茶味都夠香，檸檬份量夠，啱我鐘意多檸檬的人。有好多人覺得醫院飯堂的飯不好吃，但我覺得倒不是，在醫院裡，還有這個質素都尚算不錯了！

I’ve eaten here for many times and honestly it’s definitely not cheap withOUT the staff discount. A rice set without drinks can cost up to $40 during lunch time and there’s always a long queue.I ordered the fried eggs & fish rice the other day and waited for my order number to appear on the screen. 10 minutes passed, and this plate of food was what I got... Needless to say, it’s definitely NOT what I ordered but I ate it anyway as I didn’t want to wait for another 10min or so.The tomato sauce, l

今日呢個雞札真係令我忍唔住要打篇食評我見識少，真係第一次見包住蟹柳嘅雞札平時已經冇啖好食本來新加咗炒蛋都幾正！賣相幾靚幾吸引但上次食過一次好咸，係勁咸！所以怕咗今次呢個雞札就味淡，包住奇怪嘅蟹柳同超薄嘅豬皮同冇味嘅雞肉同全舊最好食嘅粟米真係夠曬有新鮮感！本來有部凍水機，壞咗好耐之後直情消失埋熱水機就長期有一部係壞Lunch嘅兩餸同dinner嘅差天共地夜晚試過見到2餸嘅餐牌係1.火腿炒蛋，2.火腿炒蛋 3.炒椰菜仲衰過d病人餐。。。。。下次有機會影呢d咁新奇嘅餐牌比大家參考參考

威爾斯親王醫院職工飯堂，由泛亞飲食集團承辦單位的，他們負責醫管局職員、中大醫學院員工和非穿著病人服飾的住院病患者提供服務。只允許非穿病服患者入內進餐，機構單位主要防止病毒交叉感染風險管理。以前，駐院醫生多數結領帶上班，在非典疫情爆發後，他們也調整了服飾。泛亞即叫即炒飯有足夠鑊氣，沒有沉疊疊的食油，醬料恰到好處，飯後沒囗渴症狀。我未嚐過他們大㕑房食物，皆因與大家樂連鎖式快餐店共同是中央採購食材和烹調方式都是這樣啊！只有即叫即炒方能見厨師真章和該區域經理的管理能力。

地点：可以从李嘉诚专科诊所北翼二楼玻璃门出来，医院的职员通常会知道这个地方，并且来餐厅吃饭的有半数左右是职员。不过从餐厅外面是没有任何招牌的，如果没有仔细看，不会知道这里有一个餐厅。餐厅要求穿病号服的人不能入内。虽然人较多，但是还有一些位置。点菜也不需要等很久，菜式与大家乐等餐厅比较接近，素食和肉食都有，整体来看比较健康。价钱实惠。唯一美中不足的是，服务比较普通，柜台并不会帮我们倒水，也不会提供餐具，要自己到旁边拿。

30-9-2016(Fri)睇完醫生後要照X光,由於時間緊迫,而且一個人,咁唔走出去,o係呢o度飯堂食啦.o黎到,o岩o岩撞正醫院員工食飯時間,攔o左一個好細o既角落俾訪客用膳,我行到去睇,餐牌得好少款式,我要$33.00 o既雪菜雙菇豆腐飯,收銀收o左錢後,就一腳踢舀飯同餸俾客人,客人自己拎餐具同水.我坐低後開餐啦,飯餸好似好多,其實唔係,食落,豆腐都叫做滑o既,雙菇就有一大舊冬菇同幾片草菇,我食唔出菇味, 雪菜亦唔鹹.我食完成個飯都唔夠飽,太過份啦.於是買多份三文治啦,要$15.50o既吞拿魚三文治,點知遇成間飯堂開放返,o係我唔知o既情況下,問收銀要杯水,佢態度變得麻麻話自己去o個o度斟.買完斟完又坐低,睇吓件三文治餡幾薄弱?吞拿魚生菜都少,味道唔濃,口感就係吞拿魚o既濕.服務:唔知個收銀唔願做定睇人,我同佢講要雪菜雙菇豆腐飯,佢開頭冇反應,之後收錢,然後舀飯同餸,餸係粟米肉粒,我話我要雪菜雙菇豆腐,佢話以為我要粟米肉粒.冇心工作就冇心工作啦.環境:範圍細,好擠迫,有啲似當病人同病人家屬係乞兒.

