威爾斯親王醫院飯堂

营业中

休息中

相信冇人想系医院食野，但有时特别情况下，都冇办法。呢间扮明系大家乐，但质量同街差一大截，价钱仲要贵过出面，其实有时都唔明， 佢地点解可以咁贵，入公家医院，食餐饭都唔平。如果系医管居收租贵， 食物都要对得住价钱。中午因为要比医护人员食， 病人就要去旁边个间房仔，又冇咩冷气，大热天时， 真系百味齐放， 饭味加汗味，真系啖啖香香。 当然明白医护人员辛苦，我都赞成佢地咁分时段，只是病人或探访客间房，不是坐监，比既钱仲贵d, 系唔系要好少少，清洁同空气流通是基本的。我今日食早餐， 工作人员一路做，一路倾， 整到条龙长到😰。 叫个火腿通粉，一d都唔热，鸡扎成$20碟，都比d诚意先得架， 冬菇火腿都冇，蒸到霉晒。医院食野主打清淡冇问题，唔系水煮， 比少少诚意啦。