今天放工後，直接到這醫院，剛好趕及探病時間。在離開病房前，已向醫護人員打聽，餐廳有何好介紹。原來太遲到達餐廳，食物款式的選擇就較少。所以7點30分後，大家馬上到醫院餐廳晚餐。果然，真係有部份食物賣完了。朋友本想要燒腩飯，無燒腩，唯有改為其他。自己想清淡一點，選了個米線。朋友的食物已到手了，自己還要等候。先取餐具及水杯。這裡的餐具有漬，還附有食物殘渣，真係要６一６，捽一捽。　等待期間，朋友分了部份食物給我。雞肉滑，燒鴨也很好味。只因太肚餓了！　三寶魚腐湯河粉 　　HKD 38　等了超過十分鐘了，才可取得河粉。有魚片X3，魚腐X3，墨魚丸X3，果然是三寶。湯底不算太味精，配上滑滑河粉。對女生來講，湯河份量頗大。　也許自己太肚餓了，面對這平平無奇的湯河，竟然覺得很美味，把湯河吃光了。　　熱奶茶　有茶香，入口有茶味，夠醇，讓人意料不及。　　　　極餓之時，什麼都覺得很美味！

25-5-2016 (Wed)又要到醫院接受治療,呢次大哥大嫂依然陪同,由於時間有啲急,我o地就o黎醫院飯堂食啦.我決定要好似$30.00o既南瓜鹹蛋蒸肉餅燕麥飯,加$9.00要紅豆冰.我負責搵位,搵到張冇人執o既四人枱,佢o地買同拎o黎,我執好o野,冇耐佢o地就到喇,佢o地兩個, 一人叫一個兩餸飯,咁就食勻四個餸啦.我o既南瓜鹹蛋蒸肉餅燕麥飯俾o左包辣椒醬,反而唔係豉油.先飲紅豆冰,紅豆好夠腍,甜度又適中,幾好飲. 味道: 5分之後食,南瓜鹹蛋蒸肉餅燕麥飯,鹹蛋有半隻,南瓜同燕麥唔多,鹹多黃幾紅,味道又唔太鹹,肉餅中有魷魚,味道同隸唔太鹹,肉餅鬆軟,係唔錯.飯o既軟硬亦鬆軟,唔錯.味道: 4分服務:大哥拎佢o地其中一個餐o黎後,又行返轉頭問我見唔見到有張飛?我o地搵,冇.佢同大嫂拎完o野o黎坐低,仍討論話飛呢件事,應該係職員自己收o左唔記得又問啦.2.5分其他:呢o度係自助形式,連餐具,水都要自己拎,而食完後個餐盤都要自己擺去餐車,但我發現好多人冇咁做,包括醫院o既工作人員.

今日路經此地有緣試了一次餐廳外帶,餐上的款式不少~最後決定簡單一D,試左個鮮茄牛肉粒少飯,加個羅宋湯上到OFFICE 坐下一打開~真係個心都離一離呀~好難相信眼前的事實鮮茄牛肉粒少飯 - 鮮茄牛肉粒,見到一大盒的漿汁,當中搵唔到半件鮮茄,用心細搵就發現唔到廿小塊,每塊有半隻尾指指頭大般的牛肉粒,仲有一D配菜...入口啖而無味,唔知以為係病人用餐...因知自己一向唔好食飯,所以再三叮囑要少飯,居然都有呢個份量.會太過份嗎?!羅宋湯 - 一打開碗蓋更覺驚訝~淡紅色的水面浮著3,5,7片的洋蔥片,試飲一淡,感覺就好似飲老麥茄汁加水的味况~實在難以再試第二啖,終於...為左自己的胃子~要做出少少浪費其實我明明喺職員餐廳買,係有比錢買正常餐的啊~..總括黎講..算係見識過佢的出品~可見的未來相信唔會再見,真心希望佢地他日可以有所進步

文迪入院的第二個晚上, 我當然又回到威院探望兼打氣. 由於小吉還未有出世的跡象, 文迪還是要留在產前病房. 這個是漫長的等待時間, 由F座的產前病房, 走到E座的待產房, 不用十秒, 但原來真正要由F座到E座, 是要那麼久的. 當然, 進入了待產房, 還要繼續等待接近十小時才是真正進入產房的時候, 文迪跟小吉辛苦了.這個晚上, 就跟文迪一同來到威院的飯堂晚飯. 當然, 文迪只是來坐坐, 她一早已經吃了相當健康的醫院餐. 其實這裡是由大家樂經營, 不過價位就比較便宜.乾炒牛河 $32: 6分, 即叫即炒, 自然是熱辣辣的, 但就炒得相當之油, 越吃越覺得油膩. 反而牛肉算是不錯, 起碼不會太實. 一客$32, 其實也算交足功課了.凍肧芽好立克 $9: 7分, 另加一杯凍肧芽好立克, 也是很便宜的價位. 要了少甜, 甜度是比較輕宜, 肧芽份量不少, 這幾天常在外四圍跑, 喝得健康一點, 也好.常常聽說待產的爸爸是很無用, 不能夠在甚麼事情幫上忙, 經過這幾天, 我也要同意這說法了. 唯有每天晚上來到威院打打氣, 讓文迪跟小吉不會感到孤單. 這個晚上, 能夠一同在威院飯堂吃晚飯, 相聚的時候